11/10/2025
Boosaaso: Guddoomiyaha Golaha Deegaanka ahna Duqa Degmada Boosaaso, Dr. Abdirahman Abdullahi Ali, ayaa caawa daahfuray Koobka 16-ka Laamood ee Xaafadaha Magaalada Boosaaso, kaas oo si rasmi ah u furmi doona maalinta berri ah.
Munaasabadda daahfurka ayaa waxaa ka soo qaybgalay xildhibaano ka tirsan Golaha Deegaanka, Taliye Ku-xigeenka Qaybta Gobolka Bari, Khalid Ukun, Guddoomiye Ku-xigeenka Xiriirka Kubadda Cagta Puntland, Maxamed Ismaaciil (Cunaaaye), iyo Guddoomiyaha Dhalinyarada iyo Ciyaaraha Gobolka Bari, Muuse Wood (Darbaal).
Koobkan ayaa lagu xoojinayaa isku-xirka dhalinyarada xaafadaha, kor u qaadidda isboortig ,wadajirka bulshada, dhiirrigelinta ciyaaraha nabadda iyo isdhexgalka bulshada ee magaalada Boosaaso.
Duqa Degmada Boosaaso, Dr. Abdirahman Abdullahi Ali ayaa sheegay in maamulka degmada uu mar walba garab taagan yahay dhalinyarada iyo horumarinta ciyaaraha, isaga oo ku baaqay in tartanka lagu ciyaaro si nabad iyo is-xurmad leh.
