Hargeisa Daily

Hargeisa Daily Hargeisa Daily is a Somali Youtube Channel Dedicated for posting News, Entertainment, Music, Comedy

Weriyihii Baahiyey Maansadii Abwaan Jiheeye Ku Habaaray Madaxweyne Cirro Oo Looga Yeedhay Xarunta Ciidamada Dambi-baadhi...
28/08/2026

Weriyihii Baahiyey Maansadii Abwaan Jiheeye Ku Habaaray Madaxweyne Cirro Oo Looga Yeedhay Xarunta Ciidamada Dambi-baadhista Booliska Ee Hargeysa.

Hargeysa (Maal Tv) - Ciidamada dambi-baadhista (C.I.D), ayaa xaruntooda ugu yeedhay Weriye Cabdiqani Baylood oo ka mid ah suxufiyiinta fadhihoodu yahay Magaalada Hargeysa.

Weriye Cabdiqani Baylood oo Wararka ku baahiyaha baraha bulshada, ayaa Xalay baahiyey Waraysi uu ka qaaday Abwaan Ismaaciil Jiheeye oo Maanso ku habaaray Madaxweyne Cirro oo uu ku eedeeyay inuu awood dawladeed kaga qaaday dhul uu ku lahaa Magaalada Hargeysa.

Maansada Habaarka ah ee uu baahiyey Weriye Baylood oo aad dadka ugu dhex faaftay, ayaa loo malaynayaa in C.I.D-du wax ka waydiisay tebinteeda, wallow aan Maal Tv xaqiijin karin su'aalaha Weriyaha la waydiiyey.

Ciidanka C.I.D oo ka mid ah Ciidanka Booliska JSL, ayaa magacoodu dhegaha dadka ku batay inta Xukuumadda Madaxweyne Cirro qabatay xukunka Somaliland.

Hargaysa:Ninkii Intuu Is Gubay Gabadhi Ay Wada Sheekaysan Jireena Gubay+ Xaladoda Oo HalisaHargaysa Nin Ayaa Intuu Isgub...
28/07/2026

Hargaysa:Ninkii Intuu Is Gubay Gabadhi Ay Wada Sheekaysan Jireena Gubay+ Xaladoda Oo Halisa

Hargaysa Nin Ayaa Intuu Isgubay Ka Dibna Gubay Gabadhii Ay Xidhiidhka Wada Lahayeen

Hargeysa: Gabadh dhalinyaro ah oo lagu magacaabo Salma Cabdirisaaq Cismaan (Salma Aburaas) ayaa ku jirta xaalad caafimaad oo aad u culus, ka dib markii la sheegay in uu si ula kac ah dab ugu gubay wiil ay h**e xidhiidh u lahaayeen, kaas oo isaguna markii dambe is-gubay waxanay tala cisbitaalka wa ee hargays siday nosheegeen dad xogogaale.

Waxanay Dad xogogaali Noo sheegeen Inuu Doonayay Inay Wada Dhintaan Kadibna Intuu Is Gubay Inantina Uu Ku Dhagay Sidaana Ay Ku Wada Gubteen

Dad Looga Qatena Ayaa Noo sheegay In Isaguna Cisbitaal Barayfada Uu Yaalo Oo Lagu dawaynayo islamarkana askar ay ku ilalinayaan iyadoo laga baqayo ehelka gabadhu inay soo weraraan

Sidoo Kale Wararka laga helayo dhacdadan ayaa sheegaya in sababta falkaasi lala xidhiidhinayo muran ka dhashay xidhiidhkooda, iyadoo la sheegay in gabadhu ay ka xannibtay (block) baraha bulshada.
Arrintan ayaa ka dhalisay baraha bulshada murugo iyo hadal-hayn ballaadhan, oo dhacdadan naxdinta le la xidhiidha..

Salma oo ah inantan la guba ayaa h**e uga soo shaqaysay shirkado kala duwan ,waxaana lagu tilmaamaa gabadh dadaal badan oo mustaqbal wanaagsan lahayd.

Haatan waxay u baahan tahay daryeel caafimaad oo joogto ah, iyadoo xaaladdeeda ay si weyn uga naxeen bulshada.

Dhacdadan murugada leh waxay mar kale iftiimisay muhiimadda ay leedahay in dadka xidhiidhada samaysanaya ay ka taxaddaraan calaamadaha muujin kara dhibaatooyinka dhinaca maskaxda ama dabeecadaha rabshadaha leh.

Bulsho badan ayaa duco iyo taageero u diray Salma, iyagoo Alle uga baryaya inuu caafimaad degdeg ah siiyo, dhaawacyadeedana u boogo dhayo.

Hargeysa: Arrin Yaable; Dhawaan Dowladda Somaliland waxay go'aamisay in Cusbitalka Dowladda ee Hargeysa MRI- loo soo gad...
24/07/2026

Hargeysa: Arrin Yaable;

Dhawaan Dowladda Somaliland waxay go'aamisay in Cusbitalka Dowladda ee Hargeysa MRI- loo soo gado. Waxaa la ansixiyay lacag loo qoondeyay oo gaadhaysay 400,000 Dolar. Lacagtas Dahabshil ayaa laga sii qaaday.
Cusbitalka Hargeysa ayaa dhawaan xadhiga ka jaray goobtan hoose ee sawirada ka muuqata. Waxay sheegen in taarikhda markii kooobad Cusbitalka Hargeysa MRI lagu soo kordhiyay. Masuuliyin wasiirka Caafimadku ku jiro ayaa qayb galay.

Laakin, waxaan ogaanay in mashiinkan ahaa mid celis oo gacan saddexad ah. Markisii h**e isagoo Second ah ayaa Hindiya laga keenay. Waxaa iska leh xarrunra Prime Care- oo ah goob gaar loo leeyahay. Mashiinkan waa noocii h**e oo sawir qaadistisu liiidato. Waa nooca 0.35 Tesla MRI. Nooca fiican waa 1.5 Tesla Prime.
Mashiinkan oo h**eyna marar qaarkod xumaaday waxaa lagu iibsaday celis 140,000 Dolar ah.

Arrinta layaabka leh waa in mashiinkii wali goobti gaarka ahayd yaallo, lama qaadin oo waxay xirfadlayashu sheegen in hadii la fur-furo uu xumaanayo. Siddaas ayaa meeshiisii loogu daayay; Cusbitaalkuna dusha ayuu ka eegtaa.

Dhammaan xoggahana ma aha wax mala-awaal ah, qofkasta oo goobtas booqda wuu heli karaa. Annagu waxaan leenahay iftiimin guud, shacabka Somaliland oo ah kuwo maamulkoda doorta ayaa la rabaa in ay arrintan dabagallaan, waydiiyaan canshuurta badan ee laga qaado sababta mashiin cusub ugu goyn wayday, ee intaaso masuul xadhiga uga jareen Mashiin Celis ah oo noocii h**e ah.
Cusbitaalka iyo wasaaradda halkan uga yeedha, u sheega in ay Mashiinka soo qaadan.

Degmada Koodbuur: Maxaa Sababay In Aan Isbeddelka Maamulka Lagu Samayn?Isku shaandhayntii ugu horreysay ee maamulka cusu...
22/07/2026

Degmada Koodbuur: Maxaa Sababay In Aan Isbeddelka Maamulka Lagu Samayn?

Isku shaandhayntii ugu horreysay ee maamulka cusub ee Duqa Magaalada Hargeysa waxay dhalisay su’aalo badan, gaar ahaan marka la eego Degmada Koodbuur. Dad badan ayaa is weydiinaya sababta guddoomiyaha degmadaasi uu u sii joogo xilkiisa muddo ku dhow 4Sanno oo xidhiidh ah, halka guddoomiyayashi degmooyinka kale la badelay.

Arrintani waxay abuurtay dareen ah in Degmada Koodbuur loo wajahayo si ka duwan degmooyinka kale, taas oo dhalisay tuhun ku saabsan in go’aannada maamulka aysan ku salaysnayn halbeeg isku mid ah oo caddaalad ah. Halkaas oo maamulka degmada laga ilaalinayo dadkii kasoo jeeday.

Sidoo kale, shacabka Degmada Koodbuur waxay muddo dheer ka cabanayeen heerka adeegyada bulshada. Inkastoo degmadaasi ay tahay degmada ugu dakhliga badan dhinaca cashuuraha, haddana waxaa muuqata in adeegyada aasaasiga ah aysan la jaanqaadin dakhliga laga ururiyo. Jidad badan ayaa burbursan, adeegyada dadweynahuna waa kuwo ay bulshadu si joogto ah uga cabato.

Sidaa darteed, waxaa muhiim ah in maamulka magaalada uu si cad u sharxo sababaha loo cusboonaysiin waayay hoggaanka Degmada Koodbuur, isla markaana uu mudnaan siiyo horumarinta adeegyada degmada. Shacabku waxay xaq u leeyihiin maamul hufan, caddaalad ku dhisan, iyo adeegyo la jaanqaada cashuuraha ay bixiyaan.

Haddii Aad Sharciga Hiil Ka Weydo Deegaankaaguna Kuu Hiilin Waayo… Talow Maxay Noqon Doontaa?W/Q: Weriye Maxamed Cali Xa...
13/07/2026

Haddii Aad Sharciga Hiil Ka Weydo Deegaankaaguna Kuu Hiilin Waayo… Talow Maxay Noqon Doontaa?

W/Q: Weriye Maxamed Cali Xaashi

Muddo 82 saacadood ah ayaan sugayay in sharciga iyo caddaaladdu ka jawaabaan dhacdadii aan sheegay in la igula kacay gudaha Golaha Wakiillada. Nimankii i dilay Ilaa hadda tallaabo sharciga waafaqsan lagama qaadin ninkii dilkayga ka danbeeyayna dood iyo diri midnaba loollama Tagin, waana waajibkii saarna masuuliyiinta deegankayga iyo sharcigaba.

Waxaan aaminsanahay in Somaliland tahay dal ku dhisan dastuur iyo sharci, muwaadin kastana uu xaq u leeyahay in cabashadiisa si caddaalad ah loo baadho. Caddaaladdu ma aha uun xaq qof leeyahay, balse waa tiirka lagu ilaaliyo kalsoonida shacabka iyo jiritaanka dawladnimada.

Haddii aan hiil ka waayo deegankayga iyo hay'adaha aan ka filayay, waxaan caddaaladda ka rajaynayaa ilaahay Swt, oo ah Daainkii i abuuray ee dumi oo dhan ka jawaaba.

Beenin warar been-abuur ah oo la faafiyey Maxkamadda Sare ee Jamhuuriyadda Somaliland waxa ay beeninaysaa warar saacadih...
13/07/2026

Beenin warar been-abuur ah oo la faafiyey

Maxkamadda Sare ee Jamhuuriyadda Somaliland waxa ay beeninaysaa warar saacadihii u dambeeyey lagu baahiyey baraha bulshada, kuwaas oo sheegaya in Guddoomiyaha Maxkamadda Sare ee Jamhuuriyadda Somaliland Aadam Xaaji Cali Axmed uu warqad iscasilaad ah u gudbiyey Madaxweynaha Jamhuuriyadda Somaliland.
Maxkamadda Sare ee Jamhuuriyadda Somaliland waxay caddeynaysaa in warkaasi uu yahay mid aan sal iyo raad toona lahayn oo been-abuur ah ,
Waxa kale oo aanu bulshada uga digaynaa in ay faafiyaan wararka been abuurka ah iyaga oo aan hubsan.

WAR-SAXAAFADEEDUrurka Suxufiyiinta Somaliland ee SOLJA waxa uu si adag u cambaaraynayaa jidhdilkii iyo tacaddigii saaka ...
11/07/2026

WAR-SAXAAFADEED

Ururka Suxufiyiinta Somaliland ee SOLJA waxa uu si adag u cambaaraynayaa jidhdilkii iyo tacaddigii saaka loogu geystay suxufiga Maxamed Cali Xaashi gudaha xarunta Golaha Wakiillada Somaliland.
Sida xogta uu helay ururka SOLJA ay muujinayso, suxufigu waxa uu u socday dhanka Golaha Guurtida si uu u guto waajibaadkiisa saxaafadeed, hase yeeshee amar uu bixiyey Xoghayaha Golaha Wakiillada ayaa sababay in ciidamada ilaalada Golahu ay kula kacaan jidhdil iyo fal ka baxsan sharciga iyo anshaxa.
Ururka SOLJA waxa uu dhacdadan u arkaa mid ka dhalatay xannibaadda iyo cabudhinta joogtada ah ee siddeedii bilood ee u dambeeyey lagu hayey warbaahinta madaxa-bannaan, iyadoo laga hor istaagay inay gutaan waajibaadkooda gudaha Golaha Wakiillada. Inkasta oo ururka SOLJA uu muddadaas waday dadaallo iyo wada-hadallo lagu doonayey in xal waara lagaga gaadho arrintan, haddana nasiib darro wax natiijo ah lagama gaadhin.
Waxa kale oo uu Ururka SOLJA xusuusinayaa in tani aanay ahayn markii ugu horreysay ee saxafi loogu geysto tacaddi gudaha Golaha Wakiillada. H**e waxa si xoog ah oo ka baxsan anshaxa iyo sharciga xarunta Golaha looga saaray suxufi Xamse Jirde oo ka tirsan Hargaysa Press taas oo muujinaysa in dhibaatadani noqotay arrin soo noqnoqota oo halis ku ah xorriyadda saxaafadda.
Ururka SOLJA waxa uu ku baaqayaa:
1. In si degdeg ah loo baadho falkii jidhdilka ahaa ee loo geystay suxufi Maxamed Cali Xaashi, isla markaana lala xisaabtamo cid kasta oo ku lug lahayd.
2. Ururku waxaa uu Golaha Wakiilladu ugu baaqayaa in uu si degdeg ah u joojiyo xannibaadda sharci-darrada ah ee saaran warbaahinta, una oggolaado saxaafaddu inay si xor ah u gudato waajibaadkeeda.
3. Waxaa kale oo uu Golaha wakiilada ugu baaqayaa In la ilaaliyo xuquuqda dastuuriga ah ee saxafiyiinta iyo xorriyadda saxaafadda, kuwaas oo aas-aas u ah isla xisaabtanka, hufnaanta iyo dimuqraadiyadda.
SOLJA waxa uu mar kale xasuusinayaa in Golaha Wakiilladu yahay gole qaran oo matala shacabka Somaliland, sidaas darteedna aanu noqon karin goob laga hor istaago saxaafadda ama lagula kaco tacaddiyo ka dhan ah suxufiyiinta gudanaya waajibaadkooda.

Shaafici Maxamed Ibraahim
Guddoomiyaha SOLJA

"SOLJA waxa uu si adag u cambaaraynayaa jidhdilkii iyo tacaddigii saaka loogu geystay suxufiga Maxamed Cali Xaashi gud...
11/07/2026

"SOLJA waxa uu si adag u cambaaraynayaa jidhdilkii iyo tacaddigii saaka loogu geystay suxufiga Maxamed Cali Xaashi gudaha xarunta Golaha Wakiillada Somaliland."

WAR-SAXAAFADEED

Ururka Suxufiyiinta Somaliland ee SOLJA waxa uu si adag u cambaaraynayaa jidhdilkii iyo tacaddigii saaka loogu geystay suxufiga Maxamed Cali Xaashi gudaha xarunta Golaha Wakiillada Somaliland.
Sida xogta uu helay ururka SOLJA ay muujinayso, suxufigu waxa uu u socday dhanka Golaha Guurtida si uu u guto waajibaadkiisa saxaafadeed, hase yeeshee amar uu bixiyey Xoghayaha Golaha Wakiillada ayaa sababay in ciidamada ilaalada Golahu ay kula kacaan jidhdil iyo fal ka baxsan sharciga iyo anshaxa.
Ururka SOLJA waxa uu dhacdadan u arkaa mid ka dhalatay xannibaadda iyo cabudhinta joogtada ah ee siddeedii bilood ee u dambeeyey lagu hayey warbaahinta madaxa-bannaan, iyadoo laga hor istaagay inay gutaan waajibaadkooda gudaha Golaha Wakiillada. Inkasta oo ururka SOLJA uu muddadaas waday dadaallo iyo wada-hadallo lagu doonayey in xal waara lagaga gaadho arrintan, haddana nasiib darro wax natiijo ah lagama gaadhin.
Waxa kale oo uu Ururka SOLJA xusuusinayaa in tani aanay ahayn markii ugu horreysay ee saxafi loogu geysto tacaddi gudaha Golaha Wakiillada. H**e waxa si xoog ah oo ka baxsan anshaxa iyo sharciga xarunta Golaha looga saaray suxufi Xamse Jirde oo ka tirsan Hargaysa Press taas oo muujinaysa in dhibaatadani noqotay arrin soo noqnoqota oo halis ku ah xorriyadda saxaafadda.
Ururka SOLJA waxa uu ku baaqayaa:
1. In si degdeg ah loo baadho falkii jidhdilka ahaa ee loo geystay suxufi Maxamed Cali Xaashi, isla markaana lala xisaabtamo cid kasta oo ku lug lahayd.
2. Ururku waxaa uu Golaha Wakiilladu ugu baaqayaa in uu si degdeg ah u joojiyo xannibaadda sharci-darrada ah ee saaran warbaahinta, una oggolaado saxaafaddu inay si xor ah u gudato waajibaadkeeda.
3. Waxaa kale oo uu Golaha wakiilada ugu baaqayaa In la ilaaliyo xuquuqda dastuuriga ah ee saxafiyiinta iyo xorriyadda saxaafadda, kuwaas oo aas-aas u ah isla xisaabtanka, hufnaanta iyo dimuqraadiyadda.
SOLJA waxa uu mar kale xasuusinayaa in Golaha Wakiilladu yahay gole qaran oo matala shacabka Somaliland, sidaas darteedna aanu noqon karin goob laga hor istaago saxaafadda ama lagula kaco tacaddiyo ka dhan ah suxufiyiinta gudanaya waajibaadkooda.

Shaafici Maxamed Ibraahim
Guddoomiyaha SOLJA

Ilo lagu kalsoon yahay: Guddoomiyaha Golaha Guurtida Somaliland oo la sheegay inuu qorsheynayo is-casilaadHargeysa – Sid...
09/07/2026

Ilo lagu kalsoon yahay: Guddoomiyaha Golaha Guurtida Somaliland oo la sheegay inuu qorsheynayo is-casilaad

Hargeysa – Sida ay xaqiijiyeen ilo-wareedyo lagu kalsoon yahay, Guddoomiyaha Golaha Guurtida Somaliland, Saleebaan Maxamuud Aadan, ayaa go'aansaday inuu iska casilo xilka guddoomiyenimada Golaha Guurtida.

Sida ay sheegayaan ilo xog-ogaal ah, Guddoomiye Saleebaan ayaa xubnaha Golaha Guurtida ku wargeliyey inuu toddobaadkan banneyn doono xilka, isla markaana uu goluhu isu diyaariyo hannaanka lagu dooranayo guddoomiye cusub oo beddela.

Wararku waxay intaas ku darayaan in maalmihii u dambeeyey ay socdeen dadaallo iyo ergooyin kala duwan oo ku cadaadinayey guddoomiyaha inuusan xilka ka tegin. Hase yeeshee, ilo-wareedyadu waxay sheegayaan inuu ku adkaystay go'aankiisa ah inuu baneeyo jagada.

Dhanka kale, waxaa la filayaa in maalinta berri ay guddoomiyaha la kulmaan ergooyin kale oo doonaya inay ku qanciyaan inuu dib uga laabto go'aankiisa is-casilaadda.

Saleebaan Maxamuud Aadan, oo ka mid ah siyaasiyiinta muddada dheer saamaynta ku lahaa siyaasadda Somaliland, ayaa loo doortay xilka Guddoomiyaha Golaha Guurtida sannadkii 2004.

Haddii uu ku sii adkaysto go'aankiisa, waxaa la filayaa inuu toddobaadkan isugu yeedho fadhi Golaha Guurtida ah, kaas oo si rasmi ah uga dhawaaqi doono is-casilaaddiisa.

Illaa iyo hadda ma jiro war rasmi ah oo ka soo baxay Guddoomiyaha Golaha Guurtida ama Golaha Guurtida Somaliland oo xaqiijinaya ama faahfaahinaya wararkan.

Baraha Bulshada waxa ka bilaabmay kacdoon bulsho oo cadaalad loogu doonayo muwaadin kan oo maanta muuqaal lasoo duubay l...
09/07/2026

Baraha Bulshada waxa ka bilaabmay kacdoon bulsho oo cadaalad loogu doonayo muwaadin kan oo maanta muuqaal lasoo duubay laga arkay isaga oo ciidan Boolis ah ay jidhdil u gaysanayaan.

Qofka muwaadinka ah dambi wuu gali karaa waana lasoo eedayn karaa waxa se reeban in jidh dil loo gaysto.

.

Address

Ibraahim Koodbuure
Hargeisa

Telephone

+252634026245

Website

Alerts

Be the first to know and let us send you an email when Hargeisa Daily posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Hargeisa Daily:

Shortcuts

Share

Category