Hargeisa Daily

26/05/2026

Khudbadii u dambaysay ee uu Nabigeyna Muxamed s.c.w ka jeediyay Banka Carafa sagaalkii (9) bisha Dul Xijah

Sanadkii tobnaad (10) ee Hijriyada ayay ahayd markii uu Rasuulkeennii suubbanaa (NNKH) uu jeediyay khudbad ay mudan tahay in qof walba muslim ah dul istaago taasi oo ah dar daarankiisa ugu dambeeyey. Waxay ahayd xajkiisii ugu h**eeyay uguna dambeeyay ee rasuulku soo guto. Nabigeyna Muxamed (NNKH) wuxuu cumreystay afar jeer laakin wuxuu xajiyey hal mar.

Khudbada oo ku tarjuman Afsoomaali

'' Dadyohow i dhegaysta, ma garanayo in sanadkaan ka dib aan mar dambe halkaan soo istaagi doono. Sidaa daraaddeed si fiican u dhegaysta warka aan idiin sheegayo, una sii gudbiya kuwa aysan u suurto galin inay halkaan nala joogaan.

Meeshaan barakaysan, maalintaan barakaysan iyo bishaan barakaysan darteed, xasuusnaada in aad dhabtii abuurihiinna (rabbi) la kulmi doontaan, camalladiinnana laydinka xisaabin doono, haddaba digtoonaada. Dadyohow dhiiggiina iyo maalkiinnu, waa idinka xaaraan. Midkii idinka mid ah ee ammaano haya, ha u celiyo qofkii iska lahaa. Ribbo (Dulsaar) dhammaanteed waa mamnuuc, ha yeeshee faa’iidadiinna idinkaa iska leh.

Qofna ha dulmin adigna laguma dulmin doonee. Ha iska aargoosanina, Dhiiggii aad iska daadiseen waqtigii jaahilyadda.Dadyohow iska ilaaliya shaydaanka, wuxuu isku dayi doonaa in uu idinku khaldo waxyaalo yar yar, uga digtoonaada shaydaanka diintiina darteed.

Raggoow ogaada in dumarkiinu xaq idinku leeeyihiin, idinkuna aad iyaga xaq ku leedihiin. Xasuunow in aad ku guursatay, Ogolaanshaha ilaahay iyo rumaysnaantiisa. Haweenkiinu waxay xaq idiinku leeyihiin, inaad si naxariisleh u quudisaan uguna labistaan. Ula dhaqan marwadaada si wanaagsan oo naxariis leh, sababtoo ah waa lammaanaagii nolosha iyo mid mar walba ku caawin doonta.Dadyohoow si wanaagsan ii dhagaysta.

Caabud Allah (SWT) oo kaliya, si joogta ah u tuko shantaada salaaddood, Soon bisha barakaysan ee soonqaad, ka bixi hantidaadda sakada, soo gudo waajibaadka xajka hadii aad awoodid.

Bini Aadamka oo dhammi waxay ka yimaadeen Aadam iyo Xaawo, Carabtu k**a sarayso kuwa aan carabta ahayn, kuwan aan carabta ahayna k**a sareeyaan carabta. Dadka Caddaanka ahi k**a sareeyaan kuwa Madoow, Dadka madoowga ahina k**a sareeyaan kuwa cad. kaliya waxaa lagu kala sareeyaa waa camaladiina.

Ogaada Muslimiinta oo dhammi waa walaalo, Islaam nimadane waxay ku dhisantahay walaaltinimo.

Dadyohoow Ogaada ma jiro Rasuul ama Nabi aniga gadaashayda imaan doona, sidaa daraadeed si fiican u dhuuxa warkayga, waxaan idiinka tegay laba waxyaalood oo kala ah, Quraanka iyo Sunnadayda. haddii aad labbadas ku dheganaataan waligiin lumi maysaan. Intiinnna i dhegaysanaysaay warkayga u sii gudbiya inta aan nala joogin, waxaa laga yaabaa kuwa warkaygu gaaro inay ka fahmi ogyihiin kuwa toos u dhagaysanaya.

Intaas kadib Rasuulka ( NNKH ) wuxuu khudbadiisii raaciyay Aayaad Quraan ah oo markas toos ugu soo degay oo ay ka mid ahayd:

(الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا

“Maanta ayaan idiin dhamaystiray diintiinna, waxaanan ku ebyay korkiina barwaaqadayda, Islaamka ayaanan diin ahaan idiin oggolaaday.”

Ugu dambayna gabagabadii khudbadiisa ayuu Rasuulkeenii Suubannaa (NNKH) isagoo codka kor u qaadaya wuxuu yiri ''Eebboow ka markhaati noqo in aan fariintaadii u gudbiyay dadkaaga.

Maalintaan Carafa ee barakaysan darteed, la wadaag qoraalkaan asxaabtaada kale, dhammaanteenna aynu is cafino.

20/05/2026

Ka jawaab su’aasha.

Wasiirka cadaalada JSL shaley sidan ayuu lahaa maanta oo uu yahay wasiir cadaaladeed weli ma aaminsanyahay mawqifkiisi mase ku dhawaaqi karaa mar labaad isla hadalkan uu h**e u yidhi?

19/05/2026

warfaafinta somaliland oo ku kacday musuq-maasuqii ugu waynaa iyadoo kala jeclaatey Warbaahintii Madaxa banaaneyd...

Maalinimadii shalay warbaahinta madaxa banaan ee gobolada dalka oo dhan waxay si weyn uga qayb qaateen baahinta munaasibadii 18ka may oo dunidu si wacan uga bogotay una bogaadisay hormarka somaliland gaadhey

Awooda warbaahinta madaxa banaan oo si weyn qayb uga ah iib geynta qaranka somaliland ayaa haddana xukuumadda waddani si gaar ah wasaaradda warfaafintu waxay kula kacday kala qaybin ,kala doorasho iyo musuq-maasuq .

Ka hor munaasibadda 18ka may waxaa xidhiidh yeeshay wasaaradda warfaafinta iyo warbaahinta madaxa banaan ee joogta Hargeysa iyadoo kulan ka dhacay xarunta wasaaraddana layskula afgartay sidii qarankan looga wada shaqeyn lahaa.

Sidoo kale isla wakhtigaasi waxa warbaahinta laga qortey magacooda iyo lambaraantooda iyadoo loo sheegay inay abaal gud ka helayaan qarankooda (dhaqaale) oo ay si weyn u iib geeyaan maalinta qarankani leeyahay ee 18 may.

Warbaahinta sidan loo wargeliyey ayey tiradoodu dhan tahay 145 xubnood waxaana wakhtigan lagu sameeyey kala doorasho iyo raali gelinta qayb kamid ah xubnahan lasoo xuley.

Masuuliyiin uu kamid yahay Agaasimaha guud ee wasaaradaasi Mr ilkacase iyo agaasimaha xidhiidhka dadweynaha gurey maydhax ayaa si gaar ah ugu suntan lunsiga dhaqaalaha loogu talo galey warbaahinta somaliland

Masuuliyiinta u sareysa wasaaradu miyey og yihiin kala doorashada warbaahinta iyo musuq-maasuqa ay sameeyeen labadan xubnood ee ilkacase iyo gurey maydhax oo ahaa xubnaha marka h**eba kawada shaqeeyey in warbaahintu hawshan adag ay gasho ?

Maaha markii koowaad ee sidan loo kala jeclaado warbaahinta somaliland balse waa arrin soo noq-noqotay oo ubaahan in xukuumadda waddani ka fiirsato talaabooyinka ay qaadeyso ee la xidhiidha warbaahinta madaxa banaan

: Ma jirto dhaqaale qorsheysan oo miisaaniyadda ugu jira warbaahinta madaxa banaan iyagoo la kulma tacadiyo ay kamid yihiin xadhig ,hanjabaad iyo jidh dil ku dambeeya raali gelin iyo odayaal dhaqan oo garta gala ugu dambeynta
Xigasho coomay

19/05/2026

Agaasimaha Guud ee wasaaradda warfaafinta Cabdisalaan ilkacase , oo musuq maasuq, Qabyaalad iyo Eex ka dhex bilaabay warbaahinta.

Dhanka kale agaasimaha Guud ayaa noqday mid ku kaca lunsi hantiyeed iyo mususuq isagoo si gaar u bartilmaamedsada xiliyada munaasibada Qaranka oo kharashad loo soo mariyo xusaska munaasibaha mudadii uu joogay ayaa uu ku kacay falalka aynu soo sheegnay waxaana uu noqday shakhsi caado u leh waxna ka daya kharashaadka kooban ee warbaahinta madaxa banaan loogu talo galo

Munaasibadii shalay ee xuska 18 may oo la hawl galiyay in ka badan 180 suxufi ayuu kharashaadkii ay ku shaqaynayeen lunsaday

Waaxda xidhiidhka ee wasaarada warfaafinta ayaa sheegtay in hawshaa dhamaanted agaasimaha guud la wareeg wax wara oo danbena aanay ka hayn

19/05/2026

Wasiirka cadaaladda, ayaa h**ey u sheegay inay qudus hiil u baahatahay, maanta intaa talow madaxweyni ciro ma ku odhan karaa?

05/05/2026

Ismaciil cumar geele oo ku guulaystay inuu iska banado faalada warka oo mudooyinkii u danbaysay laf dhuun gashay ku noqotay Taliskiisa

03/05/2026

Axmed Maxamed Gacayte Yuusuf, alle ha u naxariistee Hal-abuurkii Laxanka iyo Hobolnimada Fanka Soomaaliyeed 1948 ilaa 1988

Axmed Maxamed (Gacayte) Yuusuf 1948 ilaa 1988, wuxuu ka mid ahaa hal-abuurkii ugu miisaanka cuslaa ee fanka Soomaaliyeed, gaar ahaan dhinaca laxanka iyo hees-qaadista.

Wuxuu ku dhashay magaalada Hargeysa, halkaas oo uu ku soo barbaaray kuna bilaabay waxbarashadiisii dugsiga Axmed Gurey.

Hibadiisa faneed ayaa si rasmi ah loo ogaaday badhtamihii 1960-meeyadii, markii laga xulay ardaydii dugsiyada si ay uga qayb galaan barnaamijyada Radio Hargeysa, taas oo u furtay waddadii uu ku noqon lahaa fannaan caan ah.

Heestiisii ugu horraysay ee uu ka qaado idaacadda sannadkii 1965, 'Ahlan wa sahlan Daahir,' ayaa si degdeg ah u noqotay mid caan ah.

Inkasta oo uu markii h**e la kulmay diidmo ka timid aabbihii iyo bulsho aan si fiican u fahamsanayn fanka waqtigaas, haddana Gacayte k**a uusan harin hal-abuurkiisa.

Wuxuu si dhakhso leh uga dhex muuqday fannaaniintii iyo abwaannadii waaweynaa ee ku xeernaa Radio Hargeysa, isagoo noqday laxamiiste si weyn loo qadariyo.

Gacayte wuxuu ahaa laxamiiste hibo dabiici ah leh, oo si fudud ugu rogi jiray erayo qalalan hees macaan oo dareen leh.

Wuxuu ka qayb qaatay kobcinta fanka Soomaaliyeed xilli uu marayay marxalad horumarineed, isagoo laxan u sameeyay riwaayado badan sida 'Rooble ma runbaa, Jeel iyo jacayl, 'Ninba timo xamar iyo “Xorriyo.

Sidoo kale, wuxuu lahaa cod soo jiidasho leh oo ka dhigay hoobal buuxa, kana mid noqday kuwa ugu dhegaysiga badan.

Intii uu noolaa, Gacayte wuxuu laxan u sameeyay tiro aad u badan oo heeso ah, kuwaas oo ay qaadeen fannaaniin caan ah sida Sahra Axmed, Maxamed Mooge, Khadra Daahir iyo kuwo kale oo badan.

Heesihiisa waxay caan ku ahaayeen macaan, qoto-dheer iyo xulashada erayada oo si wanaagsan ula jaanqaada laxanka.

Noloshiisii dambe wuxuu ku sugnaa Hargeysa, halkaas oo lagu dilay sannadkii 1988.

Geeridiisu waxay ahayd khasaare weyn oo soo gaadhay fanka Soomaaliyeed, maadaama uu ahaa tiir muhiim ah oo iftiiminayay hal-abuurka iyo quruxda suugaanta.

Axmed Gacayte Yuusuf wuxuu ka tagay dhaxal faneed hodan ah oo weli nool, kana mid ah kaydka ugu qiimaha badan ee muusigga Soomaaliyeed.

Hal-abuurkiisa iyo hibadiisa ayaa weli lagu xusuustaa, isagoo ka mid ah magacyada aan ka go’in taariikhda fanka dalka.

03/05/2026

Shir-Gudoonka Cusub Iyo Gudoomiye Ku-xigeenka 1aad ee Golaha Wakiilada Somaliland.

29/04/2026

Waa Sharci Daro Mudada Golaha Guurtidu ku Kordhiyeen Doorashooyinka, Golayaasha Deeganka iyo wakiilada.

Ma jirto Sabab Mudada intaa Leeg Loo Kordhiyo Doorashada, waxaanay Dhaawac ku Tahay Hanaanka Dimuqaaradiyada, Nabadgalyada iyo Geedi Socodka Doorashayooyinka uu wadankeenu ku Soo caano iyo nabadba Maalay.

Murashax golaha Degaanka casimada Hargeisa
cabdikariim Karaama

27/04/2026

Xildhibaan Nuuradiin Col-ujoog oo kamid ah xildhibaanada dowladda federalka Soomaaliya ayaa la xaqiijiyay inuu iska dhiibay mid kamid ah dalalka Yurub.