30/05/2026
WAX SHEEG IYO WAANO
=======
Cinwaanadan (Dilaag Qarsoon, Abwaan Goohe, Jokarka iyo Arab Arab dhalay) waxaa aalada Tiktok ku soo gala dhalinyaro degan Koonfurta Hargeisa oo bilaabay olole halis ah oo aanan weligay ku fikirin inuu ka iman karo,rag ay dhaleen ama ehel u yihiin waayeel dalkan qiimo weyn ku lahaa, dhiig, dhaqaale iyo doodna ku bixiyay dhismaha qarankan oo aan ka garanayo.
• Oday: Jiciir Aw Axmed Xasan Cigaal.
• Nabadoon: Cabdi Ismail Qabile (Caga-dable)
• Dr. Maxamed Goohe Cabdilaahi.
• Oday Faandhiye.
• Oday: Ismaaciil Bursuug
Dhalintaas waxaa halkaas gaadhsiiyay waa wax aan in badan ka digayay, oo ah in Maandeeq (Qaranimadda) caanaheeda si cadaalad ah loo wada dhamo,markii ay garasho iyo garaacasho waxba kaga waayeen dawladoodii gaar ahaan xafiisyadii guryahooda duleedka iyo deriskooda u ahaa mudana samir iyo sugaaal ku jireen,waa kuwaas galay khad cas oo aanay ku talo galin h**ena aan ugu qorshaysnayn,geesta kale hadii aad eegto sanduuqa kaydkooda h**e ee tabineed (profilekooda)waxaad arkaysaa inay qarankan u hiilin jireen maalmo badan oo adkaa.
Imikana xukumada waxaan leeyahay, wiilasha halala xaajoodo ehelkooda iyo dhaqankooda,halana tixgeliyo hadallada waalidka iyo Suldaan Xuseen Cabdi Cabdilaahi oo hadlay oo yaan lagu eegin indho cadow.Kuwa xidhana hala sii daayo, kuwa maqanna haloo yeedho.
Wiilashana waxaan leeyahay, dalkiina ayaa ah halka ay ku jirto sharaftiinu dib isu saxa, hadalkana halkiisa ha dhaafinina. Tabashada aad qabtaanna yaanay Xamar ina geynin ee si toosan oo turxaani ka madhan tahay u sheegta idinka oo dalkiina jecel.
Waa aragti ii gaar ah.
