Tebin News TN

25/05/2026

Waxqabadkii Hoose ee Hargeisa Muddadii Mayor Cabdikariim Ahmed Mooge

25/05/2026

Xulka kubada cagta Garoowe ayaa galabta la gudoonsiiyey koobkii Puntland ka socday, kadib markii ay xulka Qardho oo ay Finalka la ciyaarayeen ay gebi ahaan iskaga bexeen garoonka.

Qardho iyo Garoowe ayaa isugu soo hadhay k**a danbaysta koobka, waxaana markii ay ciyaartu maraysay lixdanaadkii guud ahaanba garoonka iskaga baxay Xulka Qardho, iyagoo saluugay gool ku laad lagu dhigey iyo roose/casaan laga siiyey gool hayahoodii.

Garsooraha ayaa u qabtay muddo 15 daqiiqo ah iney ugu soo noqdaan xulka Qardho garoonka, balse way ka biyo diideen taasi oo sababtay in Garoowe la gudoonsiiyo koobkaasi.

25/05/2026

Waxa werwer iyo walaac weyn leh wararka isa soo taraya ee la xidhiidha, Eebbe ha inaga bedbaadiyee, in xannuunkii saf-marka ahaa ee Ebola uu mar kale soo laba kacleeyay. Sida la xaqiijiyey ilaa hadda, ugu yaraan 867 kiis ayaa laga helay gudaha dalka Koongo. Tirada dhimashada ee ilaa haatan la xaqiijiyey waxa ay kor u dhaaftay 200 oo qof. Sidoo kale, kiisas kale oo hor leh ayaa laga diiwaangeliyey dalal dhaca gobolkeennan bariga Afrika, gaar ahaan dalka Yugaandha (Uganda).

Waxa aynnu ogsoonnahay in isu socodka dadka iyo duunyada ee badi dalalka dhaca bariga Afrika, kuwaasi oo qaar badan oo ka mid ahi xad la wadaagaan waddanka Koongo, ay tahay mid sahlan. Kiisaska gaadhay dalka Yugaandha dhamaantood waa dad ka soo talaabay xadka waddankaasi la wadaago dalka Koongo. Waxa xusid gaar ah mudan in dadkeennu yihiin kuwo si weyn ugu xidhan wadamada bariga Afrika, sida Kiiniya iyo Itoobiya. Sidaa darteed, waxa aan si adag uga digayaa khatarta weyn ee ka soo fool leh xannuunkaas saf-marka ah ee gobolka ku sii faafaya.

Ugu danbeyntii, xukuumadda JSL, gaar ahaan hay'adaha u xilsaaran bedqabka muwaadiniinta iyo socdaalka xuduudaha, waxa saaran mas'uuliyad weyn. Waxa nasiibdarro ah inaanay weli muuqanin qorshe qaran iyo tabaabushe ku habboon khatarta weyn ee gobolka ka taagan. Waxaan ugu baaqayaa xukuumadda inay si degdeg ah ula timaado xeellad iyo xirfad lagaga hor tegi karo xannuunkan.
By Gudoomiye Xaashi Cabdi

25/05/2026

Dr. Doolaal oo ka mid ah Haldoorka Dowlad Deegaanka Soomaalida "ONLF dadka ku abtirsada badi waa Ogaadeen.. Ogaadeenna keyn danbe geli maayo qori danbe qaadan maayo, horumar & nabad baan ka shaqaynaynaa, ciddii geleysa ha gasho....Annaga Masar & Eriteriya jabhado noo samayn maayaan, 100 sanno aan dagaal ku jirnay baan ku khasaarnay, hadda nolol baan rabnaa, Soomaali baan la ganacsanaynaa, ilaa aan dhaqaale & aqoon yeelanno ma xoroobayno."

25/05/2026

Sidee baad u aragtaan kulanka Kulanka Guled Guuleed Dafac iyo Wasiirka Wasaarada Arrimaha Gudaha JSL Mudane Cabdalle Sandheere

25/05/2026

25/05/2026

25/05/2026

Ku dhawaad laba milyan oo muslimiin ah ayaa maanta uu u bilowday Xajka sannadka, iyada oo maanta ay xujaydu gaadheen teendhooyinka Mina, halkaasi oo ay berri uga baqoolayaan banka Carrafo oo ah tiirka ugu weyn ee Xajka, waxa xiga habeenka banka Mustalifa, Yaym Naxri [Maalinta Alla-bariga] & saddexda maalmood ee Tashriiqa (Dhagax-tuurka) — waa lix beri oo barakaysan.
Waa kalkii ugu kululaa, iyada oo qorraxdu ay berri toos ugu beegsamayso kacbada — Dhacdo dhacda 33 sannoba mar.

25/05/2026

Dowladda Masar ayaa mar kale muujisay walaac xooggan oo ku saabsan dadaallada Itoobiya ay ugu jirto helitaanka marin toos ah oo ay ka hesho Badda Cas.
Masar ayaa sheegtay in amniga iyo maamulida Badda Cas ay tahay inay si gaar ah ugu koobnaadaan dalalka leh xeebaha baddaasi, iyadoo ka digtay in dal aan dagin Badda Cas uu saameyn ku yeesho gobolka.
Dhanka kale, Itoobiya ayaa sii waddo dadaalladeeda ku aaddan helitaanka marin badeed, iyadoo Addis Ababa arrintaasi ku tilmaantay mid muhiim u ah dhaqaalaha iyo mustaqbalka dalka.
Arrintan ayaa sii kordhinaysa xiisadda siyaasadeed iyo tartanka istiraatiijiga ah ee ka taagan gobolka Geeska Afrika iyo Badda Cas.