17/06/2026
Cisbitaalka guud ee T-B da(qaaxada) ee Hargeysa,ayaa sameeyay dedaalo uu kaga hor tegayo in bukaanada Cisbitaalka jiifa ee dawayntu u socoto in ay usoo dhacaan ama ay soo riddo kaneecada keenta xanuunada Kuududiyaha iyo Dan-ga oo ah kaneenacada aynu u naqaano in ay keento xanuunka bulshadu ugunyeedho Xumadda.
Guud ahaan ciwbitaalka qaaxada ee Hargeysa,ayaa laga buufiyay kaneecada iyadoo ay iska kaashadeen cisbitaalka T-B da iyo xarunta xakamaynta duummada ee heer qaran.waxaa kale oo guud ahaan bukaanka cisbitaalka ku jira loo qaybiyay marakaneecooyin u wada xidhan dhammaan bukaan jiifka Cisbitaalka T-B da Hargeysa.
Agaasimaha Cisbitaalka qaaxada Hargeysa Dr Cabdiraxmaan Huseen Siciid oo xafiiskiisa waraysi gaar ah ku siiyay wargeyska Dawan,ayaa isagoo ka jawabayay su,aal laga waydiiyay waxyeelada ay bukaanka Cisbitaalka qaaxada ku keeni karto kaneecada xumadda gudbisa ee hadda dalka ka jirta,ayaa yidhi:
"Bukaanka Xanuunka T.B da laga Dawaynayo ee aan wali ka boggsan xumadda kaneecadu keento way uga jilicsan yihiin dadka caafimaad qaba, waxaana jira oo xumaddu inoo sheegaysaa in xanuun jiro oo qofkan xumaddoonaya xanuu soo galay jidhkiisa sababtoo aah xumaddu xanuun maaha laakiin waa.astaamaha sheega in xanuun jiro,markaa dadka xanuuunka TB -da laga dawaynayo ee bukaanka xauunka qaaxada ahi wuxuu la mid yahay oo uu ula siman yahay uun dadka kale laakiin qofka aan wali kasoo kaban T-B da ee difaaciisu hooseeya wuu uga nuqul yahay.
haddii ay qaniinto kaneecada keenta Xumadda oo iyada lafteedu bukta oo ah nooca keena xanuunka kuududiyaha iyo xanuunka Dangue marka ay qaniinto wuu ku dhacaya Bukaanka sidaa darteen waxaan samaynay ka hortag wayn oo Cisbitaalka oo dhan waan wada buufinay dhammaan bukaanka jiifana waxaan u wa xidhnay marakaneecooyin oo majiro bukaan bilaa marakaneeco ah,arrinkaas oo ay iska kaashanay xarunka ka hortagga duumada ama malaariyada.
Kaneecada keenta kuududiyaha iyo Dan-ga waa kaneecada maalintii wax qaniinta waxaana ugu wayn ee lagaga hor tagi karaa waa in qofkastaa biyaha gurigiisa iyo meelaha u dhaw nadaafadisa illaaliya oo inta meel qoyan ay ku dhawdahay waxaa kula joogta Kaneecada Xumadda laga qaadayo qaniinyadadeeda markaa waa in laa iska buufiyo guryaha oo laga dilo kaneecada.
waxaa kale oo lagaga hortayaa in meelaha biyo mareenka ah aan la ogolaan in ay biyo fadhiistaan oo laga sii daayo isla markaan la buufiyo meelaha dhirta ah iyo biyo fadhiisiyada."
Dr Cabdiraxmaan Xuseen Siciid Agaasimaha Cisbitaalka T-B da ee Hargeysa oo hadalkiisa sii wata,ayaa intaa ku daray "xanuunkan waxaa keliya ee lagaga hor tegi karaa waa wacyi gelinta bulshada oo kor loo qaado iyo meelaha biyo fadhiisiga oo biyaha lava sii daayo lana Buufiyo, anagu ka Cisbitaal ahaan waxaan ku dedaalnay in aan bukaanka ka xakamayno wax kasta oo suuragal ka dhigaya in kaneecaddu Cisbitaalka ku dhalato hadday buufin tahay iyo hadday marakaneeyooyin bukaanka u xidhan tahayba.
waxaanan ula siman nahay uun bulshada qaybaheeda kala duwan, inkastoo Kaneecadda keenta xanuunada Kuududiyaha iyo Dan-ga ay jirto laakiin imika dabayshi ayaa soo dhacday oo qaadaysa markaa waxaa loo baahan yahay in guryaha dabaysha loo furo oo shabagga aanay kasoo gudbi karin na daaqadaha lagu xidho korna loo qaado madaafadda."
