16/09/2022
Duco waqtigeedi la aqbaley.
Madaxwayne Rayaale Waxa uu waddanka imi waqti kala guur, kala shiki iyo colaaddo irdheeyeen dalka, waxa uu noqday iftiin mugdigii badaley, qorigii qaran u badaley, dadkii abka iyo abtiga isku ahaa is hor fadhiyayna walaaleeyey.
Waayo adag ayuu noqday geed damal ah oo lagu nastay laguna kala hoos badbaadey wuxuuna miiska iskugu keenay dad Is-aragooga cadaabta ku badalan lahaa, wuxuuna khilaafad dalka ragaadiyay kaga saaray go’aan adayg iyo fahankii dadeed ee uu dalka u lahaa.
Waxaana taas cadeyn u ah sidda kalsoonidda buuxday ay ugu dorteen aqlabiyaddi ergaddii dooranaysay madaxwayne ku xigeenka Somaliland, oo ka imi meelwalba oo ay Somaliland dagto.
Waxa uu noqday garab uu mahadiyay madaxwayne cigaal waayo badanna uu usha u dhiibay si uu wax walba samaha ugu soo daboolo.
Doorashadiisi madaxwayne kadib geerddi cigaalna waxa uu noqday Somaliland inay mar labaad heshay qof yaqaana waddanku halkuu marayo iyo meesha uu socdo.
Waxa uu ahaa nin dantiisa ta dadkiisu uga wayn tahay, waxaana markhaati cad u ah sidda uu doorasho ugu dhiiraday markii kowaad abid Somaliland ka dhacda isagoo qof iyo cod doorasho ah ka hirgaliyay dalka taaso markii kowaad ee la sheegay dhalanteed u muuqatey.
Waxa uu noqday madaxwayne markii kowaad doonista shacabka ku fuula xilka, waxa ay taasina noqatey talaabo ay adduunka oodhan la maqsuuday sidda dal hadda uun burbur dagaal kasoo laabtey uu nin afrikaan ahi uuna xil jeclaysi iyo kursi ilaashi toona intuu indhaha iska saabey uu doorasho iyo tartan xor ah bulshadda u hor keenay isagoo haystay qiil walba oo kaga baaqan karo haddana waxa uu doortay dhabo aanan madaxwayni faciisa ahi ay adag tahay inuu ku dhiiraado ayuu doortay kaasoo noqday dariiqa yar oo madaw oo adag lakinse barwaaqo dalka gayn doona, waxa uu doortay dariiq manta Somaliland ay ku timi halka ay joogto isu tanaasul iyo isku dhibrad.
Talabaddan dabadeed waxa ay noqotey astaan dimuqaradiyeed oo dalkani qof walba oo jooga ku faano xataa madaxdeenu laabta ugu garaacdaan waddamada horumaray.
Markii labaad ee uu Rayaale doonis shacab uu xilka ku imi waxa uu talaabo ku bilaabey inuu dalkii waynaa somaliland protectorate la odhan jiray xudduudihii uu lahaa dib usoo celiyo waxaanu heshiisyo iyo afkaaro quman kusoo xero-galiyay dadkii Somaliland ka maqnaa. Ilaa ay heer gaadho ay naftiisu halis u gashey isagoo ugu dambayn gaadhsiyay Somaliland manta halka xadkeeda ugu dambeeya yaalo.
Waxa uu Rayaale qabtey qoraal iyo qormo laguma soo koobi karo, lakinse waxa uu halkaa kasii waday talaabooyinka dimuqaradiyeed ee uu furaha u ahaa waxaana wakiiladdii kowaad ee Somaliland, dadku ku doorteen oo ay ku xusheen fartooda iyo fikirkooda.
Daahir waxa uu u galey juhdi wayn siddi dastuurka Somaliland loo samayn lahaa, waxa uuna dagaalo badan la galey dadkii sharci diidka ahaa isagoo ugu dambayn ku guulaystay in Somaliland xeerar ay isku xukunto yeelato. Intaa dabadeed Waxa uu dhisay ciidan qabiilkoodu yahay Somaliland, Suldoonkooduna yahay dastuurka, xidhahooguna yahay muwaadinimadda, oona qofna ku ixtiraamin abka uu yahay ee ku tix galiya hadba inta dastuurka dhawro.
Daahir waxa uu kusoo gunaanadey wax qabadkiisi doorashaddi ugu dambaysay Somaliland ee qabiil la isku dooran ee dadku xor ugu codayeen qofkay rabaan, waxaana guushu ay raacdey xisbiga kulmiye iyo Madaxwayne Siilaanyo, Daahir isagoona hal cabasho ah iyo murran ah ka keenin ayuu aqbaley doorashadda. Wuxuuna xilkii ugu wareejiyay si milgo iyo maamuuskeedu sarayso Madaxwaynihi la doortay, Waliba waxa uu dardaaran dheer ka jeediyay xafladdi xil-wareejinta uu ku bidhaaminayo siddii Somaliland la iskugu hayn lahaa horumarkeegana looga wadda shaqayn lahaa.
Madaxwayne Daahir intaa dabadeed dib siyaasadda ugu ma soo wajiqin ee wuxuu noqday oday Somaliland oodhan ay ku tiirsan tahay oo taladiisa lagu kala baxo, dalkana madaxwayne walba oo imaada barbarkiisa istaaga oo tallo iyo tusaale ba la garab jooga.
Daahir Rayaale kumu soo koobi karayo wuxuu qabtey saan h**e ba usheegay hal iyo labo qormo.
Dadkana waxaan ka raali galinaya waxii aan gafey.
Mahadsanidiin.
WAXA QORAY: AHMED ABDIRAHMAN “DALDAJIYE”
