31/03/2021
Tuulo dadka oo dhan ay wada deymaysan yihiin ayaa waxaa Hotel ku yaalay soo galay nin dalxiise ah, waxuu 100$ saaray miiskii soo dhaweynta(reception-ka) waxuuna dalbaday in la siiyo qol ku haboon, markiiba waa la Kaxeeyay oo qol ayaa lala raadiyey.
Intii qolkii lagu maqnaa ayuu milkiilihii hotelka 100$-kii la booday waxuu u geeyey nin kawaanle ah oo hotelka hilibkiisa laga soo qaado oo deyn kulahaa.
Kawaanlihii 100$ loo keenay ayuu la booday oo ninkii uu xoolaha ka soo kaxeyn jiray ayuu isaga geeyey.
Ninkii xoolaha lahaa intuu 100$ la booday ayuu nin uu cowska (calafka) ka soo qaadan jiray isaga geeyey.
Ninkii cowska intuu 100$ la booday ayuu nin baabuurey ahaa oo cowska magaalada u keeni jiray deyna kulahaa ayuu isaga geeyey.
Ninkii baabuuraha ahaa 100$ intuu soo qaaday ayuu hotelkii marka uu magaalada imaado uu seexan jiray oo lacag looga lahaa ayuu miiska iska soo saaray.
Ninkii dalxiisaha ahaa ayaa kor ka soo dagay sheegayna in qolalka hotelka aysan qancin oo 100$-kiisii oo miiska saaran iska qaatay!
