Gudbiye Tv

Gudbiye Tv Gudbiye TV waa Warbaahin kusoo gudbinaysa wax kaste oo Wanaagsan oo waxtar u leh Bulshada.

Agaasimaha Guud ee Wasaaradda Caafimaadka JSL, Dr. Axmed-saki Maxamuud Jaamac, ayaa sheegay in muddadii u dhexaysay bili...
10/10/2026

Agaasimaha Guud ee Wasaaradda Caafimaadka JSL, Dr. Axmed-saki Maxamuud Jaamac, ayaa sheegay in muddadii u dhexaysay bilihii January ilaa Ogost ee sannadkan 2026 loo adeegay 29,782 bukaan oo qaba xanuunnada dhimirka guud ahaan Somaliland.

Agaasimaha Guud ayaa tilmaamay in tirada bukaannada adeegyada caafimaadka dhimirka loo fidiyey ay muujinayso in tiradu kordhi karto, loona baahan yahay in qof kaste caafimaadkiisa si dhaw uga war hayo. Waxa uu sidoo kale sheegay in xogtii ugu dambaysay ee sannadkii 2025 ay muujinayso in guud ahaan Somaliland adeegyo caafimaad oo la xidhiidha xanuunnada dhimirka loo fidiyey 40,000 oo bukaan.

“Laga soo bilaabo bishii January ilaa bishii Ogost, warbixinta soo baxday Somaliland ee aynu hayno waa 29,782 bukaan oo maanka ah ayaa Somaliland oo dhan loo adeegay. Waxa ay taasi ina tusaysaa in tiradu sii kordhi karto. Sannadkii 2025 xogtii ugu dambaysay, 40 kun oo bukaan ayaa loo adeegay,” ayuu yidhi Agaasimaha Guud ee Wasaaradda Caafimaadka Somaliland.

Maayarka Caasimadda Hargeysa, Cabdirisaaq Wiiwaa ayaa sheegay in ay tahay qorshe ay ka wada socdaan dowladda dhexe iyo d...
10/10/2026

Maayarka Caasimadda Hargeysa, Cabdirisaaq Wiiwaa ayaa sheegay in ay tahay qorshe ay ka wada socdaan dowladda dhexe iyo dowladda hoose in la xidho wadad dhinac marta hotelka weyn ee caanka ah ee Ambassador, halkaas oo uu sheegay in ay soo degayaan safaarado badan oo caalamka ah.

Maayarka ayaa caddeeyey in 300 Mitir oo wadadaas ah ay dan u tahay dalka iyo dadka, sidoo kalena Mulkiilaa Hotelka Ambassador lagu gafayo oo uu wax weyn taray dadka iyo deegaanka uu hotelkiisu ku yaalo.

"Ambassador dad ayaa ku gafaya, wax badan ayuu taray deegaankan iyo dadka ba. Safaarado badan ayaa inoo imanaya oo aan rabnaa inay halkan soo degaan, cidda leh Ambasaddor ayaa loo xidhayaa wadada waxba k**a jiraan, ninka leh Hotel kaasina waa kasoo horjeeday, laakiin aniga iyo dowladda dhexe ayaa ku qanciyey waana ku wada soconaa. Dadkan waxaan leeyahay 300 Mitir ee wadadaas ah ka samra" Maayarka Caasimada Hargeysa, Cabdirisaaq Wiiwaa.

09/10/2026

Prof. Axmed Ismaaciil Samatar & laba hadal

07/10/2026

Gabadhani, maaha Muslim haysata Diinta Islaamka, haddana waxay si fiican u akhriyaysaa Aayado kamid ah Suuratul Mu’minuun oo ah Suural ka hadlaysa sifooyinka Mu’miniinta dhabta ah iyo abuuridda iyo awoodda Alle iyo Suuratul Faatixa oo ay cod qurux badan ku akhriyeyso.

Gabadhan waxa dalka Jarmalka kula kulmay Abdeentube, oo ah nin inta badan caan ka ah Tiktok oo dadka waydiiya Qur’aanka iyo akhrintiisa iyo qof walba inta uu xifdisan yahay. La yaab ayay ku noqotay gabadhan markii uu la kulmay sida uu isagu ba sheegayo markii iyada oo aan Muslim ahayn haddana ay garanayso Qur’aanka.

Abdeen waxa uu sheegay in sidan oo kale uu h**e ula kulmay nin aan Muslim ahayn oo si wacan u akhriyaya una xifdisan Suratul Faatixa. Waxa uu ugu duceeyey in Alle soo hadeeyo oo ay qaadato Diinta Islaamka.

U ducee adna. Sidee u aragtaa ?

Tv

05/10/2026

Somaliland oo Kamaradaha qarsoon ku xidhaysa Dhirta iyo Kaymaha dalka

05/10/2026

"Dad baa jira Somaliland duminteena ka shaqeeya oo loo soo adeegsanayo" Wasiirka Xanaanada Xoolaha Somaliland oo si adag u hanjabay

Afhayeenka Ciidanka Booliska JSL, Gaashaanle Sare Cabdicasiis Sheekh Ismaaciil, ayaa sheegay in Wasaaradda Deegaanka Som...
05/10/2026

Afhayeenka Ciidanka Booliska JSL, Gaashaanle Sare Cabdicasiis Sheekh Ismaaciil, ayaa sheegay in Wasaaradda Deegaanka Somaliland ay geed kaste oo ku yaala meel cidlo ah ama Kaymaha Somalilad ku xidhay Kamarado lagu ogaanayo dadka geedaha guba ama waxyeelleeya deegaanka iyo duur-joogta.

Afhayeenka Ciidanku, Waxa uu tilmaamay in k**araduhu awood u leeyihiin inay duubaan qofka falka geysta, xitaa haddii uu isku dayo inuu gubo geedka ay k**araddu ku xidhan tahay.

“Geed kasta oo meel ku yaalla ama kaymaha aad arkaysaan, boqolkiiba 80 waxa noogu xidhan k**arado, waxaanay duubayaan cidda deegaanka iyo duur-joogtaba dhibaatada gaadhsiinaysa.Haddii aad gubto geed ay k**aradu ku xidhan tahay wajigaaga way duubaysaa meesha laga maamulayaana waxay taala Wasaaradda Deegaanka.” ayuu yidhi Afhayeenka Ciidanka Booliska JSL.

Dhanka kale, Afhayeenka oo hadalkan ka sheegay Ololaha Wacyigelinta Ilaalinta Deegaanka iyo Duur-joogta, waxa xusay in qof kasta oo waxyeello u geysta deegaanka loo aqoonsan doono eedaysane qaranku dhibane ka yahay, isla markaana la horgeyn doono hay’adaha sharciga ah.

"Ciidanka Ilaalinta Deegaanka iyo Duur-joogtu waxa uu u xil saaran yahay in cid kaste oo kusoo xadgudubta deegaanka iyo Duur-joogta inay talaabo sharci ah mariyaan, qof kaste oo ku xadgudbana waxa uu noqonayaa eedaysane qaranka waxaana la horgeyn doonaa hay'adaha sharciga ah" ayuu yidhi Afhayeenka Ciidanku.

Dr. Abiy Axmed Cali, ayaa markale loo doortay Ra'iisal-wasaaraha dalka Itoobiya ee shanta sano ee soo socota.Golaha Waki...
05/10/2026

Dr. Abiy Axmed Cali, ayaa markale loo doortay Ra'iisal-wasaaraha dalka Itoobiya ee shanta sano ee soo socota.

Golaha Wakiilada Itoobiya oo maanta yeeshay kalfadhigiisi 1aad ee golaha 7aad ayaa codkii ugu badnaa siiyey Abiy Axmed inuu markale noqdo Raysalwasaaraha xukunka Itoobiya sii haya.

Abiy Axmed ayaa dalka Itoobiya xukunkiisa la wareegay sanadkii 2018, kadib isbadelkii ka dhacay guud ahaan dalkaas. Waxaana dalka Itoobiya ka socda dagaalo waa weyn oo u dhaxeeya Milateriga Itoobiya iyo kooxaha hubaysan ee TPLF. Waxa sidoo kale cirka ku shareeran xiisadda Itoobiya kala dhaxaysa dalalka Ereteriya iyo Masar oo wakhtigan isbahaysi cusub samaystay.

Sidee u aragtaa ?

Wasiirka Wasaaradda Deegaanka iyo Isbadelka Cimilada JSL, Cabdilaahi Geeljire, ayaa daahfurey wacyigelin ballaadhan oo k...
05/10/2026

Wasiirka Wasaaradda Deegaanka iyo Isbadelka Cimilada JSL, Cabdilaahi Geeljire, ayaa daahfurey wacyigelin ballaadhan oo ku saabsan ilaalinta deegaanka, isaga oo sheegay in deegaanka oo la ilaaliyaa ay muhiim u tahay noloshada bini'aadamka ah.

Wasiirka ayaa caddeeyey in dhibaatada uug badan ee wakhtigan jirtaa ay tahay Macdanta laga qodayo meel walba, isaga oo iftiimiyey in la sameeyey ciidamo gaar ah oo ka shaqeeya ilaalinta deegaanka iyo duur-joogta ku nool ba.

"Deegaanku waa nolosheenii, waxa ugu badan ee dhibaatada ugu badan ah waa macdanta meel walba laga qodayo. Ciidan gaar ah oo Booliska ka tirsan ayaa loo sameeyey in deegaanka ilaaliyo oo la geeyey meel kaste oo Isuduwe joogaba, gobolada oodhan waa lagu dhamayn doonaa" ayuu yidhi Wasiirka Deegaanka iyo Isbadelka Cimilada JSL, Cabdilaahi Geeljire.

Address

Hargeisa

Website

Alerts

Be the first to know and let us send you an email when Gudbiye Tv posts news and promotions. Your email address will not be used for any other purpose, and you can unsubscribe at any time.

Shortcuts

Share

Category