17/04/2026
Dhowaan Filo
Buugga: Geesinnimada In aan Lagu Jeclaan.
Qoreyaal: ICHIRO KISHIMI & FUMITAKE KOGA
Turjume: Cabdisaciid Cabdi Ismaaciil
“Waxa ahmiyadda lihi ma aha wixii na la siiyey markii aan dhalannay, balse waxa ahmiyadda lihi waa sida qofku u adeegsado waxa la siiyey…Dhibka nolosha kaa haysta laguma eedayn karo tagto ku soo martay ama duruufo ka jira deegaankaaga. Mana aha in aadan karti lahayn. Keliya waxaa kaa maqan kelya-adayg. Waxaa la oran karaa waxaa kaa maqan in aad yeelato geesinnimo aad ku faraxdo… Ma lihid geesinnimo kugu filan oo aad ku beddesho hab-nololeedkaaga. Sidaas awgeed, waxaa sahlan in ummuuraha loo daayo sida ay hadda yihiin, xataa haddii ay jiraan cabashooyin iyo waxyaabo ku dabraya.
Buuggaan magaciisu yahay ‘Geesinnimada in aan lagu jeclaan,” waa dhigaal falsafi ah oo si qotodheer u faallaynaya mid ka mid ah caqabadaha waaweyn ee ka horyimaada dadka dunida ku nool: cabsida in bulshadu ay dayriso. Dad badan baa waxay ku dadaalaan sidii ay u noqon lahaayeen kuwo la jecel yahay, xataa haddii ay taasi gayaysiinayso in ay ka tanaasulaan shakhsiyaddooda iyo waxa ay rumaysan yihiin, oo ay yeeshaan dhaqanka idaha.
Iyada oo laga duulayo aragtiyihii buunigii kasmonafeedda ee Alfared Adler, ayuu buuggu wuxuu soo bandhigayaa wadahadal xiiso leh oo dhexmaraya faylasuuf iyo barbaar caraysan, oo ka doodaya sida raadinta joogtada ah ee raalligelinta bulshadu ay caqabad ugu noqon karto farxadda dhabta ah ee qofka.
Marka la soo koobo, buuggaan ‘Geesinimada in aan lagu jeclaan,’ wuxuu cod dheer kuugu sheegayaa in aad naftaad run u sheegto, oo aad adigu is ahaato, kuna noolaato mabaadida iyo qiyamka aad adigu rumaysan tahay, aadna higsato nolol milgo iyo hadaf leh iyo farxadda loo wada ruclaynayo; iyada oo aan dan iyo heello laga gelin wax cid kale ay ku fekerayso ama filasho ay qabto.
Waa buug hortaa malaayiin dad ahi ay akhristeen, kana faa’iidaysteen xikmaddiisa. Haddana, maadaama loo tarjumay Soomaali, aad adiguna sidoo kale ka faa’iidaysan karto.
Tel: +25263 63 3333755
Email: [email protected]
