10/06/2026
Waxaa qoray xildhibaan H**e Faarax Dalmar (Afmaqadiye) oo Ciidamada Militaryga Somaliland qabteen 6 Febraayo 2023 oo muddo 3sano iyo 5bilood ku xiran Hargaysa👇
""WAA LAYSU SOO NOQON WIXII NOOL ADDUUNYADA.
Waxaan ahay Faarax Maxamed Dalmar (Faarax Afmaqadiye) waan salaamayaa guud ahaan bulshada Soomaaliyeed ee neceb dulmiga iyo ku xadgudubka xuquuqda dadka kale gaar ahaan intii garabtaagnayd halgankii guusha kusoo dhammaaday, intaa kadib waxaan rabaa inaan halkan idinkula wadaago xog kooban.
Halganka deegaankayga waxaan ku jiray mudo ka badan 10-sano anigoo soo waday xiliyo ay adkayd in lagu dhiirado oo ay iga soo gaadhay dhaawacyo xili aan guura bahalaynaynay.
Bishii 4-aad ayay gacanta igu dhigeen Soomaaliland aniga iyo rag kale anaga oo ku guda jirna hawlgalkeeni dagaal kaas oo si rasmi ah noogu bilowday 6:00Subaxnimo 06 Febraayo 2023, anaga oo soo galay dagaalo adag iyo maalo khadhaadh oo ay ku nafwaayeen halyeeyo ku suntan qalbigeena qaybna lagu qabtay oo naga h**eeyey anaga iyo kuwo kale oo Foolaadkii halganka ahaa waa nalaga daba keenay iyaga oo lagu qabtay goobihii ay isku waajeheen iyaga iyo Ciidamadii duulaanka ahaa.
Walaalayaal k**a cabanayo maanta xadhiga aan ku jiro aniga iyo saaxibadaydii halganka waxaanse tirsanaynaaa, Dayacaad aanaan ka filayn oo nagaga timi Maamulkii aanu dhiiga iyo dhuuxa u shubaynay oo aanu is lahayn waad ku seexan doontaan
1- Maanu helin ka warqab anaga, Caruurtii aanu ka tagtay iyo Xaasaskeenii midna, iskadaa Xuquuq joogto ah xataa see xaalkiinu yahay habeen maamulkii nama odhan.
2- Cidii noo hadasha amaba soo hadal qaada dayaca aanu wajahnay ragayagii soo halgamay waxaaba Maamulkii u samaystay kooxo dhaha waa dad waalan iyo waxay u shaqaynayaan maaamulo kale, mana aha wax na qabta iyo waxaan filaynay toona.
3- Maanta waxaanu Media-ha ka aragnay ehelkaygii oo iyagu intaas gacanta nagu hayey oo bulshada la wadaagay cabashadayadii iyo xaalada aanu ku suganahay, waxaa wax lala yaabo iyo amakaag nagu noqotay in ehelkaygii oo intaas dhib iyo dheefba nala qaybsaday dushana u ritay xilkayagii, anagii na haya, Caruurteenii iyo Xaasaskeenii haya in laga adeejiyey dad wax magarato ah oo dabadayo dalkii yimi caawana ku xaragoonaya dhiiga intii shahiiday iyo xoriyad la’aanteena.
Waxaan weydiinayaa inta caqliga u saaxiibka ah Anaga oo qabna dayaca iyo ilowga intaas le’eg miyaanu mudanahay in Ehelkayagii lagula kaco jaa’ifada intaas le eg oo maamulku dabada ka raxiinayo.
Waan u mahadcelinayaa Saaxiibada iyo Ehelada sida joogtada ah nooga war hayo waxaad noogu qoran tihiin baalal dahaba in Alle inta ku hawlan xaqduudsiinteena iyo Magac dilkeena waanu idiin ognahay waana laysu soo noqon wixii Nool aduunyada, qoraalkeenu maaha cabasho ee waa garnaqsi ku socda inta maanka furan Xabsi baanu ku jirnaa Xabsina ragbaa loo sameeyey weliba dad Soomaaliyeed baa gacanta nagu haya.
Waa Su,aale Dadkaygiyow Dhiiga geesigu mawax doqonta iyo Fulaygu nafacsadaanbaa?
