02/02/2025
๐๐๐ฆ๐๐๐ฅ๐ฒ๐๐๐ ๐๐๐๐๐ฑ๐ฐ๐๐ฒ๐ง๐๐ก๐ ๐๐๐, ๐๐ก๐ง๐ ๐๐๐ฅ๐ข๐ฒ๐๐ก๐ ๐๐ฎ๐ฎ๐ ๐๐ ๐๐ข๐ข๐๐๐ฆ๐๐๐ ๐๐๐ฅ๐๐๐ค๐ ๐๐ข๐๐ ๐๐ ๐๐-๐ ๐ฎ๐ฎ๐ซ๐๐๐ ๐๐๐ฌ๐๐๐๐ฌ๐ค๐ ๐๐ข๐ข๐๐๐ฆ๐๐๐ ๐๐๐ซ๐๐ง๐ค๐ ๐๐๐.
BISMILAAHI RAXMAANI RAXIIM,
Geesiyada Ciidamada Qaranka, rag iyo haweenba, idinka iyo qoysaskiinaba waxa aan halkan idiinka soo dirayaa hambalyo kal iyo laab ah iyo duco munaasibadda 31 guurada aasaaaska Ciidanka Qaranka awgeed.
Walaalayaal,
Waxa aad tihiin Daljire-yaal iyo Dirane-yaal naftooda iyo noloshoodaba u huray difaaca, bedbaadada, Jiritaanka iyo Ilaalinta amniga iyo xasiloonida ay maanta ummadeena Somaliland ku naaloonayaan.
Waa idinka kuwa noo suurto geliyay in aanu ku seexano nabad, in aanu tijaarad iyo ganacsi galno, in caruurteena iyo dhallinteenu ay wer-wer la'aan ku tagaan goobaha Waxbarashada. Waa idinka kuwa inoo suurto galiyey in aynu doorashooyin galno, dalkeenana ay ka hirgalaan hannaanka dimuqraadiyaddu.
Walaalayaal
Muddo ka badan 30 sanno waxaad ahaydeen, ahaana doontaan udub-dhexaadka dhismaha Qaranka JSL, waxaanad ku bixiseen dhiig iyo naf-hurid aan qiyaas lahayn, Qarankeena Barakaysanina idinka la'aantiin muu gaadheen halka uu maanta joogo.
Walaalayaal,
Qofka kasta oo ah muwaadin Somaliland waxaad ka mudan tihiin xurmo iyo xaq-siin aan weligeed duugoobayn. Xukuumadda aan gadh-wadeenka ka ahay waxa ka go'an daryeelka idinka iyo qoysaskiinaba xag nololeed iyo xag horumarba. Waxaan idinkula dardaarmayaa in aad sii kordhisaan juhdiga, dedaalka, feejignaanta iyo difaaca Qarannimadeena.
๐๐๐๐๐๐๐๐๐ ๐๐๐๐๐๐๐ ๐๐๐ ๐๐ ๐๐๐๐๐๐๐๐๐๐๐,
๐๐๐๐๐๐๐๐๐๐ ๐๐ ๐๐๐๐๐๐๐๐๐๐.
