https://www.facebook.com/717832571629143/

Faysal Jeenicadde, Hargeisa (2026)

05/03/2026

Warbaahinta Financial Times ayaa qortay warbixin dheer oo si faahfaahsan oo xiiso leh loo dhigay, waxay kaga warramayaan habkii loo diley Ayatulah Cali Khumenie, waxay kaashanayaan laba qof oo ka tirsan hay’adda Mossad, arrintana aad ugu dhuun daloola.

Bilawga:

Waxay ahayd sannaddii 2001, Iyada oo ay Mossad meelo kale ku maararowdo ayuu Raysal Wasaarihii h**e ee Israel Ariel Sharon hay’adda u jeediyey jiho cusub, wuxu yidhi ‘Waxa aad qabanaysaan waan la dhacay, waana shaqo cajiib ah balse, imminka laga bilaabo mudnaanta waxa leh Iran, waan ku celinayaa, mudnaanta waxa leh Iran!” Maalintaas bay bilaabantay raad-gurka Ayatulluhu.

Sidee loo sugay, loona diley?

Sugidda:

1. Mossad waxay jabsatay (hack) ku dhowaad dhammaan kaameradaha ammaanka waddooyinka Tehran, waa la daawaday, waxa la ururiye macluumaad tiro-dhaaf ah, gaar ahaan askarta ilaalisa, cinwaannada guryohooda, baabuurta taarikadooda, jidwalka shaqadooda, qoysaskooda iyo dhammaan wixii ku saabsan ilaalada. (Iran lafteedu waa jirtey waa ay jabsatey cameradaha waddooyinka ee Jerusalem iyo Telaviv, waa se sheeko maalin kale)

2. Xogtii iyada oo buuxda baa la helay Artificial Intelligence, kolkaas baa AI loo isticmaalay si loo kala hufo oo loo koobo abbaarta (narrow the grid)

3. Waxa la arkay ‘habdhis nololeed oo soo noqnoqda’ pattern of life - waxa la daraaseeyey oo la bartay guud ahaan Tehran gaar ahaanna jaantuska shaqada iyo nolosha aayatullaha iyo dhammaan dadka u dhow.

4. Waxa kale oo Mossad caawiyey Ayayulaha geeridoodey oo aan ahayn nin is qarinaya, waxa uu waa dhexdaas ah yidhi, ‘Iran aniga uun ma aha, waanan ogahay inaan dhimanayo oo la i dilayo, kolkaa dhuumasho ku jiri maayo’ wuxu u jeede “Iran waa wada Lixle” wuuna kaga duwanaa taas asxaabtiisa uu ka mid ahaa Xassan Nasrullah oo noloshiisa ku qaatay dhulka hoostiisa.

5. Waxa la ogaadey in shir badanka madaxda sare isugu imanaysaa ka dhacayo xafiiskiisa lagu diley iyo xilliga, waana la xaqiijiyey in uu Ayatuluhu imanayo. Kolka ay tahay arrin xog sirdoon la xidhiidha, waxa loo qaybiyaa laba waa xog ku timi farsamo technology oo daawasho, dhegeysi, jabsasho iwm ah leh (signal intelligence: SINGINT) iyo xog uu soo gudbiyey qof sirdoon ah oo goobta jooga (Human Intelligence: HUMINT) taas awgeed Waxa la isla qaatay in aan xog ku dhisan farsamo SINGINT aanay ku filey oo keligeed lagu hawlngeli karin balse loo baahan yahay HUMINT.

6. Mossad si ay usii hubiyaan jiritaanka shirka iyo imaatinka odayga waxay kaalmo HUMINT AH weydiisteen CIA-da Mareekanka, CIA oo haysatey tiro basaasiin si qoto dheer ugu dhex aasan xafiiska Aayatulaha ayaa u soo xaqiijisay jiritaanka dhammaan xogta Mossad —kolkaas baa go’aanka la qaatay.

Weerarka:

Waa la is qaybiyey, Mareekanku waxa ay dhabbada u xaadheen diyaaradaha Israel, waxayna ku hagaageen burburinta difaaca iyo indho-tirka radarada Iran. Maraakiibta dagaal ee Mediterraneanka taalley ee Lincoln iyo Ford baa ganay galtaallo xad dhaaf ah Cruise ah, waxay sidoo kale CIA cyber attack ku khalkhal-geliyeen radarrada wax arka ee Iran.

Israel waxa ay ku hagaagtey weerarka iyo duqaynta dilka geystey.

1. Towerska telephonada ee u dhow xafiiska shirku ka dhacayey waxa la geliyey cillad, cilladdaasi ma ahayn inaanu shaqayneyn, balse waxa laga dhigay sidii in telephoneka aad garaacdaa mashquul yahay, sababtuna waxay ahayd inaan wax digniin ahi gaadhin Ayatulaha iyo xertiisa.

2. Waxa la adeegsadey gantaalka Sparrow oo leh liishaan aad u dheer iyo abbaar sugan, Sparrow waagii h**e waxa loogu talo galay difaaca cirka, taas oo ka dhigaysa mid abaartiisu aad u sugan tahay (high precision)- kolka ay sugnaanta Sparrow xayaysiinayaan waxa ay sheegaan in iyada oo laga ganayo masaafo jirta 1000km lagu beegi karo miiska shaaha la saarto —waa precision aad u sarreeya.

3. Dilkiisa Waxa loo adeegsadey oo lagu dhuftay 30 gantaal oo Sparrow ah.

01/03/2026

Ragga inta ugu adag ee aan ciidan iyo xoolo lagu loodin karin, inta badan waxaa laga helaa dhanka dumarka. El Mencho oo ahaa ninka ka dambeeyay awoodda weyn ee cartel-ka Jalisco New Generation, dalkiisa Mexico-na ka dhigay meel aan la xukumi karin, wuxuu ahaa qof aan la taaban karin ilaa laga soo galay dhanka gabadh uu aad u jeclaa. Xitaa madaxdii qaranka oo gabaad ka dhiganaya maraakiibta dagaalka, isagu wuxuu u nuglaaday dareenkiisa gaarka ah.

In kasta oo Mareykanku madaxiisa saaray lacag gaaraysa $15 Milyan, haddana laguma helin sirdoon iyo xoog toona. Waxaa se dhacday 22-kii February in gabadh uu kalsooni indho-la’aan ah siiyay, ciidankiisuna aysan baari jirin, loo soo raacay.

Halkaas waxaa ka cad in awoodda dumarku ay tahay seef laba af leh; waxay dhismi karaan boqortooyo, waxayna dumin karaan ninkii caalamka oo dhan ka dhuuntay laakiin iyada ka dhuuman waayay.

28/02/2026

Marinka Hormuz: Xudunta Dhaqaalaha Tamarta
============================
Marinka Hormuz waa halbowlaha ugu xasaasisan ee tamarta dunida, marin-biyood istaraatiiji ah oo isku xira Gacanka iyo Badweynta Hindiya, isla markaana maalin kasta ay ka gudbaan ku dhowaad 20 milyan oo foosto oo shidaal ah.
Taasi waxay ka dhigan tahay qiyaastii shan meelood meel sahayda iyo wax-soo-saarka shidaalka caalamka, halka ku dhowaad rubuc ganacsiga shidaalka badda lagu qaado iyo shan meelood meel ganacsiga gaaska dabiiciga ah ee la qaboojiyo (LNG) ay halkaas maraan.

Muhiimaddiisa dhaqaale iyo istaraatiiji awgeed, marinkan waxaa si dhow isha ugu haya suuqyada caalamka, gaar ahaan xilliyada xiisadaha gobolka. Maanta, iyadoo xaaladdu weli kacsan tahay, feejignaan dheeraad ah ayaa lagu hayaa amniga iyo dhaqdhaqaaqa maraakiibta.
Wararka maanta soo baxay ayaa tilmaamaya in Marinka Hormuz la xiray si ku-meel-gaar ah, tallaabadaas oo si degdeg ah u kicisay walaac caalami ah oo la xiriira sahayda tamarta iyo xasilloonida suuqyada shidaalka.

15/02/2026

Maalintii Wasiir British Lagu Dilay Bartamaha Qaahira… Galbeedka Maxaa Aamusiyay

Subaxdii 8 November 1944, Qaahira waxay ku soo kacday mid ka mid ah dambiyada siyaasadeed ee ugu halista badnaa qarnigii 20aad. Lord Moyne, Wasiirka Arrimaha Bariga Dhexe ee Britain, ayaa ka baxay gurigiisa xaafadda raaxada leh ee Zamalek…ayaa maalin cad lagu toogtay.

Dadkii dilka geystay ma aysan ahayn kuwo aan la aqoon ama si shil ah u dhaqmay: Eliyahu Hakim iyo Eliyahu Bet-Zuri, xubno ka tirsan kooxdii Lehi ee sahyuuniyada, ayaa Masa soo galay iyaga oo wata baasaboorrada been abuurka ah. Waxay u dhaqaaqeen si xor ah, iyaga oo si taxaddar leh u doortay bartilmaameedkooda.

Sababta ayaa ahayd mid cad: Lord Moyne wuxuu diiday in Falastiin loo furo soo-galootiga Yuhuudda si aan xad lahayn. Hawlgalku wuxuu ahaa mid qabow oo si fiican loo qorsheeyey: wasiirka, ilaaliyihiisa, iyo xoghayihiisa waa la dilay. Kadib dilayaashu waxay isku dayeen inay ku baxsadaan mootooyin ku socda xawaare sare, balse waa la qabtay.

Halkaas ayay ka bilaabmatay ceebta dhabta ah. Britain way aamustay: wax hanjabaad ah, wax xoojin ah, wax ciqaab ah lama arag. Xitaa dowladda ingiriiska ayaa isku dayday inay fududeyso ciqaabta dilayaasha, iyadoo warbaahinta laga mamnuucay in si buuxda loogu sheego dambiga, iyadoo la keenay sabab cajaa’ib leh oo ah in dilayaasha “malaha aysan ula jeedin inay wasiirka dilaan.”

Masar way diiday. Boqor Faruq wuxuu diiday dhammaan cadaadiska wuxuuna amray in dilayaasha lagu fuliyo xukunka dilka.

Ma dhammaatay sheekadu? Maya. kadib dilka Isla markiiba Britain waxay oggolaatay soo galootiga Yuhuudda ee ballaaran ee Falastiin, sidii dhiigga loo isticmaalay warqad cadaadis siyaasadeed.

Sanado kadib, Dagaalkii Oktoobar, Israel si rasmi ah ayay u codsatay lafaha Eliyahu Hakim iyo Bet-Zuri, kuwaas oo la siiyay beddelkii sii deynta maxaabiista Masaarida. Lafahii dilayaasha waxaa lagu beddelay maxaabiis nool oo Masaari ah. Markii ay Tel Aviv yimaadeen, dilayaasha waxaa lagu soo dhaweeyay aas militari ee rasmiga ah, waxaa loo aqoonsaday “geesiyaal qaran,” waddooyin magacyadooda lagu magacaabay ayaa laga dhisay juruusaalem iyo Tel Aviv.

Hadda, bal ka fakir oo naftaada si daacad ah u weydii: Haddii dilayaashu ahaanlahayeen Carab, maxaa dhici lahaa? Galbeedku ma aamusi lahaa? Britain ma bixin lahayd cudur daar? Mise dagaal, ciqaab ballaaran, iyo cinwaano ku saabsan “argagixiso” baa jiri lahaa?

Su’aasha dhabta ah ma aha waxa dhacay ee waa miisaanka caddaaladda: ma dhammaan dhiiggu waa isku mid? Mise dilaa haddii uu Zionist yahay… geesi baa loo arkaa?

Haddii aad akhriska dhammaysatay, ku sallii Nabigeena sharafta leh Muxammad scw ﷺ.
===========================
Qof kasta oo daneynaya sheekooyin, taariikh iyo qisooyin layaab leh, ku xirnow Abdirahman Dilib
si aad u heshaan wax walba oo cusub marwalbo.

11/02/2026

Go’aankii Japan Badbaadiyey iyo Casharka Afrika Ka Seegtay! 🇯🇵

Sannadkii 1945-kii, Japan waxay ahayd dal gebi ahaanba dhulka lala simay. Laba bam oo Nukliyeer ah ayaa lagu dhuftay, magaalooyinkeedii waxay noqdeen dambas, dadkeediina waxay qarka u saarnaayeen gaajo iyo quus. Laakiin 20 sano ka dib, Japan waxay noqotay quwadda labaad ee dhaqaalaha adduunka.

Sidee ayay u dhacday?

Go'aankii Japan: "Waxaannu ku Dagaallamaynaa Qalinka"
Japan waxay qaadatay go’aan ka yaabiyey caalamka. Halkii ay ka barooran lahaayeen burburka, waxay soo saareen amarradan:

Talaabooyinkii ay Japan qaaday:

▪︎Waxbrashada: Japan waxay go’aansatay inay gebi ahaanba iska dayso dhisidda ciidan weyn, lacagtii ku bixi lahaydna ay geliso Waxbarashada iyo Tiknoolajiyada.

▪︎Anshaxa Shaqada (Kaizen): Waxay abuureen dhaqanka ah "In maalin kasta wax yar la hagaajiyo." Shaqaalaha Japan waxay shaqaynayeen saacado dheeraad ah iyagoo aan gunno weydiisanin, ujeedkooduna ahaa uun in dalku kaco.

Waxayna ku gaadheen
•1947: Japan waxay samaysay dastuur cusub oo xaddiday ciidanka, diiraddana saaray horumar dhaqaale.

•1950kii :Dowladda iyo shirkadaha ayaa si weyn u maalgeliyay warshadaha iyo tiknoolajiyada.

•1964: Japan waxay soo bandhigtay Shinkansen (tareenka xawaaraha sare) — calaamad muujisay horumar tiknoolaji.

•1968: Japan waxay noqotay dhaqaalaha labaad ee ugu weyn dunida (ka dib USA).

•Shirkado sida Toyota, Sony, iyo Honda waxay noqdeen shirkada caalami ah.

Taariikh-yahannadu waxay ugu yeedhaan horumarkan “Japanese Economic Miracle”, sababtoo ah kobaca dhaqaalaha Japan wuxuu ahaa mid aad u degdeg ah intii u dhexeysay 1950–1973.

Casharka Afrika ka Seegtay :

▪︎Dhismaha Maskaxda mise Dhismaha Guryaha: Japan waxay marka h**e dhistay maskaxda dadkeeda.
Halka Afrikana xoogga saartay dhisidda madaxtooyooyin iyo ciidan, laakiin waxay illowday in horumarku ka bilaabmo maskax ka xor ah jaahilnimo iyo balwad.

▪︎Ku-tiirsanaanta Dibadda: Japan waxay diidday inay gacan-hoorsato noqoto. Afrika waxay weli sugaysaa mucawino iyo deyn, taas oo inaga dhigtay maxaabiis dhaqaale.

Maxaynu ka baran karna ?
▪︎Japan waxay ina tusaysaa in ka faa'iidaysiga dadka maskadoodu in uu ka h**eeyo wax walba

05/02/2026

Dunida ayuu badbaadiyey, laakiin wuxuu ku dhintay guri kiire ah isagoo cidlo ah!"

Ninkii Badbaadiyay Dunida: Stanislav Petrov
26-kii Sebtembar, 1983
sheekadani waxay na tusaysaa in caqliga bini-aadamka uu ka sarreeyo mashiinnada ugu horumarsan.

Xilligaas waxay ahayd xilligii Dagaalkii Qaboobaa (Cold War). Xiisadda u dhaxaysa Maraykanka iyo Midowgii sovietku waxay maraysay heerkii ugu sarreeyey.
Dunidu waxay qarka u saarnayd dagaal nukliyeer ah oo lagu hoobto, iyadoo labada dhinacba ay farta ku hayeen buttomka gantaalaha.

Stanislav Petrov wuxuu ahaa sarkaal ka tirsan ciidanka sovietka, isaga oo habeenkaas ku jiray shaqada xarun sir ah oo laga ilaalinayey gantaalaha Maraykanka.
Si lama filaan ah, computerkii uu qayliyey: "Gantaal ayaa ka soo kacay Maraykanka!"
Wax yar ka dib, shaashadda waxaa ka soo muuqday gantaal labaad, mid saddexaad, ilaa ay noqdeen shan gantaal oo nukliyeer ah oo ku soo socda dhulka sovietka.
Sida uu dhigayay sharciga milatariga sovietka:Waa in si degdeg ah loogu jawaabaa weerar mid la mid ah si loo tirtiro Maraykanka.

Petrov wuxuu haystay dhowr daqiiqo oo uu go'aan ku gaadho. Haddii uu madaxdiisa u sheegi lahaa in la soo weeraray, dagaalka 3-aadadduunka ayaa bilaaban lahaa, malaayiin qofna way dhiman lahaayeen. Balse Petrov wuxuu adeegsaday caqligiisa; wuxuu is weydiiyey: "Haddii Maraykanku na soo weerarayo, maxay ugu soo rideen 5 gantaal oo kaliya? Miyaanay ahayn inay soo ridaan kumanaan si ay noo tirtiraan?"
Isaga oo khatar gelinaya noloshiisa, Petrov wuxuu u sheegay madaxdiisa: "Waa khalad farsamo (False Alarm)."

Natiijadii
Markii dambe waxaa soo baxday in Petrov uu saxnaa. Kumbuyuutarku wuxuu u qaatay iftiinkii cadceeda ee daruuraha ka soo muuqday inuu yahay gantaal. Haddii Petrov uu raaci lahaa "Amarka computerka," maanta laga yaabee inaan dunidan la deganayn.

Petrov wuxu dhintay 19 May 2017 isaga 77 jirka ah
Wuxu ku dhintay Moscow ruushka 🇷🇺

Waxa xusid mudan :
1.Ma jirin abaalmarin lacageed: Dawladda sovietku ma siinin dallacaad ama lacag, waayo go’aankiisii wuxuu muujiyey in nidaamka computerku uu khaldanyahay, taasna waxay u arkayeen ceeb milatary.
2.Wuxuu ku dhintay cidlo: Markii uu dhintay May 19, 2017, dunidu xataa ma ogaanin. Geeridiisa waxaa la ogaaday bilo ka dib markii saaxiibkii oo Jarmal ah uu soo wacay si uu dhalashadiisa ugu hambalyeeyo, markaas oo wiilkiisu u sheegay in aabbihii uu dhintay.
3.Nolosha petrov : Dadka soo booqday sannadihiisii u dambeeyey waxay sheegeen inuu ahaa nin miskiin ah oo inta badan cuni jiray roodhi iyo shaah, isagoo gurigiisu uu ahaa mid aad u buuxa oo buugaag iyo qashin yaallaan.

Maxaynu ka baran karnaa dhacdadan?

1. Caqliga aadamah mise Tiknoolajiyadda: In kasta oo computerku ahaa kii ugu casrisanaa waqtigaas, haddana wuxuu sameeyay khalad weyn. Sheekadani waxay na baraysaa in go’aanka ugu dambeeya ee masiirka aadanaha ay tahay inuu mar walba ku jiro gacanta bini-aadamka ee aan loo deyn mashiinnada.

3. Critical Thinking: Haddii uu Petrov u dhaqmi lahaa sidii "robot" oo kale oo uu raaci lahaa amarka u qoran, dunidu way dumi lahayd. Wuxuu na baray in mar walba la is weydiiyo "Maxay saas u dhacday?" ka hor intaan go'aan weyn la gaadhin.

4. Isdajinta Xilliyada Cidhiidhiga ah : Daqiiqado gudahood ayay noloshu ku xidhnayd. Haddii uu Petrov argagaxi lahaa dareenkaas ayaa ka adkaan lahaa caqligiisa. Guushu waxay ku jirtaa in maskaxda la dejiyo xilliga ay xaaladdu ugu adag tahay.

05/02/2026

Haddii aan ku weydiiyo, Waa kuma boqorka hawdku?..
Jawaabtaadu hubaal waxay noqonaysaa Libaaxa. Laakiin,
bal ii ogolow inaan kaa saxo, oo aan ku baro makhluuga aan ka gaban Libaaxa, aan ka baqan Shabeellada, xitaa masaska adduunka ugu sunta badan..
Waana kan, xayawaanka loo yaqaanno Xoorka..
Xayawaankan yar, Eebbe wuxuu ku hubiyay awood difaac
oo caqli-gal ahayn. Haraggiisu aad ayuu u qaro weyn
yahay, heer ay adag tahay in waranka iyo mindidu ka dhex baxaan..
Laakiin sirta ugu weyni waa qaabka haraggiisu u samaysan
yahay.

Bal qiyaas qof xiran jaakad ama shaati aad uga weyn jidhkiisa. Sidaas si la mid ah, haragga Xoorku jidhkiisa kuma dhegana. Haddii libaax ama dugaag kale uu dhabarka ka qabsado, Xoorku wuxuu awoodaa inuu
jidhkiisa gudaha ugu soo dhex-wareego, isagoo dhinaca
kale u jeesanaya si uu u weeraro wajiga cadowgii
qabsaday! Waa farsamo dagaal oo cajiib ah oo llaahay ku
mannaystay..
Waxaase kasii layaab badan xiriirka uu la leeyahay
masaska. Halka xayawaanada kale ay ka cararaan maska Kobrada, Xoorka agtiisa masku wuxuu ka yahay Qado
macaan..

Haddii ay dhacdo in masku qaniino suntaas oo dili karta maroodi ama dad badan Xoorka saameynta kaliya ee ku dhacaysa waa inuu miir-daboolmo muddo saacad ah.
Kadibna?
Wuu soo toosaa, isagoo sidii inuu hurdo yar ka kacay, wuxuuna halkiisii kasii wataa cunista maskii sunta badnaa..

Jidhkiisa ayaa leh nidaam dabiici ah oo sunta ugu halista badan ku burburiya daqiiqado gudahood.

Dhiirranaantaas xadka dhaaftay darteed, buugga Guinness World Records wuxuu Xoorka u diiwaangeliyey inuu yahay
"Xayawaanka ugu geesisan adduunka".
Waligiis ma cararo. Xitaa haddii uu wajaho koox Libaaxyo ah ama Waraabayaal ah, sharcigiisu waa mid cad:
"Weerarku waa habka ugu wanaagsan ee difaaca."

Ugu dambayn, markaad aragto awoodda intaas le'eg ee la galiyay jidhkan yar, waxaad ogaanaysaa in geesinimadu aysan ku xirnayn jidhka weyn, balse ay tahay sir uu Eebbe galiyo ciddii uu doono..
Subxaana Allaah Waa Abuur iyo Naqshad cajiib ah oo caqliga bini'aadamka ka yaabisay..

Gabgabadii Haddii aad la dhacday mucjisadan oo aad giratay weynida Al-Khaaliq, fadlan qaybta hoose igula qor mid ka mid ah Magacyada Alle ee quruxda badan, si aan u wada xusno Abuuraha koonkan.. Allahu Akbar..

Haddaad jeceshahay inaad ogaato siraha kale ee qarsoon ee hawdka, ha ilaawin inaad boggayga Follow soo dhahdo aadna sii faafiso goraalkan..

16/01/2026

75 Wadan ayuu mareykanka ka joojiyey Visaha dalka maraykanka inay soo galaan.

Afghanistan

Albania

Algeria

Antigua and Barbuda

Armenia

Azerbaijan

The Bahamas

Bangladesh

Barbados

Belarus

Belize

Bhutan

Bosnia and Herzegovina

Brazil

Myanmar

Cambodia

Cameroon

Cape Verde (Cabo Verde)

Colombia

Ivory Coast (Côte d'Ivoire)

Cuba

Democratic Republic of the Congo

Dominica

Egypt

Eritrea

Ethiopia

Fiji

The Gambia

Georgia

Ghana

Grenada

Guatemala

Guinea

Haiti

Iran

Iraq

Jamaica

Jordan

Kazakhstan

Kosovo

Kuwait

Kyrgyzstan

Laos

Lebanon

Liberia

Libya

North Macedonia

Moldova

Mongolia

Montenegro

Morocco

Nepal

Nicaragua

Nigeria

Pakistan

Republic of the Congo

Russia

Rwanda

Saint Kitts and Nevis

Saint Lucia

Saint Vincent and the Grenadines

Senegal

Sierra Leone

Somalia

South Sudan

Sudan

Syria

Tanzania

Thailand

Togo

Tunisia

Uganda

Uruguay

Uzbekistan

Yemen

16/01/2026

Ruushka oo shaaca ka qaaday in Midowgii Soofiyeeti uusan ku lug lahayn dilkii Madaxweyne JFK

Madaxa Hay’adda Kaydka Federaalka ee Ruushka (Rosarkhiv), Andrey Artizov, ayaa sheegay in dukumentiyo kayd ah ay caddeynayaan in Midowgii Soofiyeeti uusan wax door ah ku lahayn dilkii madaxweynihii Mareykanka John F. Kennedy (JFK). Wuxuu arrintan ku sheegay wareysi uu Khamiistii siiyay wakaaladda wararka ee RIA Novosti.

Bishii Oktoobar ee sanadkii h**e, codsi ka yimid xildhibaanadda Mareykanka Marwo Anna Paulina Luna, ayaa Safaaradda Ruushka ee Mareykanka ku wareejisay nuqullo ka mid ah dukumentiyo h**e oo la fasaxay, kuwaas oo ay diyaariyeen kaydka qaranka ee Ruushka, kuna saabsan dilkii Kennedy oo dhacay 22-kii Nofeembar 1963. Safaaraddu waxay sheegtay in dukumentiyo badan h**ey loo gaarsiiyay mas’uuliyiin Mareykan ah xilligii aaska Kennedy sanadkii 1963.

Sida uu sheegay Artizov, ujeeddada ugu weyn ee Ruushka ayaa ahayd in gebi ahaanba la soo afjaro su’aalaha ku saabsan suurtagalnimada in Midowgii Soofiyeeti uu ku lug lahaa dhacdadaas.

“Hoggaankii Soofiyeeti wax lug ah kuma lahayn dilka ama dhammaan aragtiyaha sheegaya shirqool shuuci ah, dukumentiyaduna arrintaas ayay si cad u muujinayaan,” ayuu yiri Artizov. Wuxuu intaas ku daray in dukumentiyada ay ku jiraan xog markii ugu horreysay la daabacayo oo ku saabsan joogitaankii Lee Harvey Oswald ee Midowgii Soofiyeeti.

Oswald, oo lagu eedeeyay dilka Kennedy, ayaa la toogtay lana dilay laba maalmood kaddib markii la xiray. Baaritaankii rasmiga ahaa ee Mareykanka ayaa ku soo gabagabeeyay inuu keligiis falkaas geystay, inkastoo dilka Kennedy uu tobannaan sano sii huriyay mala-awaal iyo aragtiyo shirqool ah.

Oswald wuxuu ku noolaa Midowgii Soofiyeeti intii u dhexeysay 1959 ilaa 1960, halkaas oo uu ka shaqeynayay warshad ku taalla magaalada Minsk, oo markaas ka tirsanaan jirtay Jamhuuriyadda Soofiyeeti ee Belarus. Wuxuu guursaday haweeney Ruush ah, taas oo markii dambe u raacday Mareykanka.

Hay’adaha sirdoonka Mareykanka ayaa kormeerayay Oswald sanadkii 1963 kaddib markii la sheegay inuu booqday Mexico City dabayaaqadii Sebtembar, halkaas oo uu ka dalbaday fiiso Safaaradda Soofiyeeti iyo Qunsuliyadda Kuuba, kuwaas oo labaduba hoos imanayey kormeer joogto ah. Adeegyada ammaanka Soofiyeeti ayaa iyaguna hayay galal ku saabsan Oswald intii uu ku sugnaa USSR.

Xildhibaanadda Luna, oo ka tirsan xisbiga Jamhuuriga kana soo jeeda gobolka Florida, ayaa ku baaqday in dib loo furo baaritaanka Mareykanka ee dilka Kennedy, isla markaana la sii daayo dhammaan dukumentiyada la xiriira kiiska. Waxay sidoo kale si cad u su’aashay in Oswald uu keligiis mas’uul ka ahaa falka.

Madaxweynaha Mareykanka Donald Trump ayaa sii daayay 2,800 dukumenti oo ku saabsan dilka Kennedy sanadkii 2017, iyo sidoo kale 80,000 bog oo dheeraad ah bishii Maarso 2025, inkastoo weli ay jiraan dukumentiyo aan la fasixin.

16/01/2026

Daawo khudabadii madaxwaynaha somaliland mudane cabdiraxmaan maxamed cabdilaahi cirro

16/01/2026

Ninkii macroon waa la garaacay.

Madaxweynaha Emmanuel Macron ayaa warbaahinta ka soo muuqday isagoo ishiisa midige guduudantahay, balse isku dayay inuu hoos u dhigo arrintaas, isagoo si kaftan ah u yiri: “U tixgeli isha shabeelka.”

Ninkan waxaa u dhaxda haweeney gacan fudud oo la xasuustoo in sanadkii h**e dhexdiisa ay ku feertay caamiradaha hortooda isagoo booqasho ku marayay dalka Vitnam, caawana odagu waa dilanyahay.

Faysal Jeenicadde

05/03/2026

01/03/2026

28/02/2026

15/02/2026

11/02/2026

05/02/2026

05/02/2026

16/01/2026

16/01/2026

16/01/2026

16/01/2026

Address

Telephone

Website

Alerts

Contact The Business

Shortcuts

Share

Category