09/12/2024
Magaalo xeebeedda Ceeldarraad ee dhanka bari kaga toosan magaalada Berbera waxa ka dhacay meel aan ka fogayn horraantii qarnigii 19 dagaallo u dhexeeyay reeraha deegaanka ah ee halkaa wada daga, waxa jiray reer dhan oo wiil kaliyi ka badbaaday, waxa ku dhintay dagaallada aabihii iyo dhammaan walaalladii oo dhan, hooyadii dhashay wiilkan waxay u doortay in uu noqdo badmaaxe iyada oo isle yaanay dilin rag aargoosi u socda, wiilkan oo lagu magacaabo Ismaaciil markii uu ka anbobaxayay Ceeldarraad waxa isu soo baxay dhammaan reer Ceeldarraad, hooyadii oo ilamynaysa ayaa sii sabootiday.
Ismaaciil wuxu gaadhay Masqad, xilligaa waxa xidhiidh fiicani u dhexeeyay reer Cumaan iyo Faransiiska, maalmo kadib Ismaaciil wuxu shaqo ka helay Faransiiskii halkaa dagganaa, Ismaaciil markii uu muddo la shaqaynayay wuxu si wacan u bartay afka faransiiska, kadib wuxu u socdaalay Bombay iyo Moorish ilaa uu markii danbe gaadhay magaalada Bordo ee dalka faransiiska ku taalla, kadibna wuxu uga sii gudbay Baariis.
Waraaqo uu qoray Alfred 1871 waxa ku xusan in muddo kadib Ismaaciil lagu abaalmariyay Seef Turkiya oo uu siiyay Imbaradoorkii faransiisku iyo Saacad dahab ah oo uu siiyay wasiirkii arrimaha dibadda ee dalka faransiisku.
Xigasho. Page Taarikh Aansaar
