28/02/2026
Caawa oo dabshidku mari doono 227 habeen, sano arbacaad, kuna jira Toddobaad Axadeed, dayaxu wuxuu tusmo dhigan doonaa godka 7aad ee Afagaal /الذراع, degmo cireedka mataanaha/Gemini kana mida bahda faraacida (Raqaha), waana godka 7aad ee tirsiga guud ee 28 hog.
Waa habeen sooroga (Sabti) soo galayso.
Maluugteedu waa Raage / Saturn / زُحَل.
Mudugeeduna waa Dhul/Arliyo.
𝐀𝐅𝐀𝐆𝐀𝐀𝐋 = waa laba eray oo kala ah afka iyo gaal. Eraygu wuxuu ka joogaa Kuush, waxana loo yaqaaney geela.
Xidigahani waxa laga aaminsanaa marka ay dhacaan hiirta h**e in dhulkeena dabaylo xoog badani ka dhacaan.
𝐀𝐦𝐛𝐚 𝐐𝐨𝐫𝐫𝐚𝐱𝐞𝐞𝐝𝐤𝐚
Afagaal qoraxdu waxay la joogtaa 13 maalmood, oo ku beegan 05ta bisha 7aad ilaa 17ka bisha 7aad ee Miilaadiga. Tirsiga miilaadiguna wuxuu mari amintaa 198 maalmood.
𝐂𝐮𝐧𝐬𝐮𝐫𝐭𝐚 𝐠𝐨𝐝𝐤𝐚𝐧𝐢
Dadka dashaa waa qof karaamo badan oo reerkiisu reer lama d**o. Afagaal waa habeenada Soomaalidii ay jeclaayeen in ubad u calool galo.
Afaggaalo urur soo baxaan
Uur habreed galaye
Affar iyo tobnaad baan
Dhashiyo dirir arooryaade
Habartayna aar gudaya
Bay aragtay fooshiiye
FG: Cunsurta 28 god, 7 maluug iyo 4 mudug midna shar iyo khayr ma sameyn karaan; waxa dhacaya iyo waxa aan dhici dooninba Eebaa haya, cid la wadaagtaana ma jirto.
Se cunsurtu waa wax ka h**eeyay Islaamka oo Soomaalidu ku dhaqmi jirtay, oo ab kasoo gaadh ahaa.
Dayaxu caawa waa Afagaal.oo ah godka ugu dambeeya 7 faraacida Sida aynu ognahay, dayaxu wuxuu dhaqaaqaa 13°, una dhiganta hal god oo uu inyar dhaafi doono, maadaama halkii god uu yahay celceliskiisu 12°51'26".
Sidaa marka ay tahay, wuxuu beri sooroga milayga mayraca geli doonaa Naafcade/Cambaar/ Siigaale/Beehive Cluster/النثرة.iyo degmo cireedka carsaanyada Insha Allah
Hayaame