Halgan News Network

13/04/2025

Marka aanad umada iyo ilaahay midna ka xishoonaynin waa iska noocaas. in Dalka is badal ka dhacay ila imika ma rumaysna

Cagawayne, maareeyaha wakaalada biyaha, maareeyaha dakada berbera iyo xubnaha Kulmiye ee wali kuraasta ku fadhiya intuba si isku mida ayu is badalka dalka ka dhacay dhawaan u saamaynaya
Masuuliyiinta kulmiye ee sida ku meel gaadhka xilka ku sii haya ninka is yidhaahda qabyaalad halagu Kala reebo wax dhacaya maaha

23/03/2025

Finally waxaan helay meeting minutes World bank iyo DHH.
Waa tan xaqiiqada dhabta ahi ee bal aad u fiirso
Mashruucu waa waa 25 million.

Xogta kale ee ku qorana waan idin la wadaagi doonaa.

Haleeya ilaa isha Gobku wax Go lagu qaado ka wayn

Xigasho Cabdi Gahayr

11/03/2025

SURP – Mashruuca Horumarinta Magaalooyinka ee Soomaali*
oo ay maalgelisay Bangiga Adduunku, wuxuu ahaa hindise ballaadhan oo lagu horumarinayo kaabayaasha magaalooyinka, gaar ahaan meelaha u baahan magaalaynta iyo adeegyada dawladaha hoose. Mashruucan, oo lagu qiyaasay $250 milyan, waxaa wajigii koowaad ka faa'iideystay magaalooyinka Baydhabo iyo Garoowe.

Si kastaba ha ahaatee, Puntland markii ay heshay qaybteeda maalgelinta, waxay ka leexisay qorshihii h**e ee mashruuca. Halkii loo adeegsan lahaa horumarinta magaalooyinka iyo kaabayaasha bulshada, waxaa lacagtii lagu dhisay waddada madaarka iyo waddooyin kale oo wasaaradaha taga. Tallaabadan waxay keentay in Bangiga Adduunka ka xumaado sida mashruuca loo maamulay, taasoo saamayn ku yeelatay qorshayaashii mustaqbalka ee mashruuca.

Dhanka Somaliland hadaba oo u madax banaan qaybteeda: Magaalada Hargeysa markii h**e waxaa qorshuhu ahaa in mashruuca SURP lagu dhamaystiro waddada 200 ee Koonfurta Hargeysa, oo muddo dheer bulshada magaalaynta u baahan rajo ka qabtay in la dhiso. Si kastaba ha ahaatee, markii mayorka Hargeysa uu kula kulmay Bangiga Adduunka Nairobi wiigi dhawayd, wuxuu codsaday in mashruuca dib loo naqshadeeyo (redesign), si lacagta loogu isticmaalo waddada 150-ka ee Hargeysa dhexdeeda, maadaama ay culeys badan ku haysay dadka degmadaasi oo aad u riixayay.

Go'aankaas wuxuu sababay in mashruucii h**e ee loogu talogalay horumarinta aagag cusub la iska indha tiro keenina karta in sidii Puntland ay wax kaso noqdaan, taasi sidoo kale waxay keentay in rajo weyn oo laga qabay in waddada 200 ee Koonfurta Hargeysa la dhiso ay meesha ka baxdo.
Waxa kale oo xanuun badan iyana in mashruucan, oo leh maalgelin aad u ballaadhan, aan hal gobol laga wada fulin karin, taasoo uga sii dari doonta baahida kaabayaasha iyo ballaadhinta magaalada ee Koonfurta Hargeysa.
Waxa guuldaro ku dhamaaday dadaalkii dhalinyaradii hawshaa dhexda u xidhatay ee design ka iyo codsigaba iyagu sameeyay si wadadaas loo dhamaystiri lahaa.

Mayirka hargaysa isna wuxu sameeyay khiyaamo bulsho oo cawaaqibkeeda uu la kulmi doono.

Xaqdaro kaliya ma aha in cid gaar ah loo sadburiyo, balse waa cadaalad-darro kale in qayb ka mid ah bulshadu ay ku waayaan wixii ay xaqa u lahaayeen, kaliya in masuulka dawlada hoose uu kasoo jeedo deegaankaas. Dhawaan ayaana laga qoomamayn doonaa sida laysaga indha tirayo xaqiiqada jirta iyada oo laga dhigayo in nacayb ama mucaaradad loo hayo mayirka Hargeysa.
Degmada loo arko inay aad u mucaarado mayirka Hargeysa waaba ta ugu dheefta badan waxanan hambalyaynaa bushada dagmooyinkaas oon cidna u daba fadhiisan waxay rabaan, ee maxaad difaacdaa aduu?

Wax badan ayaa danbeeya oon wali xeerinaynaa.
Fogeeya...

Eng Sharmarke Faisal Iman.

10/03/2025

Waddadaa 200, ugu horrayntii waxa la qorsheeyey in ay marto Koonfurta magaalada Hargeysa. Muddadii qiimaynta, waxa soo baxday haddii Koonfurta magaalada la mariyo, in ay ka qarash yaraanayso, oo ma jirin buuro la jebinayo, biriishyo iyo buundooyin badani. Sidoo kale, juqraafi ahaanna waxa soo baxday in muddo ay qaadanayso in magaaladu soo gaadho. Xukuumaddii Muuse ayaa is hortaagtay, waxa loo wareejiyey Waqooyiga magaalada. 27 buundo, hal biriij iyo buuro tirobeel ah oo waddada caqabad ku moqday baa la jebiyey. Waddadii, magaalaadii baa gaadhay, si isdabajoog ah waxa ay u galaafataa dad iyo duunyo. Musuq iyo gacanbidixayn awgiina waxa ay noqotay hal haad, oo cidhiidhi ku ah iskusocodka baabuurta xammuulka.

10/03/2025

Wadada 200 By-Pass ee hada loo qoraheeyey iney marto konfurta magaalada hargeisa ee bank aduunku qarashkeeda bixiyey waxey leedahay faa'idooyin fara badan waxaana ka mid ah :

1. Yareynta culeyska taraafikada: Wadada 200 By-Pass waxay ka caawisaa in taraafikada gudaha magaalooyinka la yareeyo, taasoo fududeyneysa socdaalka.

2. Soo koobista waqtiga safarka: Wadadani waxay fududeysaa safarada dheer, iyadoo yareyneysa waqtiga lagu qaato meelo badan.

3. Badbaadada sare: Iyadoo aan la kulmin culeysyada taraafikada ee magaalooyinka, dadka isticmaala wadadan waxay helayaan safar amaan ah oo leh khataro yaraan.

4. Kordhinta dhaqdhaqaaqa ganacsiga: Wadadani waxay soo jiidataa ganacsiga iyo ganacsatada, maadaama ay fududeyso gaadiidka badeecadaha iyo adeegyada.

5. Saameynta deegaanka oo hooseysa: Wadada 200 By-Pass waxay ka hortagtaa in gaadiid badan ay dhex maraan deegaanada deegaanka, taasoo yareynaysa wasakheynta hawada iyo buuqa.

6. Fududeynta xiriirka magaalooyinka kale: Wadadan waxay kor u qaadaysaa xiriirka magaalooyinka ku xeeran, taasoo hagaajineysa isku socodka dadweynaha iyo ganacsiga.

7. Kordhinta socdaalka waxtarka leh: Safarrada ku jira wadadan waxay noqon karaan kuwo dhaqso badan, taasoo ka dhigaysa in dadka ay gaadhaan meelaha muhiimka ah si hufan.

8. Hagaajinta adeegyada dadweynaha: Wadada 200 By-Pass waxay sidoo kale caawineysaa horumarinta adeegyada sida caafimaadka iyo waxbarashada, maadaama dadka ay si fudud ugu safri karaan goobahaas.

9. Ka hortagga shilalka: Iyadoo laga fogeeyo aagagga culeyska leh ee magaalooyinka, wadadan waxay gacan ka geysataa yareynta shilalka taraafikada.

10. Horumarinta kaabayaasha: Wadada By-Pass waxay kor u qaadi kartaa horumarka kaabayaasha sida suuqyada, jidadka, iyo dhismayaasha cusub ee ka faa'ideysta in la helo marin cusub oo taraafikada ah.

13/05/2024

Maadaama Daahir Rayaale ka eexday Gobolka Gaaroodi oo ah deegaanka uugu wayn ee wax soo saarka Somalilnd kasoo xaroodo(xoolaha).
Fursad wayn ayaa hortaalla deegaankaas in maanta codkooda xuquuq dastuuri ah ku raadsadaan iyo in ay dayacaan.

Reer Gebilay waxay muujiyeen wax lagu hanbalyeeyo waayo waxay garteen in aanay codkooda ku raali galin qof xildoon ah balse ay bedelkeeda helaan wax ay in badan ku taamayeen...

Gobolada la magacaabay waagii Daahir Rayaale intooda u badan waa waraabe u taag aan buuxin shuruudaha gobol nimo balse deegaanada dalka oo loo kala eexday hadday tahay gobol siinta,miisaaniyadda iyo kabka,kaabayaasha dhaqaalaha sida wadooyinka iyo biyaha ayaa aad loo kala koriyay intii Somalilnd jirtay waxase laysku dhaafay baraaruga dadka deegaanka.

Deegaanka gaaroodi oo dhan biyo looma samayn,wadooyin looma samayn,cashuurtooda laguma celin,tacliin hagaagsan malaha,waxa doorashada lagaga qaataa abti iyo adeer ayaan isu nahay

12/05/2024

Madaxwayne Biixi ayaa qorshaynaya sida illo xogogaal ah ii xaqiijiyeen in golaha wasiiradu ay berri go’aankani soo saaraan

1:- Gebilay, Gobol buuxa
2:- Degmada Baki, (B)
3:- Degmada Sheekh (B)
4:- Degmada caynabo (B)
5:- Beli -gubadle (B)
6. Salaxley (B) iyo gobol la yidhaahdo Gaaroodi

29/01/2024

9 cisho oo kaliya ayaa u hadhey dhaqan galkii Xeerka Doorashooyinka somaliland

18/01/2024

Xisbiga waddani oo fariin digniina soo saaray.

Waxa aanu ka digaynaa in ay rumoobaan wararka taban ee sheegaya, in guddomiyaha golaha Guurtidu uu ka shaqaynayo inuu golihiisa dib ugu soo celiyo xeerarkii doorashooyinka isa saaran ee dhowaan golaha wakiilladu uu ansixiyey. Iyada oo ay ujeeddadu tahay in uu golaha keeno, kaddibna fasax geliyo, si uu u bilaabo wareeg kale oo doorasho ka meeraysi ah. Taas oo ah qorshe cusub oo lagu taakaynayo, geeddisocodka dhammaystirka doorashada ee uu marka h**eba guddoomiyuhu gaabiska geliyey.

Waxa wax laga xumaado ah, iyada oo laga dheregsanyahay xaaladda murugsan ee uu dalku ku jiro dhinac kasta, in dadkii xalka laga sugayey ay weli abaabulayaan in ay dib u huriyaan khilaafkii gudaha.

Waxa aannu hoosta ka xariiqaynaa, in madaxweyne Muuse uu qaadi doono masuuliyadda cawaaqib xumada, aan cidna danta u ahayn, ee la hubo in ay ka dhalan doonto qorshayaasha lagu xagal daacinayo heshiiskii lagu xalliyey khilaafkii siyaasiga ahaa.

11/01/2024