BM Somali Tv

22/08/2025

Wasiir yuusuf nuux yuusuf Tadhase oo sheegay in xukuumada wadajir iyo waxqabad ay fulisay balanqaadkii ay u qaaday dhalinyarada Oodweyne,

Daawo Hadalkii uu wasiirku ka jeediyay Dhagax-dhiga iyo Casriyeynta Garoonka Kubadda Cagta Maxamed Cali Stadium ee Magaladda Odweyne,

Ballan-qaadkii Fulay Maanta ee Madaxweynaha Qaranka JSL.

Bulshaawi Media Tv

12/01/2025

Waan idin salaamay saaxiibayaal.

29/12/2024

29/10/2024

Sida ay ii xaqiijiyeen illo xog-ogaal ah muuse biixi aya iibiyay dhul ay ciidanka qaranku ku lahaayeen Masalaha galbeed oo ah koonfurta caasimada Hargeysa,

Dhulkan uu xaraashay muuse biixi ayaa noqonaysa hantida dawlada ama xoolaha umada ee sida xaaraanta ah loo adeegsaday xilligan kala guurka ah maadaama ay muddo dhowr iyo toban maalmood ah ka hadhsan yihiin doorashadii,

Dhulkan ayuu ka iibiyay nin ganacsade ah isagoo lacagtii dhulkaasna uu jeebka ku shubtay isla markaana aanu ku shubin qasnada dawlada,

Waxa sidoo kale la ii xaqiijiyay in dhulkan ay dilaaliin ka ahaayeen wasiir iyo gudoomiye gobol kuwaas oo kasoo jeeda deegaanka uu dhulkani ku yaalay

Bulshaawi Media Tv

29/10/2024

“Caruurta iyo qoysaska ciidankuba, waxbarasho iyo caafimaad lacag la’aan ah ayay helayaan” Musharraxa Ciro

18/10/2024

Wareegtooyin Madaxweyne

Madaxweynaha Jamhuuriyadda Somaliland, Mudane Muuse Biixi Cabdi waxa uu caawa oo ay taariikhdu tahay 18/10/2024 uu soo saaray saddex wareegto oo la xidhiidha isticmaalka hantida Qaranka, Warbaahinta Dawladda iyo Fagaarayaasha Ololaha, Reebbanaanta Adeegsiga Hantida Danta Guud, Shaqaalaha Dawladda iyo Ciidammada Qalabka-sida iyo Gacan-siinta Komishanka Doorashooyinka Qaranka waqtiga lagu jiro ololaha doorashada Madaxtooyada iyo ururada Siyaasadda ee u muddaysan 13-ka bisha November ee soo socota.

Waxaanay u dhignaayeen Wareegtooyinka Madaxweynuhu Sidan:-

 Wareegtada Koowaad

Ku: Wasaaradda Warfaafinta, Wacyigelinta iyo Dhaqanka
Ku: Wasiirka Wasaaradda Arrimaha Gudaha
Og: Komishanka Doorashooyinka Qaranka

Ujeeddo: Isticmaalka War-baahinta Dawladda iyo Fagaarayaasha Ololaha

Sida aad la socotaan, dalka waxa ku soo fool leh doorashooyinka Madaxtooyada iyo Axsaabta Qaranka oo qorshaysan 13-ka November 2024.

Sidaa darteed, aniga oo cuskanaya Qodobka 31aad ee Wax-ka-beddelka iyo Kaabista Xeerka Nidaamka Ururrada iyo Axsaabta Siyaasadda, Xeer Lr. 14/2023, waxa aan farayaa Wasiirka Wasaaradda Warfaafinta, Wacyigelinta iyo Dhaqanka in Xisbigyada Qaranka iyo Ururada Siyaasaddu u sinnaadaan War-baahinta Dawladda ee kala duwan iyo baahinta wararka muddada ololaha doorashooyinka innagu soo foolka leh.

Sidoo kale, waxa aan farayaa Wasiirka Wasaaradda Arrimaha Gudaha Jamhuuridda Somaliland in loo sinnaado isticmaalka fagaarayaasha ololaha muddada ololaha doorashooyinka, isla markaana la sugo ammaanka shacabka iyo masuuliyiinta Axsaabta Qaranka iyo Ururrada Siyaasadda Jamhuuriyadda Somaliland ee ku sugan fagaarayaasha ololaha.

 Wareegtada Labaad

Ku: Golaha Wasiiradda Jamhuuriyadda Somaliland
Ku: Hay’adaha Madaxa-bannaan ee Dawladda
Og: Komishanka Doorashooyinka Qaranka

Ujeeddo: Reebbanaanta Adeegsiga Hantida Danta Guud, Shaqaalaha Dawladda iyo Ciidammada Qalabka-sida

Mudanayaal,

Sida aad la socotaan, dalka waxa ku soo fool leh doorashooyinka Madaxtooyada iyo Axsaabta Qaranka ee qorshaysan 13-ka November 2024.

Sidaa darteed, aniga oo cuskanaya Qodobka 101aad ee Wax-ka-beddelka iyo Kaabista Xeerka Guud ee Doorashooyinka Qaranka iyo Diiwaan-gelinta Cod-bixiyayaasha, Xeer Lr. 91/2023, waxa reebban in Hantida Danta Guud ee Qaranka nooc kasta oo ay tahay loo adeegsado Ololaha Doorashooyinka innagu soo foolka leh.

Sidoo kale, waxa reebban in shaqaalaha Dawladda iyo Ciidammada kala duwan ee Qalabka-sidaa ay ku lug-yeeshaan, kana qayb-galaan ololaha Doorashooyinka qorshaysan 13-ka November 2024.

Cid kasta oo baal-marta awaamiirtaasi, waxa aan farayaa masuuliyiinta u xil-saaran in ay ka qaadaan tallaabo sharciga waafaqsan.

 Wareegtada Saddexaad

Ku: Golaha Wasiiradda Jamhuuriyadda Somaliland
Ku: Hay’adaha Madaxa-bannaan ee Dawladda
Ku: Taliyayaasha Ciidammada Qalabka-sida

Og: Komishanka Doorashooyinka Qaranka

Ujeeddo: Gacan-siinta Komishanka Doorashooyinka Qaranka

Mudanayaal,

Sida aad la socotaan, dalka waxa ku soo fool leh doorashooyinka Madaxtooyada iyo Axsaabta Qaranka ee qorshaysan 13-ka November 2024.

Sidaa darteed, idinka oo gudanaya waajibaadka iyo masuuliyadda aad Qaranka u haysaan, waxa aan idin farayaa in aad gacan ku siisaan Komishanka Doorashooyinka Qaranka Jamhuuriyadda Somaliland gudashada waajibaadkooda Qaran ee qabsoomidda doorashooyinka Madaxtooyada iyo Axsaabta Qaranka, idinka oo raacaya shuruucda iyo xeerarka dalka.

Waxa aan si gaar ah u farayaa Wasaaradda Arrimaha Gudaha iyo Taliyayaasha Ciidammada Qalabka-sida ee Jamhuuriyadda Somaliland in ay Komishanka Doorashooyinka Qaranka ku gacan siiyaan sugidda amniga muddada ay socdaan ololaha iyo doorashooyinka Jamhuuriyadda Somaliland.


ALLAA MAHAD LEH
Muuse Biixi Cabdi
Madaxweynaha Jamhuuriyadda Somaliland

Bulshaawi Media Tv

11/09/2024

Xukuumada Somaliland ayaa albaabada u xidhay Xarun maktabad ah oo dawlada Masar ay ku lahayd Caasimada Hargeysa.

Wasiirka arimaha dibada iyo iskaashiga caalamiga ah ee Somaliland Dr Ciise kayd oo warbaahinta la hadlay ayaa yidhi “ Xukuumada Somaliland waxay go’aamisay in la xidho xarunta maktabada dhaqanka ee dalka masar ee Hargeysa sidoo kale waxa lagu amray shaqaalihii ka shaqaynayay Library kusheegaas oo aanu aaminsanahay inay shaqooyin kale ku qaban jireen inay dalka ka baxaan muddo dhowr iyo todobaatan saacadood ah”

Wasiirka arimaha dibada Somaliland waxa uu arintaas ku sababeeyay badbaadada muwaadiniinta Somaliland maadaama buu yidhi ay dawlada masar saanad hub ah iyo ciidanba keentay Soomaaliya.

Sidoo kale wasiirka arimaha dibada Somaliland waxa uu sheegay in heshiiskii is afgarad ee u dhaxeeyay dawladaha Somaliland iyo itoobiya la dhamaystiray Isla markaana dhawaan si rasmi ah loo saxeexi doono.

Bulshaawi Media Tv

09/09/2024

“ Waxaan u mahadcelinayaa Madaxwaynaha Somaliland mudane Muuse biixi cabdi oo ii suurtagaliyay inaan dalkeyga dib ugu soo noqdo” Boqor buurmadow

30/08/2024

Taliyaha Ciidanka Qaranka Somaliland Nuux Ismaaciil Taani ayaa tabobar u soo xidhay maanta kumanaan ka tirsan Ciidanka Qaranka oo tababar u joogay dalka Ethiopia.

23/08/2024

" In lala dagaalamo isticmaalka magaca Somaliland maaha dagaal ku gaar ah xukuumadda ee waa arin wax u gaysan kara ganacsiga, waxbarashada, deeqaha iyo wax kasta oo shacabka Somaliland kaga xidhan debedda. Waxa ay u eeg tahay isku day go’doomin.

Waxa ay daba socota go’aankii ay xukuumadda Somalia ku dartay Somaliland waxyaabaha iyada khatarta ku ah iyada oo kala mid dhigtay Shabaabka."

Garyaqaan Guuleed Dafac.

22/08/2024

War Cusub :-

Komishanka Doorashooyinka Qaranka iyo dhammaan Madaxda Xisbiyada iyo Ururrada Siyaasadda JSL ayaa ku heshiiyey in Nidaamka Hubinta Codbixiyeyaasha ee IRIS-BVVS laga hirgaliyo Lixda Magaalo-madax ee Gobalada dalka JSL doorashooyinka Madaxtooyada iyo Xisbiyada Qaranka ee 13 November 2024.

Sida lagu baahiyay war qoraal ah oo kasoo baxay guddida doorashooyinka Somaliland ayaa lagu sheegay in kulan maanta ay yeesheen masuuliyiinta guddida doorashooyinka iyo madaxda xisbiyada iyo ururada siyaasada ee somaliland lagu gaadhay heshiiskaas.

Bulshaawi Media Tv

03/08/2024

Wasiirka arrimaha Dibedda Dalka Turkiga Hakan Fidan ayaa gaadhay Magaalada Addis Ababa, halkaas oo uu ku soo dhaweeyey Raysal Wasaaraha Itoobiya Abiy Ahmed.

Qoraal uu bartiisa X u baahiyey, Raysal Wasaaraha Itoobiya Abiy Ahmed, ayaa sheegay in Wasiirka Arrimaha Dibedda ee Turkiga ka wada hadlaan xidhiidhka labada dal.

Socdaalka Wasiirka Khaarajiga ee Turkiga, ayaa ku soo beegmaya xilli la filayo in wejigii labaad ee Wada hadallada Itoobiya iyo Somalia, dhacaan bisha dambe, waxaana la filayaa in labada dhinac arrintaasi ka wada hadlaan

Khilaaf siyaasadeed oo u dhaxeeya Soomaaliya iyo itoobiya ayaa bilaabmay kadib markii bilowgii bishii January ee sanadkan ay heshiis is afgarad kala sexeexdeen Somaliland iyo itoobiya, heshiiskaas oo nuxurkiisu ahaa in Somaliland ay u ogolaato itoobiya saldhig badeed oo bada cas ah halka itoobiyana ay noqonayso dalkii ugu horeeyay ee aqoonsada Somaliland balse arintaas waxa aad uga cadhootay Xukuumada soomaaliya.