28/01/2023
MUSUQ KA SHAQAALAYNTA JUBALAND OO OODAHA JABSADAY
Wasaarada maaliyada Jubbaland ayaa si qarsoodi ah loogu qorayaa Shaqaale aan la xayaysiin, sharciga loo marin , qaab dhismeedka wasaarada ku jirin, qabiil ahaan u kala qaybsadeen Gudoomiye Siyaad iyo wasiir Xuseen.
Shaqaalihii la sheegay in la qaatay 3 asbuuc ka hor oo musuqa ka dhacay aan qorma kale uga hadli doono, waxaa jiray loolan adag oo dhax maray laba kooxood oo isku hayay Jagada QASNAJIGA Wasaarada Maaliyada.
Kooxda koowaad waxaa hogaaminayay Wasiirka Maaliyada Jubbaland waxaana la jiray Gduumiye SIYAAD CARAYS oo qaatay Lacag la iigu sheegay $5,000 waxayna Jagadaas la rabeen Wiil lagu magacaabo MUBAARAK XAREED oo hada shaqaale hoose ( CLARK) ka ah wasaarada maaliyada hayb ahaana JUFO hoosaad yihiin Wasiirka Wasaarada maaliyada Jubbaland halka SIYAAD lacag laaluulsh lagu siiyay soo saarista wiilkaas
Kooxda ka soo horjeeday waxay ahayd madaxtooyada oo jagada la rabtay ninka hada qaatay ee lagu magacaabo ABDIRASHID FARATOON, hardanka labada kooxood ayaa keenay in shaqadu hakad gasho mudo 3 bilood ah ugu danbayna Madaxtooyadu ka itaal roonaato damicii KOOXDA WASIIR XUSEEN iyo laaluushkii uu qaatay SIYAAD.
Guul daradii ka dib waxaa dib shir u galay 3 nin oo kala ah
1. Wasiirka maaliyada Jubbaland XUSEEN
2. Gudoomiyaha shaqaalaha SIYAAS CARAYS.
3. FAISAL MUDEY oo ah madaxa Deeqaha dibada W/Maaliyada , gacantana ku haya mashruuca shaqaalaha laga qoro RCRFIII ee BAANKA ADUUNKU bixiyo lacagtiisa. FAISAL sidoo kale waxay JUFO hoose yihiin Wasiir Xuseen.
Waxaa laga dooday sidii MUBAARAK loogu samayn lahaa shaqo u dhiganta tii madaxtooyadu ka fara maroojisay.
FAISAL MUDEY ayaa keenay fursad miisaaniyadeed oo laga heli karo madax ay dhawaan waaxdiisu ka guurtay , ka dib markii mashruuc kale loo wareejiyay mushaarka waaxda deeqaha dibada, waxaana gunaanadkii laysku raacay.
1. In MUBAARAK loo abuuro waax aan horay u jirin oo la yiraahdo DEYMAHA, agaasimana looga dhigo isaga
2. In ilaa 4 qof oo kale oo miisaaniyad loo helayo ay kala qaybsadaan 3-da nin , laba Wasiirku keensado, hal SIYAAD keensado, halna FAISAL keensado, hoosna loo qorto.
3. Waxay ka dhigantahay in Jufo-da wasiirka loo qoondeeyay 4 saqaale ee waaxda musuqa lagu abuurayo , qarsoodigana lagu qorayo, halka ninka la isticmaalayo SIYAAD la siiyay hal Qof iyo lacag tira badan si uu shaqadaan u qabto.
Howshaas waa la guda galay, waxaana hada gacanta lagu hayaa.
- in la badalo qaab dhismeedka wasaarada maaliyada oo lagu soo daro waaxda wiilka loo abuurayo.
- in la been abuuro Dukumints ka BAANKA ADUUNKA yaqaan ee shaqaalaha lagu qoro, TUSAALE waxaa la abuuri doonaa LINKS xayaysiis been abuur ah oo lacag lagu siin warbaahinta Gudaha, waxaa la samayn emaillo fara badan , magacyo dad aan jirin , waxaa la samayn shaqa codsiyo been ah oo la isticmaalayo magacayadii iyo email-dii la sameeyay, waxaa la diyaarin wax u eg short list la sameeyay, panel aan jirin iyo ugu danbayn xulasho lagu soo saarayo shaqsiyaadka aan idiin sheegay.
Lacagta la musuqayo waxaa leh BAANKA ADUUNKA oo ugu tala galay inay shaqa abuur iyo dowlad dhiska Jubaland loo isticmaalo, waxaana jira hab-raac loogu tala galay oo sida muuqata warqadaha uun ku qoran.
Waxaan daba joognaa magacyada 5 qof ee la rabo in shaqada la siiyo marka laga reebo wiilka dartii hawsha dhan loo qabanayo, waxaana samayn doonaa cadaymo aan la wadaaji doono WORLD BANK iyo hay’adaha hanti dhowrka qaranka iyo kuwa Jubbaland si loo hor istaago dhaca cad ee shuraakada ku yihiin SIYAAD CARAYS iyo XUSEEN.
Fisha qormooyin kale oo gudaha ka soo warbixisa.
H.E Ahmed Mohamed Islaam
Jubbaland TV
World Bank
