Soyaal Radio FM

Soyaal Radio FM SOYAAL RADO FM.

Wasiirka Arrimaha Dibadda ee Turkiga, Hakan Fidan ayaa waraysi uu siiyay wargeyska Japan ka soo baxa ee Nikkei Asia, wux...
30/05/2026

Wasiirka Arrimaha Dibadda ee Turkiga, Hakan Fidan ayaa waraysi uu siiyay wargeyska Japan ka soo baxa ee Nikkei Asia, wuxuu ku xaqiijiyay dalalka uu dhawaan Trump u soo bandhigay ku biirista heshiiska Abraham, si ay xiriir diblomaasiyadeed ula yeeshaan Israa’iil inay hadda billaabeen dood arrintaa la xiriirta, isagoo intaa ku daray inay sidoo kale wadaan dadaalo lagu dhisayo isbahaysi difaac oo ay yeeshaan Pakistan, Turkiga, Sacuudiga, Masar , dalal ku yaal Khaliijka iyo xataa Iiraan, tallaabadan wuxuu ku sheegay inay u qaadayaan , sabab la xiriirta Israa’iil inay dabeecad u leedahay inay mar walba yeelato cadow si ay ugu cudurdaarto isku ballaarinteeda dhulalka ay ka qabsanayo dalalka deriska ah.

Wuxuu intaa ku daray;

“Waa in aan sameynaa isbahaysi si loo xaqiijiyo amniga dhulkeenna.”

Waxase ku cusub hadalkiisa, waa inuu si cad u sheegay haddii Israa’iil ay oggolaato dhismaha dawladda Falastiin oo ku saleysan xuduudihii 1967, markaa dalalka oo dhan inay diyaar u yihiin inay ku biiraan Abraham, isla markaana ay ku casuumi doonaan isbahaysiga difaac ee ay dhisayaan.

Iman Jama

Wargeyska Ingiriiska ka soo baxa ee The Economist ayaa warbixin uu baahiyay wuxuu ku sheegay in Ra’iisul Wasaaraha Itoob...
29/05/2026

Wargeyska Ingiriiska ka soo baxa ee The Economist ayaa warbixin uu baahiyay wuxuu ku sheegay in
Ra’iisul Wasaaraha Itoobiya, Abiy Ahmed uu leeyahay himilo weyn oo ah inuu Itoobiya ka dhigo quwadda ugu awoodda badan Geeska Afrika, dhaqaale ahaan, militari ahaan iyo siyaasad ahaan.

Si kastaba ha ahaatee, falanqeeyayaal badan ayaa ka digaya in hamigaas weyn uu khatar gelin karo Itoobiya lafteeda iyo guud ahaan gobolka Geeska Afrika.

Dadka naqdiya siyaasaddiisa waxay sheegayaan in dadaallada lagu doonayo in Itoobiya ay hesho saameyn weyn oo gobolka ah, gaar ahaan arrimaha marin-badeedka, awoodda militariga iyo hoggaaminta gobolka, ay kordhin karaan xiisadaha kala dhexeeya dalalka deriska ah sida Eritrea, Soomaaliya iyo dalal kale oo gobolka ku yaalla.

Dhanka kale, taageerayaashiisu waxay ku doodaan in Itoobiya oo ah dal ay ku nool yihiin in ka badan 130 milyan oo qof ay xaq u leedahay inay raadiso koboc dhaqaale, awood amni iyo marin ay ku gaarto ganacsiga caalamiga ah.

Haddaba Itoobiya ma noqon doontaa quwad xasillooni iyo horumar u horseedda gobolka, mise hamigaas ayaa sababi kara khilaafyo cusub oo Geeska Afrika ka dhasha?

Taasi waa doodda ugu weyn ee maanta ka taagan siyaasadda Abiy Ahmed iyo mustaqbalka Itoobiya.

Iman Jama

Mareykanka iyo Iiraan ayaa lagu warramayaa inay gaareen heshiis hordhac ah oo soconaya 60 maalmood, kaasoo lagu kordhina...
28/05/2026

Mareykanka iyo Iiraan ayaa lagu warramayaa inay gaareen heshiis hordhac ah oo soconaya 60 maalmood, kaasoo lagu kordhinayo xabbad-joojinta isla markaana lagu bilaabayo wada-hadallo ku saabsan barnaamijka nukliyeerka Iiraan, sida ay werisay Axios oo xiganaysa sarkaal sare oo Mareykan ah.

Warbixinta ayaa sidoo kale sheegtay Trump inuusan wali bixin oggolaanshihii ugu dambeeyay ee heshiiska.
Saraakiisha Mareykanka waxay sheegeen in inta badan qodobada heshiiska la isku raacay Talaadadii, balse labada dhinac ay wali sugayeen ansixinta hoggaankooda sare.

Trump ayaa la sheegay inuu codsaday dhowr maalmood oo uu kaga fiirsado heshiiska kadib markii wafdiga Mareykanka ay uga warbixiyeen faahfaahinta heshiiska, halka Iiraan la sheegay inay diyaar u tahay heshiiskan inay saxiixdo.

Qodobada ugu muhiimsan ee heshiiska waxaa kamid ah:

•In muddo 60 maalmood ah la kordhiyo xabbad-joojinta.

•In marin-biyoodka Hormuz uu noqdo mid si xor ah loogu kala gudbi karo.

•In aan maraakiibta lagu soo rogin canshuur ama cadaadis.

•In Iran laga doonayo inay 30 maalmood gudahood ka saarto dhammaan miinooyinka ku jira marinka Hormuz.

•In Mareykanku qaado xanibaadda ciidamada badda, iyadoo arrintaas la jaanqaadayso dib usoo laabashada maraakiibta ganacsiga.

Heshiiska hordhaca ah ayaa sidoo kale dhigaya in Iiraan aysan sameysan hub nukliyeer iyo in qodobada ugu horreeya ee laga wada hadlayo ay noqdaan uranium-ka si heer sare ah loo hodmiyay iyo mustaqbalka hodminta uranium-ka Iiraan.

Dhanka kale, Mareykanka ayaa oggolaaday, in wadahadal laga galo yareynta cunaqabateynta,
sii deynta lacagaha Iiraan laga xayiray,
iyo hab lagu fududeynayo in Iiraan ay hesho badeecooyin iyo gargaar bani’aadannimo inta wada-hadalladu socdaan.

Ugu dambeyntii, Iiraan wali k**a hadlin heshiiska hordhaca ah ee Axios ay soo bandhigtay.

Iman Jama

Madaxweynaha Ukraine, Volodymyr Zelenskyy ayaa maanta warqad degdeg ah u diray Trump, isagoo uga digay in Ukraine ay si...
27/05/2026

Madaxweynaha Ukraine, Volodymyr Zelenskyy ayaa maanta warqad degdeg ah u diray Trump, isagoo uga digay in Ukraine ay si weyn uga sii dhammaanayaan gantaallada difaaca cirka, gaar ahaan kuwa Patriot PAC-3.

Zelenskyy ayaa sheegay in Ruushku uu kordhiyay weerarrada gantaallada iyo diyaaradaha aan duuliyaha lahayn oo lagu beegsanayo magaalada Kyiv, halka sahayda hubka iyo xawaaraha lagu keenayo aysan la jaanqaadi karin khatarta sii kordheysa.

Wuxuu ka digay in Ukraine ay wajihi karto xaalad adag oo militari haddii aysan si degdeg ah u helin nidaamyo dheeraad ah oo Patriot ah iyo taageero la xiriirta difaaca gantaallada ballistic-ga.

Iman Jama

Madaxweynaha Iiraan, Masoud Pezeshkian ayaa mar kale wajahaya caqabado gudaha ah, ka dib markii maanta garsoorka Iiraan ...
26/05/2026

Madaxweynaha Iiraan, Masoud Pezeshkian ayaa mar kale wajahaya caqabado gudaha ah, ka dib markii maanta garsoorka Iiraan uu ka horyimid go’aan uu ku doonayay in dib loogu furo internet-ka, kaasoo ka xirnaa gudaha Iiraan tan iyo markii dagaalka uu billowday dabayaaqadii Febraayo.

Pezeshkian ayaa h**ey guddi gaar ah ugu saaray arrinta internet-ka, waxaana guddigaasi ay ku taliyeen in dib loosoo celiyo adeegga internet-ka caalamiga ah. Laakiin go’aankaas waxaa si degdeg ah uga horyimid garsoorka Iiraan.

Arrintan waxay muujineysaa in madaxweynaha Iiraan uusan si buuxda gacanta ugu haynin go’aamada waaweyn ee Iiraan, gaar ahaan kuwa la xiriira amniga iyo internet-ka. Waxaa muuqata in awoodaha kale ee dawladda, oo ay ku jiraan ciidanka Ilaalada Kacaanka, ay wali ka cabsi qabaan in internet furan uu dib u soo celin karo xiriir dibadeed iyo kacdoonno gudaha ah.

Iman Jama

WARSAXAAFAEED:-Guddiga Madaxa-bannaan ee Xuquuqul Insaanka Qaranka Soomaaliyeed (GMXIQ) ayaa walaac xooggan ka muujiyay ...
26/05/2026

WARSAXAAFAEED:-

Guddiga Madaxa-bannaan ee Xuquuqul Insaanka Qaranka Soomaaliyeed (GMXIQ) ayaa walaac xooggan ka muujiyay dhacdadii ka dhacday deegaanka Digta Margoos ee gobolka Jubbada Hoose, taas oo la sheegay inay sababtay dhimasho iyo dhaawac soo gaaray dad rayid ah.

Iyadoo la gudanayo waajibaadka dastuuriga ah ee ilaalinta iyo dabagalka xuquuqda aadanaha, Guddigu wuxuu bilaabay baaritaan hordhac ah si loo xaqiijiyo xaqiiqooyinka ku saabsan dhacdada, isagoo la xiriiraya maamulka deegaanka, bulshada iyo dhinacyada kale ee ay khusayso.

GMXIQ waxay adkaynaysaa muhiimadda ilaalinta nolosha dadka rayidka ah iyo xaqiijinta badqabkooda, iyadoo ugu baaqaysa hay’adaha amniga iyo garsoorka inay si masuuliyad leh u gutaan waajibaadkooda. Guddoomiyaha Guddiga, Dr. Maryan Qaasim Axmed, ayaa sidoo kale tacsi u dirtay qoysaska, ehellada iyo dhammaan dadka ay saameysay dhacdadan.

Guddigu wuxuu dib u xaqiijinayaa sida ay uga go’an tahay korjoogtaynta, baarista iyo ka warbixinta xaaladaha xuquuqda aadanaha ee Soomaaliya, si loo xaqiijiyo isla-xisaabtan, caddaalad iyo dhowrista xuquuqda aadanaha.

Madaxweynaha Iiraan, Masoud Pezeshkian ayaa waxyar ka hor amar ku bixiyay in si dhammeystiran dib loogu fasaxo adeegga i...
25/05/2026

Madaxweynaha Iiraan, Masoud Pezeshkian ayaa waxyar ka hor amar ku bixiyay in si dhammeystiran dib loogu fasaxo adeegga internet-ka , ka dib muddo ka badan saddex bilood oo internetka uu hawada ka maqnaa guud ahaan Iiraan.

Iman Jama

Trump, wuxuu sameynaya wax u muuqda dabaal-deg isagoo warbaahinta iyo kulamada uu ka qaybgalay saacadihii u dambeeyay ka...
24/05/2026

Trump, wuxuu sameynaya wax u muuqda dabaal-deg isagoo warbaahinta iyo kulamada uu ka qaybgalay saacadihii u dambeeyay ka sheegaya in heshiis rasmi ah oo dagaalka Iiraan la xiriira uu dhowyahay, kaasoo uu ku sheegayo midkii ugu sarreeyay oo Mareykanka uu la gaarayo Iiraan, illaa uu tilmaamay in heshiiska uu xaqiijinayo Iiraan aysan yeelan doonin hub nukliyeer ah.

Netanyahu ayaa isaguna saacadihii u dambeeyay isla sidaa u sheegayay Israa’iiliyiinta inaysan Iiraan yeelan doonin hub nukliyeer ah.

Hadalladan ka dib, wakaaladda Iiraan ee Tasnim ayaa baahisay inkastoo maanta wada-hadallo ay qabsoomeen, haddana wali waxaa jira arrimo la isku mari la’yahay, gaar ahaan lacagaha Iiraan laga xanibay.

Sababtaas darteed, heshiiska wali wuu fashilmi karaa, iyadoo Iiraan ay sheegtay inaysan ka tanaasuli doonin qodobada muhiimka u ah.

Iman Jama

Mareykanka iyo Iiraan waxay ku dhow inay gaaraan heshiis cusub oo xabbad-joojin 60 maalmood ah, si waqti dheeraad ah loo...
23/05/2026

Mareykanka iyo Iiraan waxay ku dhow inay gaaraan heshiis cusub oo xabbad-joojin 60 maalmood ah, si waqti dheeraad ah loogu helo dadaallada lagu raadinayo heshiis soo afjaraya dagaalka.

Wargeyska Financial Times, ayaa ku warramay in heshiiska la qorsheynayo uu ka koobnaan karo; inuu Mareykanku yareeyo cunaqabateynta muddada dheer saaran Iiraan, taa beddelkeeda Iiraan waxay si tartiib tartiib ah u furaysaa marin-biyoodka Hormuz iyo wada-xaajood laga galo arrimaha uranium-ka la hodmiyay.

Afhayeenka wasaaradda arrimaha dibadda Iiraan, Esmaeil Baghaei ayaa dhankiisa u sheegay wakaaladda wararka Iiraan ee IRIB , inay Iiraan ku jirto marxaladihii ugu dambeeyay ee diyaarinta heshiis lagu soo afjarayo dagaalka kala dhexeeya Mareykanka.

Wuxuu yiri ;

“Muddo macquul ah oo u dhexeysa 30 ilaa 60 maalmood gudahood ayaa laga wada hadli doonaa faahfaahinta qodobadan, ugu dambeyntiina waxaa la gaari doonaa heshiis rasmi ah.”

Isagoo intaa ku daray;

“Hadda waxaan ku jirnaa marxaladda ugu dambeysa ee diyaarinta heshiisyadan.”

Docda kale, xoghayaha arrimaha dibadda Mareykanka,
Marco Rubio ayaa waxyar ka hor watbaahinta u sheegay in horumar laga sameysay wada-hadallada Iiraan, isagoo intaas ku daray in maalmaha soo socda laga yaabo inay jiraan warar cusub oo arrintaa la xiriira.

Iman Jama

Xisbiga Madaxweyne h**e Maxamed Cabdullaahi Farmaajo ee Nabad iyo Nolol ayaa ka hadlay xarigga Dhallinyaro banaanbax ka ...
23/05/2026

Xisbiga Madaxweyne h**e Maxamed Cabdullaahi Farmaajo ee Nabad iyo Nolol ayaa ka hadlay xarigga Dhallinyaro banaanbax ka dhigay Muqdisho oo Booliska Soomaaliya xiray.

Qoraalka ayaa lagu yiri"Maanta waxaa muuqata in Madaxweynihii H**e Xasan Sheekh Moxamuud uu awoodda ciidan u adeegsanayo cabsi-gelin, xarig iyo handadaad lagu aamusinayo codadka dhallinyarada ee diidan muddo-dhaafka, musuqmaasuqa baahsan, barakaca shacabka iyo halista siyaasadeed ee dalku galay.

Dhallinyarada Soomaaliyeed xaq dastuuri ah ayey u leeyihiin in ay ka dhiidhiyaan mustaqbalka mugdiga ah ee Madaxweynihii H**e uu gelinayo dalka, shaqo la’aanta iyo hubanti la'aanta mustaqbalka dowladnimada, sidaas awgeed waxaa muhiim ah in la dhageysto cabashadooda, halka loo adeegsanayo xoogga iyo caburinta oo ka hor imaanaysa dastuurka iyo xorriyadda hadalka.

Soomaaliya waxa ay u baahan tahay hoggaan sharciyad leh, doorasho lagu wada kalsoon yahay iyo dowlad ilaalisa xuquuqda muwaadiniinteeda.

Address

Kismayo

Telephone

+252615677676

Website

Alerts

Be the first to know and let us send you an email when Soyaal Radio FM posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Soyaal Radio FM:

Shortcuts

Share

Category