![WAA MAXAY FARQIGA UDHAXEEYA [LOW IQ AND HIGH IQ]Erayga ''LOW IQ'', Waa eray ay dadka dhexdood ay isku adeegsadaan, Laaki...](https://img4.medioq.com/294/115/1718317402941152.jpg)
28/03/2026
WAA MAXAY FARQIGA UDHAXEEYA [LOW IQ AND HIGH IQ]
Erayga ''LOW IQ'', Waa eray ay dadka dhexdood ay isku adeegsadaan, Laakiin dadka fahmi kara sida lagu kala garto qofka ''LOW IQ'' ah iyo kan ''HIGHT IQ'' ah aad ayey u yaryihiin.
Farqiga ugu wayn ee u dhexeeya Low IQ iyo High IQ waa awooda problem xalinta. Tusaale; Qofka Low IQ ah haddii uu dhibaato la kulmo maskaxdiisa malahan wax hal abuur ah, Waxaa uu bilaabaa in uu dadka daawado. Halka qofka High IQ ah degdeg uu bilaabo in uu wax curiyo.
Qofka Low IQ ah, Haddii uu Telephone-kiisa ciladoobo problem yar (A), Waxaa uu degdeg ku aadaa qofka yaqaana telefonada si uu xalka u helo (B), Laakiin qofka High IQ ah, Isaga ayaa bilaabo in uu ciladaasi xaliyo haddii ay noqoto in uu furfuro (A), Haddii ay noqoto in u netka ka raadiyo xal (B), Kadib marka uu xaqiiqsado ciladu in ay u baahantahay farsamo ayuu la raadsadaa qof farsama yaqaan ah (C). Kani waa farqiga ugu wayn ee u dhexeeya. Xalkoodii waa; Low IQ (A-B), Hight IQ (A, B, C).
Haddii Qof Low IQ ah iyo gabdh uu jecel yahay ay murmurmaan, Waxaa uu degdeg bilaabaa qofka Low IQ ah in uu dareenadiisa wax ku xaliyo; Baryo, balanqaad, Adeecid iwm halkii loo baahnaa in maskaxdiisa uu wax ku xaliyo. Laakiin qofka High IQ ah xaaladaasi waxaa uu ku mashquulaa PROBLEMKA keenay muranka ee asalka ah in uu wax ka fahmo ee uu xaliyo, si aanay mar dambe usoo noqon, Sababta muranka keentay (A), Waxyaabihii fududeeyey (B), Haddii uu sii socdo waxyaabaha dhici doono ayuu bilaabaa in uu arko (C), Kadib ayuu go'aan qaataa ama xal raadiyaa. (A-B-C).
Siyaasad marka ay noqoto; Qofka Low IQ-ga ah fahamkiisa oo dhan waxaa ay ku kooban yihiin erayada, Halka qofka High IQ ah uu wax ka dhex arkaayo sadarada dhexdood, Tusaale;
Siyaasad; ''Trump waxaa uu markasto caayaa soomaalida'',
Tani waa jumlad sugan, Qofka low IQ iyo qofka High IQ ah isku qaab ugama falcelinayaan, Sidaan ayey kala noqon doonaan;
1-Qofka Low IQ ah; Jumaladaasi Trump wuu ku qoslaa, Wax aan micno lahayn ayuu u arkaa, ama waxaa uu dhahaa; Trump waa runtiisa waxa uu inaga sheegay. Waa in aan isbedel la imaanaa iwm.
2-Qofka High IQ ah; Jumladaasi trump ee soo noqnoqota ayaa waxaa uu bilaabaa in uu ku xiro aqoonsigii somaliland ee Israa'iil (A), Iyo isku dhowaanshaha Trump iyo Netanyahu (B), Doonista Itoobiya ee ah in ay bad hesho (C), Dagaalkii lala galay ururka AS ee fashilmay (D), Waxaa uu kasoo dhex saaraa hadalkaasi trump natiijo ah: ''In uu Trump jiheyn ku sameynayo aragtida dadweynaha caalamka ee ku aadan soomaaliya, Hadafka la doonayana in uu yahay, Soomaaliya in la kala qaybiyo, Dowladuna ay burburto''.
-Qofka Low IQ ah, wuu xalin karaa problem fudud oo A-B ah, Laakiin kolka C ay soo gasho maskaxda ayaa xanuunto oo waxaa uu bilaabaa in uu dhaho ''Waan wareeray oo waxaasi maxay tarayaan iwm''. 😂 Waxaa uu jeclaadaa in uu marti uga noqdo dadka kale.
-Si kooban, Haddiiba aad xalin karto problem, A, B, C, D, xiriirka ka dhexeeyana aad si mandiq ah usoo saari karto, Sidoo kale aad isugu xiri karto si wanaagsan; Sabab-Natiijo = Ma noqon kartid Low IQ xitaa boqolaal test haddii aad ku dhacdo. Laakiin qofka aan taasi awoodin ayaa inta badan dharbaaxidani ay ku dhacdaa.
-Wadamada Africa sababta LOW IQ loogu sheego inta badan waa in aysan xalineyn dhibaatooyinka ka jiro dalkoodii, In aysan la imaaneyn fikrad bil caksi ay caalamka ka sugayaan in uu xal u keeno, Halka Japan, Jarmalka iwm ay yihiin kuwo ku taqasusay raadinta xal alternative ah iyaga oo cidna wax ka sugin. (Laakiin tani waa iska indhotirka xaqiiqada Africa ka jirto, Qiimeynaan sax ma aha, Laakiin caalamka ayaa si xoogan looga isticmaalaa, Qof aan xitaa xalin karo dhibka ka jiro dalkiisa ee dib u heshiisiin fudud ah, Iyo Qof sameysanaya dayax gacmeed ma isku IQ baa heerka xalinta problemka) Sidaan beenta ah ayaa misaan la isku saaraa caalamka. Laakiin dad badan run ayey u maleyn karaan qaabka loo dhigayo darteed.
