11/06/2026
Wasiirka Wasaaradda Amniga Dowladda Jubaland Mudane Yuusuf Xuseen Cismaan (Dhuumaal), oo ay weheliyaan saraakiil ka tirsan hayโadaha amniga Jubaland iyo howlgalka AUSSOM, ayaa maanta tababar u soo xiray cutub ka tirsan ciidamada gaarka ah ee Madaxtooyada Jubaland, kuwaas oo bilihii la soo dhaafay qaadanayay tababar heer sare ah.
Ciidamadan ayaa muddadii uu tababarku socday bartay casharro kala duwan oo muhiim u ah xirfadda askarinimada, kuwaas oo kor u qaadaya aqoontooda, kartidooda iyo tayada shaqo, sidoo kale, waxaa barbar socday barnaamijyo lagu dhisayay anshaxa, hufnaanta iyo sare u qaadista wacyigooda, si ay si hufan ugu gutaan waajibaadka qaran ee loo igmaday.
Munaasabadda xiritaanka tababarka ayaa ciidamada waxay ku soo bandhigeen qaar ka mid ah xirfadaha iyo casharradii ay barteen muddadii tababarka adag uu socday, taas oo muujisay heerka tayada iyo diyaar-garowga ay gaareen.
