Jubbaland TV

Jubbaland TV Telefeshin-ka Dowladda Jubbaland "Waa isku xiraha bulshada Soomaaliyeed"

Jubbaland State TV Jubaland State television owned by the Jubaland state of Somalia.

11/08/2026

Barnaamijka Fanka Iyo Suugaanta 11-08-2026.

11/08/2026

Xulka Waraka ee Jubbaland TV 11-08-2026

Wasiirka Deegaanka iyo Isbedelka Cimilada Dowladda Jubbaland Mudane Caydiid Suleymaan Xaashi ayaa maanta magaalada Kism...
11/08/2026

Wasiirka Deegaanka iyo Isbedelka Cimilada Dowladda Jubbaland Mudane Caydiid Suleymaan Xaashi ayaa maanta magaalada Kismaayo ka furay shir heer sare ah oo ay ka qeyb galeen hay’adaha dowladda, ururrada bulshada rayidka ah, iyo bahwadaagta horumarinta, kaas oo lagu falanqeeyay horumarka laga gaaray Mashruuca UGBAAD (Integrated Landscape Management Project.)

Shirkan ayaa qayb ka ah dadaallada lagu hormarinayo maamulka deegaanka, xoojinta adkeysiga bulshada ee saameynta isbeddelka cimilada, iyo diyaarinta Qorshayaasha Maareynta Deegaanka (Landscape Management Plans) ee deegaanada Dowladda Jubaland.

Intii uu socday shirka, waxaa lagu soo bandhigay warbixin ku saabsan waxqabadkii mashruuca muddadii u dhexeysay Diseembar 2025 ilaa May 2026, iyadoo la xaqiijiyay in dhammaan lixdii hawlood ee qorshaysnaa si guul leh loo dhammeystiray.

Hawlahaas waxaa ka mid ahaa abaabulka bulshada, ururinta xogta qoysaska, sahminta iyo khariidaynta geedka Prosopis, dhismaha Guddiyada Maareynta Deegaanka (LMCs), khariidaynta kheyraadka dabiiciga ah iyo shirarka wada-tashiga daneeyayaasha.

Wasiir Caydiid Suleymaan Xaashi ayaa carrabka ku adkeeyay muhiimadda ay leedahay wada-shaqeynta hay’adaha dowladda, bulshada iyo bahwadaagta horumarinta si loo helo maamul deegaan oo waara, loona yareeyo saameynta isbeddelka cimilada iyo xaalufka deegaanka. Wasiirku wuxuu sidoo kale xusay in mashruuca UGBAAD uu door muhiim ah ka qaadanayo dib-u-soo-nooleynta deegaanka, xoojinta adkeysiga bulshada iyo horumarinta hababka maamulka kheyraadka dabiiciga ah ee Jubbaland.

Guddoomiyaha Guud ee Hanti-dhowrka Jubbaland, Bashiir Maxamed Bahale, iyo Agaasimaha Hanti - dhowrka Aadan Maxamed Cal...
11/08/2026

Guddoomiyaha Guud ee Hanti-dhowrka Jubbaland, Bashiir Maxamed Bahale, iyo Agaasimaha Hanti - dhowrka Aadan Maxamed Cali, ayaa booqasho shaqo ku tagay Hay’adda Tayo-dhowrka Jubbaland, halkaas oo ay ugu kuur-galeen howlaha kala duwan ee hay’addu bulshada u qabato.

Mas’uuliyiinta ayaa si gaar ah u soo indho-indheeyay xafiisyada iyo qeybaha kala duwan ee shaqadu ka socoto, oo ay ka mid yihiin Shaybaarka Kiimikada (Chemical Laboratory) iyo Qeybta Shaybaarka, iyagoo la socday habka loo baaro loona hubiyo tayada badeecooyinka iyo waxyaabaha kala duwan ee suuqa soo gala.

Intii ay booqashadu socotay, Guddoomiyaha Guud ee Hay’adda Tayo-dhowrka Jubbaland, Quality Control. Services Maxamed Axmed Nuur, ayaa mas’uuliyiinta Hanti-dhowrka u sharaxay qeybaha kala duwan ee hay’addu ka kooban tahay, shaqooyinka ay qabtaan iyo doorka ay ku leedahay ilaalinta caafimaadka iyo badqabka bulshada.

11/08/2026

Warka Jubbaland TV 11-08-2026

11/08/2026

Hanti dhowraha guud ee Jubaland oo ay weheliyaan xubno kale, ayaa maanta kormeer shaqo ku tagay xarunta Hay'adda Tayo-dhowrka Jubaland.

Wasiirka Wasaarada Haweenka, Arrimaha Qoyska iyo Xuquuqul Insaanka Jubbaland, Marwo Cadar Ismaaciil Cabdullaahi, ayaa ma...
11/08/2026

Wasiirka Wasaarada Haweenka, Arrimaha Qoyska iyo Xuquuqul Insaanka Jubbaland, Marwo Cadar Ismaaciil Cabdullaahi, ayaa magaalada Kismaayo ka daahfurtay kulan aqoon-is-weydaarsi ah oo ku saabsan ka hortagga gudniinka waxyeellada leh ee gabdhaha.

Kulanka ayaa waxaa ka qeybgalaya adeeg-bixiyeyaasha iyo qeybaha kala duwan ee bulshada, oo ay ka mid yihiin hay’adaha maxalliga ah, Booliska, Odayaasha dhaqanka iyo Ururrada haweenka.

Ujeeddada kulanka ayaa ah in la xoojiyo wacyigelinta iyo fahamka bulshada ee ku aaddan ka hortagga gudniinka waxyeellada leh, iyo sidii loo ilaalin lahaa xuquuqda iyo badqabka gabdhaha.

Wasiiradda ayaa sheegtay in dhammaan deegaannada Jubbaland laga mamnuucay gudniin kasta oo aan waafaqsanayn xeerarka iyo siyaasadaha Dowladda Jubbaland ee ka hortagga gudniinka waxyeellada leh.

Kulankan ayaa qeyb ka ah dadaallada Wasaaradda Haweenka, Arrimaha Qoyska iyo Xuquuqul Insaanka Jubbaland ay ku xoojinayso wacyigelinta bulshada iyo hirgelinta tallaabooyinka lagu ilaalinayo gabdhaha, laguna ciribtirayo gudniinka waxyeellada leh ee ka jira bulshada.

Wasaaradda Tamarta iyo Kheyraadka Biyaha Dowladda Jubaland, ayaa la wareegtay 𝐇𝐎𝐁𝐎 𝐖𝐚𝐭𝐞𝐫 𝐋𝐞𝐯𝐞𝐥 𝐃𝐚𝐭𝐚 𝐋𝐨𝐠𝐠𝐞𝐫, oo ah qalab ...
11/08/2026

Wasaaradda Tamarta iyo Kheyraadka Biyaha Dowladda Jubaland, ayaa la wareegtay 𝐇𝐎𝐁𝐎 𝐖𝐚𝐭𝐞𝐫 𝐋𝐞𝐯𝐞𝐥 𝐃𝐚𝐭𝐚 𝐋𝐨𝐠𝐠𝐞𝐫, oo ah qalab loogu talagalay la-socodka heerarka biyaha webiyada iyo fahamka isbeddellada la xiriira fatahaadaha.

Qalabkan oo ay Wasaaraddu kala wareegtay 𝐓𝐚𝐬𝐤 𝐒𝐩𝐚𝐜𝐞 𝐁𝐫𝐢𝐝𝐠𝐞, ayaa awood u leh inuu si joogto ah u diiwaangeliyo heerka biyaha iyo heerkulka, waxaana loo adeegsan karaa webiyada, harooyinka iyo goobaha kale ee biyaha.

Xogta laga helo qalabkan ayaa muhiim u ah la-socodka isbeddellada heerarka biyaha, gaar ahaan xilliyada fatahaadaha, iyo horumarinta qorsheyaasha lagu maaraynayo khataraha fatahaadaha.

Kulanka waxaa goob-joog ahaa Agaasimaha Guud ee Wasaaradda, Agaasimaha Waaxda Biyaha iyo qeyb kamid ah howlwadeenada wasaaradda.

11/08/2026

Mas’uuliyiin iyo saraakiil ka tirsan Dowladda Koonfur Galbeed, oo uu hoggaaminayay Afhayeenka Dowladda, Ugaas Xasan Cabdi Maxamed, ayaa soo dhaweeyay qeybtii labaad ee ciidamo ka soo baxay degmada Berdaale.

11/08/2026

Wasaaradda Caddaaladda Jubaland oo Kismaayo ku qabatay Tababar lagu xoojinayo Iskaashiga Bahda Caddaaladda.

Address

Kismayo

Telephone

+252619800022

Website

Alerts

Be the first to know and let us send you an email when Jubbaland TV posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Jubbaland TV:

Shortcuts

Share

Category