04/09/2026
Xildhibaan h**e Abukaate Cumar Xasan Zubeer ayaa isku soo taagay kursiga Beesha Dabruuwe Maxamed ee Hope-151, isagoo sheegay inuu sannado badan u soo fadhiyay Carta iyo Eldoret, ilaa uu gacan u soo geliyay kursiga Beesha.
Wuxuuna sheegay in kursiga in lahelo uu garab ku siiyay Alle ha u naxariistee Eng. Siid Cali Dabruuwe, oo uu sheegay inuu Eldoret ku wehelinayay ilaa kursiga laga helo.
Laakiin wuxuu nasiib-darro ku tilmaamay inuu kursiga ka fara-maroojiyay Cabdulla Xuseen Cali, oo uu sheegay inuu kursiga ka dhacay. Sidoo kale, ku dhowaad 20 sano kursigu wuxuu ahaa mid aan reerka lagu matalin.
Xildhibaan h**e Abukaate Cumar Xasan Zubeer ayaa sheegay inuu diyaar u yahay inuu kursiga dib ugu qaato ninkii kursiga ka dhacay, ee aan Beesha waxba u qaban 20-kii sano ee la soo dhaafay.
Wuxuuna Xildhibaan Cabdulla ku eedeeyay inuu si cad ugu sheegay inuu yahay Ismaaciil Cumar Gellaha Beesha Dabruuwe, uusan kursiga ka degi doonin ilaa uu ka dhinto.
Cabdulla ayaa sheegay inuu rabo in la aaso isagoo xildhibaan ah.
Ugu dambeyn, Xildhibaan Cumar Xasan Zubeer ayaa sheegay in sababta uu ugu biiray Koonfur Bari ay tahay in sannad kasta Koonfur Galbeed kursiga u xirto xildhibaanka waqtigiisu dhammaaday, Cabdulla Xuseen.
