14/06/2025
Sidee Israa'iil Ku Dishay 3-dii Nin Ee Ugu Awooda Badnaa Iran dhanka difaaca iyo milatariga?
Ugu yaraan saddex ka mid ah saraakiisha ugu sarraysa militariga Iran ayaa ku dhintay duqeymo is xigxigay oo ay fuliyeen diyaaradaha Israa’iil oo lala beegsaday xarumaha ugu sarreeya militariga iyo xarumaha horrumarinta Nukliyeerka Iran.
Hawlgalka loo yaqaan (Rising Lion) Libaaxa soo kacaya, ee ay dulisay Israa'iil waxay dishay Hossein Salami, oo ahaa madaxii Ilaalada Kacaanka Iran; Mohammad Bagheri, oo ah madaxa shaqaalaha ee ciidamadeeda qalabka sida iyo Ali Shamkhani, taliyihii h**e ee amniga qaranka.
1- Sareeye Gaas Xuseen Salami
Major General Hossein Salami, oo ahaa madaxa Ilaalada Kacaanka Islaamiga ah (IRGC) tan iyo 2019, wuxuu ahaa mid ka mid ah saraakiisha ugu saameynta badnaa Iran, isagoo madax u ahaa cududa militari ee ugu awoodda badan dalkaas, si toos ahna u hoos taga hogaamiyaha sare ee Ayatollah Ali Khamenei.
Ka dib dilkii Salami, Ahmad Vahidi ayaa loo magacaabay inuu noqdo bedelka Salami.
"Iyada oo ay qalbiyada ka buuxsameen murugo iyo murugo, waxaan u barooranaynaa shuhadada xaqdarada lagu dilay ee uu ka midyahay taliyaha daacadda ahaa, Major-General Hossein Salami, oo ahaa taliyaha guud ee Ilaalada Kacaanka Islaamiga ah," IRGC", sidaas waxaa lagu yiri bayaan ay soo xigatay wakaaladda wararka Iran ee IRNA Jimcihii shalay ahaa.
2- Cali Shamkhani
Wuxuu ahaa Hogaamiye sare oo ka tirsan xafiiska Ayatollah Ali Khamenei, Ali Shamkhani ayaa sidoo kale la dilay intii uu socday howlgalkii loogu magacdaray Libaaxa soo kacaya ee Israel ay u fulisay hab gaadmo ah oo si laga yaabay loo soo qorsheeyay.
Samkhani Wuxuu sidoo kale ahaa Mid ka mid ah shaqsiyaadka caanka ah ee Iran, Mr Shamkhani ayaa Tehraan u matalayay wadahadalo ay ka soo baxeen natiijooyin hordhac ah ama heshiis taariikhi ah oo lagu soo celinayo xiriirka diblomaasiyadeed ee Sacuudiga.
Waxa uu soo noqday sarkaalka ugu sareeya amniga qaranka 2013 ilaa 2023. Mr Shamkhani waxa uu kormeerayay wada xaajoodyada nukliyeerka ee Mareykanka isaga oo xubin ka ahaa koox uu magacaabay taliyaha ugu sarreeya si ay u maamulaan wada xaajoodkaas.
3- Major General Mohammad Bagheri
Major General Mohammad Bagheri, oo ahaa madaxa guud ee ciidamada Iran tan iyo 2016, ayaa sidoo kale la dilay Jimcihii.
Marka loo eego dukumeenti ka tirsan maaliyadda Mareykanka oo dhigaya cunaqabateyn ka dhan ah isaga kuna beegnaa sanadkii 2019, Mr Bagheri waxaa lagu soo rogay cunaqabateyn isaga iyo sargaal kale oo saaxiib dhow la ah Ayatollah Khamenei "kaas lagu eedeeyay wax loogu yeeray caburinta dadka Iran, dhoofinta argagixisada, iyo siyaasado kale oo lagu tilmaamay kuwo qalafsan.
Maj. Gen. Abdolrahim Mousavi ayaa bedelay, sida ay sheegtay wakaaladda wararka Iran ee IRNA.
Habeenimadii Jimcaha iyo subaxnimadii h**e ee Sabtida, waxay Iran wacad ku martay in ay u aargudi doonto dadkeedii lagu laayay weerar gudaheeda laga fuliyay.
Iran ayaa ilaa maajta gantaaladeeda ballistic-ga ah oo ay si raxan ah u soo fasaxayso waxay ku ruxday Tel Aviv iyo qaybo ka mid ah Qudus.
Guuxa dayuuradaha iyo diryanka madafiicda ayaa laga maqlayay labada magaalo, taas oo dadka ku qasabtay in ay gabaad ka raadsadaan guryaha xagga hoose dhulka ku diyaarsan, si ay uga fogaadaan gantaalada xooga leh ee sida roobka ugu socda magaalooyinkaas ay sheegato Israaiil.
Milateriga Israa’iil ayaa sheegay in nidaamkooda difaaca uu ku jiro shaqada, iyagoo ka hortagaya UAV-yada iyo gantaallada Iran, sidaana waxaa waramaysa waakaladda wararka Reuters.
Walow Israel ay aad u qarinayso qasaaraha gantaalada difaacooda birta ah ka gudbay ee ku dhacay gudaha meelo muhiim ah oo ku yaala Tel Aviv iyo magaalooyin kale oo xiga koonfurta dhulka ay maamusho Israel, hadana warar aan la xaqiijin ayaa sheegaya in Iran ay beegsatay xafiisyo Muhiim ah sida xarumaha Israel ee bacriminta Nuclearka iyo gaashaandhiga.
Waxaa mugdi ah oo korontadii waayay meelo badan oo Israel ka mid ah. Shacanka Israel na waxay ku jiraan marxaladdii abid ugu cabsida badnayd ee soo wajahda tan aasaaskodii 1948.
OGSAN MEDIA
