Bustaale channel1

Bustaale channel1 Pege Kala Soco Warar Iyo Sheekooyin Xiiso Gaara Xambaarsan Guud Ahaan Dhulka Somalida Uga Bogo Madashaan Oo Nagu Soo Biir

04/09/2026

Lacagta Iiraan , ayaa gaartay halkii doollar in lagu sarifo milyan iyo saddex boqol oo riyaalka Iiraan ah, taasoo ka dhigan shillinka Soomaaliga inuu ka qiimo badan yahay laba laab , riyaalka Iiraan. Qof ayaa saddex boqol oo doollar la tagay goob ganacsi,waxaa loogu sarifay afar boqol oo milyan. Xaaladan waxay ka dhalanaysaa cunaqabateynta uu Mareykanka saaray Iiraan, taasoo saameyn iyo burbur dhaqaale ku dhalisay Iiraan.

30/08/2026

Ruushka ayaa gacanta ku dhigay diyaaraddo badan oo nooca aan duuliyaha lahayn ee Ukraine , taasoo cabsi ku beertay dalalka Yurub oo sheegay inay jirto suragalnimo uu Ruushku u adeegsan karo diyaaradahan weerarro ka dhan ah xarumo istaraatiji ah oo ku yaal gudaha Yurub, isagoo u ekaysiinaya weerar ka yimid Ukraine, maaddama uu adeegsanayo hub ay leedahay Ukraine, si loo abuuro jahawareer siyaasadeed, loona dhaawaco xiriirka Ukraine iyo dalalka NATO, sida uu weriyey wargeyska Wall Street Journal.

12/08/2026

Dawladda Ingiriiska ee uu hoggaamiyo ra’iisul wasaaraha dhawaan xilka la wareegay ee Andy Burnham, ayaa isku diyaarinaysa inay qaado tallaabooyin adag oo ka dhan ah Israa’iil oo ay ku jirto cunaqabateyn lagu soo rogo mas’uuliyiinta Israa’iil, joojinta badeecadaha ka imaanaya dhulka la haysto iyo adkeynta cunaqabateynta saaran dhoofinta hubka,iyadoo la sheegay in go’aamadan looga jawaabato qabsashada iyo cadaadiska ka dhanka ah Falastiiniyiinta, sida uu maanta baahiyay wargeyska Middle East Eye.

11/08/2026

Wasaaradda Arrimaha Dibadda Qatar ayaa maanta si buuxda u soo dhaweysay heshiiska difaaca wadajirka ah ee ay gaareen Pakistan,Turkiga iyo Sacuudiga. Si kastaba ha ahaatee, Qatar waxay muujisay inaysan weli go’aan ka gaarin ku biirista heshiiska. Afhayeenka Wasaaradda Arrimaha Dibadda Qatar, Majed Al-Ansari ayaa sheegay in ay xilli h**e tahay in laga hadlo arrinta ku biiritaanka heshiiskan ee Qatar.

10/08/2026

Ra’iisul wasaaraha Itoobiya, Abiy Axmed, ayaa ku eedeeyay TPLF inay doonayso inay dagaal cusub la gasho nidaamkiisa, iyagoo taageero ka raadinaya kooxaha Amxaarada iyo Oromada , iyo sidoo kale dhinacyo dibadda ah, sida ay maanta werisay Al Jazeera.

09/08/2026

Xuutiyiinta Yemen ayaa ku dhawaaqay in diyaaradaha aan duuliyaha lahayn ay ku weerarreen warshadda sifaynta shidaalka Sacuudiha ee Aramco oo ku taal magaalada Jazaan ee ku dhow xadka Yemen, sida uu waxyar ka hor shaaciyay afhayeenka dhinaca militariga Xuutiyiinta,Yaxye Sariic.

09/08/2026

Xisbiga Dimuqraadiga Mareykanka ayaa qorsheynaya inay baaritaan musuq maasuq ku sameeyaan Trump,isla markiiba haddii ay la wareegaan aqlabiyada Congress-ka, doorashada dhexe ee dhacaysa bisha November 2026,ka hor inta aysan guda gelin mooshin xil ka qaadis ah oo ka dhan ah Trump, sida ay werisay Reuters

04/08/2026

Iiraan iyo Cumaan ayaa ku dhow inay gaaraan heshiis dib loogu furayo marin-biyoodka Hormuz, iyadoo heshiiskan berri lagu dhawaaqi karo , sida ay werisay Al Jazeera. Warbaahinta Israa’iil ka soo baxda ee Channel 14 ayaa dhankiisa baahiyay inuu helay qodobbada heshiiska ay wada gaareen Iiraan iyo Cumaan ee dib loogu furayo marin-biyoodka Hormuz.Arrimaha la sheegay inay heshiiska ka gaareen Iiraan iyo Cumaan, waxaa ka mid ah in la sameeyo marin maraakiibta u gaar ah oo ay si wadajir ah u maamuli doonaan Iran iyo Cumaan.

04/08/2026

Iiraan ayaa xaqiijisay inay leedahay qorshe ay ku xoojinayso taageerrada ay siiso ururka iska caabinta Falastiiniyiinta ee Xamaas, ka dib wadahadal ay shalay telefoonka ku yeesheen madaxweynaha Iiraan, Masoud Pezeshkian iyo hoggaamiyaha dhawaan la doortay ee ururka Xamaas, Khalil al-Hayya, iyadoo madaxweynaha Iiraan uu xaqiijiyay inaysan marna Iiraan ka bixi doonin garabka Falastiiniyiinta,sida ay wakaaladda wararka Turkiga ee Anadolu, ka soo xigatay telefishinka Iiraan ee Press TV.

03/08/2026

Iiraan ayaa lagu warramayaa inay diiday dalabkii ugu dambeeyay ee Mareykanka uu soo gudbiyay,waxayna ku adkaysatay mowqifkeeda ah in marin-biyoodka Hormuz aan si buuxda dib loogu furin doonin ilaa dagaalku dhammaado, sida ay maanta werisay warbaahinta Al Mayadeen ee xiriir leh Iiraan.

Warbixintan ayaa sidoo kale lagu sheegay in Mareykanku uu sameeyay tanaasulaadyo ku saabsan arrinta xiritaanka marinka maraakiibta ee dhanka koonfureed, taasoo la macno ah Mareykanka inuu go’doominta ka qaado dekedaha Iiraan , dibna loo furo qaybta koonfureed ee Hormuz.

Address

Nairobi
Mogadisho
NAIROBI

Telephone

+252615545481

Website

Alerts

Be the first to know and let us send you an email when Bustaale channel1 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Bustaale channel1:

Shortcuts

Share

Category