Wargeyska Afrika

  • Home
  • Wargeyska Afrika

Wargeyska Afrika Contact information, map and directions, contact form, opening hours, services, ratings, photos, videos and announcements from Wargeyska Afrika, Magazine, .

Wasiirka Arrimaha Dibadda ee dalka Shiinaha, Wang Yi ayaa booqasho rasmi ah ku imaanaya caasimada Muqdisho ee dalka Soom...
07/01/2026

Wasiirka Arrimaha Dibadda ee dalka Shiinaha, Wang Yi ayaa booqasho rasmi ah ku imaanaya caasimada Muqdisho ee dalka Soomaaliya, wasiirka waxaa lagu wadaa in uu la kulmo madaxda sare ee Dowladda Federaalka Soomaaliya isla markaana uu kala hadlayo arrimo dhowr ah.

Wang Yi ayaa socdaalkiisa ku aaddan safar uu ku marayo dalalka Soomaaliya, Itoobiya, Tansaaniya iyo Lesotho, wasiirka ayaa xoogga saarayo iskaashiga Jamhuuriyadda Shiinaha iyo dalalkaas ka dhaxeeya sida hadalka loo dhigay.

Muddada safarkaan uu dalalkaan ku kala marayo waa 7-da Janaayo oo maanta ah illaa 12-ka bishaan sida lagu xusay jadwalka safarkiisa Afrika, Beijing ayaa xoogga saaraysa isbahaysi xooggan oo qaaraddaan ah maadaama uu xooggaystay tartanka loogu jiro.

Afrika waxaa muddo 36 sano safarro ku tagayay Wasiirrada Arrimaha Dibadda Jamhuuriyadda Shacabka Shiinaha, ujeedka waa in ay dowladdooda ogtahay muhiimadda ay u leedahay xiriir ay la samaysato qaaraddaan.

Wang Yi oo xubin ka ah xafiiska siyaasadda ee Guddiga Dhexe ee Xisbiga Shuuciga ah ee Shiinaha waxa uu ka qeybgali doonnaa xaflad lagu daahfurayo xiriirka Shiinaha iyo Afrika oo lagu qabanayo xarunta Ururka Midowga Afrika.

Shiinaha waxa uu safka h**e uga jiraa dalalka garab istaagay Midnimada iyo wadajirka Jamhuuriyadda Federaalka Soomaaliya, Xukuumadda Beijing ayaa cambaaraysay faragelinta dibadda ah ee lagu hayo Soomaaliya.

Kulanka dhexmaray Madaxweynaha Somaliland Cabdiraxmaan Cirro iyo Wasiirka Arrimaha Dibadda Israa’iil ayaa looga hadlay i...
07/01/2026

Kulanka dhexmaray Madaxweynaha Somaliland Cabdiraxmaan Cirro iyo Wasiirka Arrimaha Dibadda Israa’iil ayaa looga hadlay iskaashi dhexmara labada dhinac.

Cabdiraxmaan Cirro ayaa uga mahadceliyay Israa’iil go’aanka ay ku aqoonsadeen Maamulka Yuhuudda, isagoo ku tilmaamay mid leh saameyn diblomaasiyaddeed, mid dhaqaale iyo mid horumarineed.

Cirro wuxuu kaloo caddeeyey in ay diyaar u yihiin iskaashi iyo wada shaqayn buuxda oo dhinacyo badan leh in ay la yeeshaan Israa’iil.

Qoraal uu ku baahiyay bartiisa Facebook, Wasiirka Arrimaha Dibadda Israa’iil Gideon Sa’ar, ayuu kaga hadlay ujeedka booqashadiisa magaalada Hargeysa.

“Booqashada waxaan ku gudbineynaa farriin ah in ay naga go’an tahay in aan sii wadno xiriirka nagala dhexeeya Somaliland” – ayuu yiri Wasiirka Arrimaha Dibadda Israa’iil Gideon Sa’ar.

Wasiirka waxa uu sheegay in maanta uu madaxweynaha iyo xubno kale oo sare uu kala hadlay sidii loo sameyn lahaa xiriir buuxa. Wasiirka wuxuu kaloo sheegay madaxweyne uu aqbalay martiqaadka raysalwasaare Netanyahu.

“Israa’iil iyada ayaa iska leh go’aanka cidda ay aqoonsanayso iyo cidda ay la yeelaneyso xiriir diblomaasiyadeed”

–ayuu yirri Wasiirka Yuhuudda.

Madaxweynaha Maamulka Somaliland, Cabdiraxmaan Cirro oo muddooyinkii ugu dambeeyay kulamo kala duwan Aqalka loogu aramiyo Hargeysa kula qaadanaayay qeybaha kala duwan ee bulshada, culimada iyo masuuliyiinta maamulkaas.

Kulamada ayaa diiradda lagu saarayay heshiiskii Yuhuudda uu la galay Cabdiraxmaan Cirro taasi oo cawaaqib xumo xooggan haatan kala kulmay isla markaana sida uu rabay ay wax u noqon la’ayihiin. Cirro ayaa culimada Hargeysa waxa uu kala arrinsaday arrimaha la xiriira heshiiskan iyo Aqoonsigan ay sheegtay inay ka heshay Ra’iisul Wasaaraha Israa’iil Natenyahu.

Culimada Hargeysa ayaa Cabdiraxmaan Cirro u caddeeyay kagana digay halista ka imaan karta heshiiska Somaliland ay la gashay Maamulka Yahuudda, isla markaana ku doonayso in ay Soomaaliya inteeda kale kaga go’do.

Wasiirka Arrimaha Dibadda Soomaaliya, Cabdisalaan Cabdi Cali ayaa kulan degdeg ah oo khadka teleefonka ah la yeeshay Gol...
06/01/2026

Wasiirka Arrimaha Dibadda Soomaaliya, Cabdisalaan Cabdi Cali ayaa kulan degdeg ah oo khadka teleefonka ah la yeeshay Golaha Nabadda iyo Ammaanka ee Midowga Africa (AU PSC) kaas oo looga hadlay arrimaha saameynay madaxbannaanida iyo wadajirka dhuleed ee Jamhuuriyadda Federaalka Soomaaliya.

Kulankan oo ay guddoomineysay Wasiirka Arrimaha Dibadda Jamhuuriyadda Dimuqraadiga ee Congo, Thérèse Wagner, isla markaana Soomaaliya ku dalbatay qodobka 7(o) oo dhigaya in ay ka fiirsadaan xaaladda marka dal xubin ka ah madaxbannaanidiisa ay khatar gasho.

Wasiirka Arrimaha Dibadda Soomaaliya, Cabdisalaan Cabdi Cali ayaa sheegay in Soomaaliya ay diidan tahay wax ay ku tilmaantay tallaabo hal dhinac ah oo Israa’iil ku dooneyso in ay ku aqoonsato gobolka waqooyiga Soomaaliya ee Somaliland.

War-saxaafaddeedka ay soo saartay Wasaaradda Arrimaha Dibadda ee Soomaaaliya ayay ku sheegtay in socdaalkii uu maanta Hargeysa ku yimid Wasiirka Arrimaha Dibadda Israa’iil uu ahaa “Mid sharci darro ah”.

Wasiirka ayaa ku celiyay markale in Soomaaliya ay tahay hal dal oo aan lakala qeybin karin iyadoo Somaliland ay ka mid tahay Jamhuuriyadda Federalka Soomaaliya

Wasiirka waxa uu ka digay in tallaabooyinka xaqiraya madaxbannaanida dhuleed ee Soomaaliya ay khatar ku yihiin nabadda iyo xasiloonida geeska Afrika iyo Badda Cas. Wuxuuna ka dalbaday xubnaha Midowga Afrika in ay xaqiijiyaan midnimada iyo madaxbannaanida dhuleed ee Soomaaliya.

Dowladda Soomaaliya ayaa sheegtay in tallaabada wasiirku “xadgudub ku tahay madaxbanaanida dhuleed iyo midnimada siyaasadeed ee Soomaaliya”

“Waxaan sida ugu adag u cambaareyneynaa duulaanka socdaalka sharci darrada ah ee Wasiirka Arrimaha Dibadda ee Israa’iil ku tagay Hargeysa”

– ayaa lagu yirri war-saxaafaddeedka kasoo baxay Wasaaradda Arrimaha Dibadda Soomaaliya.

Wasiirka Arrimaha Dibadda Israa’iil Gideon Sa’ar iyo wafdi uu hoggaaminayo ayaa ka degay magaalada Hargeysa ee Maamulka Somaliland.

Warbaahinta Yahuuda ayaa xaqiijisay in Wafdiga uu hoggaaminayo Wasiirka Arrimaha dibadda Israa’iil uu tegay magaalada Hargeysa, isagoo kulamo kala duwan la yeelanayo Madaxda Somaliland.

Wasiirka Arrimaha Dibadda Israa’iil Gideon Sa’ar iyo wafdi uu hoggaaminayo ayaa ka degay magaalada Hargeysa ee Maamulka ...
06/01/2026

Wasiirka Arrimaha Dibadda Israa’iil Gideon Sa’ar iyo wafdi uu hoggaaminayo ayaa ka degay magaalada Hargeysa ee Maamulka Somaliland.

Warbaahinta Yahuuda ayaa xaqiijisay in Wafdiga uu hoggaaminayo Wasiirka Arrimaha dibadda Israa’iil uu tegay magaalada Hargeysa, isagoo kulamo kala duwan la yeelanayo Madaxda Somaliland.

Amniga Magaalada Hargeysa ayaa aad loo adkeeyay waxaan la xiray wadooyinka, iyadoo aan si rasmi ah Maamulka Somaliland u shaacin imaanshiyaha wafdiga. Xilliga wafdiga Yahuudda tegay Hargeysa waxaa halkaas ka degtay Diyaaradda Ethiopian Airlines.

Dowlada Federaalka Soomaaliya ayaan wali rasmi ah ugu hadlin arrintaan lagama oga tallaabada ay qaadi doonto. Ra’iisul Wasaaraha Yuhuudda iyo Maamulka Somaliland ayaa Magaalada Hargeysa ku saxiixan doonan heshiiska Abraham Accord, isagoo isla markaana la geyn doono magaalada Berbera halkaasi oo uu ku sameysan doono saldhig milatari.

Golaha Ammaanka ee Midowga Afrika ayaa maanta kulan degdeg ah ka yeelanaya go’aankii Israa’iil ay ku sheegtay in ay Aqoonsatay Somaliland isla markaana ugu xadgudubtay madaxbannaanida iyo wadajirka dhuleed ee Jamhuuriyadda Federaalka Soomaaliya.

Wasiirrada Arrimaha Dibadda dalalka xubnaha ka ah Golahaan ayaa kulankaan yeelanaya, waxaana la dhagaysan doonnaa dacwadda ay Soomaaliya ka qabto faragelintaan lagu sameeyay iyo sida ay ugu baahan tahay in goluhu meel fog ka istaago uuna cambaareeyo.

Maamulka Israa’iil waxa uu rabaa hadda in uu saldhigyo milateri uu ka samaysto magaalada Berbera oo ku taalla gacanka Cadan, halkaas oo ah meel istiraatij ah oo mareykankana indhaha ku haayo, maadaama ay tahay meel 300km keliya u jirta Xuutiyiinta gudaha yaman ku sugan isla markaana fududeynayso in duqeymo hawgallo militari halkaasi laga qaado.

Golaha Ammaanka ee Midowga Afrika ayaa maanta kulan degdeg ah ka yeelanaya go’aankii Israa’iil ay ku sheegtay in ay Aqoo...
06/01/2026

Golaha Ammaanka ee Midowga Afrika ayaa maanta kulan degdeg ah ka yeelanaya go’aankii Israa’iil ay ku sheegtay in ay Aqoonsatay Somaliland isla markaana ugu xadgudubtay madaxbannaanida iyo wadajirka dhuleed ee Jamhuuriyadda Federaalka Soomaaliya.

Wasiirrada Arrimaha Dibadda dalalka xubnaha ka ah Golahaan ayaa kulankaan yeelanaya, waxaana la dhagaysan doonnaa dacwadda ay Soomaaliya ka qabto faragelintaan lagu sameeyay iyo sida ay ugu baahan tahay in goluhu meel fog ka istaago uuna cambaareeyo.

Kulankaan waxaa codsatay Jamhuuriyadda Carbeed ee Masar iyada oo muujisay welwel ku saabsan sida ay u saamayn karto Jamhuuriyadda Soomaaliya iyo guud ahaan Geeska Afrika, haddii Israa’iil ay saldhig milatari ku yeelato deegaannada Maamulka Somaliland sida hadalka loo dhigay.

Dalal badan oo Afrika ah kana mid ah shirkaan ayaa horay u cambaareeyay tallaabada Israa’iil ay ku faragelisay midnimada iyo wadajirka Soomaaliya, waxaa la filayaa in markale ay madasha ka sheegeen mowqifkooda ku saabsan arrintaan.

Israa’iil ayaa dhowaan guuldarro xooggan kala kulantay fadhiga guud ee Golaha Ammaanka ee Qaramada Midoobay oo looga hadlay faragelinta ay ku samaysay madaxbannaanida iyo midnimada dhuleed ee Jamhuuriyadda Federaalka Soomaaliya, kaddib markii 26-ka bishaan ay ku dhawaaqday in ay aqoonsatay Maamulka Somaliland.

Kulanka waxaa goobjoog ka ahaa 15 dal ee Golaha Ammaanka ee Qaramada Midoobay ayaa 14 kamid ah waxa ay si toos ah uga hor yimaadeen go’aankii Ra’iisul Wasaaraha Yuhuudda Benjamin Netanyahu ee ku aqoonsaday Somaliland, halka Maraykanka uu sheegay in ay aqoonsan karto balse aanay ku raacsanayn.

Maamulka Somaliland ayaa deegaanadeeda ka mamnuucay duullimaadyadda diyaaradda Air Djabouti, isla markaana ay leedahay J...
06/01/2026

Maamulka Somaliland ayaa deegaanadeeda ka mamnuucay duullimaadyadda diyaaradda Air Djabouti, isla markaana ay leedahay Jamhuuriyadda Jabuuti. Kaddib markii Xukuumadda Madaxweyne Ismaaciil Cumar Geelle ay safka h**e kasoo galay dalalka kahor yimid aqoonsiga Israa’iil ee ku aaddan Somaliland, iyadoo sheegtay in ay markasta adkeynayso midnimada iyo wadajirka dhuleed ee Jamhuuriyadda Federaalka Soomaaliya.

Somaliland ayaa Shirkadda duulimaadka ee Air Djabouti u dirtay warqad ku tilmaaman mamnuucida shaqada duulimaadka, inkasta oo aan si rasmi ah loo faahfaahin, balse waxaa lagu wadaa in ay Warbaahinta la hadlaan mas’uuliyiin katirsan Hay’adda Duulista Rayidka ah Somaliland.

Tallaabadan ayaa imaanaysa xilli dhowaan ay Jabuuti si cad ugu hortimid Aqoonsiga Israa’iil ay siisay Somaliland, isla markaana sheegtay inay taageersan tahay madaxbannaanida iyo midnimada Soomaaliya.

Joojinta duullimaadka waxa ay ku siman tahay berri oo Arbaco ah kuna beegan 7-da Janaayo 2026, wixii ka danbeeya maalintaas waxaa gebi ahaan joogsan doonna duullimaadka joogtada ah ee Air Djibouti sida wararku sheegayaan.

Ma jiro war kasoo baxay dhanka Jamhuuriyadda Jabuuti iyo maamulka Shirkadda la joojiyay duullimaadkeeda oo ay ku faahfaahinayaan xaanshida loo diray iyo amarka safar joojinta ah ee la isugu daray, waxaana dhankooda laga sugayaa jawaab.

Dowladda Jabuuti ayaa dhawaan qaaday tallaabo culus oo ka dhan ah Maamulka Somaliland, iyadoo soo saartay go’aan culus oo lagu xiray xafiiskii diblomaasiyadda ee ay Somaliland ku lahayd gudaha dalka Jabuuti.

Xafiiskan ayaa furnaa tan iyo sannadkii 2012-dii ayaa haatan dowladda Jabuuti waxay sheegtay in albaabada la iskugu dhuftay sababo la xiriira Aqoonsiga ay Israa’iil siisay Maamulka gooni isu taaga ah ee Somaliland, kaas oo si adag uga hortimid dowladda Jabuuti, isla markaana ku caddeysay kulanka dhowaan Golaha Ammaanka ee Qaramada Midoobay ee kaga doodday arrinta Aqoonsiga Israa’iil ay siisay Somaliland.

,

Agaasimihii h**e ee Hay’adda Nabad Suggida iyo Sirdoonka Qaranka, Fahad Yaasiin Xaaji Daahir isla markaana ahaa Taliyihi...
06/01/2026

Agaasimihii h**e ee Hay’adda Nabad Suggida iyo Sirdoonka Qaranka, Fahad Yaasiin Xaaji Daahir isla markaana ahaa Taliyihii amniga qaranka Madaxweynihii h**e ee Soomaaliya Maxamed Cabdullaahi Farmaajo, Guddoomiyihii h**e ee Baarlamaanka Somaliland Cabdirisaaq Khaliif, Madaxweynihii h**e Galmudug Cabdikariin Xuseen Guuleed ayaa saakay ka soo degay Garoonka Aadan Cadde ee magaalada Muqdisho, halkaas oo si weyn ugu dhaweeyen masuuliyiin kala duwan.

Xubnahan kusoo laabtay Muqdisho ayaa ka wada tirsan Midowga Haybad Qaran, ujeedka safarkooda ay ugu soo laabteen magaalada Muqdisho ayaa lagu sheegay in ay ka qeybgalayaan shir dhowaan kaga furmi doono Midowga Haybad Qaran Magaalada Muqdisho.

Shirka ayaa waxaa loogu hadli doono xaaladaha kala duwan ee dalka, arrimaha doorashoooyinka, dastuurka, amniga iyo arrimaha kale ee dalka isla markaan xilligaan taagan.

Shirka Midowga Haybad Qaran ayaa qabsoomi doono 8-da bisha Janaayo 2026, isla markaana ku beegan maalinta Khamiista ah ee soo aaddan.

Midowga Haybad Qaran waxaa hor kacaayo Ra’iisul wasaarihii h**e ee dalka Cabdi Faarax Shirdoon Saacid, soo laabashada xubnahan ayaa lagu sifeeyay in Midowga Haybad Qaran ololahooda ku aaddan doorashada la filayo 15 Maay 2026 inay ku bilaabayan.

Bishii Nofeembar 2025, waxaa magaalada Ankara ee dalka Turkiga loogu dhawaaqay urur siyaasaddeed weyn taasoo ay ku mideysan yihiin in ka badan toban urur siyaasaddeed.

Caasimadda dalka Turkiga ee Ankara ayaa lagu soo saaray war-murtiyeed lagu shaacinayo dhismaha urur siyaasaddeed ballaaran taasi oo ay ku mideysan yihiin siyaasiyiin miisan culus oo h**e u soo qabtay xilal kala duwan, isla markaana kasoo muuqdeen saaxadda siyaasadda Soomaaliya.

**eeeHay’addaNabadSuggidaiyoSirdoonkaQarankaFahadYaasiinXaajiDaahir

Madaxweynaha Jamhuuriyadda Federaalka Soomaaliya, Xasan Sheekh Maxamuud ayaa bilaabay kulamo uu la qaadanayo xubnaha Muc...
05/01/2026

Madaxweynaha Jamhuuriyadda Federaalka Soomaaliya, Xasan Sheekh Maxamuud ayaa bilaabay kulamo uu la qaadanayo xubnaha Mucaaradka si uu ugala hadlo tabashooyinka siyaasaddeed ee ay qabaan, isla markaan loo qabto shirweyne siyaasadeed oo loogu hadlaayo hubanti la’aanta siyaasddeed ee dalka.

Madaxweyne Xassan Sheekh Maxamuud ayaa la kulmay Madaxweynihii 7aad ee Soomaaliya Shariif Sheekh Axmed, isagoo kala hadlay tabashooyinka uu qabo iyo sida uu loo qaban karro shirweyne ay iskugu imaanayaan madaxda dowladda iyo Mucaaradka.

Qoraal uu soo saaray Xisbiga Himmilo Qaran oo uu hoggaamiyo Shariif Sh. Axmed ayaa lagu sheegay in Madaxweyne Xasan Sheekh Maxamuud uu hoygiisa ugu tegay hoggaamiyaha xisbigaas, iyadoo isla markaan ka wada hadlay tabashooyinka siyaasaddeed ayuu xisbiga sheegay inay ka wada heshiiyeen Madaxweyne Xasan Sheekh Maxamuud iyo Shariif Sheekh Axmed sida lagu sheegay war-saxaafaddeedka kasoo baxay Xisbiga Himmolo Qaran.

Kulamada ayaa sii socon doono iyagooo lagu waddo in laga soo qeybgeliyo Madaxda Maamul Goboleedyada Jubbaland iyo Puntland, sidoo kale waxaa qeyb ka ah madax xilal kala duwan ka soo qabtay dalka.

Si kastaba, Soomaaliya ayaa markale galaysa duufaanno siyaasaddeed oo gudaha iyo dibadda ah, kaasi oo aan la ogen gunnaanidkiisa halka uu kusoo idlaadi doono.

Soomaaliya ayaa soo wajahday qalalaase siyaasadeed oo soo noqnoqday oo ku saabsan habka doorashada. Halka mabda’a doorasho “hal qof iyo hal cod” si weyn loo taageersan yahay aragti ahaan, dhaqangelintaas waxaa ka dhashay caqabado dhanka saadka, amniga, iyo siyaasadda — laga soo bilaabo khatarta weerarrada Al-Shabaab iyo murannada ku saabsan qaybsiga kuraasta baarlamaanka ee dowlad goboleedyada xubnaha ka ah federaalka.

Xubnaha Mucaaradka waxay dowladda uu hoggaamiya Madaxweyne Xasan Sheekh Maxamuud kaga digeen firaaq dastuuri ah, qalalaase amni iyo halista kooxaha hubeysan Al–Shabaab iyo Daacish, waxayna sheegeen in haddii baaqa wadahadalka la iska indha tiro Golaha Mustaqbalka uu qaadi doono tallaabooyin loogu hortegi doono firaaqa dastuuriga ah, taasoo u gogol-xaaraysa inay qabtaan doorasho u gaar ah, sida hadalka loo dhigay.

Maamulka Somaliland ayaa Cabdimaalik Muuse Coldoon dib u siiyay xorriyadiisa, kaddib markii Ciidanka Booliska Somaliland...
04/01/2026

Maamulka Somaliland ayaa Cabdimaalik Muuse Coldoon dib u siiyay xorriyadiisa, kaddib markii Ciidanka Booliska Somaliland gaar ahaan gobolka Togdheer ay bishii Oktoober 2025, xabsiga u taxaabeen Samafale Coldoon oo ah suxufi ku caan baxay arrimaha samafalka. Sida ay illo xog ogaal ah u xaqiijiyeen Wargeyska Afrika.

Inkastoo aysan jirin warar rasmi ah ee ka soo baxay Maamulka Somaliland oo ku aaddan sababta rasmiga ah ee loo sii daayay Cabdimaalik Coldoon, isla markaana muddo dhowr ah ku jiray xabsiga.

Xariggiisa ayaa noqday mowduuc si weyn looga hadlay gudaha iyo dibaddaba, iyadoo dadka qaar ay u arkaan in la xadgudbay xuquuqdiisa muwaadinnimo iyo xorriyadda hadalka, halka qaar kale ay sheegayaan in uu ku kacay hadallo khatar ku ah amniga iyo nidaamka dawladnimo.

Samafale Cabdimaalik Muuse Coldoon, oo ah suxufi si weyn looga yaqaan gudaha Somaliland, gaar ahaan arrimaha samafalka iyo bulshada, ayaa mar kale la sheegay in ay xabsiga u taxaabeen ciidammada booliska ee gobolka Togdheer. Warar lagu kalsoon yahay oo uu helay Wargeyska Afrika ayaa xaqiijiyay in Coldoon la xiray, inkastoo aanay jirin war rasmi ah oo kasoo baxay laamaha amniga ama xukuumadda Somaliland oo faahfaahinaya sababta rasmiga ah ee ka dambaysa xariggiisa.

Cabdimaalik ayaa lagu eedeeyay inuu faafiyay hadallo iyo qoraallo uu ku baahiyay baraha bulshada, kuwaas oo ay saraakiil amni sheegeen inay keeneen falcelin siyaasadeed iyo mid bulsho. Si kastaba ha ahaatee, eedeymahaasi weli si rasmi ah looma shaacin, taasoo abuurtay jahawareer iyo hadal hayn badan oo ka dhex taagan bulshada, gaar ahaan gudaha magaalada Burco ee xarunta gobolka Togdheer.

Cabdimaalik Muuse Coldoon ma aha markii ugu horraysay ee uu xabsi galo. Wuxuu h**ey dhowr jeer u wajahay xadhig iyo dacwado kala duwan, kuwaas oo inta badan la xiriiray hadallo uu ku dhaliilay hoggaanka siyaasadeed ee Somaliland. Dad badan ayaa u arka Coldoon inuu yahay qof geesi ah oo dhiirranaan ku muujiya in uu hadlo aragtiyihiisa ku aaddan xaaladda bulshada iyo siyaasadda dalka, halka qaar kalena ku tilmaamaan in uu ku kaco ficillo laga yaabo inay khatar ku yihiin amniga iyo kala dambeynta bulshada.

Ciidamo isugu jira laamaha ammaanka Dowlad-Goboleedka Hirshabeelle iyo Kuwa Midowga Afrika ee AUSSOM ayaa howlgal wadaji...
04/01/2026

Ciidamo isugu jira laamaha ammaanka Dowlad-Goboleedka Hirshabeelle iyo Kuwa Midowga Afrika ee AUSSOM ayaa howlgal wadajir ah oo miina baaris ah ka billaabay waddada u dhaxeysa Garoonka Diyaaradaha Jowhar iyo Magaaladaas.

Ciidanka ayaa si gaar ah u baaraya meelaha ay ku tuhmayaan in lagu aaso miinooyinka oo tii ugu danbaysay Jimcihii lagu beegsaday Kolonyo la socotay Madaxweynaha Dowlad Goboleedka Hirshabeelle, Cali Cabdullaahi Xuseen (Cali Guudlaawe) oo khasaara kooban ka dhashay.

Wararka Mustaqbal ay ka heleyso Jowhar oo ah xarunta Dowlad-Goboleedka Hir-Shabeelle ayaa sheegaya in Madaxweyne Cali Guudlaawe uu saraakiisha ammaanka kala hadlay sidii xal loogu heli lahaa Miinooyinka lagu aaso dhabbaha muhiimka u ah Magaaladaas iyo Garoonka Diyaaradaha.

Madaxweynaha Maamulka Somaliland, Cabdiraxmaan Cirro oo dhowrkii cisho ugu dambeeyay kulamo kala duwan Aqalka loogu aram...
04/01/2026

Madaxweynaha Maamulka Somaliland, Cabdiraxmaan Cirro oo dhowrkii cisho ugu dambeeyay kulamo kala duwan Aqalka loogu aramiyo Hargeysa kula qaadanaayay qeybaha kala duwan ee bulshada, culimada iyo masuuliyiinta maamulkaas.

Kulamada ayaa diiradda lagu saarayay heshiiskii Yuhuudda uu la galay Cabdiraxmaan Cirro taasi oo cawaaqib xumo xooggan haatan kala kulmay isla markaana sida uu rabay ay wax u noqon la’ayihiin. Cirro ayaa culimada Hargeysa waxa uu kala arrinsaday arrimaha la xiriira heshiiskan iyo Aqoonsigan ay sheegtay inay ka heshay Ra’iisul Wasaaraha Israa’iil Natenyahu.

Culimada Hargeysa ayaa Cabdiraxmaan Cirro u caddeeyay kagana digay halista ka imaan karta heshiiska Somaliland ay la gashay Maamulka Yahuudda, isla markaana ku doonayso in ay Soomaaliya inteeda kale kaga go’do.

Culimada waxay Cirro kaga digeen cawaaqib diimeedka ka dhalan kara iyo midka siyaasaddeed haddii ay Somaliland ay ku adkeysato xiriirka ay la sameysanaysa Yuhuuda, iyagoo xusay in ay arrintaasi keeni karto carro Alle iyo fidno ku fidoa Somaliland iyo guud ahaan gobolka, haddii aan laga fiirisan go’aannada la qaadanaayo.

“Madaxweynaha waxaan ku waaninayna shacabkan aan u sheegayna heshiiskaas waxaa ku jirta waxaana ku leenahay Illaahey ka cabso oo ha tegin oo heshiiskaas ha saxiixin”

– ayay yiraahdeen culimada magaalada Hargeysa.

Sidoo kale, culimada waxa ay sheegeen in Madaxweyne Cirro ay usoo jeediyeen in uu tixgeliyo dareenka ummada Muslimiinta ah, isla markaana uu ka fogaado tallaabooyin kasta midnimada, xasilloonida iyo masiirka shacabka.

Culimada ayaana si weyn ugu digay heshiiskan Abraham Accords lagu magacaabo oo uu Cirro doonayo inuu kusoo saxiixo caasimada Israa’iil ee Telviv iyo Washington oo dhowaan u safri doono haddii ay wax iska beddeli doonin mowqifkiisa, isla markaana uu qaadan talo jeedinta.

“Cirro wuxuu noogu warramay heshiiska uu galay iyo inta dhiman ee Telviv u tegaayo, aniguna waan waaninay waana u nasteexeenay wuxuu Illaahey nagu ogaana waan sheegnay aayadna waan ku dul akhrinay” – ayay ku yiraahdeen culimada.

Somaliland ayaa tan iyo dabayaaqadii sannadkii tegay 2025, xoojinaysa xiriirka ay la yeelanaysay Maamulk Yahuudda iyadoo haatan u muuqanaysa mid ku hungoobaysa Aqoonsiga wax lagu sheegay ee ka heshay maamulka Yuhuudda Natenyahu, maadaamada dowladda federaalka Soomaaliya iyo dowladaha saaxiibada la ah ay si weyn ugu horyimaadeen xadgudubka qaawan ee Maamulka Natenyahu ku soo qaadeen madaxbannaanida iyo midnimada dhuleed ee Jamhuuriyadda Federaalka Soomaaliya.

Wasiirka Tamarta iyo Kheyraadka Dabiiciga ah ee Turkiga, Alparslan Bayraktar ayaa si rasmi ah shaaca ugu qaaday in dowla...
03/01/2026

Wasiirka Tamarta iyo Kheyraadka Dabiiciga ah ee Turkiga, Alparslan Bayraktar ayaa si rasmi ah shaaca ugu qaaday in dowladda Turkiga ay bisha Febraayo sanadka 2026, ay Soomaaliya u soo diri doonto Markab sameeya qodista shidaalka.

Markabkan ayaa waxa uu qeyb ka yahay fulinta mashruucii ugu horreeyay ee shidaal iyo gaas qodis ah oo ay dowladda Turkiga ka sameyso meel ka baxsan dalkeed, isla markaana mashruucan ay ka fulin doonto gudaha Soomaaliya.

Bayraktar ayaa sheegay in howl-galada markabka qodista ee lagu magacaabo Cagri Bey ay diiradda saari doonaan aagagga xeebaha badda Soomaaliya, balse ma uusan bixin faah-faahin dheeraad ah oo ku saabsan qiyaasta kheyraadka la filayo ama baaxadda maalgashiga lagu bixinayo mashaariicdan.

“Sannadka 2026, wuxuu noqon doonaa sanadkii aan daah-furi lahayn waa cusub oo ku saabsan sahaminta shidaalka iyo gaaska dabiiciga ah ee xeebaha Soomaaliya” – ayuu yirri Wasiirka Tamarta iyo Kheyraadka Dabiiciga ah ee Turkiga Bayraktar.

Wasiirka ayaa hadalkiisa raaciyay Bayraktar “Dadaalkeenna waxaan ugu bishaareyn doonnaa shacabkeenna.”

Madaxweynaha ayaa intaas ku daray in ku biiritaanka maraakiibtan cusub ay Turkiga ka dhigeyso dalka afaraad ee caalamka ugu awoodda badan dhanka maraakiibta qodaalka badda moolka dheer.

Erdogan ayaa xusay in Turkigu qorsheynayo inuu billaabo howlaha qodista sannadka 2026, isagoo tilmaamay in la filayo in howlahan ay wax weyn ka tari doonaan horumarka iyo nolosha dadka Soomaaliyeed.

Tallaabadan ayaa kusoo beegmaysa xilli dhowaan Madaxweynaha Soomaaliya, Xassan Sheekh Maxamuud iyo dhiggiisa Turkiga Recep Tayyip Erdogan ay shir jaraa’id oo wadajir ah ku qabtay magaalada Istanbuul ee dalka Turkiga, kaddib wada-hadallo qotodheer oo ay si gaar ah u yeesheen.

Labada Madaxweyne ayaa magaalada Istanbuul kusoo bandhigay guusha sahminta shidaalka iyo gaaska dabiiciga ah ee uu leeyahay biyaha Soomaaliya. Madaxweyne Xasan Sheekh oo ka hadlay shirka jaraa’id ayaa sheegay in iskaashiga Soomaaliya iyo Turkiga uu ku saleysan yahay difaaca midnimada iyo madaxbannaanida dalka, la dagaallanka argagixisada iyo dhismaha hay’ado dowladeed oo awood leh, kuwaas oo saldhig u ah horumar waara iyo kor u qaadista nolasha shacabka Soomaaliyeed.

Address


Telephone

+441234567890

Website

Alerts

Be the first to know and let us send you an email when Wargeyska Afrika posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed Media Company?

Share