https://www.facebook.com/100985048573081/

Warqaad Tv codka Magaalada Muqdisho, Mogadishu (2025)

20/09/2022

Mogadishu _September _2022 Kulan Saaxiibtinimo
Iyo Iskaashi Xiriir Oo dhexmaray Ururka Fahim International organization iyo Ururka Dosyo .

Kulan Uu horkacayo Guddoomiyaha Ururka Caalamiga ah Ee Faahim International Organization loona Soo gaabiyo F.I.O Mudane Ismaaciil Aadan , Guddoomiye kuxigeenka Ururka Caalamiga ah Ee Faahim Mudane Adam Ali Mayow "Shujaac Fanax" Madaxa Cusub Ee Xalinta khilaafaadka Ururka Caalamiga ah Ee Faahim Mudane Dr Maxamed Adam Xuseen "Dr xaliye" iyo Waliba Madaxa Caafimaadka Ururka Fahim Drs. Fardawso Xasan Ayaa Siwadajir ah ugu wada Qabsoomay Labada Urur Ee Kala ah Ururka Dosyo iyo Fahim International Organization (F.I.O.) .

Ajandaha Shirka Labada Urur.
Shirka Oo Qaatay Saacado Badan Ayey Labada Urur kaga hadleen Ajandooyinka Kala ah :-

1) Isbarasho iyo wadaagga Aragtiyada Labada Urur.
2) Iskaashi iyo Wadashaqeyn Toos ah Labada Urur.
3) Hawl Wadaagitaanka Labada Urur.
3)Talo Tusaale siin Aysoo Kala jeediyeen Labada dhinacba .

Miraha Shirka

Shirka ayaa Lugu wada Ansixiyay Dhammaan Ajandooyinka Aan kor kusoo xusnay Majirin Ajando Raad Reeb kunoqday Labada Ururba .

Wabillahi Tawfiiq

Wixii faahfaahin ah, fadlan kala xiriir;
Jamaal Idiris
Afheyaanka Guud Ee Ururka Caalamiga ah Ee Faahim
Xafiiska Afhayeenka Guddoomiyaha Ururka Fahim
G_mail. : Fahim International Organization2017@gamil. Co.
https://www.facebook.com/Fahim international Organization f.i.o /
Twitter: Fahim International Organization

17/09/2022

MUQDISHO SEPTEMBER 2022

Qaar kamid Masuulada Sare Ee Ururka Caalamiga ah Ee Faahim International Organization Gaar Ahaan Golaha Fulinta Oo Kaqeyb Galay Bandhig Xafdladeedka Buugga (Takoor iyo Tacaddi Oo ay diyaarisay Saynab Xasan Saciid ( Samraan ) .

Gudoomiyaha Ururka Caalamiga ah Ee Faahim Mudane Ismaaciil Aadam , Guddoomiye kuxigeenka Ururka Caalamiga ah Ee Faahim Mudane Adam Ali Mayow (Shujaac Fanax) Oo wehlinayaan Madaxa Xalinta khilaafaadka Ururka Maxamed Aadan Xasan Iyo Waliba Madaxa Caafimaadka Ururka Caalamiga ah Ee Faahim Ahna Drs. Fardawso Macalin Xasan Oo siwadajir ah ugu Qeyb Galay Bandhig Xafladda Bandhiga Buugga Takoor Iyo Tacaddi.Buugaan ayaa qortay Qoraa: Saynab Xasan Saciid (Samaara) oo ay uga hadashay arimaha tacadiyada iyo takoorka dhacaayo gaar ahaan Dhanka guurka .

DHAMMAAD

Wixii faahfaahin ah, fadlan kala xiriir;
Jamaal Idiris
Afheyaanka Guud Ee Ururka Caalamiga ah Ee Faahim
Xafiiska Afhayeenka Guddoomiyaha Ururka Fahim
G_mail. : Fahim International Organization2017@gamil. Co.
https://www.facebook.com/Fahim international Organization f.i.o /
Twitter: Fahim International Organization F.I.O

WABILLAAHI TOWFIIQ

11/09/2022

MADAXWEYNE XASAN SHEEKH OO FURAY SHIRKA GOLAHA WADATASHIGA QARANKA

Muqdisho, Sipteembar 11, 2022: Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa guddoomiyey shirka Golaha Wadatashiga Qaranka oo maanta si rasmi ah uga furmay magaalada Muqdisho.

Shirkan oo muddo labo maalmood ah socon doona ayaa Madaxda Qaranka ee dowladda Federaalka Soomaaliya iyo kuwa Dowlad-Goboleedyada dalka, waxa ay ku lafo-guri doonaan arrimaha hortebinta u leh shacabka iyo dowladda, gaar ahaan sugidda amniga dalka, wax ka qabashada saameynta abaaraha dalka ka jira iyo la dagaallanka argagixisada.

Shirka Golaha Wadatashiga Qaranka waxaa ka qeyb galayay Ra'iisul Wasaaraha Xukuumadda Federaalka Soomaaliya Mudane Xamse Cabdi Barre Madaxweynayaasha Dowlad-goboleedyada Jubbaland Mudane Axmed Maxamed Islaam, Koonfur-galbeed Mudane Cabdicasiis Xasan Maxamed (Lafta-gareen), Galmudug Mudane Axmed Cabdi Kaariye, Hiirshabeelle Mudane Cali Guudlaawe Xuseen iyo Puntland Mudane Saciid Cabdullaahi Deni oo uga qeyb-galay aaladda Fogaan aragga.

10/09/2022

Madaxweynaha Dowladda Goboleedka Galmudug, mudane Axmed Cabdi Kaariye, iyo wafdi uu hogaaminayo ayaa Soo gaaray Caawa magaalada Muqdisho ee xarunta wadanka Soomaaliya.

Madaxweynaha ayaa waxaa garoonka diyaaradaha ku soo dhaweeyay Wasiirka Arrimaha Gudaha ee XFS, xubno ka tirsan BFS iyo masuuliyiin kale.

10/09/2022

Madaxweynaha Dowladda Koonfur Galbeed Mudane Cabdicasiis Xasan Maxamed Laftagareen iyo Wafdi uu Hogaaminayo ayaa maanta soo gaaray Magaalada Muqdisho ee Caasimada Dalka.

Wafdiga Madaxweynaha uu hogaaminayey waxaa Garoonka Diyaaradaha Aadan Abdule kuso dhoweyey Wasiiro,Xildhibaano ka tirsan Labada Aqal ee Baarlamaanka Soomaaliya, Siyaasiyiin iyo Qeybaha kala duwan Bulshada Caasimadda.

Madaxweyne Laftagareen ayaa Socdaalkiisa Muqdisho ku qotoma ka qeybgalka Shirka Gollaha Wadatashiga Qaran ee looga hadlayo Xaalada Dalka.

10/09/2022

MADAXWEYNE XASAN SHEEKH OO DHAGEYSTAY WARBIXIN KU AADDAN DHISMAHA HAY'ADDA XISAABIYEYAASHA SOOMAALIYEED (SICPA)

Muqdisho, Sebteembar 10, 2022: Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo uu wehliyo Ra’iisul Wasaaraha Xukuumadda Federaalka Soomaaliya Mudane Xamse Cabdi Bare ayaa warbxin ku aaddan hawlaha la xiriira dhismaha hay’adda iyo doorkeeda shaqo ka dhagaystay Hantidhawraha Guud ee Qaranka Mudane Maxamed Maxamuud Cali iyo xubno ka tirsan Hay’adda Xisaabiyeyaasha Soomaaliyeed (SICPA).

Madaxweyne Xasan ayaa kulanka lagula wadaagay muhiimadda ay dalka u leedahay dhismaha hay'addan oo door wanaagsan ka qaadan doonta soosaarista xisaabiyeyaal la aqoonsanyahay oo xirfad sare leh kuwaas oo qayb ka noqon doona dadaallada sare loogu qaadayo hannaanka maaraynta nidaamka maaliyadeed, shaqo abuurka, hufnaanta hay’adaha maaliyadeed, dhiirigalinta maalgashiga shisheeye iyo kobcinta dhaqaalaha dalka.

Madaxweynaha Jamhuuriyadda ayaa dhankiisa tilmaamay in la dardargaliyo dhammaystirka dhismahaha hay’adda isaga oo xusay baahida loo qabo xisaabiyeyaal xirfad leh maadaama dalku uu ku jiro xaalad dib u soo kabasho iyo horumar dhinacyo badan taabanaya.

08/09/2022

Wasiirka Maaliyadda XFS Dr Cilmi Maxamed Nuur ayaa maanta booqasho ku tagay xarunta wasaaradda Gaashaandhiga XFS halkaasi oo uu kusoo dhaweeysy wasiirka Gaashaandhiga XFS Cabduqaadir Maxamed Nuur, wasiiru-dowlaha iyo wasiir ku xigeenka Gaashaandhiga XFS.

Wasiirka Maaliyadda XFS ayaa Kormeer ku sameeyay qeybaha ay ka kooban tahay wasaaradda Gaashaandhiga XFS iyo xafiisyada shaqada , waxaana kulan gaar ah ay yeesheen wasiirada booqashada kadib ay ka wada hadleen doorka wasaaradda Maaliyadda ay ka qaadan karto qorshaha horu-tabinta u leh wasaaradda.

Wasiirka Gaashaandhiga XFS Cabdiqaadir Maxamed Nuur ayaa uga mahadceliyay wasiirka Maaliyadda DR Cilmi Maxamed Nuur booqashada uu ugu yimid.

08/09/2022

MADAXWEYNE XASAN SHEEKH OO WARQADAHA AQOONSIGA DANJIRENIMO KA GUDDOOMAY SAFIIRKA CUSUB EE KENYA

Muqdisho, Sibteembar 08, 2022: Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa Madaxtooyada Qaranka warqadaha aqoonsiga Danjirenimo kaga guddoomay safiirka cusub ee Jamhuuriyadda Kenya u fadhin doona dalkeenna Mudane Thomas Kipkosgei Chepkuto.

Danjire Thomas ayaa Madaxweynaha soo gaarsiiyey salaan iyo farriin uu kaga siday dhiggiisa dalkaas, isagoo shacabka iyo dowladda Soomaaliyeed uga mahadceliyey soo dhaweynta diirran ay u fidiyeen, waxa uuna ballanqaaday in uu ka shaqeyn doono horumarinta iskaashiga labada dal.

Madaxweyne Xasan Sheekh ayaa tilmaamay ahmiyadda ay dowladda Soomaaliya siineyso hagaajinta xiriirka diblomaasiyadeed, siyaasadeed, dhaqaale, bulsho iyo ganacsi ee dalalka gobolka, taas oo ku saleysan dheef-wadaag iyo iskaashi wadajir ah oo ku aaddan xoojinta amniga, xasilloonida iyo la dagaallanka argagixisada.

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa Danjire Thomas Kipkosgei Chepkuto u sheegay in dowladda Soomaaliya ay ka gacan-siinayso gudashada waajibaadkiisa diblomaasiyadeed, waxa uuna u rajeeyey in uu si wanaagsan uga shaqeyn doono danaha ay wadaagan labada Jamhuuriyadood ee dariska ah.

08/09/2022

Ra’iisul Wasaaraha Xukuumadda Federaalka Soomaaliya Mudane Hamza Abdi Barre, ayaa maanta guddoomiyey shirka toddobaadlaha ah ee Golaha Wasiiradda oo looga hadlay xoojinta qorshayaasha sugidda amniga, dar-dar galinta Gurmadka Abaaraha iyo barnaamijka geedi socodka deyn cafinta Soomaaliya.

Shirka oo warbixinno looga dhagaystay wasiiradda Amniga, Arrimaha gudaha iyo Maaliyadda ayaa ugu horayn Wasiirka Arrimaha gudaha looga dhageystay warbixin ku saabsan halka ay marayaan howlaha gurmadka lagu samata bixinayo shacabka Soomaaliyeed, iyo sida ay laga maarmaan u tahay in la sii xoojiyo gurmadka si loo badbaadiyo malaayiin ka mid bulshadeenna oo ay saameysay abaartu.

Wasiirka Amniga gudaha ayaa shirka ku soo bandhigay warbixin la xiriirta howl-galladii ugu danbeyay ee ciidamada qalabka sida ee ka sameyeen dhinacyada sugidda amniga ,iyo xasillinta deegaanada laga xorreeyo nabad-diidka.

Wasiirka Maaliyadda ayaa warbixin muhiim ah ka siiyay halka uu marayo barnaamijka geedi socodka deyn cafinta Soomaaliya iyo tallaabooyinka loo baahan yahay in la qaado si looga mira dhaliyo hadafka weyn oo suurta galinaya isku filnaansho dhaqaale , sare u qaadista shaqo abuurka, soo jiidashada maalgashi caalami ah iyo dhiirri-gelinta wax soo saarka Dalka iyo horumarka bulshada.

08/09/2022

MADAXWEYNE XASAN SHEEKH OO QAABILAY SAFIIRKA DOWLADDA FINLAND U JOOGA DALKEENNA

Muqdisho, Sibteembar 07, 2022: Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa Villa Soomaaliya ku qaabilay Danjiraha Jamhuuriyadda Finland u fadhiya dalkeenna Mudane Pirkka Tapiola.

Madaxweynaha dalka iyo Safiirka ayaa ka wadahadlay kor u qaadidda taageerada Midowga Yurub oo ay qeyb ka tahay dowladda Finland, adkeynta cilaqaadka labada dal, horumarinta dhaqaalaha, iskaashiga, qorshaha dowladda Soomaaliya ee xoojinta amniga, xasilloonida dalka iyo la dagaallanka argagixisada.

Madaxweynaha Jamhuuriyadda Federaalka Mudane Xasan Sheekh Maxamuud ayaa xusay sida ay dowladda Soomaaliya uga go'an tahay xoreynta deegaannada ay kaga sugan yihiin argagixisada Al-Shabaab oo ay ka soo maleegaan qorsheyaasha gurracan ay ku dhibaateeyaan shacabka Soomaaliyeed.

Dhankiisa, Danjiraha dowladda Finland Mudane Pirkka Tapiola ayaa sheegay in dowladda Federaalka Soomaaliya ay ka gacan-siinayaan arrimaha hortebinta u leh, oo ay ugu horreeyaan la wareegidda amniga guud ee dalka, xoojinta federaaleynta iyo daadejinta hannaanka dowliga ah.

07/09/2022

MADAXWEYNE XASAN SHEEKH OO MAGACAABAY GUDDOOMIYAHA GOBOLKA BANAADIR IYO DUQA MUQDISHO

Muqdisho, Sebteembar 7, 2022; Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo tixraacaya soo-Jeedinta Wasaaradda Arrimaha Gudaha, Federaalka & Dib u Heshiisiinta XFS ayaa u magacaabay Mudane Yuusuf Xuseen Jimcaale, Guddoomiyaha Gobolka Banaadir iyo Duqa Caasimadda Muqdisho.

Madaxweynaha ayaa ku saleeyey magacaabistan aqoonta iyo waayo-aragnimada shaqo ee uu leeyahay Guddoomiye Yuusuf Xuseen Jimcaale oo horey xilkan u soo qabtay, door wanaagsanna ka soo qaatay dib u dhiska caasimadda Muqdisho iyo guud ahaan horumarka Gobolka Banaadir.

Madaxweyne Xasan Sheekh Maxamuud ayaa kula dardaarmay Guddoomiye Yuusuf Jimcaale in uu mudnaan siiyo qorshaha xasilinta iyo amniga caasimadda, dib u heshiisiinta, xoojinta wadashaqeynta laamaha ammaanka iyo bulshada Gobolka Baanaadir, bilicda iyo baahinta adeegyada aas-aasiga, kuwaas oo dhammaantood hortabin u leh dowladda.

Madaxweynaha Jamhuuriyadda ayaa u rajeeyay Guddoomiyaha cusub ee Gobolka Banaadir ahna Duqa Muqdisho, in Eebe uu u fududeeyo masuuliyaddan culus, isagoo ku adkeeyey dhammaan hay’adaha dowladda ee ay shaqo wadaagta yihiin in ay si dhow ula shaqeeyaan Maamulka cusub ee Gobolka Banaadir.

Xeerkan Madaxweyne ee lagu magacaabay Guddoomiyaha cusub ee Gobolka Banaadir, ahna Duqa Muqdisho Mudane Yuusuf Xuseen Jimcaale ayaa dhaqan galay, maanta oo ay taariikhdu ku beegan tahay Arbaco, 7-da Sebteembar, 2022.

05/09/2022

Guddoomiyaha gobolka Banaadir ahna Duqa Magaalada Muqdisho Mudane Cumar Maxamud Maxamed (Cumar Filish) ayaa maanta ka qeyb galay daah-furka Qorshaha Qaran ee ka qeyb qaadashada Haweenka Nabadeynta iyo Amniga.

Guddoomiye Cumar Filish oo madashaan qubqad ka jeediyay ayaa xusay in Haweenka Soomaaliyeed ay laf-dhabar u yihiin Nabadda iyo horumarka bulshada, islamarkaana ay door muuqda ku lee yihiin dhismaha Dowladnimada.

05/09/2022

Ra’iisul Wasaaraha Xukumadda Federaalka Soomaaliya, Mudane Hamza Abdi Barre ayaa maanta daahfuray qorshaha qaranka ee kaallinta haweenku ku leeyihiin amniga iyo xasiloonida dalka oo ay soo diyaarisay Wasaaradda Haweenka iyo Horumarinta Xuquuqul Insaanka.

Ra’iisul Wasaare Xamse Cabdi Barre oo ka hadlay munaasabadda ayaa waxa uu si qoto dheer uga hadlay doorka muhiimka ah ee haweenka Soomaaliyeed ay ku leeyihiin nabadgelyada iyo amniga iyo gurmadka aabaraha.

04/09/2022

Wasiirka Amniga Gudaha XFS Dr. Maxamed Axmed Sheekh Cali (Doodishe) ayaa maanta kormeer ku tagay xarumaha CID,Akadeemiyada Booliska iyo dekadda Muqdisho.

03/09/2022

MADAXWEYNAHA JAMHUURIYADDA OO KA QEYB-GALAY SALAADDA JANAASADA, HOOYADA MADAXWEYNIHII H**E EE JFS SHARIIF SHEEKH AXMED.

Muqdisho, Sibteembar 03, 2022; Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa ku tukaday salaadda janaasada Marxuumad Xasno Cabdulle Isaaq oo ahayd hooyadii Madaxweynihii 7-aad ee dalka Mudane Shariif Sheekh Axmed.

Madaxweyne Xasan Sheekh Maxamuud ayaa salaadda janaasada kaddib murugada la wadaagay qoyska iyo qaraabada ay ka baxday Marxuumad Xasno Cabdulle, isagoo kulan la qaatay Madaxweynihii 7-aad ee Jamhuuriyadda Federaalka Soomaaliya Mudane Shariif Sheekh Axmed iyo qaar ka mid ah xubnaha qoyskeeda.

“Alle ha u naxariistee, hooyo Xasno Cabdulle Isaaq, waxaan Alle uga baryaa in uu hoygeeda ka yeelo jannatul Fardowsa, samir iyo iimaanna uu ka siiyo dhammaan qoyska iyo ehelka ay ka geeriyootay marxuumaddu”

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud waxaa kala qeyb-galay tukashada Salaadda Janaasada ee Marxuumadda, Ra'iisul Wasaareyaal H**e Mudane Maxamed Xuseen Rooble, Mudane Cabdi Faarax Shirdoon Saacid iyo mas'uuliyiin ka socday labada Gole ee Dowladda.

DHAMMAAD

01/09/2022

GUDDOOMIYE SHEEKH AADAN MADOOBE OO KHUDBAD KA JEEDIYEY SHIRWEYNAHA 11AAD EE BAARLAMAANNADDA AFRIKA.

Johannesburg September 01,2022, Guddoomiyaha Golaha Shacabka BJFS, Mudane Sheikh Adan Mohamed Nur Madobe ayaa ka qeyb galay shirweynihii 11-aad ee Guddoomiyeyaasha Baarlamaannadda heer qaran iyo heer gobol ee Afrika oo maanta ka furmay magalada Johannesburg ee dalka Koonfur Afrika.

Guddoomiyaha oo khudbad ka jeediyey shirweynaha ayaa sheegay saameynta isbedelka cimalada Geeska Africa iyo sidii loo soo afjari lahaa cuno yaraanta ay wajaheeyso qaarada Africa ayadoo loo maraayo dejinta shuruuc adkeeyneyso wax-soo saarka iyo saameenta cudurka Covid-19.

Guddoomiyaha Golaha Shacabka oo ahmiyad gaar ah siinaya in iskaashi balaaran laga sameeyo sidii looga hortagi laa abaaraha soo noqnoqodey waxaana uu u rajeeyey in shirka wax lataaban karo ay ka soo baxaan sidoo kale waxa uu u mahadceliyey cidkastoo ka qeyb qaadatey.

Ugu dambeyn Guddoomiye Sheekh Aadan (Madoobe) ayaa adkeeyey in baarlamaannadda Afrika ay fuliyaan wixii ay ka balan qaadeen shacabkooda ummadda qaaradana lagu wacyi-geliyo kordhinta wax-soosaarka iyo beerashada.

Dhammaad

01/09/2022

MADAXWEYNAHA JAMHUURIYADDA OO MADAXTOOYADA QARANKA KU QAABILAY DANJIRAHA DOWLADDA SHIINAHA U JOOGA SOOMAALIYA

Muqdisho, Sibteembar 01,2022; Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa Madaxtooyada Qaranka ku qaabilay Danjiraha Jamhuuriyadda Dadka Shiinaha u fadhiya dalkeenna Mudane Fei Shengchao.

Madaxweyne Xasan Sheekh Maxamuud ayaa Safiirka Dowladda Shiinaha kala hadlay xoojinta iskaashiga labada dal ee horumarinta kaabeyaasha dhaqaalaha, ganacsiga, siyaasadda, diblomaasiyadda iyo doorka ay dowladdiisu ka qaadan karto gurmadka abaaraha ka jira dalka.

Dhankiisa, Danjiraha Dowladda Shiinaha Mudane Fei Shengchao ayaa sheegay in Dowladda Soomaaliya ay ka gacan siinayaan adkeynta amniga, adeegyada caafimaadka, waxbarashada, gargaarka bani'aadamnimo iyo horumarinta maalgashiga, isagoo xusay in ay ku garab taagan yihiin dadka Soomaaliyeed ilaalinta madax-bannaanidooda dhuleed, siyaasadeed iyo difaaca gobanimda Qarankooda.

01/09/2022

Wasiirka Wasaaradda Haweenka iyo Xuquuqul Aadanaha XJFS oo kulan la yeelatay Ururka Haweenka Qaranka Soomaaliyeed waxana kulanka lagu gorfeeyay xaaladdaha Haweenka Soomaaliyeed iyo sidii ay saameyntooda bulsho u muuqan laheyd.

Warqaad Tv codka Magaalada Muqdisho

20/09/2022

17/09/2022

11/09/2022

10/09/2022

10/09/2022

10/09/2022

08/09/2022

08/09/2022

08/09/2022

08/09/2022

07/09/2022

05/09/2022

05/09/2022

04/09/2022

03/09/2022

01/09/2022

01/09/2022

01/09/2022

Address

Telephone

Website

Alerts

Shortcuts

Share

Category