06/10/2024
Si joogta ah 24 saac ee u dambeysay telefishinnada Israa’iil oo uu ku jiro Channel 12 , waxay ka hadlayaan iyagoo keenaya khubaradooda militari nooca weerarrada ay Israa’iil ku qaadayso Iran , si ay uga jawaabto weerarkii gantaallada, waxay sheegayaan inay ku jiraan xaalad xun , waayo uma hayaan jawaab illaa heer intee ah ayay u diyaar garowday Iran waji kale oo dagaal, waa sababta aan u maqleyno si aan h**ey loo maqal inay Israa’iil raadinayso inuu Mareykanka ka qeybqaato weerarka Iran.
Su’aasha waa ; wixii ka dambeeyay dilkii Haniyeh maxay qabatay Iran? illaa ay ku dhiirratay inay weerar gantaallo guuxooda ka dheereeya oo kaliya hal saldhig militari ay ku dhaceen 25 gantaal ku weerarto Israa’iil, dabcan waxay Iran xisaabisay ka hor weerarka inay la kulmi karto jawaab gaarsiisa khasaare oo ay ka qeybqaadan karaan xulafada Israa’iil oo Mareykanka u horreeyo!
Maanta, Wasiirka Arrimaha dibadda Iran, Abbas Araghchi wuxuu ka sheegay Dimishiq inaysan Israa’iil garaneyn luuqad aan ahayn xabbad, taana ay doonayaan inay kula hadlaan!
Arrimahan waxay inoo sheegayaan inay Israa’iil ku jirto kala doorasho ah; inay qaado jawaab sharafeed ama waa inay isku diyaarisaa dagaal weyne , markaa waa inay garaacdaa kaabayaasha dhaqaale ee Iran , sababtoo ah Iran ayaa sheegtay inay si dhaqso ah u bixin doonto jawaab ka adag weerarkii gantaallada, iyagoo ballanqaaday inay beegsanayaan kaabayaasha Israa’iil. Waxay markii u horreysay toddobaadkii h**e Iran u dirtay farriin ay ugu sheegayso inay ka baxday marxaladii is xakameynta. Waxaan eegayna waxa aan ku dhex aragno maalmaha soo socda!
