Yaasiin Fiidshe

09/08/2026

RAALLI-GELIN IYO ISCAFIS
Waxaan si kal iyo laab ah raalli-gelin uga bixinayaa dhammaan asxaabtayda iyo dadka igu xirnaa baraha bulshada, haddii qoraalladaydii iyo hadalladaydii badnaa ay dhib, xanaaq ama faham-darro u keeneen.

Muddo dheer waxaan waday halgan aan aaminsanaa inuu ku dhisan yahay danta iyo matalaadda beesha.

Intii uu halgankaasi socday, waxaan marar badan si adag u tilmaamay masuuliyiin aan u arkayay inay ku fashilmeen waajibaadkii laga sugayay, gaar ahaan arrimaha saameeyay danta beesha.

Waxaan aaminsanaa in halgankeenna muddo ku dhow 20 sano soo socday, isla markaana ay jireen dad xagal-daacinayay, qaar doonayay in deegaanno iyo dano gaar ah lagu biiriyo, halka qaar kalena ay diidanaayeen in beesha ay hesho wax ay ku faani karto.

Waxaa sidoo kale jiray dad u arkayay halgankayga inuu ahaa waddo aan ku doonayay inaan saaxadda siyaasadda ku soo galo, sidaas darteedna la isku dayayay in dib la ii celiyo.

Si kastaba ha ahaatee, maanta waxaan leeyahay:
Qof kasta oo qoraalladayda ka tabtay, qof kasta oo hadalladayda dhibsaday, iyo cid kasta oo aan si toos ah ama si dadban u dhaawacay—Alle ka sokow, waan raalli-gelinayaa.

Gaar ahaan waxaan raalli-gelin u dirayaa dhammaan dadka ay naga dhexeeyaan abtirsiin iyo tol, iyo guud ahaan walaalaha 3&9, haddii qoraalladaydu ay qof ama koox dhib u geysteen.

Waxaan ogahay in iyo cafisku Alle leeyahay, balse waxaan qaadanayaa masuuliyadda hadalladaydii iyo qaabkii aan mararka qaar u gudbin jiray aragtidayda.

Waxaan ballanqaadayaa in haddii mustaqbalka ay dhacdo arrin aan u arko in danta beesha lagu gefay ama xaqeeda lagu duudsiiyay, aan dhaliisha u gudbin doono si ka duwan sidii h**e—si deggan, xushmad leh, dhisidna ku jirto, anigoo ilaalinaya midnimada iyo walaaltinimada.

Waxaan maanta leeyahay Aan is cafinno.
Anigu waan iska cafiyay cid kasta oo aan arrimaha danta tolka ku kala aragti duwannay ama aan ku dagaallannay.

Haddii qoraalkan ay jiraan qaar ku caan baxay war-xumada iyo fasiraadda qalloocan oo ay siyaabo kale u fasiraan, taas iyaga ayay u taallaa. Aniguse waxaan maanta doortay xasillooni, walaaltinimo, iscafis iyo in danta tolka lagu raadiyo waddo ka wanaagsan tii h**e.

Alle ha inoo mideeyo qalbiyadeenna, hana inoo sahlo in danta beesha lagu gaaro wadajir, xushmad iyo walaaltinimo.
Yaasiin Fiidshe

07/08/2026

Magacaabis Golaha Fulinta Ururka Dhalinyarada Beesha Abakar.

03/08/2026

Xuseen Idow iyo Senator Dhegdheer ayaa doonaya in Xisbiga SINCAD kasoo saaraan Cabdirisaaq Maxamed Wehliye( Ilkadahab) oo ku jiray listiga murashaxiinta h**e u gudbiyay xisbiga JSP.
Xeerka gudiga dooroshooyinka ayaa diidya qof ka tartamaya xisbi inuu xisbi kale kursi ka helo doorashada kadib.

Ilkadahab ayaa ka galay kala h**eynta xisbiga JSP kaalinta 65aad tasoo ka dhigan inuuna kursi ka heli doonin xisbiga oo maanta la sheegay iney ku guuleysteen 63 Kursi.

Xuseen Idow agaasimaha Hey’adda socdaalka iyo Jinsiyadaha iyo Sen Dhegdheer ayaa sameynaya sumcad dilkii ugu xumaa ee ku dhaca doorashada Galmudug iyo xisbiga JSP.

Idow iyo Dhegdheer ayaa qorsheynaya hadii arinta SINCAD ku adkaato iney JSP ka bixiyaan murashaxiin kusoo dadaalay soo galida kaalmaha h**e, ayagoo rabo in qof safka h**e looga bixiyo JSP si uu kursi u helo Ilkadahab oo kaalin hoose ka galay JSP.

01/08/2026

Si walba oo loo kala aragti duwan yahay, ama mucaarad loo yahay, ma habboona in dalkeenna dib loogu celiyo nidaam ku-meel-gaar ah.

Dad maanta doonaya in dalka lagu celiyo ku-meel-gaar, qaarkood waxay soo arkeen waxa uu ku-meel-gaarku yahay, halka qaar kalena ay soo arkeen dowlad dhammaystiran.

Sidaas darteed, dib loogu noqdo ku-meel-gaar ma aha xal, mana aha waddada saxda ah ee lagu horumarin karo dowladnimada Soomaaliyeed.

Aniga, sannadkii 2012 waxaan ka mid ahaa kooxdii la shaqaynaysay warbaahinta oo ku taallay Danwadaagaha, taas oo uu lahaa Xisbiga ee uu hoggaaminayey Madaxweynaha talada haya, Mudane Xasan Sheekh Maxamuud.

Xilligaas ayaan ku biiray xisbiga, kaas oo maanta loo yaqaan .

Sannadkii 2018, waxaan sidoo kale qayb ka ahaa munaasabaddii dib-u-casriyeynta iyo isku biiristii xisbiyadii Daljir, oo uu hoggaaminayey Wasiirka Cadaaladda Hassan Sheikhali , iyo PDP oo uu hoggaaminayey Hassan Sheikh Mohamud.

Waxaan ka mid ahaa dadkii ka qayb galay xafladdii isku biirista labada xisbi, kuwaas oo markii dambe loogu magac daray .

Si walba oo xaaladdu tahay, ma aha in haddii aad dowladda dhaliisho lagu yiraahdo waxaad diiddan tahay dowladnimada.

Sidoo kale, ma aha in haddii aad saxdo Wasiir Xasan Macallin lagu yiraahdo waxaad diiddan tahay dowladda ama wasiirka.

Sido kale, haddii aad tabasho ka qabto xildhibankii ku matalayey, macnaheedu ma aha in aad diiddan tahay dowladda.

Dowladnimada iyo danaha shakhsiga waa laba arrimood oo kala duwan. Mar walba waa in la kala saaraa dhaliisha wax lagu saxayo iyo diidmada dowladnimada.

Dowladnimadu waa danta guud ee ummadda, halka danaha shakhsigu ay yihiin kuwo gaar ah oo aan lagu khaldin masiirka dalka.

W.Q Gudoomiyaha Dhalinyarada Abakar
Eng Yaasiin Fiidshe

31/07/2026

Somaliya Caafimaadkeeda Waa Ganacsi.
Halka DDS itoobiya nidaamka saaciday.

30/07/2026

30/07/2026

Tala wanaagsan.

18/07/2026

Maxaa ka taqaanaa Shaqsiyaadkii Dhulbahante Ee aas aasay Khaatumo xalkee ku dambeeyeen.

1. Cali Khaliif Galayr (AUN) wuxuu noqday Ra'iisul Wasaarihii Soomaaliya, dabadeedna hoggaamiyihii Khaatumo. Wuxuu ku dhaartay midnimada iyo wadajirka Soomaaliya, balse wuxuu geeriyooday isagoo ku baaqaya in Somaliland wada-hadal lala galo, isla markaana leh: "Xaqa Dhulbahante meel ha lagu sheego."

2. Axmed Karaash wuxuu noqday Madaxweynihii Khaatumo, wuxuuna door ku lahaa dagaalkii Kalshaale. Ugu dambayn wuxuu noqday Wasiirka Arrimaha Gudaha ee Puntland, kadibna Madaxweyne Ku-xigeenka Puntland.

3. Saleebaan Xaglo-toosiye wuxuu hoggaamin jiray jabhaddii SSC, balse markii dambe wuxuu noqday Wasiirka Caafimaadka ee Somaliland, ugu dambayna wuxuu hoggaamiye ka noqday mid ka mid ah ururrada siyaasadeed ee Somaliland.

4. Fihiima Quuje waxay noqotay xildhibaan ka tirsan maamulka Waqooyi Bari. Waxay ka mid ahayd haldoorkii sida weyn uga qayb qaatay in nidaamkii Somaliland laga saaro Laascaanood, waxayna door ku lahayd dib u soo noqoshada Firdhiye iyo dadaalladii siyaasadeed ee magaalada. Hase yeeshee, ugu dambayn waxay u wareegtay Hargeysa, iyadoo sheegtay inay ka tanaasushay xildhibaannimadii iyo aragtidii Soomaaliweyn.

Dadka SSC-Khaatumo taageera waxay u muuqdaan inay u kala baxaan laba kooxood. Hal koox waxaa hoggaamiya Garaad Jaamac Garaad Cali, halka kooxda kalena ay inta badan caadifaddu hoggaamiso. Mid kasta wuxuu leeyahay astaamo iyo jiho u gaar ah oo u baahan falanqayn gaar ah, balse caawa intaas ayaan ku ekaanayaa.