04/08/2025
Waxa qoray Ali Kabadhe
Dilalka ka Hargeysa ka dhacaya ee Beesha Ciise Muuse lagu beegsanayaa waxay u muuqdaan kuwo ay fulinayaan Sirdoonnada Djibouti iyo Somalia. Ujeedada ka danbaysaana waa in;-
1. In Ciise Muusaha Berbera degaa hubka qaato oo yidhaaho HY ayaa na laynaysa kadibna Berbera dagaal ka dhaco oo Dekedda Berbera sidaa ku xidhanto. DPW qaxdo, Maraykanku dib u fadhiisto, Dekedda lays la jiidho.!!
2. In la kiciyo Beesha H.A, iyadoo loo tusayo in beesha GX dilalka ka danbeeyso, kadibna uu Dagaal u dhexeeya labadaa beelood dhaco, kadibna Somalia iyo Djibouti Caalamka u sheegaan in Somaliland Dagaal sokeeye ka bilaabmay oo loo baahan yahay in Ciidamo nabad ilaalin ah la keeno.
3. In Marka labada qodob ee h**e lagu guulaysto si aan dagaalku isu taagin GX lagu yidhaaho in aad Dalka Xukuntaan baa laydiin diidan yahay, idinka ayaa laydiin jeedaa. Kadibna Alle k**a dhigo'e halkaa Somaliland ku burburto.
Reer Somaliland now Dalkeennii waa lagu soo duulay, Cadowga soo duulay Kulmiye, Waddani iyo Kaah midna kuma socdo, wuxuu ku socdaa in uu Jiritaanka Jamhuuriyadda Somaliland Mapka Geeska Africa ka masaxo. Haddaba Qarankeenna ma difaacnaa?
