26/09/2025
Sheekh Cabdulxakiim Cali Xuseen
Waa Caaalim ka mid ka mid ah culimada tirada yar ee ku sugan geyiga Soomaaliya ee Eebe siiyey garasho sugan oo usooli ah (xeer-fiqiyeed), iyo af-fasiraad hufan oo luqadeed; sidaas darteedna, waxaa isu yimid cilmiga, khibradda, iyo hadal-hagaajinta.
Sheekhu – Ilaahay ha dhowree –Marka aad la fariisato, wwaxaa dareemaysa, edeb heer sare ah, iyo dhadhan naxariis leh oo fadhiga u yeela barako iyo koror jacayl iyo aqoon ah.
Arrintaasna layaab ma leh, waayo wuxuu ka cabbay ceelkii sayidkii caalimka ahaa ee macallinka ahaa Sheekh Cusmaan Xadg (Alle ha ka raalli noqdo), wuxuuna ka mid yahay mirihii ka soo go’ay dugsigaas barakaysan, una markhaati fura barakada tarbiyadda nuurta leh marka ay is-raacaan cilmi, edeb, iyo daahirnimo qalbiyeed.
Runtii sheekhu waa tusaale nool oo muujinaya caalim usuuli ah oo isku darsaday taqasuska cilmiga, macaansiga edebta, iyo hufnaanta ruuxda, ilaa uu noqday jiritaankiisu dhex bulshada mid lagu nicmeeyo.
Ilaahow sheekha noo dhawree, cimrigiisana ku dheeree daacadaada, cilmigiisana iyo camalkiisaba ku barakee, ka dhigo mid dalka iyo dadkaba anfaca, ku manee ikhlaas hadal iyo camalba, abaal weynna sii, darajooyinkana u kordhi, kana dhigo kuwa aad ka raalli tahay, Ilaahow Aamiin.
📝 Cabdinuur Macallin Luqmaan
