20/09/2026
Ma garanaysaan dagaalyahankii xarragada badnaa?
Waa wiilkii dhalinyarada ahaa ee magaciisu ahaa Xamza Hishaam Caamir, kaas oo agoonnimoobay isagoo qiyaastii hal sano jir ah ka dib markii aabbihii geeriyooday, isagoo gadaashiisa kaga tagay meel bannaannaan oo aan lagu buuxin karin waxaan ahayn aargoosi, samir, iyo adayg joogto ah.
Xamza wuxuu dhashay 1991-kii, wuxuuna ku koray carruurnimo ay hadheeyeen xusuusta iyo maqnaanshuhu; carruurnimo uu samirka bartay ka hor inta uusan baran micnaha awoodda, aamusnaanta hooyadiina ku gartay micnaha dhabta ah ee naf-huridda. Hooyadiis waxay u ahayd tiir iyo gaashaan adag, waxay u samaysay nolol dhammaystiran inkastoo aabbihii maqnaa, waxayna qalbigiisa ku beertay jacaylka dhulka iyo xaq-u-lahaanshaha, iyadoo baraysa in go’aanku ka awood badan yahay caqabad kasta.
Tan iyo yaraantiisii, Xamza wuxuu ahaa qof ciyaartooy ah oo aamusan, wax kasta kaga dayda aabbihii: awoodda jirka, dulqaadka, nidaamka, xataa faahfaahinta cuntadiisa iyo jimicsigiisa. Wuxuu diidi jiray jeex yar oo basbuusa ah oo hooyadiis gacanteeda kaga dhiibto si uusan sokortu u saameyn dhismaha jirkiisa, wuxuuna jidadka ku ordi jiray firfircooni iyo xawaare aan caadi ahayn, isagoo jecel goonni-u-baxa iyo fikirka qoto-dheer, sidii qof tallaabo kasta oo yar ku beeraaya jidka mustaqbalkiisa.
Xamza wuxuu ku barbaaray isagoo xusuustii aabbihii u rogaaya ficillo dhab ah. Wuxuu bartay in jirku yahay qalab diyaargarow, hantiduna tahay waddo, nidaamkuna yahay sirta guusha. Qorigiisa wuxuu ku gatay lacagtiisa gaarka ah, wuxuuna geliyay dadaalkiisa iyo waqtigiisa si uu ugu diyaar garoobo howlgal kasta, dagaal kasta, iyo xabbad kasta oo loo qorsheeyay inay noqoto aargoosi loo galo kuwii maqnaa, kuwii la waayay, iyo kuwii la ugaarsaday.
Magaalada Khaan Yuunis, Xamza wuxuu noqday hooska nool ee aabbihii. Wuxuu gaadiidka waaweyn ee Tiknikada ah (Merkava) u ugaarsan jiray sida shimbiraha loo dabo—si taxadar iyo dhiirranaan xad-dhaaf ah leh. Wuxuu arki jiray waxaanay kuwa kale arkaynin, wuxuuna u dhaqaaqi jiray sidii qof fagaaraha oo dhami hortiisa yaallo, sidii isagoo dhaxlay indhihii aabbihii oo dhiiggii h**e dhex wareegayo
xididdadiisa, una faqaya inuusan qaldamin.
Xataa kabaha caddaanka ahaa ee xaaskiisu hadiyadda u siisay bil ka hor Daadkii (Al-Aqsa), may ahayn kabo caadi ah oo kaliya, balse waxay ahaayeen astaanta difaaca (Ribaadka) iyo nolosha, astaanta tallaabadii koowaad ee fagaaraha halyeeynimada—tallaabo ay dhex mushaaxayaan geesinnimo, jacayl, iyo xusuus qoto dheer.
Xamza wuxuu dhabarka kaga dhaawacmay mid ka mid ah dagaalladii, balse wuu diiday inuu fagaaraha ka baxo; uma dhiibin xanuunka, k**ana tegin asxaabtiisii, maxaa yeelay go'aanka iyo rabitaanka qalbigiisa ku jiray ayaa ka xoog badnaa xabbad ama madaafiic kasta. Wuxuu sii waday dagaalka isagoo beegsanaya bartilmaameedyadiisa, una caddaynaya inuu yahay wiilkii dhammaan kuwii ka horreeyay ee shahiiday.
Duqayntii ugu dambaysay, wuxuu u kicitimay xagga samada, isagoo farta muragsata (shahaadada) kor ugu qaadaya astaanta kalinimada Eebbe, noloshiisiina ku soo xiray muuqaal u dhigma weynaanta xilligii uu dhisay.
Wuxuu ahaa mid xarrago badan, geesi ah, daacad u ah nafsaddiisa, mabaadi'diisa, iyo dhaxalkii aabbihii.
Saddexdiisa carruur ah — Laana, Hishaam, iyo Muxamed — waxay yihiin dhaxalkiisa nool, sharaftiisii sii jiri doonta, jidkiisii aan waligii la ilaawi doonin, iyo caddaynta in shuhadadu ay ku nool yihiin quluubta kuwa sii wada waddadooda.
Tani waa sheekadii Hooskii Aabbahay, dagaalyahankii xarragada badnaa, halyeeygii taariikhda ku dhisay tallaabooyinkiisa iyo dhiiggiisa, ee na baray in dhaxalka dhabta ahi uusan ahayn hanti, balse uu yahay rabitaan adag, geesinnimo, iyo mabaadi'.
Xigasho:
Waxaa soo tabiyay suxufiga Shehab Maxamed Haniya
