Hortabin Media

Hortabin Media Breaking News | Local Stories | Real Voices. From Somalia to the world, we bring you facts first, with speed, depth, and integrity. .

22/11/2025

Ciidamada Maamulka Puntland ayaa gacanta ku dhigay nin ka soo jeeda Morocca, kaas oo xubin ka ahaa dagaalyahanada Daacish ee ku dhuumaaleysanaya buuraha gobolka Bari.

22/11/2025

Dab xooggan ayaa baabi'inaya kaymaha Hyrcanian, ee dalka Iran oo ah goob ay UNESCO u asteysay Dhaxal taariikhi ah, waxaana dabka sii xoojinayo kul iyo maamul xumo ka jirta xagga biyaha ah, taas hoos timaada maamulka Iran, xilli mudooyinkii ugu danbeeyey ay cabasho ka taagneyd biyaha sii guraya.

Dabka ka kacay kaymaha Hyrcanian ayaa dhirirkiisa lagu sheegay kun kilometer, oo ku teedsan xeebta badda Caspian, waxaase la isku dayey in dabkan dhowr jeer la xakameeyo, balse waa lagu guuldareystay.

: Xafiiska Hantidhowrka Guud ee Qaranka ayaa maanta heshiis is-afgarad ah magaalada Sharm Al-shiikh ee dalka Masar kula...
22/11/2025

: Xafiiska Hantidhowrka Guud ee Qaranka ayaa maanta heshiis is-afgarad ah magaalada Sharm Al-shiikh ee dalka Masar kula saxiixday Hay’adda Isla-xisaabtanka Masar.

Heshiiskan ayaa xoogga saaraya iskaashiga labada hay’adood, gaar ahaan tayaynta baarista hantidhowrka, wada-hindisidda hababka lagu xoojinayo isla-xisaabtanka, iyo la-dagaalanka musuqmaasuqa

Sidoo kale, kulan gaar ah oo ay yeesheen hanti dhowrka labada dal ee Soomaaliya iyo Masar ayaa la isku afgartay in la iska kaashado is-weydaarsiga khibradaha iyo farsamooyinka casriga ah ee baarista maaliyadeed, si loo waafajiyo heerarka iyo halbeegyada caalamiga ah ee hantidhowrka.

Qoraal ka soo baxay Xafiiska Hanti dhowrka Qaranka ayaa waxaa lagu sheegay in heshiiska qeyb ka yahay iskaashiga labada dal ee Masar iyo Soomaaliya.

Soomaaliya iyo Masar ayaa leh xiriir diblumaasiyadeed oo soo jireen, iyagoo iska kaashada dhinacyada amniga, dhaqaalaha iyo siyaasadda.

TACSI- Wasiirka Wasaaradda Warfaafinta, Dhaqanka iyo Dalxiiska Soomaaliya Mudane Daa’uud Aweys Jaamac, Wasiir Ku-Xigeenk...
22/11/2025

TACSI- Wasiirka Wasaaradda Warfaafinta, Dhaqanka iyo Dalxiiska Soomaaliya Mudane Daa’uud Aweys Jaamac, Wasiir Ku-Xigeenka Wasaaradda Warfaafinta, Cabdiraxmaan Yuusuf Cumar Al-Cadaala, Agaasimaha Guud ee Wasaaradda C/laahi Xayir Ducaale, Agaasimeyaasha Waaxyaha iyo Hawlwadeennada Wasaaradda Warfaafinta, Dhaqanka iyo Dalxiiska waxa ay tacsi tiiraanyo leh u dirayaan qoyskii iyo eheladii ay ka baxday Allah ha u naxariistee marxuumad Maryan Naasir Cali oo kamid ahayd fanaaniinta Qaranka.

Allaha u naxariistee Marxuumad Maryan Naasir Cali ayaa ku geeriyootay magaalada Muqdisho.

Wasiir Daa’uud Aweys Jaamac, ayaa si gaar ah tacsi ugu diray qoyskii, carruurtii iyo guud ahaan bahda fanka, isagoo Allah uga baryey in uu naxariistiisa Janno ka waraabiyo marxuumadda, samir iyo iimaanna Allah inaga wada siiyo. Aamiin .. Aamiin.. Aamiin.

INNAA LILLAAHI WA INNAA ILEYHI RAAJICUUN

: Mucaaradka Soomaaliya ayaa si adag u cambaareeyay xarigga dowladda Federaalka ay maanta ku qaaday nabaddoon Cabdirisa...
22/11/2025

: Mucaaradka Soomaaliya ayaa si adag u cambaareeyay xarigga dowladda Federaalka ay maanta ku qaaday nabaddoon Cabdirisaaq Nuur Xalane, xilli uu ka dhoofayay garoonka Aadan Cadde ee magaalada Muqdisho.

Qoraal ay soo saareen ayaa lagu sheegay in xariggu yahay tallaabo sharci-darro ah, isla markaana uu ka tarjumayo “caburinta iyo cabsigelinta lagula kacayo codadka bulshada ka hadla xuquuqda danyarta iyo arrimaha danta guud.”

Mucaaradku waxay ku tilmaameen nabaddoon Xalane inuu yahay “oday dhaqameed caan ku ah u dooda xuquuqda dadka nugul”, iyagoo ku eedeeyay dowladda madaxweyne Xasan Sheekh Maxamuud inay adeegsanayso awood ciidan si loo aamusiiyo dadka ka hadla dhul-boobka, barakicinta iyo musuqmaasuqa.

Waxay ugu baaqeen Madaxweynaha in si degdeg ah oo shuruud la’aan ah loo sii daayo nabaddoonka, lagana joogsado ficillada lagu caburinayo shacabka iyo hoggaanka dhaqanka.

22/11/2025

Xildhibaanada ka soo jeeda Koonfur Galbeed oo dhamuunaya ka jawaabida falkii arxan darada ahaa ee ka dhacay duleedka Wanlaweyn

: Labada Aqal ee Baarlamaanka Federaalka Soomaaliya ayaa maanta ku yeeshay kulan wadajir ah xarunta Golaha Shacabka, iy...
22/11/2025

: Labada Aqal ee Baarlamaanka Federaalka Soomaaliya ayaa maanta ku yeeshay kulan wadajir ah xarunta Golaha Shacabka, iyadoo uu shir-guddoominayey Guddoomiye Sheekh Aadan Madoobe.

Kulanka ayaa diiradda lagu saaray akhrinta saddexaad iyo u codeynta xisaab-xirka miisaaniyadda 2024 oo ay soo diyaarisay Wasaaradda Maaliyadda.

Guddiga Miisaaniyadda ayaa soo bandhigay warbixintii ugu dambeysay, halka 167 mudane ay oggolaadeen xisaab-xirka, 2 ay diideen, midna uu ka aamusay.

Wasiirka Maaliyadda, Biixi Iimaan Cige, ayaa uga mahadceliyay labada gole ansixinta xisaab-xirka miisaaniyadda 2024.

Guddoomiyaha Aadan Madoobe oo kulanka soo xiray ayaa sheegay in Baarlamaanka Federaalka Soomaaliya ay howlo muhiim ah u yaalaan kalfadhiga todobaad, wuxuuna sheegay in baarlamaanka labadiisa aqal ay kalfadhiga todobaad ka shaqeyn doonaan dib u eegista iyo dhameystirka dastuurka KMG.

22/11/2025

Gudoomiyaha Maxkamada Darajada Koowaad ee Ciidamada Qalabka Sidda " Kuwii aan u wakiilanay in ay mushkiladaha xaliyaan baa qeyb ka ah dhibta dalka ka socota"

22/11/2025

RW Xamse "aas-aaska Caddaaladu waa Run"

: Guddoomiyihii h**e ee baarlamaanka federaalka Soomaaliya Maxamed Mursal Sheekh Cabdiraxmaan ayaa ku dhawaaqay inuu be...
22/11/2025

: Guddoomiyihii h**e ee baarlamaanka federaalka Soomaaliya Maxamed Mursal Sheekh Cabdiraxmaan ayaa ku dhawaaqay inuu beddeley qorshihiisa ku aaddan doorashooyinka qof iyo cod iyo heshiiskii uu la galay madaxtooya Somalia.

Waxa uu ku dhawaaqay inuu gebi ahaanba isaga baxay xisbiga Horumar iyo Midnimo Qaran oo dhawaan laga diiwaangeliyay guddiga doorashooyinka, ayna ku midoobeen qaar kamid ah siyaasiyiinta mucaaradka Somalia.

Maxamed Mursal oo bayaan kooban soo saaray ayaa tilmaamay in go’aankiisu yahay mid uu ku doonayo madaxbannaani iyo dhiibashada aragti siyaasadeed oo uusan cid kale u daba-fariisan.

: Maxkamadda Bariga Afrika (EACJ) ayaa soo saartay amar ku meel gaar ah oo lagu joojinayo dhaariista sagaalka xubnood e...
22/11/2025

: Maxkamadda Bariga Afrika (EACJ) ayaa soo saartay amar ku meel gaar ah oo lagu joojinayo dhaariista sagaalka xubnood ee Soomaaliya u matali lahaa Baarlamaanka Bulshada Bariga Afrika (EALA), kadib markii la gudbiyey dacwad sharci oo ka dhan ah habkii loo soo xulay xubnahaas.

Sababta Joojinta

Dacwad ay maxkamadda ka gudbiyeen xildhibaano iyo muwaadiniin Soomaaliyeed ayaa lagu sheegay in: Habka loo soo magacaabay xubnaha EALA uusan buuxin shuruudaha kala-duwanaanta siyaasadeed, sidoo kale
Doorashadii lagu soo xulay in aysan ahayn mid hufan, tartan furan leh, ama waafaqsan axdiga Bulshada Bariga Afrika (EAC Treaty).

Dowladda Soomaaliya ay si toos ah u qortay dadkii ay rabtay in ay soo baxaan, halkii laga mari lahaa hannaan sharci ah oo baarlamaani.

Maxkamaddu waxay aqbashay codsiga, waxayna siisay amar ku meel gaar ah oo si toos ah u joojinaya dhaariistii lagu waday Talaadada soo socota ee magaalada Arusha.

Soomaaliya 45 Maalmood ayay Hadda Haysataa, waxana Dowladda Federaalka Soomaaliya loo qabtay 45 maalmood inay ku soo gudbiso jawaabteeda sharci Intaa ka hor, xubnahaas lama dhaarin karo.

Guddoomiyaha Golaha Shacabka Soomaaliya, Sheekh Aadan Madoobe, ayaa booqday Nairobi si uu taageero diblumaasiyadeed uga helo guddoomiyaha Baarlamaanka Kenya, Moses Wetang’ula, Laakiin Kenya waxay ku adkeysatay:
In ayan ka faragelin arrin maxkamad ka socota,
Iyo In la dhowro madaxbannaanida EACJ.

: Garoonka Cayaaraha Muqdisho waxaa ka socda munaasabad lagu maamuusayo Maalinta Macallinka Soomaaliyeed, waxaa ka qayb...
22/11/2025

: Garoonka Cayaaraha Muqdisho waxaa ka socda munaasabad lagu maamuusayo Maalinta Macallinka Soomaaliyeed, waxaa ka qaybgalaya madaxweynaha Dowladda Federaalka Soomaaliya Xasan Sheekh Maxamuud, Mas’uuliyiin katirsan Dowladda, Bahda Waxbarashada & Arday.

Kulan ciyaareed lagu maamuusayay maalinta Macallinka Soomaaliyeed ee 21ka Nofeembar oo ay dheelayeen labo naadi oo kala metalayay Dugsiyada & Jaamacadaha ayaa ka dhacay Garoonka Cayaaraha ee Magaalada Muqdisho.

Waxaa la fasaxay goobaha wax lagu barto ee Caasimadda munaasabaddaan awgeed, Garoonka Cayaaraha Muqdisho waxaa lagu arkayaa Arday xiran dharkooda Waxbarashada, waxaana la filayaa in uu halkaas khudbad ka jeediyo Madaxweynaha Soomaaliya Xasan Sheekh Maxamuud.

Address

Mogadishu

Website

Alerts

Be the first to know and let us send you an email when Hortabin Media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Hortabin Media:

Shortcuts

Share

Category