Radio Mogadishu

Radio Mogadishu Radio Mogadishu was founded in 1951. Since independence in 1960, it has acted as the official radio s Radio Mogadishu's programs are live from 6am to midnight.
(3)

The programs include news and events, education, health, entertainment programs, among others.

Wasiirka Ganacsiga iyo Warshadaha XFS oo kulan muhiim ah la qaatay Wasiirka Ganacsiga Gudaha ee Aljeeriya intii lagu gud...
08/09/2025

Wasiirka Ganacsiga iyo Warshadaha XFS oo kulan muhiim ah la qaatay Wasiirka Ganacsiga Gudaha ee Aljeeriya intii lagu guda jiray Carwada 4-aad ee Ganacsiga Afrika

Algiers, 08 September 2025 – Wasiirka Ganacsiga iyo Warshadaha Xukuumadda Federaalka Soomaaliya, Mudane Maxamuud Axmed Aadan (Geesood), iyo Danjiraha Dowladda Federaalka Soomaaliya ee Aljeeriya, Danjire Yuusuf Axmed Xasan (Yuusuf Jeego), ayaa kulan muhiim ah la qaatay Wasiirka Ganacsiga Gudaha iyo Xeer-nidaaminta Suuqa Qaranka ee Aljeeriya, Mudane Tayyib Zitoni, intii lagu guda jiray Carwada 4-aad ee Ganacsiga Afrika (4–10 September 2025).

Wadahadallada labada dhinac ayaa diiradda lagu saaray xoojinta xiriirka laba geesoodka ah iyo furitaanka fursado cusub oo ganacsi iyo maalgelin ah.

Labada dhinac waxay ku heshiiyeen muhiimadda ballaarinta iskaashiga dhinacyada muhiimka ah, wadaagista khibradaha, iyo kobcinta is-weydaarsiga ganacsiga si loo adkeeyo xiriirka dhaqaale ee ka dhexeeya labada shacab ee walaalaha ah ee Soomaaliya iyo Aljeeriya.

08/09/2025

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa khudbad ka jeediyey Shirweynaha 2-aad ee Cimilada Afrika oo lagu qabtay magaalada Addis Ababa, isaga oo xusay muhiimadda iskaashiga heer Afrika ee xal-u-helidda dhibaatooyinka ka dhashay isbeddelka cimilada.

08/09/2025

BANDHIGGA WAREEYSIYADA 08.09.2025

08/09/2025

Hey’adaha u xil-saaran dib u eegista Dastuurka ayaa maanta kulan dadweyne la yeeshay ardayda Jaamacadda Ummadda.

08/09/2025

Maxaa laga qabtay Qorshaha Shaqo-abuurka Dhallinyarada Soomaaliyeed?

Wasiirka Wasaaradda Shaqada iyo Arrimaha Bulshada ee XFS, Xildhibaan Yuusuf Maxamed Aadan, ayaa ka jawaabay su’aashan.

08/09/2025

WARKA HABEEN 08.09.2025

MADAXWEYNE XASAN SHEEKH OO KHUDBAD KA JEEDIYEY SHIRKA 2AAD EE CIMILADA AFRIKAAddis Ababa, Sebteembar 8, 2025; Madaxweyna...
08/09/2025

MADAXWEYNE XASAN SHEEKH OO KHUDBAD KA JEEDIYEY SHIRKA 2AAD EE CIMILADA AFRIKA

Addis Ababa, Sebteembar 8, 2025; Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa khudbad ka jeediyey Shirweynaha 2-aad ee Cimilada Afrika oo lagu qabtay magaalada Addis Ababa, isaga oo xusay muhiimadda iskaashiga heer Afrika ee xal-u-helidda dhibaatooyinka ka dhashay isbeddelka cimilada.

Madaxweynaha ayaa dul istaagay tallaabooyinka ay dowladda Soomaaliya qaadday si loo xakameeyo saameynta isbeddelka cimilada kuwaas oo ay ka mid tahay soo gudbinta qorshaha qaran ee NDC oo kor loogu qaadayo adkaysiga deegaanka, hirgelinta ololaha caagaraynta oo lagu beerayo 10 milyan oo geed iyo sameynta Sanduuqa Qaran ee Cimilada.

“Soomaaliya door yar ayay ku leedahay asbaabaha keena isbeddelka cimilada, balse waxaan ka mid nahay dalalka ugu nugul dhibaatadeeda. Abaartii ugu xumeyd afartankii sano ee la soo dhaafay ayaa saamaysay 7.8 milyan oo qof, taas oo sababtay barakac iyo dhibaatooyin dhaqaale”.

Madaxweynaha Jamhuuriyadda ayaa ugu baaqay beesha caalamka in la horumariyo iskaashiga wadajirka ah ee lagaga hortagayo isbeddelka cimilada iyo in shirkan ay ka soo baxaan tallaabooyin dhaxalgal ah oo heer qaaradeed ah.
DHAMMAAD

08/09/2025

Degmada Balcad ayaa martigelisay ciyaar u dhexeysay labo kooxood oo ka kala dhisan Shabeelaha Dhexe iyo Gobolka Banaadir, taasoo kor loogu qaadayay nabadda iyo isdhexgalka bulshada.

𝐖𝐚𝐬𝐢𝐢𝐫𝐤𝐚 𝐐𝐨𝐲𝐬𝐤𝐚 𝐢𝐲𝐨 𝐇𝐨𝐫𝐮𝐦𝐚𝐫𝐢𝐧𝐭𝐚 𝐗𝐮𝐪𝐮𝐮𝐪𝐮𝐥 𝐈𝐧𝐬𝐚𝐚𝐧𝐤𝐚 𝐨𝐨 𝐊𝐮𝐥𝐚𝐧 𝐑𝐚𝐬𝐦𝐢 𝐚𝐡 𝐋𝐚 𝐘𝐞𝐞𝐥𝐚𝐭𝐚𝐲 𝐖𝐚𝐤𝐢𝐢𝐥𝐤𝐚 𝐆𝐚𝐚𝐫𝐤𝐚 𝐚𝐡 𝐞𝐞 𝐔𝐍𝐈𝐂𝐄𝐅Muqdisho, 08...
08/09/2025

𝐖𝐚𝐬𝐢𝐢𝐫𝐤𝐚 𝐐𝐨𝐲𝐬𝐤𝐚 𝐢𝐲𝐨 𝐇𝐨𝐫𝐮𝐦𝐚𝐫𝐢𝐧𝐭𝐚 𝐗𝐮𝐪𝐮𝐮𝐪𝐮𝐥 𝐈𝐧𝐬𝐚𝐚𝐧𝐤𝐚 𝐨𝐨 𝐊𝐮𝐥𝐚𝐧 𝐑𝐚𝐬𝐦𝐢 𝐚𝐡 𝐋𝐚 𝐘𝐞𝐞𝐥𝐚𝐭𝐚𝐲 𝐖𝐚𝐤𝐢𝐢𝐥𝐤𝐚 𝐆𝐚𝐚𝐫𝐤𝐚 𝐚𝐡 𝐞𝐞 𝐔𝐍𝐈𝐂𝐄𝐅

Muqdisho, 08 September 2025 – Wasiirka Wasaaradda Qoyska iyo Horumarinta Xuquuqul Insaanka Xukuumadda Federaalka Soomaaliya, Amb. Khadija Mohamed Al-Makhzoumi, ayaa maanta xarunta Wasaaradda ku qaabishay wafdi sare oo ka socday Hay’ada UNICEF, oo ay hoggaaminaysay madaxa hay’adaha ee Soomaaliya, Ms Sandra Lattouf.

Kulanka ayaa lagu falanqeeyay xoojinta iskaashiga iyo wada-shaqeynta u dhaxaysa Wasaaradda iyo hay’ada UNICEF, gaar ahaan dhinacyada la xiriira ilaalinta xuquuqda carruurta, horumarinta adeegyada bulshada, iyo taageeridda barnaamijyada muhiimka ah ee wax ka taraya bulshada Soomaaliyeed.

Intii uu socday kulanka, Wakiilka UNICEF ayaa muujisay sida hay’addu uga go’an tahay taageeridda himilada iyo qorshayaasha Wasaaradda, iyadoo si gaar ah diiradda loo saarayo arrimaha mudnaanta u leh qorshaha horumarinta ee Wasaaradda, si loo gaaro natiijooyin waxtar leh oo la taaban karo.

Wasiir Amb Khadija Mohamed Al-Makhzoumi ayaa uga mahad celisay hay’ada UNICEF Shaqada wanaagsan ee ay la garab taagan yihiin bulshada inteeda nugul, iyadoo carrabka ku adkaysay muhiimadda ay leedahay iskaashi miro dhal ah oo lagu xoojinayo ilaalinta iyo horumarinta xuquuqda
Carruurta.

08/09/2025

Diiwaangelinta dadweynaha ee doorashada qof iyo cod, ayaa si habsami leh uga socota magaalada Laascaanood.

08/09/2025

Maxkamadda Gobolka Banaadir ayaa maanta u fariisatay kiiska dukaanle baalmaray hannaanka qaadista canshuurta gadida, oo ay Wasaaradda Maaliyadda dejisay.

Wasiirka Gaashaandhigga Xukuumadda Federaalka Soomaaliya, Mudane Axmed Macallin Fiqi, iyo Ergeyga Gaarka ah ee Xasilinta...
08/09/2025

Wasiirka Gaashaandhigga Xukuumadda Federaalka Soomaaliya, Mudane Axmed Macallin Fiqi, iyo Ergeyga Gaarka ah ee Xasilinta iyo Ilaalinta Rayidka, Mudane Xildhibaan Cumar Xaashi, ayaa si wadajir ah kulan ula yeeshay Agaasimaha Hay’adda CIVIC, Mudane Axmed Ibraahim.

Kulanka ayaa diiradda lagu saaray xaqiijinta go’aanka Dowladda Federaalka Soomaaliya ee ku aaddan dhammaystirka Siyaasadda Ilaalinta Bedqabka Rayidka iyo Qaab-dhismeedka Hawleed, taas oo ah tallaabo muhiim ah oo lagu ilaalinayo rayidka, lagu xoojinayo isla xisaabtanka, isla markaana lagu horumarinayo hawlgalada amni-xaqiijinta iyada oo la dhowrayo xuquuqda bulshada rayidka ah.

Marka la dhammaystiro Siyaasadda Ilaalinta Bedqabka Rayidka, waxay noqon doontaa hagaha hay’adaha amniga si ay ilaalinta rayidka ugu daraan siyaasadaha, qorshayaasha iyo howlgalada la fulinayo.

Address

Ministry Of Information Bldg, Near Villa Somalia
Mogadishu
00252

Telephone

+25261861011

Website

Alerts

Be the first to know and let us send you an email when Radio Mogadishu posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Radio Mogadishu:

Shortcuts

Share

Category