10/07/2025
Baaq ku socda madaxda iyo bulshada Deg.Kaxda:
Waxaa jirta oraah laga sheegay Madaxweynihii h**e Cabdullaahi Yuusuf Axmed oo ahayd"Anigu murtad ma ihi, kursiga ayaa murtad ah!" Oraahdan waxay astaan u tahay sida mararka qaar xilalka iyo jagooyinka loogu adeegsado siyaasad aan caddaalad ahayn, iyadoo lagu xadgudbayo sharafta iyo karaamada dadka.
Waxaan is weydiinayaa
Tolow, raggii shalay igula dagaalsanaa xaq-raadinta iyo wacyigelinta bulshada Deg.Kaxda. ma sii wadi doonaan banaanbaxyadii ay u arkayeen in ay danta dadweynaha ku jirto? Mise maanta waxay qiran doonaan in jidkii aan h**e ugu baaqay uu ahaa mid sax ah, iyaguna ay hadda dhabahaas cagta saareen?
Mise waxay bixin doonaan raalli-gelin iyo cudur-daar buuxa oo ay kaga jawaabayaan gefkii loo geystay shacabka Deg.Kaxda iyo dadkii loo eedeeyay si aan cadaalad ahayn?
Soomaalinimadu waxay u baahan tahay caddaalad, isla xisaabtan, iyo in lagu kala horreeyo waxqabad iyo wadaninimo. Maanta cid walba oo xil haysa waa in ay ka shaqeysaa danaha shacabka, iyada oo aan loo eegin cidda xilka horay u haysay ama kursiga soo maray. Mas'uuliyaddu ma aha magac ee waa adeeg, waxaana looga baahan yahay in qof kasta oo xil haya uu la yimaado daacadnimo iyo hufnaan, isagoo aan cidna abaal ugu xirin.
Guddoomiyaha maanta xilka haya, waxaad shalay diiddanayd, oo aad bannaanbax iyo buuq kala hortimid, waa inaad maanta ka shaqeysaa waana inaad muujisaa inaad u adeegayso shacabka, adigoo aan qofna eed ugu celin, mana aha in cid kale lagu eedeeyo wixii aad adigu maanta mas'uul ka tahay!!.
