11/10/2025
Ninkaan waa aqoonyahan u dhashay Dalka Talyaaniga dhawaan ayuu qaatay diinta islaamka, asigoona midaas ka hadlayo ayuu yiri; Shan sabab darteed ayaan usoo galay diinta islaamka una rumeeyay iney tahay diinta xaqqa ku taagan, waxayna kala yihiin;
1-Nabi Muxamed SCW;
Waxaan daraaseeyay noloshiisa waxaana lagu magacaabi jiray Saadiq Al-Amiin, Wuxuu ahaa mid naxariis badan, tawaaduc badan, waligiis kuma dhicin xukun jaceyl ama isla weyni, mana arkeysid wax iska hor imaanayo oo noloshiisa quseeyo
2-Qur'aanka;
Lama taxriifiinin, wax lamid ah ma jiraan, mar walba ood akhriso waad dareemeysaa inuusan hadal banii aadam aheyn, malahan waxkabadal ama daabacaad labaad, ama iska hor imaad, waa kitaab dhan walba laga ilaaliyay. Waxaa xifdisan malaayiin qof, mucjisooyinka ku jirana culimada oo dhan ayuu ka yaabiyay.
3-Hal ilaah oo wax abuuray;
Ma jiro shaki, ma jiraan ilaahyo kale kaliya waa hal ilaah oo asali ah, lama arki karo wuxuuna leeyahay awood uu wax walba ku sameeyo
4-Wax walba waa macquul mana jiro iimaan indho la'aan ah;
Islaamka kaama dalbanaayo inaad caqligaaga isticmaalin, balse taas badalkeeda asiga ayaaba kugu boorinaayo inaad caqligaaga adeegsato, fakarkaaga balaariso, cilmigaagana waasiciso, wax walba oo ku jirana waa kuwa ugu haboon uguna macquulsan.
5-Sayniska;
Quraanka wuxuu sifeeyay is waasicinta kownkaan, hab abuurka uur ku jirka, biyaha iney wax walba aasaas u yihiin iyo mucjisooyin kale oo badan, waana qarniyaal badan kahor inta aanan la helin tiknoolijiyada maanta lahaayo, balse quraanka uma baahneen wax tiknooliji, taliskoob iwm, waayo wuxuu ahaa jawharada xaqiiqda dhabta ah.
Sababtaas owgeed uma islaamin caadifad iyo beer jileec darteed, balse cadeymaha aan helay ayaa igu qasbay inaan islaamka qaato.
Abdirisaq atosh
