Somalionlinemedia

Somalionlinemedia FAAFI TV is a Modren Online Media that Serve News, Feature, Analysis, Intertainments, Socail and Political in Somalia and the Worldwide.

CAAWA MADAXA NAFURAN Duqa Magalada Muqdishu Muungqqb oo dhahay caawo reer muqdishu madaxa furan soo dhowada
24/08/2026

CAAWA MADAXA NAFURAN

Duqa Magalada Muqdishu Muungqqb oo dhahay caawo reer muqdishu madaxa furan soo dhowada

Munaasabad lagu xusay xiritaanka xafiiska Qaramada Midoobay ee Soomaaliya u qaabilsanaa arrimaha caddaaladda iyo xuquuqu...
24/08/2026

Munaasabad lagu xusay xiritaanka xafiiska Qaramada Midoobay ee Soomaaliya u qaabilsanaa arrimaha caddaaladda iyo xuquuqul insaanka ayaa lagu qabtay Muqdisho.

Xafiiskan ayaa muddo 13 sano ah Soomaaliya ka soo waday hawlo kala duwan, isagoo mar soo maray magacyo iyo howlo kala duwan, oo ay ka mid ahaayeen UNSOM iyo UNTMIS. Intii uu dalka ka howlgalayay, wuxuu qayb muhiim ah ka qaatay taageerada hay’adaha caddaaladda, horumarinta xuquuqul insaanka, iyo xoojinta hay’adaha amniga iyo garsoorka.

Munaasabadda waxaa ka qaybgalay Wasaaradda Caddaaladda iyo Arrimaha Garsoorka, hay’adaha madaxa-bannaan ee xuquuqul insaanka, iyo Taliska Ciidanka Asluubta Soomaaliyeed, kuwaas oo dhammaantood qayb ka ahaa iskaashiga iyo hawlihii xafiisku ka waday dalka.

Wasiirka Wasaaradda Caddaaladda ayaa Qaramada Midoobay uga mahadceliyay taageeradii iyo wada-shaqeyntii ay Soomaaliya la lahayd muddadii 13-ka sano ahayd, isagoo xusay in xilligan la joogo waqtigii masuuliyadda iyo hawlahaasi si buuxda loogu wareejin lahaa hay’adaha Soomaaliyeed.

Wasiirku wuxuu sheegay in Soomaaliya ay diyaar u tahay inay sii waddo shaqadii iyo masuuliyadihii laga taageerayay, iyadoo hay’adaha dalka ay si buuxda ula wareegayaan hawlaha la xiriira caddaaladda, xuquuqul insaanka iyo arrimaha kale ee muhiimka u ah dowladnimada.

Munaasabadda ayaa lagu soo xiray mahadcelin iyo bogaadin loo jeediyay dhammaan hay’adihii iyo shaqsiyaadkii ka qayb qaatay iskaashiga muddada dheer socday.

Maxkamadda Sare ee Soomaaliya ayaa dhageysatay dacwad la xiriirta hannaanka doorashada Dowladda Galmudug, iyadoo dhinaca...
24/08/2026

Maxkamadda Sare ee Soomaaliya ayaa dhageysatay dacwad la xiriirta hannaanka doorashada Dowladda Galmudug, iyadoo dhinaca dacwadda soo oogay uu yahay Xisbiga Towfiiq, oo uu hoggaamiyo Sheekh Axmed Shaakir, kaas oo taageero ka haysta siyaasiyiin iyo bulshada qaybo badan oo dalka ah.

Xisbiga Towfiiq ayaa Maxkamadda horgeeyay cabashooyin ku saabsan natiijooyinka doorashada, gaar ahaan tirada kuraasta Golaha Wakiillada ee laga helay Galmudug iyo natiijada doorashada madaxtinimada Dowladda Galmudug.

Dhanka kale, guddiga madax-bannaan ee doorashada oo dhinaca kale ee dacwadda ah ayaa ku dooday in doorashadu u dhacday si waafaqsan habraacyada loo dejiyay, isla markaana aanay jirin wax khalad ah oo wax ka beddeli kara natiijada doorashada.

Xisbiga Towfiiq ayaa sheegay in ay jiraan khaladaad dhowr ah oo ka dhacay hannaanka doorashada. Waxaa ka mid ah waqtiga doorashada oo markii h**e lagu qorsheeyay afar bilood, balse dib loo dhigay muddo ku dhow bil iyo bar.

Sidoo kale, xisbiga ayaa su’aal geliyay qaabka cod-bixinta loo qabtay, isagoo sheegay in hal mar la isku daray cod-bixinta Golaha Wakiillada iyo tan doorashada madaxtinimada Dowladda Galmudug. Sida uu xisbigu ku dooday, tani waxay keeni kartaa in qofka cod-bixiyaha ah uu isku waqti u codeeyo labada dhinac, taas oo ay sheegeen inay u baahan tahay in si sharci iyo habraac ah loo qiimeeyo.

Maxkamadda Sare ayaa dhageysatay doodaha labada dhinac, waxaana la sugayaa go’aanka ay ka gaarto dacwadda iyo cabashooyinka la xiriira hannaanka doorashada Galmudug.

Munaasabad lagu qabtay Dowladda Hoose ee Xamar, Maamulka Gobolka Banaadir, ayaa looga hadlay muhiimadda ay leedahay dary...
24/08/2026

Munaasabad lagu qabtay Dowladda Hoose ee Xamar, Maamulka Gobolka Banaadir, ayaa looga hadlay muhiimadda ay leedahay daryeelka iyo ilaalinta shacabka, gaar ahaan dadka nugul ee bulshada.
Guddoomiyaha Golaha Shacabka, Mudane Cabdulqaadir M. Nuur, ayaa khudbad uu ka jeediyay munaasabadda ku adkeeyay in la daryeelo dadkeenna, lana ilaaliyo xuquuqdooda.

Waxaan soo dhoweynaynaa oo taageeraynaa hannaanka dib-u-habaynta iyo nidaaminta dhulka. Sidoo kale, waxaan dalbanaynaa in tallaabo sharci ah laga qaado xafiisyada nootaayada iyo shaqsiyaadka ku lugta leh been-abuurka iyo musuqmaasuqa la xiriira dhulka. Qof kasta oo ku lug yeesha falalkaas waa in lala xisaabtamaa, sharcigana la horgeeyaa.

Waxaan sidoo kale ku baaqaynaa in la sameeyo qiimeyn dhab ah oo ku saabsan xaaladda carruurta agoonta ah, carruurta waddooyinka ku nool iyo dhammaan dadka nugul ee bulshada.

Waxaa muhiim ah in la helo qorshe iyo adeegyo lagu daryeelayo dadkaas, lana siiyo badbaado, waxbarasho, hoy iyo fursado ay ku dhistaan mustaqbal wanaagsan.

Fannaaniinta Shadiyo Sharaf iyo Cabdiftah Yare oo Dib U MidoobayMuqdisho Fannaaniinta Soomaaliyeed ee Marwo Shadiyo Sha...
24/08/2026

Fannaaniinta Shadiyo Sharaf iyo Cabdiftah Yare oo Dib U Midoobay

Muqdisho Fannaaniinta Soomaaliyeed ee Marwo Shadiyo Sharaf iyo Cabdiftah Yare ayaa dib ugu midoobay qoyskooda kadib muddo ay kala maqnaayeen.

Labadan fanaan ayaa ah lamaane muddo wada noolaa, carruurna ay isku dhaleen, balse duruufo nololeed iyo waqtiyo adag ayaa kala fogeeyay.

Kadib bilo ay kala maqnaayeen, labada fanaan ayaa toddobaadkan dib u heshiiyay, iyagoo mar kale dib ugu soo laabtay noloshoodii qoys iyo wada-jirkoodii.

Cabdiftah Yare ayaa muujiyay farxadda uu ka qabo dib-u-mideynta qoyskiisa, waxaana uu xaaskiisa Shadiyo Sharaf ugu deeqay gaari qaali ah oo cusub, taas oo noqotay hadiyad uu ugu muujinayo jacaylkiisa iyo farxadda uu ka qabo dib-u-heshiisiintooda.

Shadiyo Sharaf oo si weyn ugu faraxday hadiyadda ayaa si qiiro leh uga guddoontay, iyadoo ilmadu ka soo daadatay indhaheeda xilli ay muujinaysay farxad iyo dareen xooggan.

Dib-u-mideynta labada fanaan ayaa farxad gelisay taageerayaashooda iyo dadka jecel midnimada qoyska. Waxay sidoo kale fariin u tahay in khilaafaadka qoyska lagu xallin karo isfaham, cafis iyo dib-u-heshiisiin.

Qoyskan oo mar kale isu yimid ayaa maanta u muuqda mid bog cusub ka furay noloshooda, iyadoo taageerayaashu ay u rajeynayaan nolol qoys oo deggen, farxad leh iyo mustaqbal wanaagsan.

UNHCR Oo Gaadiid Ku WareejisayGarowe/Hargeysa Hay’adda Qaramada Midoobay u qaabilsan Qaxootiga (UNHCR) ayaa xoojisay ta...
24/08/2026

UNHCR Oo Gaadiid Ku Wareejisay

Garowe/Hargeysa Hay’adda Qaramada Midoobay u qaabilsan Qaxootiga (UNHCR) ayaa xoojisay taageerada ay siiso hay’adaha dowladda, iyadoo laba gaari ku wareejisay Wasaaradda Arrimaha Gudaha ee Garowe, halka gaari ambalaas ah iyo Land Cruiser lagu wareejiyay Hargeysa Group Hospital.

Tallaabooyinkan ayaa qeyb ka ah dadaallada UNHCR ay ku taageerayso awoodda hay’adaha dowladda iyo adeegyada muhiimka ah ee loo fidiyo qaxootiga, magangelyo-doonka, dadka gudaha ku barakacay, dadka dalka dib ugu soo laabanaya iyo bulshooyinka martida loo yahay.

Laba gaari oo lagu wareejiyay Wasaaradda Arrimaha Gudaha ee Garowe ayaa lagu taageerayaa isku-duwidda hawlaha iyo gaarsiinta adeegyada la xiriira ilaalinta iyo xaaladaha barakaca. Gawaaridan ayaa sidoo kale xoojinaya jawaabaha ay dowladdu hoggaaminayso ee loogu adeegayo dadka barakacay iyo bulshada martida loo yahay.

Dhanka kale, ambalaaska iyo Land Cruiser-ka lagu wareejiyay Hargeysa Group Hospital ayaa lagu xoojinayaa adeegyada caafimaad ee dowladda iyo awoodda gudbinta bukaannada xaaladaha degdegga ah. Gaadiidkan ayaa fududeyn doona in dadka u baahan daryeel caafimaad ay si dhakhso leh oo ammaan ah u helaan adeegyada caafimaad ee waqtigooda ku habboon.

Taageeradan ayaa si gaar ah muhiim ugu ah qaxootiga, magangelyo-doonka, dadka soo laabanaya, dadka kale ee sida khasabka ah ku barakacay iyo bulshooyinka martida loo yahay, kuwaas oo u baahan adeegyo ilaalin iyo caafimaad oo la heli karo.

UNHCR ayaa sheegtay in taageeradan ay ka tarjumayso sida ay uga go’an tahay xoojinta awoodda dowladda iyo taageeridda adeegyo dadweyne oo loo dhan yahay, la heli karo, isla markaana waara.

Iskaashiga hay’adaha dowladda iyo UNHCR ayaa muhiim u ah in la dhiso nidaamyo awood u leh inay si hufan uga jawaabaan baahiyaha dadka ay saameeyeen barakaca, iyadoo la xoojinayo adeegyada caafimaadka, ilaalinta iyo taageerada bulshada.

waajibaadka iyo wada shaqaynta Golaha Shacabka BJFS Xil. Faiso Jeeyte waxaana aaminsanahay in Xildhibaanku uu dhex-dhexa...
24/08/2026

waajibaadka iyo wada shaqaynta Golaha Shacabka BJFS

Xil. Faiso Jeeyte waxaana aaminsanahay in Xildhibaanku uu dhex-dhexaad u yahay labada garab ee Baarlamaanka mucaaradka iyo muxaafidka. Marka sharci la keeno, waa waajib in Xildhibaannadu si xor ah uga doodaan; qaar way taageeri karaan, qaarna way diidi karaan.

Taasi waa shaqada Baarlamaanka, mana aha in kala aragti duwanaanshaha siyaasadeed loo beddelo colaad ama lagu carqaladeeyo gudashada waajibaadka shaqo.

Waxaa muhiim ah in aan is weydiinno: ma jiraan dad diidan in dalka loo sameeyo sharciyo iyo nidaam lagu maamulo?

Mise waa kala aragti duwanaansho siyaasadeed oo caadi ah? Waa in aan fahamnaa waajibaadka shaqo, xeer-hoosaadka iyo habraacyada Golaha Shacabka.

Waxaan u mahadcelinayaa Guddoonka Golaha Shacabka sida uu u maamulayo kulamada iyo xiriirinta shaqada Xildhibaannada.

Sidoo kale, waxaan u mahadcelinayaa Xildhibaannada ka soo qaybgalaya fadhiyada iyo kuwa ka qayb qaadanaya doodaha furan.

Golaha Shacabku waa gole metela shacabka Soomaaliyeed oo dhan. Sidaas darteed, waa in aynaan Xildhibaannada u kala arkin muxaafid iyo mucaarad oo keliya, balse aan u aragno wakiillo shacabka matalaya.

Meesha cadowgu joogo ma aha gudaha Golaha Shacabka. Waxaa jira aragtiyo kala duwan, waana wax caadi ka ah nidaamka dimuqraadiyadeed.

Waxa loo baahan yahay waa wada-shaqayn, ixtiraam, dood furan iyo in khilaafka lagu xalliyo xeerarka iyo shuruucda dalka.

Baarlamaanku waa meel lagu kala aragti duwanaan karo, laakiin waa in ujeeddadu mar walba noqotaa danta shacabka iyo dhismaha dowladnimo ku dhisan sharci

Calan Cusub oo Lagu Arkay Magaalada MarkaWararka ka imaanaya Gobolka Shabeellaha Hoose ayaa sheegaya in calan cusub lagu...
23/08/2026

Calan Cusub oo Lagu Arkay Magaalada Marka

Wararka ka imaanaya Gobolka Shabeellaha Hoose ayaa sheegaya in calan cusub lagu taagay magaalada Marka, oo ah xarunta gobolka. Arrintan ayaa kusoo beegmeysa xilli gobolka uu ka jiro xaalad siyaasadeed iyo amni oo xasaasi ah, iyadoo ay socdaan dhaqdhaqaaqyo la xiriira maamulka, amniga iyo matalaadda bulshada deegaanka.

Muuqaallo lagu baahiyey baraha bulshada ayaa muujinaya dad shacab ah iyo kooxo hubeysan oo ku soo qulqulaya bartamaha magaalada Marka, iyadoo qaar ka mid ah dadka ay wataan calanka cusub. Muuqaalladaasi waxay abuureen hadal-heyn xooggan oo ku saabsan cidda ka dambeysa calanka iyo ujeeddada loo taagay.

Wararka la helayo ayaa sidoo kale sheegaya in calanka cusub lala xiriirinayo maamul goboleed cusub oo ay dad deegaanka qaarkood sheegeen inay dhisayaan. Warbixin dhowaan soo baxday ayaa tilmaamaysa in kooxo iyo hoggaamiyeyaal deegaanka ah ay bilaabeen abaabul ay ku doonayaan in la sameeyo maamul loogu magac daray “Koonfur Bari”, kaas oo ay sheegayaan inuu doonayo inuu matalo danaha bulshada iyo maamulka Gobolka Shabeellaha Hoose.

Dhaqdhaqaaqan ayaa xasaasi ka dhigaya xaaladda Gobolka Shabeellaha Hoose, maadaama gobolka uu yahay deegaan istiraatiiji ah oo isku xira Muqdisho iyo koonfurta Soomaaliya, isla markaana ay muddo ka jireen khilaafaadyo siyaasadeed, amni iyo kuwo bulsho. Magaalada Marka ayaa h**ey u martay colaado iyo isku dhacyo u dhexeeyay kooxo iyo beelo kala duwan, taas oo ka dhigaysa in dhacdo kasta oo cusub si gaar ah loo ilaaliyo.

Dhanka amniga, Gobolka Shabeellaha Hoose waxaa weli ka jira dhaqdhaqaaqyo ciidan iyo howlgallo ka dhan ah Al-Shabaab. AUSSOM ayaa h**ey u xaqiijisay in maamulka degmada Marka iyo mas'uuliyiinta gobolka ay la shaqeynayaan ciidamada amniga iyo ciidamada AUSSOM si loo xoojiyo amniga deegaanka.

Sida muuqata, calanka cusub iyo isu-soo-baxa dadka iyo kooxaha hubeysan ee lagu arkay muuqaalada baraha bulshada waxay noqon karaan calaamad muujinaysa dhaqdhaqaaq siyaasadeed oo cusub oo ka socda gobolka. Hase yeeshee, weli waxaa muhiim ah in si madax-bannaan loo xaqiijiyo magaca rasmiga ah ee maamulka, cidda hoggaamineysa, deegaanka uu sheeganayo inuu maamulo iyo haddii uu jiro heshiis ama aqoonsi rasmi ah oo ka yimid dowladda Federaalka ama dowlad-goboleedka Koonfur Galbeed.

Wararka noocan ah waxay u baahan yihiin taxaddar gaar ah, gaar ahaan marka ay ku saabsan yihiin maamul cusub, calan cusub iyo kooxo hubeysan, maadaama wararka aan la xaqiijin ay sababi karaan cabsi, xiisad iyo jahawareer bulshada dhexdeeda ah.

Waxaa sidaas darteed muhiim ah in dowladda Federaalka, maamulka Koonfur Galbeed iyo hoggaamiyeyaasha bulshada deegaanka ay si cad uga hadlaan xaaladda Marka, isla markaana shacabka loo sheego waxa dhabta ah ee ka socda magaalada iyo waxa uu yahay macnaha calanka cusub ee la arkay.

Xogta hadda la heli karo waxay xaqiijinaysaa jiritaanka abaabul siyaasadeed oo ku saabsan fikradda maamulka “Koonfur Bari”, balse ma helin ilo rasmi ah oo xaqiijinaya in maamul cusub si rasmi ah looga dhawaaqay magaalada Marka ama in calanka muuqaalada lagu arkayo uu yahay calanka rasmiga ah ee maamul la aqoonsan yahay.

Barakac iyo xiisad ka dhalatay burburinta guryaha Xaafadda TookiyoQaar ka mid ah xaafadaha Muqdisho waxaa ka bilowday ba...
23/08/2026

Barakac iyo xiisad ka dhalatay burburinta guryaha Xaafadda Tookiyo

Qaar ka mid ah xaafadaha Muqdisho waxaa ka bilowday barakac cusub, iyadoo xaalad kacsanaan ah ay maanta ka taagan tahay Xaafadda Tookiyo ee degmada Yaaqshiid. Wararka deegaanka ayaa sheegaya in ciidamada dowladda oo wata gaadiidka burburinta ay howlgal ka bilaabeen deegaanka, taas oo dhalisay cabsi iyo mudaharaad ay sameeyeen dadka deggan xaafadda. Dadka deegaanka ayaa sheegay in howlgalka uu bilaabmay iyadoo aysan jirin digniin ku filan, waxaana isku dhac dhex maray ciidamada iyo shacabka. Wararka la xaqiijiyay waxay sheegayaan in ku dhawaad 10 qof ay dhaawacmeen, inkastoo tirada rasmiga ah ee dhimashada iyo dhaawaca aan weli si madax-bannaan loo xaqiijin.

Xaaladda ayaa sii xumaatay markii dadka deegaanka ay ka hor yimaadeen qorshaha lagu burburinayo guryahooda. Muuqaallo baraha bulshada lagu faafiyay ayaa muujinaya dad dhaawac ah iyo ciidamo ku sugan goobta, waxaana sidoo kale jira eedeymo ku saabsan adeegsiga rasaas iyo hub culus. Eedeymahaas iyo tirada khasaaraha weli waxay u baahan yihiin xaqiijin rasmi ah oo madax-bannaan.

Dhacdadan ayaa qayb ka ah muranka sii xoogeysanaya ee ku saabsan dhulka, guryaha iyo barakicinta dadka rayidka ah ee Muqdisho. Dowladda ayaa guud ahaan sheegtay in tallaabooyinka noocan ah ay la xiriiraan soo celinta dhul ay dowladdu u aragto dhul danta guud ah iyo qorsheynta kaabayaasha sida waddooyinka iyo adeegyada magaalada. Dhanka kale, dadka deegaanka waxay dalbanayaan in aan guryahooda la burburin ilaa laga helo hannaan sharci ah, ogeysiis ku filan, xal dib-u-dejin ah iyo magdhow ama xal kale oo cadaalad ah.

Muranka dhulka ayaa noqday arrin xasaasi ah oo u baahan xal sharci iyo wadahadal. Golaha Culimada Soomaaliyeed ayaa dhawaan ugu baaqay dowladda inay joojiso tallaabo kasta oo lagu qaadayo hantida shacabka iyadoo aan la marin hannaan caddaalad ah oo sharci iyo garsoor, isla markaana ay si madax-bannaan u baarto cabashooyinka la xiriira burburinta iyo barakicinta.

Waxaa muhiim ah in dowladda iyo maamulka Gobolka Banaadir ay mudnaanta siiyaan badbaadada shacabka, ilaalinta xuquuqda hantida, ka hortagga barakaca qasabka ah iyo xal nabadeed oo waara. Horumarinta waddooyinka, nidaaminta degsiimooyinka iyo dib-u-qorsheynta magaalada waa muhiim, balse waa in lagu fuliyaa hannaan sharci ah, daahfuran oo dadka deegaanka laga qaybgeliyo, iyadoo aan carruur, haween, dadka naafada ah iyo qoysaska danyarta ah lagu riixin barakac iyo xaalad bani’aadannimo oo cusub.

Xaaladda Nafaqo-darrada Carruurta SoomaaliyaHay’adda UNICEF ayaa ka digtay in xaaladda nafaqo-darrada carruurta Soomaali...
23/08/2026

Xaaladda Nafaqo-darrada Carruurta Soomaaliya

Hay’adda UNICEF ayaa ka digtay in xaaladda nafaqo-darrada carruurta Soomaaliya ay sii xumaaneyso, iyadoo 205 xarumood oo caafimaad iyo nafaqeyn ah ay durba xirmeen sababo la xiriira hoos u dhaca maalgelinta gargaarka bani’aadannimo. Haddii xaaladdu sii socoto, waxaa la sheegay in ilaa 618 xarumood ay halis ugu jiraan inay xirmaan.

Xiritaanka xarumahan wuxuu si toos ah u saameynayaa carruurta u baahan daaweyn iyo adeegyo nafaqeyn. UNICEF waxay sheegtay in lixdii bilood ee ugu horreeyay 2026 tirada carruurta loo dhigo xarumaha lagu daweeyo nafaqo-darrada daran ay 32% kor u kacday marka loo eego isla muddadii 2025. Sannadkan waxaa la saadaalinayaa in ku dhowaad 1.9 milyan oo carruur ah ay la kulmi doonaan nafaqo-darro, iyadoo ku dhowaad nus milyan ay qabaan nafaqo-darro daran oo u baahan daaweyn degdeg ah.

Dhibaatadan waxaa sii xumeeyay hoos u dhaca maalgelinta gargaarka caalamiga ah, abaaraha, colaadaha, barakaca iyo kororka qiimaha cuntada. UNICEF waxay sheegtay in waxa hadda ka maqan aysan ahayn barnaamijyada iyo khibradda, balse ay tahay maalgelin ku filan oo lagu sii wado adeegyada caafimaadka iyo nafaqada.

Xaaladdu waxay u baahan tahay in dowladda Soomaaliya, hay’adaha Qaramada Midoobay, deeq-bixiyeyaasha iyo hay’adaha samafalka ay si degdeg ah uga shaqeeyaan dib-u-furista xarumaha xirmay, kordhinta maalgelinta nafaqada iyo caafimaadka, iyo hubinta in carruurta ugu nugul ay helaan adeegyo badbaado iyo daaweyn waqtigeeda ah. Carruurta Soomaaliya ma awoodaan inay sugaan inta xaaladdu ka sii darayso.

Address

Mogadishu

Telephone

+252616572528

Website

Alerts

Be the first to know and let us send you an email when Somalionlinemedia posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Somalionlinemedia:

Shortcuts

Share

Category