Rejo Sports Tv

21/05/2026

Koobkii kubadda cagta 𝐀𝐥-𝐇𝐮𝐝𝐚 𝐌𝐨𝐝𝐞𝐥 𝐂𝐮𝐩 oo lagu soo gabagabeeyey degmada Dharkiinleey.

20/05/2026

SAWIRRO: Tartanka kubada cagta ee AL-HUDA MODEL P.S.S ee sanad dugsiyeedka 2025-2026.

Waxaa maanta si rasmi ah usoo gabagaboobay tartanka kubadda cagta ee AL-HUDA MODEL P.S.S ee sanad dugsiyeedka 2025-2026, kaasi oo loo qabtay fasalada schoolka, waxaana tartankaan uu ahaa sanadkii 9aad ee uu schoolka qabto.

Kulanka k**a dambaysta ahayd ee tartanka ayaa qeybtiisa 1aad galabta dhex maray fasallada 8-aadka iyo 6-aadka, waxaana guusha raacday fasalka 6-aad oo ku adkaaday 10-2.

Sidoo kale Dhanka dugsiga sare, waxaa final-ka wada ciyaaray fasallada F4 iyo F2, waxaana guushu raacday fasalka F4 uu koobka ku qaaday 3-2.

Gabagabada xiritaanka tartanka ayaa waxaa hadalo dhiirigelin ah ka jeediyay Guddoomiyaha Sports ka Al-Huda Model iyo ku xigeenkiisa Nuur Xasan Aadam iyo sidoo kale Maamulke Iskuulka Alhuda oo ugu h**eeyo Ibraahim Omar Shiine iyo Guddoomiyaha Sports Degmadda Dharkenley Mohamed Abdullahi Ali (Diyeeshe).

19/05/2026

Arsenal ayaa ku guuleysatay horyaalka Premier League markeedii ugu horreysay muddo 22 sanno ah.

Gunners ayaa xaqiijisay hanashada horyaalka caawa markii ugu horreysay tan iyo 2004-tii markaas oo kooxdii tababare Arsene Wenger ay horyaalka qaadday iyadoo aan hal kulan laga adkaanin.

Tani waxay dhacday markii ay Manchester City barbardhac 1-1 ah la gashay kooxda AFC Bournemouth ciyaarteedii caawa oo ay u baahneyd seddax dhibcood, si ay loollanka EPL usii wadaan illaa ciyaarta ugu dambeysa xilli ciyaareedka.

Hambalyo taageereyaasha Arsenal ee ku xiran bartaan Rejo Sports Tv

16/05/2026

Chelsea vs Man City: Wax walba oo aad uga baahan tahay finalka FA Cup-ka.

12/05/2026

𝐓𝐚𝐛𝐚𝐛𝐚𝐫𝐚𝐡𝐚 𝐤𝐨𝐨𝐱𝐝𝐚 𝐁𝐚𝐫𝐜𝐞𝐥𝐨𝐧𝐚 𝐇𝐚𝐧𝐬𝐢 𝐅𝐥𝐢𝐜𝐤 𝐚𝐲𝐚𝐚 𝐪𝐚𝐧𝐝𝐚𝐫𝐚𝐚𝐬 𝐜𝐮𝐬𝐮𝐛 𝐮 𝐬𝐚𝐱𝐢𝐢𝐱𝐚𝐲 𝐤𝐨𝐨𝐱𝐝𝐢𝐢𝐬𝐚.

Hansi Flick ayaa haatan kooxda ka dhisan Camp Nou sii joogi doona illaa sannadka 2028-ka, sida ay xogtaan ku baahiyeen shabakadaha Mundo Deportivo iyo Cadena SER oo labaduba ka soo baxa magaalada Barcelona.

Qandaraaska cusub ee uu saxiixay Blaugrana wuxuu ku egyahay 30-ka bisha June sannadka 2028-ka.

Guddoonka kooxdaan Barcelona oo uu hogaaminayo Joan Laporta ayaa codka kalsoonida siiyey macallinka Jarmalka u dhashay, oo tan iyo markii uu kooxda yimid u qaaday laba horyaal oo La Liga ah. Isla markaana horyaalkiisii seddaxaad xaqiijiyey ka dib guushii ay kooxdiisu ka gaartay Real Madrid ciyaartii El Clasico ee Axaddii.

09/05/2026

Cole Palmer ayaa lagu soo waramayaa in laga yaabo inuu ku fikiro ka tegidda kooxda Chelsea dhammaadka xilli ciyaareedkaan, inkastoo Blues ay ku adkeysaneyso in uusan iib aheyn xiddigaani.

Ilo ku dhow maamulka Chelsea ayaa u sheegay Daily Mail in kooxdu ay diyaar u tahay inay xoojiso safkeeda xagaagaan marka uu suuqu furmo, laakiin ma jirto sabab ay ugu baahan tahay inay iibiso ciyaartoyda magaca leh dhammaadka xilli ciyaareedkaan.

Chelsea haddii aysan usoo bixin koobabka Yurub xilli ciyaareedka soo aadan, dhib ayey ku noqon doontaa inay sii heysato ciyaartoyda waa weyn sida Cole Palmer, kaas oo ay xiiso xooggan u muujineyso naadiga Manchester United oo xaqiijisay booskeeda koobka UEFA Champions League ee xilli ciyaareedka soo aadan.

Rejo Sports Tv

03/05/2026

𝐊𝐔 𝐆𝐔𝐔𝐋𝐄𝐘𝐒𝐎 $𝟐𝟎 𝐃𝐎𝐋𝐋𝐀𝐑: Haddii aad saadaal sax ah ka bixiso ciyaarta galabta Manchester United ay ku soo dhoweyneyso garoonkeeda Old Trafford kooxda Liverpool, waxaan kugu abaalmarin doonaa $20 dollar.

Waa kulankii 244aad ee kooxahaan dhexmara taariikhda, 92 kulan Man United ayaa badisay, 82 kulan Liverpool ayaa badisay, 71 kulan barbardhac ayey galeen.

Haddaba ku guuleyso haddiyaddaan oo saadaali kulankaan.

𝐒𝐡𝐮𝐫𝐮𝐮𝐝𝐚𝐡𝐚: Like saar qoraalkaan, comment qoraal sax ah ku qoran ka dhiibo, share ku dheh profile-kaaga Facebook.

NASIIB WACAN.

Rejo Sports Tv

03/05/2026

03/05/2026

𝐘𝐀𝐀 𝐊𝐔 𝐆𝐔𝐔𝐋𝐄𝐘𝐒𝐀𝐍 𝐃𝐎𝐎𝐍𝐀 𝐇𝐎𝐑𝐘𝐀𝐀𝐋𝐊𝐀 𝐈𝐍𝐆𝐈𝐑𝐈𝐈𝐒𝐊𝐀? Xilli ciyaareedka horyaalka ugu xiisaha iyo xamaasadda badan caalamka ee Premier League ayaa gabagabo ah, iyadoo Arsenal oo leh 76 dhibcood ay 6 dhibcood oo nadiif ah uga hogaamineyso kooxda kaalinta labaad ee Manchester City, taas oo laba kulan ay baaqi u yihiin.

Arsenal waxay ciyaartay 35 kulan halka Man City ay ciyaartay 33 kulan. Hase yeeshee, laba ciyaaryahan oo h**e hadda fallanqeeya kubadda cagta Paul Merson iyo Jamie Redknapp ayaa labaduba ku taageeray Arsenal inay 22 sanno hanan karto horyaalka EPL ka dib guushii 3-0 aheyd ee ay ka gaartay Fulham.

Xiddigii h**e ee Arsenal Merson ayaa yiri: “Haddii ay Arsenal badiso seddaxda kulan ee soo aadan ee Premier League-ga, hubanti waxaa ah inay Man City horyaalka waayi doonto.”

Redknapp ayaase aaminsan in Arsenal kulankeeda xigga ee ay u safreyso West Ham United uu noqon doono kulanka ay tallaabada dhabta ah u qaadi doonto hanashada horyaalka EPL haddii ay badiso. Sidoo kalena ay ciyaarta Burnley oo heerka labaad u laabatay ay ku goolal badsadaan.

“Kulanka West Ham ayaa tijaabo dhab ah u noqon doona fursadda Arsenal ee hanashada horyaalka. Halka ciyaarta Burnley ee gurigooda aan u arko kulankii goolal badsiga.” ayuu yiri Redknapp.

Arsenal haddii ay badiso dhammaan kulamada u haray, sidoo kalena ay City badiso dhammaan kulamadeeda u haray, waxay u badan tahay inay Gunners horyaalka ku qaadi doonto farqiga goolasha maadaama labada kooxood ay isku dhibco ku dhammeysan doonaan.

Adiguna aragtidaada nala wadaag.

Ahmed Jaangoan