08/09/2025
NAFTEYDA NAFTII FAHMAYSAY
Waxaan ahaa caawiyaha dukaan ay hooyo ku laheyd suuqa, marka laga soo tago in aan ahaa curadda reerka dhanka gabdhaha, waxaan marwalba jeclaa in aan noqdo awoodda koowaad iyo kaabaha labaad ee qoyska. Marka aan sii galayo suuqa waxaan sii mari jiray harqaan afaafka h**e ku yaal, waxaana dhowr erey oo kaftan iyo salaan ah is dhaafsan jirnay dhallin aan halkaa isku barannay, dharkana ka tolan jiray.
Rag damac lagama waayo, dumarna is diidsiine waxaa marwalba ii soo dhici jiray fariin bariidin, salaan iyo ereyo lasoo xulay ah. Waxaan sawiranaayay in uu yahay qof igu ciyaaraya, waxey muddo sidaa ahaataba wiilkii ka xishoonaayay in uu i hor imaado ugu dambayn waa uu soo bareeray, dhab ahaan isma laheyn oo lama-filaan bey igu aheyd. Wiilka waxa uu ahaa ninka kaliya ee aanan maqli jirin hadalkiisa oo aan xitaa sheekada kusoo darsoomi jirin, waxa aan marmar dhifa arki jiray isaga oo wax tolaya ama idaacad dhageysanaya. Maalmaha qaar een keligii meesha ku maro ayuu si dabacsan iiga qaadi jiray salaanta. Waan jeclaa sifaadkiisa oo ay ugu horreeyaan; degganida, afgaabnida, dhoolla caddeynta iyo sida uu weji furan kuugu qaabilayo. Markii uu i horyimad k**a maleysan se, waan u riyaaqay.
Halkaa ayuu ka billaabmay xiriirkeennii qotada dheeraa, waxaan xasuustaa in uu iiga imaan jiray masaafo fog, waxaana dhici jirtay in uu aad u daahi jiray oo aan ka baryi jiray hoyo ma dhawo xaafaddee. Waxaa xusid mudan in uu reerka dhan bartay oo uu mid mid u salaami jiray, waxaan niyaddeyda ka go'eyn sida uu hooyo isku jecleysiiyay iina waydiin jirtay marwalba. Ma aheyn dadka jecel ku hadalka taleefanka, balse saacadaha uu ila joogi jiray ayaa iiga filnaa wicitaanka marwalba.
Waxa uu lahaa caado wanaagsan oo ah in uu seddex fariin oo joogto ah ii soo diro seddexda galin, xisaab malaheyn fariimaha kale oo isugu jira ammaanta, dhiirragalinta, qalad saxa iyo sarreysiinta. Waxaan xasuustaa in marwalba i dhihi jiray xijaabkaaga wado, maryo kugu dhagan ha qaadan, quruxda jirkaaga yeysan cidkasta bilaash ku daawan, waalidka baari u ahoow, waxbarashada ku dedaal, midabkaaga ilaali, naftaada ii daryeel oo waligaa ha is dayicin gacaliso. Waxa uu ahaa wiilkii ugu horreeyay ee i haddiyeeyo faraanti, jijin iyo saacad.
Markii aan ku iraa maxaa sidaa dhan igu eegaysaa waxa uu dhihi jiray" Waxaan rabaa in aan indhaha kugu koriyo." Sidoo kale waxa uu oran jiray " Xubbi waayahan waad cashiyee caano Koostada maad badsatay.?" Aadbuu u ereyo macaanaa, waxaana oran karaa sabab ayuu u ahaa in aan barto xullidda ereyada qaar iyo hagaajinta xiriirka. Waxa uu igu oran jray waxaan rabaa in ii dhasho gabar kuu eg, aadbuuna u gabdho jeclaa. Innaga oo xiriirkeenu qiimahaas lahaa una qalabaysannay guur iyo in aan garab isku noqonno ayuu aabbihii geeriyooday Alle u naxariistee. Malaha naxdintii ayuu cararay, muddo ayaan waysanaa maqal iyo muuqaal toona, waxa uuna ugu dambeyn igala soo hadlay Neyroobi. Waayo aan hawada isku waraysannay dabadeed waxa uu u tahriibay Yurub, Alle waa badbaadiyay waa uuna nabad tagay. Is cafinnay oo inta uu jidka kusii jirayba waan isu duceynay.
Waan jeclaa in uu calaf Eebbe iigu daro, waxaan mararka qaar ka qoomameeyaa sida aan qaladaadka uga gali jiray ee uu iigu dulqaadan jiray, sida aan uga ilmeysiin jiray ee uu ii oran jiray ma rabo in aan waxyar isku wayno. Waxaad aheyd nasiibkeygii wacnaa ee aan mar nolosha kula kulmay. Run ahaantii waxaana abaal uga hayaa in uu maanta qeyb ka yahay dadkii soo saaray qofnimadeyda saxda ah ee aan u tiirinayo dhaqan wanaaggeyga.
Waa waxa ugu yare waan ku soo haasaawe bartay waxa uuna i soo siiyay jacayl iyo ilaalin sharaftooda, qiimihiisana qalin kuma koobi karo.
Waxaanan ilaawi karin in aan xaalado ada uga soo baxay xiriirkaaga oo aan agtaada ka helay uga bogsaday dhaawicii ugubka ahaa ee aan xilliggaa dabaalanayay. Waxaad i dhihi jirtay samir in yar waad iska ilaawi doontaa, aniga fursad i sii oo iga dhigo saaxiibka kui dhaw, waa ballan kuma dhibi doona. Waad kasoo baxday waajibkaagii waana kuu ogsoonahay wannaaggaas tira badan.❣❣
Waan ku faraxsanhay in aan ka mid noqday gabadhihii nasiibka u yeeshay in ay kula haasaawaan. Alle hakaa abaal mariyo sida aad waxkasta iigu qurxisay una ilaalisay sharafkeyga, waan xasuustaa in aad i oran jirtay sharafkaaga ku dhimo, haddii uu nin lala haasaawo abaal lee yahayna adiga ayaa iigu abaal iyo mudnaan badnaa. (CAAQIL). Waxaan kuu rejeynayaa nolol wanaagsan iyo gabar ku daryeesha, haddii aad heshayna Alle hakuu barakeeyo.
Calafkeyga doqonkaa sow iima kaa diidin.😭
Lama-filaan
