04/04/2025
Noloshu waa safar aan la saadaalin karin, mid mararka qaar iftiimaya oo mararka kale mugdi ah. Waxa aan taaganahay hareeraha badda, anigoo eegaya mawjadaha aan kala joogsan, waxayna i xasuusinayaan in waqtigu socdo, xilli kastana uu wato casharro cusub.
Waxaan ahay nin dhalinyaro ah, riyadiisu ay weyntahay, waxaan is weydiiyay xilligaas su'aalo badan oo ka ka guuxayay maskaxdayda. Xaggee ayaan u socdaa? Maxaan mustaqbalka ii qorshe ah? Ma jidkii saxda ahaa ayaan ku taaganahay? Biyaha badda waxay i tusayaan in aysan deganaan jirin, laakiin taasi micnaheedu maaha in aysan lahayn jihada ay u socdaan.
Sidaas oo kale, noloshaydu waa socod aan joogsan, xitaa marka aan u muuqdo mid istaagay. Maanta, waxaan taaganahay anigoo fakaraya, laakiin berriโฆ waan dhaqaaqi doonaa. Waxa aan rajo ka qabaa in safarkeygu uu igu geeyo meel aan ku gaaro himilooyinkeyga, meel aan ku iftiimiyo nolosha dadka kale, meel aan dareemo in aan xaqiijiyay ujeeddadii aan ku rajo weynaa .
Waan fakarayaa, laakiin ma istaagayo... Waan riyoonayaa, laakiin sidoo kale waan shaqeynayaa. Waqtigu wuu socdaa, aniguna waxaan diyaar u ahay inaan horay u socodo."
Allah ayaan talo saartay waxaana weydiistay aduun Iyo aakhiraba guul .,akhristaha qormadaan sidoo kale ayaan kuu rajyanaa mahadsanid.
Jimca wanagsan dhamaantiin
Mudalib Murtiile
