27/10/2025
Elon Musk ayaa sheegay in telefoonadu dabar go’i doonaan — Neuralink ayaa noqon doonta mustaqbalka
Elon Musk ayaa mar kale kiciyey dood caalami ah kadib markii uu saadaaliyey in telefoonadu dhowaan meesha ka bixi doonaan, waxaana gabi ahaanba beddeli doona tignoolajiyada uu sameeyey ee **Neuralink**, taas oo isku xiraysa maskaxda iyo kombuyuutarka.
Sida uu sheegay Musk, mustaqbalka isgaarsiintu kuma xirnaan doonto shaashado ama qalab gacanta lagu hayo, balse dadka ayaa si toos ah iskula xiriiri doona iyagoo adeegsanaya fikirradooda, iyagoo maskaxdooda la gelinayo chip-ka Neuralink si ay internet-ka u galaan, fariimo u diraan, ama xitaa u xakameeyaan mashiinada iyagoo kaliya fakaraya.
Fikradda ka dambeysa Neuralink waa in la isku daro bani’aadamka iyo sirdoonka macmalka ah (AI), taasoo u oggolaanaysa maskaxda bini’aadamka inay si toos ah ula shaqeyso nidaamyada dijitaalka ah. Inkastoo tignoolajiyaddu weli tahay mid cusub oo tijaabooyin bini’aadan ah ay hadda bilaabmeen, Musk wuxuu sawirayaa adduun aan u baahnayn taleefanno, kiiboodhyo, ama kaaliye cod ah, maadaama xiriirka u dhexeeya maskaxda iyo mashiinka uu noqon doono mid degdeg ah oo toos ah.
Haddii ay dhabowdo, Neuralink waxay si weyn u beddeli kartaa habka isgaarsiinta, tignoolajiyada, iyo xitaa horumarka aadanaha, iyadoo meesha ka saaraysa xadka u dhexeeya noolaha iyo sirdoonka macmalka ah.
