https://zoolinformation.blogspot.com/?m=1

ادم عبدالله-Adam Abdullah, Juba (2025)

05/07/2025

بعض العملات البديلة زي $SUI و $PEPE
بتتحرك شوية… بس لسه الموجة الكبيرة ما جات 🌊

05/07/2025

السوق اليوم ما فيهو جديد كبير، بس برضو في حركات تستحق المتابعة 🧐

🔹 البيتكوين واقف حوالي 108 ألف، بيحاول يكسر فوق لكن واضح في مقاومة.
🔹 الإيثيريوم ماسك في 2,500 كده، ما في صعود كبير لكن الوضع ما بطال.
🔹 العملات التانية زي SUI وPEPE فيها شوية نشاط، بس لسه ما واضح الاتجاه.

بصراحة السوق كأنو مستني خبر كبير أو دفعة من المؤسسات عشان يتحرك.
يعني حالياً لا هو نازل جامد، ولا طاير لفوق... زي الزول الماحسم قرارو 😂

لو ناوي تدخل السوق، الأحسن تراقب شوية وتشوف الاتجاه الجاي.
ولو انت داخل أصلاً، خليك ماسك وقلبك قوي ❤️
#السودان #بتكوين

05/07/2025

🔥 قبل كل طلعة كبيرة للسوق نفس اللعبة تتكرر 🔥

2011 اختراق MT.Gox
2013 حظر من الصين
2022 سقوط FTX
2024 و2025؟ أخبار حروب وركود وتخويف شديد 😵

لكن النتيجة وحدة:
💥 الناس الضعيفة بتبيع
💎 الناس الفاهمة بتجمع

السوق دا ماشي على طلعة كبيرة
✋ خليك ثابت.. واصبر.. وخلّي أيدك تقيلة

#بيتكوين
#كريبتو

04/07/2025

ما بقيت أظهر زي زمان
الحاصل إني مشغول شديد بالشغل، ودوامي اليومين ديل ما مخليني ألقى فرصة أمسك الجوال ولا أدخل الفيس 🧠📴
لكن والله مشتاق ليكم شديد

04/07/2025

📌 تجربتي الحالية مع عملة SUI – دخول على مراحل وخطة واضحة 👇

السلام عليكم يا أهل الصفحة 😎
اليوم ح أشارك معاكم جزء من استثماري الحالي في عملة SUI
دخلت في الحدث الأول بمبلغ $1,360 تقريبًا واشتريت 476.6 عملة بسعر قريب من 2.85 💸

الخطة ماشة كالتالي:

✅ المرحلة الأولى: دخول مبدئي بالسعر الحالي (تم ✅)
✅ المرحلة الثانية: جاهزة لو السعر نزل أكتر، بشتري كمية إضافية
✅ المرحلة الثالثة: هي القطفة الكبيرة لو السعر كسر مناطق المقاومة 👊

🎯 هدفي النهائي في الصفقة دي هو منطقة 7 دولار إن شاء الله خلال شهر إلى شهرين لو السوق دعم الحركة، طبعًا ما مضمون 100% لكن المؤشرات الفنية والاهتمام بالعملة قاعدين يدعموا الاتجاه ده 💹

📌 مهم جداً: الكلام ده ما نصيحة استثمارية
أنا فقط بشرح خطتي وتجربتي، وكل زول لازم يدرس السوق ويعرف مخاطر الاستثمار قبل ما يدخل

🔁 الفكرة في الاستثمار ده إنه مبني على مراحل
ما بدخل بكل المبلغ مرة وحدة
كل مرحلة عندها سعرها وخطتها
والمخاطرة محسوبة على حسب الحركة اليومية 👀

لو قدرت تحقق الهدف؟ خير وبركة
ولو السوق لف عكس؟ برضو الخطة فيها تغطية للهبوط 🤝

📩 لو عندك سؤال عن SUI أو استراتيجيات الدخول على مراحل
اكتب لينا في التعليقات وكلنا نتناقش ونتعلم سوا 🙌

16/06/2025

📌 تجربتي مع صفقة SUI – والحقيقة المُرة في النِسَب 😅

السلام عليكم يا ناس ✋
في صفقة الأسبوع الفات دخلت مضاربة في عملة SUI على السبوت
مافي رافعة مالية ولا مغامرات زايدة
دخلت بـ 1,000 دولار
قسمت الدخول على مراحل
وطلعت بعد يومين بـ 2.65% ربح = 26.5 دولار 💵

طيب لو داخل بـ 100 دولار؟
ربحك ح يكون 2.65 دولار
ولو بـ 50 دولار؟
1.3 دولار بس 😬

📊 الخلاصة؟
النسبة وحدة – الإحساس بيها مختلف
ناس كتيرة بتفتكر الأرباح لازم تكون كبيرة
لكن التداول لعبة نِسَب مش لعبة أرقام
لو فهمت النسبة… فهمت السوق 👌

💬 للناس الداخلين بـ 20 – 30 دولار:
مافي شي غلط
لكن لو مستعجل على أرباح ضخمة
حتحبط بسرعة
ابدأ صغير
افهم السوق
واتطور تدريجياً 💡

📈 قارن النسبة دي مع راس المال:

رأس المال 2% ربح الربح بالدولار

50 دولار 2% 1 دولار
100 دولار 2% 2 دولار
1,000 دولار 2% 20 دولار
10,000 دولار 2% 200 دولار

📌 النقطة؟
الرأس مال الكبير بيفرق
لكن أهم شي تبدأ صح
واتعلم قبل تكبر شغلك ✍️

💣 أما الفيوتشر؟
أرباحه كبيرة
لكن خسائره بتمسح الحساب
و90% من الناس بتتغسل فيه
لو ما عندك خطة ووعي… أوعى تقرب 😤

لكن في السبوت؟
أنت المتحكم
مافي تصفية
مافي ضغط
أنت الملك 👑

🎯 نصيحتي:
ابدأ بسيط
افهم النِسَب
وابني شغلك بهدوء
قطعة قطعة… لحد ما الكيكة تكمل

#الكريبتو

10/06/2025

الإيثيريوم في زخم صاعد

مؤشرات اليوم بينت إنو ETH هو الأفضل أداءً بين العملات الرقمية ارتفع حوالي 7% ووصل لـ٢٦٦٥ دولار المستثمرين صاعدين على موجة الاستثمار في الصناديق المتداولة بالبورصة اللي دخلولها ETH بشدة

09/06/2025

أحلى تحايا ليكم يا أهلنا الطيبين
وكل سنة وانتو بألف خير بمناسبة عيد الأضحى المبارك
نسأل الله يتقبل مننا ومنكم صالح الأعمال ويعيدو علينا وعليكم بالصحة والعافية والفرحة
العيد دا فرصة حقيقية نقيف فيها مع نفسنا نراجع حساباتنا نصلح أخطاءنا ونعيد ترتيب خطواتنا من جديد
ربنا يفرح قلوبكم ويبارك في أيامكم ويجعلو عيد خير وبركة وسلام على كل أهل السودان وعلى الأمة الإسلامية كلها

طيب لو رجعنا ورا شوية كدا للأسابيع الفاتت
كنا اتكلمنا في منشور واضح إنو البيتكوين وقتها كان لامس أعلى قمة ليهو وقلنا الكلام دا طبيعي جداً
مافي حاجة بتطلع طوالي وبتقيف لازم يكون في تصحيح وتهدئة وده الحاصل هسي

حالياً البيتكوين بيتداول في منطقة ما بين ١٠٣ ألف لـ ١٠٦ ألف دولار
ودي منطقة كويسة جداً خصوصاً لو قارناها بقبل كم شهر
وده بيدل إنو السوق لسه فيه فرص ولسه في حركات جاية

أما بالنسبة لي أمريكا وتنظيماتها
كنا قلنا من قبل إنو أمريكا ماشة في اتجاه تنظّم المجال بدل ما تحاربو
وده البقينا شايفنو حاصل هسي الحمد لله الأمور ماشه بنفس النسق
الكونغرس بيجهز قوانين جديدة ممكن تغيّر شكل السوق وتفتح الباب لفرص أكبر للمستثمرين

وبرضو بريطانيا
كنا اتكلمنا إنو ناويين يضعوا قوانين تخلي بعض الناس يقدروا يتعاملو مع الكريبتو بأمان وقانونية
وهسي فعلاً حصلت خطوة كبيرة
رفعوا الحظر عن التداول في أدوات استثمارية مرتبطة بالبيتكوين والاثيريوم
لكن طبعاً لناس محددين عندهم تجارب واستثمارات سابقة يعني ما أي زول

دي كلها مؤشرات بتقول إنو العالم قاعد يتحرك تجاه الاعتراف بالكريبتو وتنظيمو
ومع مرور الزمن الحاجات دي حتكون طبيعية زي البنوك والتحويلات

فـ لو إنت واحد من الناس اللسه مترددين أو مستنيين الوقت المناسب
الوقت ما بجي ساي
إنت البتتحرك وتشوف فرصك وين

شاركنا رأيك
هل شايف إنو المجال دا فعلاً حيتنظم ويكون آمن ولا شايف لسه في مشاكل؟

#الكريبتو

04/06/2025

الناس الفاكرين الزكاء الاصطناعي ده لعب؟ 😅

والله في سودانيين كتار شايفين الزكاء الاصطناعي (AI) ده كأنه بس برنامج بكتب ليك كلام أو بعمل صورة ساي… لكن خلونا نكون واضحين 👇🏾

الزكاء الاصطناعي ده مجال ضخم جدًا، ما لعبة أطفال ولا مجرد أداة بتكتب ليك جملة وترسلها. هو علم وتقنية عندها نظام محدد، شغالة بيه خطوات وبيانات وتعليم دقيق، عشان تطلع نتائج صحيحة ومفيدة.

الزكاء الاصطناعي ما بيقرأ النوايا 😅
يعني لازم تشرح ليه الحاجة كويس، تقول ليه: "أنا داير كذا، في الشكل ده، بالطريقة دي"، مش تقول ليه "فهمني ساي" وتمشي 😂

وأحياناً حتى لو شرحت، بيكون الموضوع معقد أو فيه خطأ بسيط يخلي الرد يجي غريب أو ناقص. فـ هنا لازم تكون صبور وتحاول تصيغ طلبك بطريقة تانية… تدِّي مثال… توضح أكتر… زي ما بتشرح لي زول صاحِبك بيفهمك.

يعني الزكاء الاصطناعي ما سِحر، لكن لو فهمته واشتغلت بيه صاح، بيسهل ليك الدنيا كلها.

▪️ بيساعدك تكتب
▪️ يلخص ليك تقارير
▪️ يصمملك
▪️ يحلّلك مشاكل
▪️ يديك أفكار لأي مشروع
بس بشرط: تتعلمه وتفهم كيف تتعامل معاه.

الذكاء الاصطناعي بيشتغل مع الزول الفاهم شغله، مش الزول المستعجل.

#الكريبتو

03/06/2025

لو الزمن رجع ليك سنة 2010 وقلنا ليك اشتري بيتكوين بـ 10,000 جنيه بس... كنت حتشتري؟ ولا كنت تقول: "كضب ساي!"؟ 😂

هسي البيتكوين وصل أسعار خرافية، وناس كتار في العالم بقو مليونيرات بس لأنهم صدقو الفكرة بدري!

🤔 لكن السؤال الحقيقي هسي: هل فات القطار؟ ولا لسه في فرصة؟

📢 قول لينا رأيك تحت 👇🏽
وإذا عندك سؤال عن البيتكوين أو العملات الرقمية، دايرين نسمعو ونجاوب عليه في البوستات الجاية

#الكريبتو

30/05/2025

جمعتكم مباركة يا أحباب، ربنا يفتحها علينا وعليكم وعلـى السودان 🙌🏽🇸🇩

دايمًا بنحب نتكلم في يوم الجمعة عن الحاجات المهمّة، والمواضيع البتأثر في مستقبلنا. واليوم موضوعنا مهم شديد، وبيخصّ كل زول بفتش على فرصة حقيقية بعيد عن الهم والتعب... موضوع العملات الرقمية (الكريبتو).

السؤال الكبير البنسأله الليلة:
ليه البنك المركزي السوداني ما بحاول ينظم أو يتبنّى العملات الرقمية؟

الدنيا كلها ماشه في الاتجاه دا، أمريكا ذاتها - بلد الاقتصاد الأكبر - عملت ليها احتياطي استراتيجي من البيتكوين، وأصبحت الدولة الأولى في العالم من حيث امتلاك البيتكوين.
بريطانيا ماشه بنفس الطريق، ودول شرق آسيا زي سنغافورة، كوريا الجنوبية، وحتى الإمارات بدت تفتح الباب للمجال ده.

💡 طيب ليه نحن دايمًا متأخرين؟
المجال ده يا جماعة ما وهم، وما لعبة أولاد. ده اقتصاد حقيقي، وبيتطور بسرعه مخيفة.
أنا بتخيل لو البنك المركزي السوداني فكر يدخل المجال، حتى لو بشراء بيتكوين كاحتياطي للبلد، ده ممكن يغير شكل الاقتصاد بعد سنين.
بيتكوين سنة دي وصل سعره أكتر من 111 ألف دولار، وده أعلى مستوى ليه، وحاليًا واقف قريب من 105 ألف دولار.

إنت متخيل معاي؟!
يعني لو السودان قبل كم سنة اشترى حتى 100 بيتكوين، كان حاسي بفرق اليوم 😮💰

لكن برضو، لازم ننوّه لحاجة مهمة جدًا:

⚠️ المجال ده فيه مخاطِر
لو ما كنت دارس المجال كويس، أو دخلت بمعلومات ناقصة، ممكن تقع ضحية نصب واحتيال، وده حاصل للأسف مع كتيرين.
ناس بتخش منصات وهمية، أو يشتروا عملات ما معروفة، ويخسروا قروشهم.

فـ عشان كده، ما تمشي تخش بدون ما تفهم وتتعلم. ولو ما عندك خلفية، خُد استشارة من زول فاهم السوق.

أنا آدم عبد الله، باذن الله حأمشي معاكم خطوة خطوة في فهم المجال دا، ونفتح نقاشات تفيد الناس، وننشر وعي في زمن الفرص الحقيقية.

لو حسيت المنشور دا فتح ليك باب جديد، أو خلاك تفكر بطريقة مختلفة
أعمل متابعه للصفحه، علشان نكمل مع بعض المشوار 🚀
وشارك المنشور مع ناسك، يمكن تكون سبب في تغيير حياة زول 🙏🏽

وما تنسى، أي سؤال أو استفسار، التعليقات مفتوحة والكل حيستفيد 💬👇🏽

#الكريبتو

28/05/2025

السلام عليكم يا أهل التشفير والفرص ✌️
اليوم حصلت حركات في سوق الكريبتو والناس بقت تتكلم كتير عن كم خبر مهم خلونا نفصل ليكم الحاصل 👇👇

🔶 أول حاجة، البيتكوين عامل عمايل الزول القال القطار فات، البيتكوين الليلة بيقرب من الـ110 ألف دولار 😳
والناس الكبار زي BlackRock وFidelity قاعدين يضخوا فيه استثمارات بالمليارات، السوق سخن والناس متوقعة يوصل 140 ألف في الصيف لو الأمور مشيت تمام ☀️

🔶 ثاني حاجة، السوق نزل شوية رغم الصعود، في تراجع طفيف في القيمة السوقية بنسبة 2%، يعني العملات الجديدة والعادية حصل فيها هبوط بسيط…
هل دي فرصة للشراء؟ ولا في تصحيح جاي؟ دا السؤال!

🔶 ثالث حاجة، الإيثيريوم دخل السباق بقوة التحليلات بتقول في توجه من المستثمرين الكبار ناحيتو، وبعضهم شايف إنو عندو مستقبل أقوى من البيتكوين في بعض النقاط!

🔶 وآخر حاجة، عملة جديدة اسمها "Kaanch" داخلة السوق في ناس داخلة في مرحلة البيع المسبق ومتحمسين ليها شديد، قايلين فيها فكرة جديدة في البلوكتشين والمجتمع حامي في التفاعل حواليها.

---

السؤال ليكم يا حبوبين 🧠👇 هل بتفتكروا البيتكوين حيوصل فعلاً 140 ألف؟
ولا الإيثيريوم ممكن يسرق الأضواء؟
ولا شايفين العملات الجديدة هي فرص الناس الجديدة؟
اكتبوا لينا رأيكم تحت ✍️

#الكريبتو

ادم عبدالله-Adam Abdullah

05/07/2025

05/07/2025

05/07/2025

04/07/2025

04/07/2025

16/06/2025

10/06/2025

09/06/2025

04/06/2025

03/06/2025

30/05/2025

28/05/2025

Address

Telephone

Website

Alerts

Contact The Business

Shortcuts

Share

Category