02/05/2024
القواعد العشرون لفهم الرجل :
1- لا يجب سؤال الرجل (شو بتحب تاكل)
بإجماع العلماء؛ فالرجل على أتم استعداد أن يحفر نفق في جبل جرانيت باستخدام الشوكة و السكينة .. و لا انو ينسأل شو بتحب تتغدا بكرا.. الزلمة بينحط قدامو الأكل و ياكل في سلام.
2- الرجل بطبعو فاقد الإحساس بالزمن و التخطيط الإستراتيجي طويل الأجل بالنسبة الو التفكير في الوجبة القادمة و احيانا بيتنبل يعمل هيك كمان
3- متل ما المرا "بدي ورد يا ابراهيم" الزلمة بدو " A little personal space يا زينب".
4- الشاي أو المتة تبع الصحيان من نوم العصرية من مقدسات الرجل .
5- الرجل إللي بينتبه من تغيير نوع البرفان هادا زلمة معدل وراثيا مو أصلي .. الزلمة الأصلي ما بيشم أصلاً
6- المثل الإنجليزي بيقول "الرجل الجوعان هو رجل غضبان" هي حذرناكي
7- الزلمة بيحب الأكل أكتر من أي شي في الدنيا .. أكتر من النسوان و السيارات و المصاري و المنصب .. المنافس الوحيد للأكل هو النوم فقط
8- أكاد أجزم إن كل الشرور و الآثام لللي في الدنيا سببها الأصلي زلمة انسأل و هو اسا فايق من النوم شو رح ناكل أو انطلب منو مصاري
9- الرجال و هن في الـ personal space يا زينب بيكونو طرشان بالمعني الحرفي للكلمة يعني لا تدقيلو وهو عم يلعب شدة لأن لو سمعك مارح يسمعك
10- البنات بتعرف تفوق بنسبة 100% بعد الصحيان بعشر دقايق .. الزلمة في جميع مراحل نموه من ساعة ما يصحى من النوم و لحد ما يوصل الحضانة أو المدرسة أو الجامعة أو الشغل .. و لمدة ساعتين تلاتة بيضل مرشوش عليه بيروسول لكن بكمية لا تكفي لقتله .. شوفو اي زلمة ماشي ع اجريه أو راكب مواصلات أو سايق سيارة الصبح .. ذبابة تتعافي جزئيا من رشة مبيد حشري
11- دور البرد بيسحب الحياة و الطاقة من الرجالة متل الكريبتونايت تبع سوبرمان بالظبط.
12- الغالبية العظمي من الرجال خُرس .. و اللي بيحكي ما بيحكي ب البيت .. أي محاولة لتغيير مجرى الطبيعة سوف تؤدي إلى كوارث
13- في أي زمان و مكان و مهما كانت درجة تعقيد المشاكل مافي شي ممكن يمنع الراجل انو يبتسم قدام طبق بطاطا ملظلظة محمرة بالزيت او طبق فروت سلاد لطيف
14- الزلمة اللي بيفتح بلاعة مسدودة .. أو بيغير لمبة محروقة .. او بيصلح شي بالبيت هادا إنسان بكل ما تحمله الكلمة من معنى
15- الرجال ما بيحكو بعد الأكل
16- تغيير مكان المحفظة أو الدبلة أو النضارة أو الساعة أو الموبايل بالنسبة للرجل هادا مشروع قومي .. بيتم بالتعاون مع اليونسكو .. فما بالك بتغيير مكان خزانة أو كرسي أو كنباية .. بدك الزلمة يقعدلك بالبيت؟؟ ما تشيلي اي شي من مطرحو و هو موجود
لا تخافي ولكن احذري
17- الكوليسترول و الدهون جزء أساسي من مكونات خلايا الرجل .. فبلاه الكلام الجارح تبع الكرش و الريجيم لأن الشغلة مو ناقصة سم بدن
18- بدك تعرفي الرجل بيحبك قديش؟؟ خليه جاي من برا.. و مو شايف قدامو .. و حطيلو الأكل .. و مع أول لقمة بتمو قوليلو شو عملت بالموضوع الفلاني اللي كلمتك فيه من كم يوم .. لو ضليتي عايشة معناها بيموت فيكي .. لو لا قدر الله السؤال طلع إنو القشة اللي قصمت ظهر البعير .. يبقى يا ريت الموضوع يوقف على الطرد بس .. أو عاهة مستديمة...
19- بالنسبة للرجل السوري فيه فجوة زمنية غير محسوبة من ساعات الخليقة اسمها صباح الجمعة .. إقتراحات الفطور برا و التمشاية و الشوبينج و الكلام هادا تعمليه مع رفقاتك .. الفترة من ليل الخميس حتى ظهر الجمعة اعتبري الزلمة فيها في رحلة روحانية تصوفية لاكتشاف الذات
20- شباب هالجيل هادا بالذات مارح يعمرو كتير .. بقا الحقي اقعدي معو و كفاية هري و طلبات مشان تطولي عمرو الافتراضي شوي.. هو أصلا هيك هيك برا الضمان🏃🏃🏃
