نبض الآداب

08/09/2023

هي الصفحة إسمها « نبض الآداب » فيها 3 مشرفين..
و بحسب المود و الشي اللي بيخطر عالبال إن كان حكي أو غنّية ف بنقوم بنشره هون..
الأشيا اللي بنحكيها في منها مواقف وناس فعلاً صارو معنا ، وفي أشيا بتكون عامّة بحسب شي شفنا أو سمعنا فيه أو حبّينا نتخيّل شي عنّو..
الصفحة هي بتعنينا كتير نفسياً و وجودياً عملناها الهدف إنّو تعبّر عن الأشيا اللي بنحبّا وبنرتحلها
وهي الصفحة تُعبّر بمضمونا وبالآراء اللي بتنحكى فيا و البوستات اللي بتنزل عليّا عن وجهة نظرنا
بس بدّي قول لكل حدا ، إنّو بكتير أيّام بيمرّ علينا وقت ننشغل فيه بأشيا حياتية ومادّية بحتة بحكم ظروف الحياة..وما بيكون في وقت حتّى نتواصل مع الناس اللي منحبّن.. بس لمّا نكون منحبّن عنجد وبيعنولنا شي من جوّا..
بأوّل فرصة وبأول مساحة من الوقت رح نتواصل معن..
فشكراً لوقتكن اللي عم تعطونا ياه ، و ضلّكن مناح ، و حتّى لو شو ماكانت الظروف وقدّ ما كانت المشاغل..
في وقت لازم يتفضّى لمشاعرنا وللأشيا المعنويّة فينا ما لازم ولا شي مادّي يسرقو مننا..🖤

- مع كامل محبّتي وإمتناني