21/02/2023
باسم ياخور يدافع عن زوجته بحزم ..
نشرت زوجة باسم ياخور الكاتبة السورية رنا الحريري على صفحتها الشخصية منشوراً عبرت به عن مشاعرها لما يعاني منه الشعب السوري قائلةً:أحياناً بتمنى أنو يتم الإعلان عن سورية كبلد منهوبة ..منكوبة ..غير صالحة للحياة البشرية .
وكل دول العالم المتحضر يلي بضلوا عم يحكوا عن الإنسانية وحقوق الإنسان ، يبعتوا طياراتهم ويتم إجلاء كل السورييين ونقلهم لمناطق فيها أمان ..كهرباء، تدفئة ، ماء وغذاء وفرص عمل وحياة كريمة ..أحياناً بتمنى لو العالم كلو يعرف..قديش السوريين شعب منهك ،،متعب،مُدَمر..
الشعب السوري بيستحق أفضل بكتير من كل هالمعاناة والألم واستجداء أبسط مقومات الحياة..
ليرد عليها بهذا الوقت مضر ابراهيم بمنشور موجه للفنان باسم ياخور قائلاً له: أستاذ باسم ياخور المحترم، ومن بعد الشكر على جهودك.. أكبر إغاثة إنسانية إسعافية ممكن تقدمها بهالظروف تسكّت مرتك..
فكان رد الفنان باسم ياخور على بوست مضر ابراهيم بهذا المنشور:أستاذ مضر أول شي أنا ماتعودت سكت حدا..كل إنسان عنده حق الكلام وحق التعبير عن رأيه طالما كان كلامه مابيحمل إساءة للآخرين ..
واذا كان بالكلام المكتوب أي اساءة لحضرتك ياريت توضحلنا ياها؟؟
ممكن يكون توصيف المنهوبة أو المنكوبة يلي زعجك؟ أو أمنيتها بإنقاذ شعب متعب من الحرب وكوارث الحياة دايقتك؟
يمكن كلامها كان عاطفي وحتماً فكرتها خيالية مستحيل أنها تطبق بالواقع، بس حقها تحلم وتتعاطف بالطريقة يلي بتشوفها مناسبة ، ومو من حقي ولا من حقك تسكتها ..
وأنتوا متابعين ايست فن ..شو رأيكن؟؟ #باسم _ياخور
