12/05/2025
:
🔴 الفساد في بلدية التل وصل لمرحلة لا تطاق!
نحنا كمواطنين راجعنا بلدية التل من فترة مشان نتابع طلب رسمي، بس الصدمة كانت من كمية الحقارة والتشبيح يلي شفناها. الموظفين صايرين يعتبروا حالهم فوق القانون، والرشاوي ماشية عَ عينك يا تاجر.
موظفة واقفة قدامنا تقول: "عم احكي مع وزيرة" وكأنها رافعة منخيرا علينا!
والمصيبة وقت دخل شخص مشان معاملة رخصة كشك، طلبوا منه "حلوان" عيني عينك مشان يمشوا معاملتو، وبكل وقاحة دفع وهو مكره، لانو بيعرف اذا ما دفع، مافي شي بيمشي.
الفضيحة ما وقفت هون، حتى السكرتيرة عند رئيس البلدية استلمت طلبنا بدون ما تشوف شو هو، مشغولة مع معقب معاملات كان عم يعطيها رشوة وحط المصاري بيدها قدامنا.
للأسف، هاد الفساد مابيفرق شي عن ايام بشار الأسد، ولازم هالمفسدين يتحاسبوا. اذا الدولة ما اتحركت، الشعب هو يلي رح ياخد حقو، ووقتها مابيفيد الندم.
بدنا مؤسساتنا تكون نظيفة، وبدنا مسؤولين يحترموا الناس مش يذلوهن.
