Homsy

19/07/2025

01/03/2025

02/02/2025

بيان تعليمي
مرفوع إلى أخو تنا في الصورة البشرية وهم ( بعض) أهل السنةالكرام
والذين لازالوا يجاهدون بالعلويين قتلا" وتهجيرا" وتشريدا"
باعتبارهم من الطائفة ( الكافرة) المجرمة التي اذاقت ( السنيين) الويلات إإ
اسمعوا بعض الحقيقة التي لاتقبلها عقولكم والتي ضللكم عنها اشياخ الجهاد عندكم
الي اي طائفة ينتمي هؤلاء المجرمون اليسوا من اهل السنة وأركان النظام البائد
فايز النوري، علي مملوك، ديب زيتون، هشام بختيار، رستم غزالة، عاطف نجيب، فيصل كلثوم ، عائلة طلاس، عائلة خدام، خالد الحسين مرافق حافظ الأسد طيلة حياته، علي الحموي، بشير النجار، تركي علم الدين، محمود علقم، عبد الرزاق المطلق، عبد المحسن هلال، عبد الكريم عباس، أمهر قناصي الجيش، جلادي كراكون الشيخ حسن وخاصة أبو عيد، محمد الرحمون، إبراهيم الشعار، محمد المفلح، بسام عبد المجيد، حسن دياب، كمال يوسف، أنور رسلان المسجون حاليا في ألمانيا، أحمد عبد الوهاب، برهان أسبل، مدير مكتب حافظ وبشار والأسد محمد دعبول أبو سليم صندوق النظام الأسود لنصف قرن ، وليد أباظة، مصطفى التاجر، أسفل واحقر جلادي سجن تدمر………….
ومحمد زهير مشارقة
و الدردري
و
#بيت #الأسد(عماد هذه الطغمة الحاكمة )(اللاذقية)
#الأخرس (حمص)
#خدام (بانياس)
#طلاس(الرستن)
#الزعبي(درعا)
#الشرع (درعا)
#غزالة (درعا)
#مملوك (دمشق)
#الشعار (الحفة اللاذقية)
#مخلوف (اللاذقية)
#الجعفري (دمشق)
#المعلم ( دمشق)
#الرحمون(خان شيخون ادلب)
#السيد(طرطوس)
#حربه (حماة)
#دعبول (دير عطية ريف دمشق)
#النوري (دير الزور)
#قاطرجي (حلب)
#حمشو (ريف دمشق)
#فوز (اللاذقية)
#الأحمر (التل ريف دمشق)
#ساعاتي(دمشق)
#الشبل (السويداء)
#العبود (درعا)
#الفريج (حماة)
وزاره الأوقاف بكامل شيوخها وعلمائها السنة
و‏لمن لايعلم
اللواء علي حبيب هو ‎العلوي الوحيد الذي تسلم منصب ‎وزير_الدفاع في حقبة ‎عائلة_الأسد وهو الوحيد الذي رفض زج ‎الجيش في المدن السورية وحصار المعضمية وعلى إثر موقفه تمت إقالته ووضعه تحت الإقامة الجبرية حتى وفاته.
طبعا ‎النظام استبدله بأحد أبناء ‎السُنة الأوفياء له .
ثم لماذا تتناسون ان أحداث حماه وحمص في الثمانيات كان قائد عملياتها العماد مصطفى طلاس - السني)
والقائمة تطول
ثم من ارتكب مجازر أرياف اللاذقية في ٢٤ قرية وجسر الشغور واشتبرق أليس من ارتكبها (سنة)
فبالله عليكم
أليس هناك عالم سني يوضح لهؤلاء المغسولي الدماغ
حقيقة المشهد
أليس الساكت عن الحق شيطان أخرس
فاي شيطان هذا الذي يدعي الإسلام وهو آثم القلب
يا أخي اكرهوا العلويين قدر ماشئتم
ولكن لاتجعلو هم مكبا" لقاذورات طائفتكم
فاي اسلام هذا الذي يؤذي الناس ويتفنن في قتلهم
ولم يعد للنظام السابق لدينا من فلول
والفلول الحالية هي فلولكم
التكفير ية الاجرامية الخارجة عن الإسلام والقانون
فكفى بالله عليكم واحتسبوا يوما" يأتي تدور به الدوائر على البا غي
والدهر لايصفو على أحد وما يتم زرعه سيجري حصاده
فلنعد إلى الله قبل أن يعيدنا جميعا"بانتهاء آجالنا ليشهد المجرمون جرائمهم ويعاقبوا على أعمالهم
وخصوصا أصحاب تلك الصفحات السنية التي تثير الفتنة وتحرض على قتل العلويين
ثم اذا كانت الثورة قد انطلقت شرارتها من درعا
فمن الذي تسبب بها أليس المجرم السني عاطف نجيب
وللتنويه
اكره اللغات عند العاقل هي لغة الطائفة والطوائف ولكن انتم من فرض علينا الحديث بها للأسف
وكلي امل بالخلاص من هذه اللغة في أقرب اسرع وقت بفضل كل العقلاء
وبئس الخلف لمن سلف الهمج الرعاع اتباع كل ناعق

29/01/2025

هل سقط النظام؟
تقنياً وسياسياً نعم، النظام سقط بسقوط رموزه ومجرميه.

في الواقع لا يزال النظام قائماً كهيكل قبيح يمتد فوق هذه البلد المدمرة.
هيكل لايزال يلقي بظلاله الثقيلة علينا كبشر، لا يزال بعضاً منه يسكن كل فرد فينا، إلا قلة قليلة ربما، وينعكس من خلال سلوكياتنا، ولهجة التخوين التي تخرج من أفواهنا تجاه بعضنا البعض.

يجب أن يعي كل سوري، بأنه ضحية النظام، ضحية حقبة امتدت لنصف قرن، شوهت فينا الإنسان الذي بداخلنا.

لن ينتهي هذا النظام بسقوطه، بل سيتبع سقوطه مراحل كثيرة، يجب علينا أن نتجاوزها بأقل قدر من الضرر والخسائر، وذلك طبعاً غير ممكن، مالم نرسم حدوداً واضحةً للعداء معه ومع مخلفاته، بحيث يكون كل من هو خارجها، ضمن دائرة القبول والصفح، أياً كان موقفة المعلن.

المشبحون، والقتلة، والمجرمومن مستثنون طبعاً، وهم لا خلاف بأنهم سيقفون يوماً ما أمام محكمة عادلة تنزل بهم قضاءهم الذي يستحقون.

أياكم وأن تكتفوا بسقوط النظام، فذلك على صعوبته البالغة، ولكنه ليس الأصعب.
الأصعب منه هو قتل ذلك النظام، اقتلاعه من دواخلنا، وتسميم جذوره العفنة.

نعم لقد أسقطنا النظام.. فلنقتله الآن.

29/01/2025

من واجب القياده الجديده تقديم تصريح وانشاء لجنه خاصه لمتابعة ملفات مجرمين الحرب دفعنا الغالي والنفيس لنتحرر هي ثورة حريه وكرامه تهجرنا وقتل اهلينا مو مشان نمجد احمد الشرع ونستبدله بل مجرم بشار
الشرع والحكومه الجديده خدم لشعب
اي تهاون بملاحقه بشار الاسد واعوانه
اكبر خيانه لثوره والشعب

21/01/2025

لا يليق بسوريه الا الحضن العربي 💖

19/01/2025

امنيتي من الله ان اشاهد السني والعلوي والمسيحي والكردي والدرزي يد واحده يحموا ظهور بعضهم والسلاح موجه بوجه الاحتلال الاسرائيلي
دمنا واحد 💖

19/01/2025

الاعلامي سمير متيني نصيحه انت جيد بتقليد بشار الاسد
بيكفي خطابات تقسيم وعماله لامريكا
سوريه لجميع السورين

19/01/2025

اهالي السويداء كم انتم وطنيون حقا انتم احفاد الاطرش
لا ذاتيه لا انفصال سوريه بلد الاحرار💖

18/01/2025

نجمة الساحات شكله راحت قنيطرة وريفها ومدينة البعث وحوض اليرموك لبسوا ازرق
وصولا الى قطنا

18/01/2025

#منقول

كفوه للاخير 💯

حدا جرب يحط حالو مكان الطرف التاني ؟؟؟؟؟!!!!!؟!!
يحاول يفهم معاناتو بدل ما ينكرها ويساعدو يتخلص من مخاوفو بدل ما يزيدها عليه ويجبرو يتطرف ؟

(نصكم ما بيعرف أنو أنا مسلم سني )٠٠٠٠٠
١٤ سنة وأنا بفتح التلفزيون بشوف الجوامع يلي هيي دور عبادة عم تنقصف وتنهد وعم يقولوا أنو أرهاب .

خيي أو أبن عمي أو ابن خالتي يا أما مع الجيش الحر يا أما معتقل وأنا ساكن بمناطق النظام وبالحالتين مضطر أنكر أني بعرفو أو بقربو وبخاف اتواصل معو أو اسأل عنو كرمال ما تجيني كمان تهمة الأرهاب ، بس كل هاد الأنكار ما كان يفيدني لأنو أي وظيفة كنت قدم عليها كانوا يطلبوا دراسة أمنية ويجي الأمن السياسي يقول أنو ابن خالة مرت عمي كان معارض وانحرم من الوظيفة .

طيب جربت يكون تحت بيتك في مفرزة أمن فيها واحد
ما معو صف سادس ولا بيعرف يفك الحرف وغليظ وسمج
وشحاد من رتبة مشلح وأنت مضطر تضحك بوجهو وتسايرو وتكسر على أنفك بصلة كرمال ما يشمط تقرير يغيبك ورا الشمس ؟

شو رأيك نجيب هلا باص أخضر ونطالعك أنت وأمك وخواتك الصغار من بيتكم وأرضكم ونحطكم بخيمة بأدلب
كونكم أرهاب وكل ذنبك أنك ولدت بهي المنطقة ؟

تخيل خمسين سنة وأنت ما فيك تجاهر بدينك ولا فيك تبين أنك متدين لأنو باقي المجتمع رح يشوفك رجعي ومتخلف

حتى لو دكتورة وشهاداتك معبية الحيطان ومعك عشر لغات
ما بتسلمي بالأيد ؟؟؟؟؟؟ شو هالتخلف والرجعية .

تخيل أنك مضطر ما تقول رايح صلي وألف نقاش يصير قدامك وتبلع الكلمة مع أنو عندك رأي وعندك قناعة
بس ليش لتحكي طالما بكل الأحوال رح تطلع بالأخر يا رجعي متخلف يا أرهابي .

وكلو بقلك حماية الأقليات وحماية الأقليات
طيب نحنا مين بدو يحمينا ؟

هي المعاناة حقيقية مو تضليل أعلامي
المخاوف أنو ترجع تنعاد حقيقية وما رح نخليها تنعاد
حتى لو صرت عنجد ارهابي طالما هيك هيك هي نظرتك ألي

إذا أنا متدين فأنت عم تجبرني صير متطرف
إذا أنا مو متدين فأنت عم تحشرني بالزاوية وتخليني صير متدين ومتطرف لأحمي أهلي
يا سيدي إذا بكون ملحد من خلفية سنية وبتضل أنت عم تشكك بوجع أهلي رح قاتل بسناني لأحد حق اهلي لأنك مين ما كنت مانك أغلى منهم وطالما شايفن أرهاب فأنت كمان أرهابي .

(نصكم ما بيعرف أنو أنا علوي)......

وإذا بدك تعرف العلوي مسلم أو لا
إذا كان الأسلام نطق الشهادتين وأركان الإسلام الخمسة ف أي نحنا مسلمين بس عنا طريقتنا الصوفية الخاصة بالعبادة .

بدك تعرف شو هيي هي الطريقة ما رح قلك لأنو نحنا مو مذهب تبشيري ، مذهب أو طريقة بتتناقل عن طريق التوريث وطالما نحنا مو تبشيريين ف ما رح قلك ولا مجبور قلك .

طلاع على القرداحة عرين الأسد معقل الشبيحة
بتلاقي غرفتين تراب (حجر وعليهم حور) هي بيتنا
ألو بيي بطح خمسين سنة ما قدر يعمرهم .

عنا معاناة أنو ما عنا ولا معمل ولا مصنع ولا شركة ولا فندق
ولا أي شي خلقو الله خرج تشتغل فيه بكل المنطقة ، ضيعتي لهلا ما فيها تمديد مي نظامي ولا صرف صحي

ما عنا حل على وجه الكرة الأرضية (أو نحنا هيك منشوف لما نكون بالضيعة) غير الجيش لحتى نهرب من هاد الفقر
وبس نروح على الجيش ونجي عالمدينة ونشوف الدنيا
منقضي باقي العمر عم نعض أصابعنا ندم ليش رحنا ع جيش.

منخاف أي منخاف وكتير وخوفنا قديم لأنو ما حدا تركنا بحالنا .

بدك ياها تاريخياً كنا بحلب أجت الدولة العثمانية والسلطان السليم ضل يدبحو فينا يدبحو فينا لحتى بالأخر قدرت كم عيلة تهرب وتتخبى بين المسيحية بالجبال وكذبنا أنو نحنا مسيحيين لحتى ننفد بجلدنا
(لهيك لليوم منحتفل بعيد البربارة مع أنو عيد مسيحي)

بدك ياها قبل الحرب عنا مشايخ خريجيين الأزهر
وقامات كبيرة اجتماعية وثقافية ودينية
ضلو بيت الأسد وراهم وراهم لحتى خفوهم عن وجه الأرض

مرة حاولنا نعمل مجلس متلنا متل كل الطوائف على وجه الكوكب أي الله لا يفرجيك شو صار .

عايشين ع الليمون عنا شجر ليمون كتير وكان أكبر أحلامنا
معمل عصير برتقال بساحل لحتى نعيش بس عبث ممنوع نهائياً ، من عشرين سنة لليوم كل ما نزل موسم الليمون
بتكون الدولة استوردت موز من لبنان وخرت علينا
ف بتلاقي الليمون عنا بالأراضي ، حتى ما عاد نحوشو
لأن حقو ماعاد جاب أجار الشغيلة .

ف منلف وندور ومنرجع على الجيش
منلف وندور ونرجع على الجيش ، وإذا كانت الماديات متوسطة وخرج لواحد يصبر ف لا بيدرس وبكون أكبر أحلامو وظيفة بالدولة .

بلشت الحرب وأساساً كلنا بالجيش ويلي مو بجيش ساكن بمساكن عسكرية مغلقة وكل جيرانك بجيش وإذا مو هيك بتكون بالضيعة .

بتفتح التلفزيون السوري
بتلاقي العلوية ع التابوت والمسيحية ع بيروت
بتفتح الجزيرة أو أورينت بشار وطائفته ، بشار والنصيرية
من هم النصيرية ، هل النصيرية سوريين ؟

بتلاقي كل يوم وتاني كونو كل عيلتك بالجيش
خيك شهيد ، رفيقك شهيد ، بيك شهيد
وأنت نص عيلتك بالجيش والنص تاني موظفين بالدولة
ف إذا سقطت الدولة رح تاكل خرا .

بتجي أيران بتفتح كم جمعية بالساحل
وبدها تشيعك (مع كامل حبي واحترامي للشيعة)
خيو نحنا ما بدنا نتشيع ، ما بدنا نغير طريقتنا بالعبادة

بنفس الوقت ما بدنا نموت بدنا نعيش
وحلها إذا بتنحل .

سقط النظام ورغم كل القهر والظلم والعبودية لكنا عايشين فيها بس خفنا ولبقلك ما خفنا بكون كذاب .

كلشي علوية بالشام وبيطلعو شي مليون ، ضبو غراضن لينزحوا للساحل (مع أنو في منن تولد الشام يعني يعني خلقو وربيو وكبرو من خير الشام)

يوم سقط النظام شفت منظر بحياتي ما بنساه

شفت زلمي عمرو شي ستين سنة ، ماسك بكل أيد صبية أعمارن بالعشرين يلي هنن بناتو وحاط على كتافو بارودة بلا مخزن غالباً ملاقاها بالشارع وماشيين بهشارع عم يبكي والعالم عم تحتفل .

هو ما عم يبكي لأن بحب بشار عم يبكي لأنو خايف .
ما طلع من بيتو لأنو شبيح طلع لأنو علوي وما بيعرف شو عم يعمل ولا بيعرف لوين رايح بس خايف
حامل بارودة بلا مخزن وما بتساويلو شي ساعة الجد بس حاملها لأنو خايف .

حدا جرب يوقف احتفال ويقلو طول بالك يا عمو
ورجاع على بيتك أنت مو ذنبك وبناتك بناتنا وعرضك عرضنا ؟

سقط النظام وولادنا وخواتنا بالالاف شي بسجن حماة وشي بأدلب ما منعرف عنن شي .
سقط النظام وكل علوي انطرد من الجيش أو الشرطة أو وظيفتو وما بيعرف شو جاييه بكرا ، بس الأكيد رح يجي صاحب البيت يقلو وين الإيجار ؟

كل ما حكيت كلمة بقلولك نسيت حالك يا شبيح يا فلول النظام ، بدي كذا ليش أيام بشار ما كنت تقول بدك ؟

بتقول في تجاوزات عم تصير ، كذاب عم تخلق فتنة
بتحب تشارك ك أبن بلد ومواطن سوري وتقول بدي دولة مدنية كذاب أنت بدك فتنة وما عم تعاني ومانك خايف
بس هيك بدك تخرب بلدنا

هاد مو حل ولا منطق أنا كمان عندي معاناتي وعندي مخاوفي من بكرا ، إذا ما بدك تطمني لا تزيدها عليي
وإذا رح تضل شايفني شبيح وكذاب ف أي بالأخر رح صير شبيح وما رح اسمحلك تقهرني فوق قهري .

نصكم ما بيعرف أنو أنا مسيحي
ومن لما ولدت ببلدي وأرضي أنا مواطن درجة تانية
وبيجي حكم وبروح حكم وبقلولنا لا تخافو ما رح نقتلكم ولا نهجركم نحنا مو طائفيين أي والله كتر خيرك مارح تقلعني من بلدي .

كل ما دق الكوس بالجرة وبكل مناسبة بتجو تاخدو خوري من عنا وبتسلخو صورة معو لتفرجو للغرب أنكم مو طائفيين
وبتحترمو الأقليات ، وهي كلمة الأقليات بتحسسني أني كائن مهدد بالانقراض ببلدي .

كل ما حدا شافني بقلي مسيحي وما سافرت ؟
يا عمي ما بدي هاجر بدل ضل هون لأني من هون

وحقي متلي متل أي واحد رشح حالي وصير رئيس
خيو ما بدك رئيس مسيحي لا تنتخبني بس لا تحرمني حقي بأني اترشح ، أنت شو خسران إذا ترشحت بكل الأحوال ما رح اربح الانتخابات

وفي حال ربحت متخيل أنو ببلد ٨٠% أسلام يربح مرشح مسيحي ؟ متخيل قديش رح يكون إنسان رائع وعملي لحتى المسلمين انتخبوه وقدي رح يقدم لهاد البلد ؟

نصكم ما بيعرف أني كردي
وكردي مو ديني لا ، الكرد مو دين هيي قومية يعني ماني عربي بس خلقت هون وبيي خلق هون وجدي خلق هون .
كل ما فتحت تمي بحرف بتقلولي انفصالي كلب
يا عمي أنا مو انفصالي ، بس أنت بتعرف أنو دولتك ما عطتني هوية ؟ بتعرف شو يعني نصنا ما معو هويات
يعني نحنا مافي شي بالكون بيثبت وجودنا
يعني لا بحقلنا ندرس ولا نتعلم ولا نروح مشفى ولا أي شي

طيب بتعرف مثلاً أنو كنت اتزوج ويجيني ولد
روح اضطر سجلو بأسم خيي بدل أسمي لأنو دولة معترفه بخيي أو مواطن بس أنا لا .

طيب بتعرف أنو داعش هجمت على عين العرب
يلي هيي اسما الحقيقة كوباني بس دولة عربتها بصرماية
وما أجا الجيش دافع عنا ولا حدا دافع عنا ولا حدا عطانا سلاح ندافع عن حالنا غير أميركا فأخدناه
حط حالك مكاني إذا بيجي الشيطان وبيعطيك سلاح رح تاخدو لتدافع عن أهلك .

كل ما بحكي كلمة انفصالي
كل ما طالب بحق انفصالي
شو أعمل طيب ؟ بموت لترتاحو وتتأكدو أني مو انفصالي؟
طيب إذا رح تضلو هيك أنا عنجد رح صير انفصالي
ورح انفصل عنكم كونكم هيك هيك مو معترفين فيي ك إنسان حقو بهالبلد متل حقكم .

بس ليش لنتخبى ورا صبعنا ونغطي الشمس بغربال ؟

٢% من السنة عنجد كانو ارهاب بس مو كل السنة ارهاب
٢% من العلويين كانوا شبيحة بس مو كل العلويين شبيحة
٢% من الأكراد انفصاليين بس مو كل الأكراد انفصاليين .
وهدول كلن ما بمثلونا

شو واجبنا اليوم
واجبنا ك سنة كل حدا عندو فكر متطرف نحنا نوقف ضدو
واجبنا ك علوية كل شبيح نحنا نسلمو
واجبنا ك أكراد كل ما حدا بيحكى بالانفصالية نقص لسانو

واجبنا نحب بعض ونتفهم مخاوف بعض ونحاول نزيل هي المخاوف بدل ما نزاود على بعض .

واجبنا ك شعب نكون أيد وحدة ضد أي دولة بتجي وقد ماكانت منيحة مارح نصفقلن ولا رح نهتفلن ورح نضل نحسسن أنهم مقصرين ومجرد موظفين عنا .
إذا جربوا يضطهدو أي حدا فينا لازم نقوم كلنا
لأن جربوا يلغو حقوق أي حدا رح نقوم كلنا
نحنا معركتنا مو لازم تكون بين بعض
لازم تكون مع بعض ومع القانون لأخر يوم بعمرنا
وهاد كلشي بتمناه .