شبكة أخبار بسيسين الأولى
💚 من الناس وللناس 💚
💬 تابعونا لتعرفوا كل جديد
📲 شاركنا إعلانك أو خبرك عبر رسائل الصفحة
(3)
16/08/2025
تنويه والشكر واجب
حتى ما يضيع تعب الشباب وأهالي المنطقة، لازم نسلّط الضوء عالجهود الكبيرة يلي انبذلت بقطاع عين الشرقية – جبلة، القطاع يلي كان بعيد عن الإعلام بالبداية، بس كان خط النار الأصعب.
بفضل سهر وتعب الأهالي والشباب الأبطال، ومع متابعة وجهود:
الأستاذ إبراهيم أحمد – رئيس شعبة حراج جبلة
الأستاذ رامي تمرة – رئيس مركز حراج عين الشرقية
الأستاذ ربيع موسى – رئيس مركز حراج جبلة
الأستاذ يونس شرابة – رئيس فرقة إطفاء بسمالخ
الأستاذ أيمن ضاهر – رئيس فرقة إطفاء زاما
قدرنا نحقق السيطرة الكاملة عالحريق ونحمي بيوتنا وغاباتنا
🙏 كلمة شكر كبيرة من القلب لكل الأهالي والشباب يلي كانوا خط الدفاع الأول، والبركة بجهودكن وتعبكن يلي ما بينقاس بكاميرا أو صورة، إنما بالفعل والإصرار.
#شكرًا_لأهلنا
16/08/2025
أنتمنى من وزير الصحة الدكتور مصعب العلي التكفل الكامل بعلاج الشاب :
باسل حافظ سليمان ( نزيف بالدماغ )
ابن 21 عاماً بعد تعرضه لإصابه في الرأس أثناء مساهمته في عمليات إخماد حرائق سهل الغاب،
الشاب وحيد لأهله .. وأهله ناس فقراء،بسطاء ليس لهم قدرة أبداً على إجراء العملية اللازمة له أو حتى العلاج ..
مع تمنياتنا بالإستجابة السريعة من حضرتكم
وشكراً 🙏
عملوا تاغ لهالصفحات:
وزارة الصحة السورية
وزارة الشؤون الاجتماعية والعمل في سورية
16/08/2025
رسالة من معتقل مظلوم صوت صمتو خرج من الحيطان الباردة
"مرحبا…
ما بعرف إذا في حدا لسه بيقرألي، أو حتى بيتذكرني… بس أنا بعدني هون."
ما قتلت، ما خنت، ما سرقت، بس رغم هيك…
أنا اليوم مسجون، ممنوع أحكي، ممنوع أشرح، وممنوع حتى أعرف ليش!
أنا شاب متلي متل غيري، لبّيت نداء الوطن، وقلت حاضر.
بس يمكن نسيت إني مش محمي… نسيت إنو في ناس بيتحاسبوا حتى وهم أبرياء.
أمي، إذا سامعتيني…
والله كل ليلة بشوفك بالدعاء، وبحلم بصوتك.
وكل نهار بستنى رسالة، أو خبر، أو وجه من الماضي.
للناس اللي برا:
ما بطلب شي… بس لا تخلوا صوتنا يضيع.
إحكوا عنا، إحكوا عني، إحكوا عن كل واحد نسيوا الناس بس هو بعده عم يتنفس ظلم.
ما بدي تعاطف، بدي عدالة.
ما بدي معروف، بدي حقّي.
أنا مش مجرم… أنا ابن حدا بينام وهو حاضن صورتي!
أنا أب في برقبتي زوجة وأولاد رح يضيعوا ويجوعوا بلايي
Be the first to know and let us send you an email when شبكة أخبار بسيسين الأولى posts news and promotions. Your email address will not be used for any other purpose, and you can unsubscribe at any time.
