NOTE HD24, Amphoe Phra Padaeng (2025)

16/07/2025

កំពីងរាជទឹកត្រីផ្អែម

👉គ្រឿងផ្សំ

- កំពីងរាជ ២ - ៣ផ្លែ
- ស្ករត្នោត 200g
- ទឹកឆ្អិន 200ml
- បង្គាក្រៀម 1 ស្លាបព្រាបាយ
- ទឹកត្រី 1 + 1/2 ស្លាបព្រាបាយ
- ខ្ទឹមក្រហម 1 + 1/2 ស្លាបព្រាបាយ
- ម្ទេសក្រៀម ១/២ ស្លាបព្រាបាយ

👍 របៀបធ្វើ:
1. ចិតសំបកកំពីងរាជ ត្រាំក្នុងទឹកអំបិល ច្របាច់ក្រូចឆ្មា 1 ផ្លែចូល ត្រាំ ទុកចោល 15 នាទី។
2. ប្រើឆ្នាំង ដាក់ស្ករត្នោត ទឹកត្រី នឹង ទឹកចូល ប្រើភ្លើងមធ្យម កូរវាចូល គ្នា (ប្រហែល 7 នាទី)។
3. បន្ថែមម្ទេសក្រៀម ខ្ទឹមក្រហម និងបង្គាក្រៀម។
4. ស្រង់កំពីងរាជច្របាច់ឲ្យអស់ទឹក រួចចាក់ទឹកត្រីផ្អែមចូល ជាការ ស្រេច។

16/07/2025

របៀបធ្វើ ទឹកប្រហុក ឱ្យមានរសជាតិឆ្ងាញ់❤️😘

គ្រឿងផ្សំ
- ប្រហុក ១ ស្លាបព្រាបាយកន្លះ (ចិញ្ច្រាំឱ្យម៉ដ្ឋ)
- គល់ស្លឹកគ្រៃ ៥ ស្លាបព្រាបាយ (ឬតាមចំណូលចិត្ត)
- ខ្ទឹមស ៥ កំពឹស
- ម្ទេសទុំ ៣ ផ្លែ ឬច្រើនតាមចំណូលចិត្ត
- ខ្ទឹមស និង ម្ទេសបុកជាមួយគ្នាឲ្យម៉ត់
- ខ្ទឹមក្រហម ៣ មើមចិតតូចៗ
- ទឹកក្រូចឆ្មារ 4 ស្លាបព្រាបាយ
- ស្លឹកក្រូចសើច ២ សន្លឹក (ហាន់តូចៗ)
- រំដេង ១ ស្លាបព្រាបាយ (ហាន់ឲ្យតូចៗ)
- ទឹកឆ្អិន កន្លះចានចង្កឹះ
- ស្ករស
- ទឹកដោះគោខាប់
- សណ្តែកដីលីង

របៀបធ្វើ
1. អ្នកត្រូវយកចានមួយមកដាក់ ប្រហុកដែលចញ្ច្រាំរួច និង ដាក់ទឹកក្រូចឆ្មារ ខ្ទឹមស ម្ទេសបុក រំដេង គល់ស្លឹកគ្រៃ ខ្ទឹមក្រហម ស្លឹកក្រូចសើច និង ទឹកឆ្អិន ដាក់ទឹកដោះគោឆៅបន្តិច
2. រួចកូរបញ្ចូលគ្នាឲ្យសព្វ ភ្លក់មើលតាមចំណូលចិត្ត (ភាគច្រើនរស់ជាតិរបស់វា គេធ្វើជូរ ប្រៃ ហឹល) ។
*ទឹកប្រហុកនេះ លោកអ្នកអាចយកទៅជ្រលក់ និង សាច់គោ ពោះគោ ឬក៏ម្ហូបអ្វីផ្សេងទៀតបានតាមចំណូលចិត្ត ៕

16/07/2025

#របៀបធ្វើជ្រក់ត្រចៀកជ្រូក នឹង ជើងមាន់
#គ្រឿងផ្សំ

ត្រចៀកជ្រូក
គល់ស្លឹកគ្រៃ 4 គល់ ដំអោយបែក កាត់ខ្លី
ខ្ញី ហាន់ស្តើងៗ
ខ្ទឹមស ៥-១០ កំពឹស ហាន់ស្តើងៗ
រំដេង
ម្ទេស តាមចំនូលចិត្ត
អំបិល
ទឹកក្រូចឆ្មារ
ស្ករស
អំបិល
ទឹកត្រី
ឆៃថាវ ១ មើម ហាន់ជាចង្វាមូល (ដាក់ក៏បានមិនដាក់ក៏បាន)
ការ៉ុត ១ មើម ហាន់ជាចង្វាមូល (ដាក់ក៏បានមិនដាក់ក៏បាន)
ម្ទេសហាវៃ (ក្រហម ខៀវ) ១ ផ្លែតូច ហាន់តូចៗល្មម

#វិធីធ្វើ:

1- ដាក់ត្រចៀកជ្រូកស្ងោរជាមួយ គល់ស្លឹកគ្រៃ ខ្ញីរំដេង អោយឆ្អឹន (កុំអោយផុយពេក) រួចស្រង់យកមកត្រាំក្នុងទឹកកក ប្រហែល ១០ ទៅ ២០ នាទី។
2- យកត្រចៀកជ្រូកមកហាន់ជាចំនិតតូចល្មម រួចទុកមួយអន្លើ។
3- បុកម្ទេសនឹងខ្ទឹមលាយគ្រឿងផ្សំ លាយចូលគ្នា ភ្លក់មើលម៉ាល្មម។
4- យកត្រចៀកជ្រូកដែលហាន់រួចដាក់ចូលក្នុងកែវមានគ្រប រួចដាក់ ទឹកត្រីបុកចូលទាំងអស់ រួចយក កូរអេាយសព្វ បិទគំរបអោយជិត ទុកចោល ១ម៉ោង ទៅ ២ ម៉ោង អាចទទួលទានបានហើយ។

15/07/2025

ឆាក្ដៅកង្កែប
----------
#គ្រឿងផ្សំ
- កង្កែប ២ខាំ
-ស្លឹកម្រះព្រៅ មួយក្ដាប់ដៃ
-គល់ស្លឹកគ្រៃ ៣ដើម
-ម្ទេស(ដាក់តាមចំណង់ចំណូលចិត្ដ)
-គ្រឿងឆាក្ដៅ ម្មៀត ខ្ទឹមស ស្លឹកគ្រៃ រំដេង
-ប៊ីចេង ១ស្លាបព្រាកាហ្វេ
-ស្ករស ២ស្លាបព្រាកាហ្វេ
-អំបិល មួយចុងស្លាបព្រាកាហ្វេ
របៀបរៀបចំគ្រឿងផ្សំ-កង្កែបត្រូវលាងទឹកឱ្យស្អាត រួចកាប់ជាកង់ៗ
-គល់ស្លឹកគ្រៃត្រូវហាន់ជាចំណិតតូចៗ
-ស្លឹកម្រះព្រៅត្រូវលាងទឹកឱ្យស្អាត ទុកដោយឡែក
-ម្ទេស ត្រូវហាន់ជាចំណិតៗ
-ម្មៀត ខ្ទឹមស ស្លឹកគ្រៃ បុកចូលគ្នាឱ្យម៉ដ្ឋល្អ

#របៀបធ្វើ
សូមដាក់ខ្ទះលើចង្ក្រានឱ្យក្ដៅបន្ដិច ចាក់ប្រេងឆាចូល ទើបដាក់សាច់កង្កែបតាមពីក្រោយ បន្ដិចក្រោយមកចាំដាក់គ្រឿងផ្សំ និងម្ទេសចូល។ បន្ទាប់មកដាក់ស្លឹកម្រះព្រៅ រួចភ្លក់រសជាតិតាមចំណង់ចំណូលចិត្ដរបស់លោកអ្នក ហើយជាការស្រេច។

ចំណាំ ៖ អាហារនេះអាចទទួលទានបានជាមួយបាយស ឬអាចធ្វើជាគ្រឿងក្លែមក៏បាន។

15/07/2025

#ក្បួនធ្វើធ្វើទាខ្វៃឆ្ងាញ់ 🤤❤️ស៊ែរមួយ
គ្រឿងផ្សំ៖
1. ទាមួយ ទម្ងន់ ១គីឡូកន្លះ ទៅ ២គីឡូ
2. ខ្ញី ១ដុំតូច
3. អំបិលបន្តិច
4. ទឹកឃ្មុំ ២ ទៅ ៣ស្លាបព្រាបាយ
5. ប្រេងឆា

របៀបធ្វើ ៖ តាមវិធីរហ័ស
1. លាងទា អោយស្អាត និងកាត់ខ្លាញ់កញ្ចូញគូទទាចេញ ដើម្បីកុំអោយឆ្អេះ ។
2. ដាំទឹក ១លីត្រកន្លះ និងដាក់អំបិលបន្តិច ហើយដាំអោយពុះ ហើយស្រុះទា ៥នាទី ដើម្បីយកក្លិនសារ ទាចេញ
3. ទាដែលស្រុះទឹករួច ទុកអោយស្ងួត ៣០នាទី
4. លាយប្រេងឆា និងទឹកឃ្មុំ ចូលគ្នា ហើយយកមកលាបលើទាដែលស្ងួតនេាះ ។ ដាក់ខ្ញីដាក់ក្នុងទា ហើយយកទៅដាក់ឡដុត
5. កំដៅឡដុត សីត្ហហភាពប្រហែល ២៣០អង្សារសេ ។ ដាក់ទាដុត រយះពេលប្រហែល ១ម៉ោង
6. ចន្លោះពេល ដុត ២ម៉ោង ត្រូវឧស្សាហ៏ប្រែរទាបន្តិច ដើម្បីអោយឆ្អិនសប់ និងរាល់ពេលប្រែរ លាបទឹកឃ្មូំ អោយសប់
7. ពិនិត្យមើលថាតើទាឆ្អិនល្អហើយ ឬនៅ ។ ពេលឆ្អិនទាព៌ណឡើងក្រឡាតល្អ និងស្បែកស្រួយល្មម
8. យកទាដែលដុតរួចនោះទុកឲត្រជាក់រយះពេល ១ម៉ោង
9. បន្ទាប់មកយកទាដែលដុតរួច ទៅបំពងប្រហែល ២៥នាទី ដើម្បីអោយស្បែកទាស្រួយល្អ ជាការស្រេច ។ប្រភពfb
#ម្ហូបឆ្ងាញ់ៗ

15/07/2025

របៀបធ្វើសម្លប្រហើរនំបញ្ចុក

#គ្រឿងផ្សំ៖

- ត្រីរ៉ស់ ( ធ្វើអោយស្អាត យកស្រកាចេញ )
- គ្រឿងបុកសម្រាប់ស្លរ ( ស្លឹកគ្រៃ ស្លឹកក្រូចសើច រំដេង ខ្ជាយ ខ្ទឹមស រមៀត ) បុកបញ្ចូលគ្នាអោយម៉ត់ល្អ
- ខ្ទិះដូង ( ខ្ទិះដើម និង ខ្ទិះចុង )
- ទឹកត្រី ប៊ីចេង អំបិល ស្ករស
- ប្រហុក
- សណ្ដែកដីលិងបុកអោយល្អិត
- បន្លែអន្លក់អន្លៃខ្ចីៗ តាមចំណូលចិត្ត
- នំបញ្ចុក

#វិធីធ្វើ៖
១ - ដាក់ដាំទឹកអោយពុះ រួចច្រុំប្រហុកអោយម៉ត់ក្នុងទឹកពុះ រួចយកត្រីទៅស្ងោរក្នុងទឹកសម្លរ ក្រោយមកបង់ទឹកត្រី អំបិល ស្ករស ប៊ីចេង រំងាស់ត្រីអោយឆ្អិនរួចស្រង់ចេញ ហើយបេះយកតែសាច់ត្រីចេញកុំអោយមានឆ្អឹង។
២ - យកត្រីដែលបេះរួច មកបុកជាមួយគ្រឿង ដាក់ អំបិល ស្ករស ប៊ីចេង បន្តិចៗដើម្បីអោយមានជាតិក្នុងសាច់ត្រី បុករួចទុកមួយអន្លើរ
៣ - យកទឹកដែលស្ងោរជាមួយត្រីដែលនៅសល់នោះ មកដាក់ខ្ទិះចុងចូល រួចដាំអោយពុុះ បន្ទាប់មកដាក់ត្រីដែលយើងបុកជាមួយគ្រឿងចាក់ចូលក្រោយមក ដាក់ ខ្ទិះដូង ( ដើម ) ចូល រួចកូរអោយសព្វ ហើយទុកអោយពុះម្ដងទៀត
ភ្លក់មើលអោយល្មម តាមចំណង់ចំណូលចិត្ត ទុកអោយពុះនិងឆ្អិនចូលជាតិគ្នាហើយ រួចដាក់សណ្ដែកដីលិងចូលរួចជាការស្រេច៕
ពេលញាំុ ដាក់បន្លែអន្លក់អន្លៃខ្ចីៗ រួចចាប់នំបញ្ចុក ស្រូបសម្លប្រហើរពីលើ ញក់ម្ទេសហិលៗ ឆ្ងាញ់អស់ទាស់
អត្ថបទដោយ: លោកស្រី សុខ សំណាង

15/07/2025

របៀបធ្វើងាវឆាអំពិលទុំ

គ្រឿងផ្សំ:
- ស្កសរ ២ ស្លាព្រាកាហ្វេ
- ម្ទេស ២ ឬ ៣ ផ្លែ
- ស្លឹកជី ឬ ជីរម្រះព្រៅ
- ងាវស្រស់ ៥០០ ក្រាម
- ប្រេងឆា
- អំបិល ១ ស្លាព្រាកាហ្វេ
- ប៊ីចេង ១ ស្លាព្រាកាហ្វេ
- ទឹកត្រី ៣ ស្លាព្រាកាហ្វេ
- ទឹកអំពិលទុំ
- ចិញ្ច្រាំខ្ទឹម ៣ កម្ពឹស

វិធីធ្វើ:
១. យកងាវមកត្រាំទឹកអង្ករប្រហែលមួយម៉ោង បន្ទាប់មកលាងទឹកឲ្យស្អាតស្រង់ទុកឲ្យស្រស់ទឹក។

២. ម្ទេសហាន់ជាបញ្ឆិតៗ និងបេះស្លឹកជី ឬបេះម្រះព្រៅ ទុករោយពីលើងាវ។

៣. លាយប្រេងឆាមួយស្លាព្រាកាហ្វេជាមួយនិងអំបិលស្ករ, ប៊ីចេង, ទឹកត្រីព្រមទាំងអំពិលទុំក្នុងកូនចានមួយកូរឲ្យសព្វទុកមួយអន្លើ។

៤. ចិញ្ច្រាំខ្ទឹមបំពងឲ្យឡើងឈ្ងុយ បន្ទាប់មកចាក់ទឹកម្ជូរដែលបានលាយទុកនោះចូលរួចបន្ថែម ឆាងាវមួយត្រឡប់ឲ្យងាវហាមាត់ដួសដាក់ចានរួចបន្ថែមម្ទេស និងស្លឹកជី ឬម្រះព្រៅ ដែលបានរាបទុកមកដាក់ពីលើជាការស្រេច។ អ្នកអាចឆាងាវជាមុនសឹមដាក់ទឹកម្ជូរជាក្រោយក៏បាន។

14/07/2025

#ញាំមីសួគ្រឿងសមុទ្រ

គ្រឿងផ្សំ៖

-មីសួ ១៥០ក្រាម

-សាច់ចិញ្រ្ចាំ ៥០ក្រាម

-បង្គា ៥-៦ បកសំបក

-មឹក ២-៣ កាត់កង់ៗ

-ប៉េងប៉ោះ ១ផ្លែល្មម កាត់ជាដុំៗល្មម ឬតាមចំណង់ចំណូលចិត្ត

-ខ្ទឹមបារាំង ពាក់កណ្តាល ហាន់ជាបន្ទះស្តើងល្មម ឬតាមចំណង់ចំណូលចិត្ត

-ស្លឹកខ្ទឹម ២ដើម កាត់ខ្លីល្មម

-ខ្ទឹមសចិញ្រ្ចាំ និងម្ទេសហាន់ តាមចំណង់ចំណូលចិត្ត

-ទឹកត្រី ទឹកក្រូចឆ្មារ មួយមុខ ៣ស្លាបព្រាបាយ

-ស្ករ ២ស្លាបព្រាបាយ

-ទឹកស៊ីអ៊ីវ ១ស្លាបព្រាបាយ

-ទឹកធម្មតា ៤ស្លាបព្រាបាយ

វិធីធ្វើ៖

១.ដាក់ទឹកចូលខ្ទះ ដាក់សាច់ចិញ្រ្ចាំ និងទឹកស៊ីអ៊ីវចូល ច្របល់ចូលគ្នាឲ្យសព្វ សាច់ឆ្អិនហើយដួសដាក់ចាន ទុកមួយឡែក

២.យកមីសួដាក់ស្រុះឲ្យទន់ ហើយស្រង់ចេញ ទុកមួយឡែក

៣.យកបង្គា និងមឹកស្រុះប្រហែល ២នាទី រួចស្រង់ចេញ ទុកមួយឡែក

៤.យកចានដាក់ទឹកត្រី ទឹកក្រូចឆ្មារ ស្ករ ម្ទេសហាន់ ខ្ទឹមចិញ្រ្ចាំចូល ច្របល់ចូលគ្នាឲ្យសព្វ រួចដាក់សាច់ចិញ្រ្ចាំ បង្គា មឹក និងមីសួចូល ច្របល់ចូលគ្នា ហើយដាក់ប៉េងប៉ោះ ខ្ទឹមបារាំង និងស្លឹកខ្ទឹមចូល ច្របល់ចូលគ្នា ហើយជាការស្រេច។

14/07/2025

#របៀបធ្វើបបរមាន់អោយឆ្ងាញ់ 🤤❤️ ហូបពេលមេឃភ្លៀងជាតិណាស់
# គ្រឿងផ្សំ
- ខ្ទឹមបារាំងមួយ ចិញ្ច្រាំល្អិតៗ
- ខ្ទឹមស ១មើម
- មាន់ ១គីឡូ
- ទឹកត្រី ៦ស្លាបព្រាបាយ
- អំបិល១ស្លាបព្រាកាហ្វេ
- ស្ករ ១ស្លាបព្រាបាយ
- អង្ករកន្លះកំប៉ុង
- ប្រេងឆា
- ផ្សិត
- សៀង
- ទឹកម្ទេស
- ម្រេចម៉ត់
- ស្លឹកខ្ទឹម
- ជីររណារ
- សណ្តែកបណ្តុះ
#វិធីធ្វើ
១. បំពងខ្ទឹមស ជាមួយប្រេងឆា បីបួនស្លាបព្រា រហូតដល់ក្រហម ហើយដួសទុកមួយអន្លើ។ កុំទុកអោយក្រហមជ្រុល នោះខ្ទឹមនឹងក្លាយជាមានរសល្វីង។
២. យកខ្ទឹមបារាំងចិញ្ច្រាំ ទៅបំពងនៅក្នុងឆ្នាំងថ្មីមួយ រហូតដល់ក្រហមក្រមៅ ទើបចាក់ទឹកត្រី ស្ករ អំបិល ចូល ហើយកូរអោយរហ័ស បន្ទាប់មកទើបចាក់ទឹកចូល ១ពែង ដាំអោយពុះ។
៣. លាងមាន់អោយស្អាត កាត់ជាបួនដុំ ដាក់ចូលក្នុងទឹកពុះ រួចហើយឆាត្រឡប់អោយចូលជាតិរហូតខះទឹក ទើបចាក់ទឹកចូល ដាំអោយពុះរហូតដល់ឆ្អិនសាច់មាន់។ ពេលស្ងោរសាច់ សូមកុំគ្របឆ្នាំង ដើម្បីកុំអោយទឹកល្អក់ ហើយកុំដួសពពុះចេញ។ រំងាស់ភ្លើងក្តៅល្មម ពពុះនឹងបាត់អស់វិញ ហើយទឹកនឹងរងថ្លាក្រហមស្អាត។ បន្ទាប់មក ទើបស្រង់ដុុំមាន់ចេញ ទុកអោយត្រជាក់ ទើបបេះសាច់ចេញ។
៤. លាងអង្ករហើយ ដាក់ខ្ទះឆាឆ្អិនល្មម រួចដាក់បង់ចូលទៅក្នុងទឹកស៊ុប រំងាស់អោយបែកគ្រាប់អង្ករ។ បើចង់ខាប់ សូមបន្ថយទឹក។ រួចដាក់ផ្សិតចូល។បើសិនចង់រាវ សូមចាក់ទឹកចូលបន្ថែម។
៥. សូមភ្លក់ថែមថយទឹកត្រី ឬ គ្រឿងប្រៃផ្អែមតាមចំណូលចិត្ត នៅពេលចាក់សរសៃសាច់មាន់ចូលក្នុងបបរវិញ។
៦. នៅពេលបរិភោគ គេអាចថែមល្បោយ និងគ្រឿងក្រៅដូចជា៖ ខ្ទឹមបំពង សណ្តែកបណ្តុះ សៀង ជីរវ៉ាន់ស៊ុយ ជីររណា ឬជីរបារាំង ម្រេចបុក ជ្រក់ម្ទេស ក្រូចឆ្មារជាដើម៕

14/07/2025

#វិធីធ្វើសម្លកកូរខ្មែរ រសជាតិពិតជាឆ្ងាញ់មែន
គ្រឿងផ្សំ:
-ត្រីឆ្លាំងឬអន្តែង ១គីឡូ-សាច់ជ្រូក
៣ ខាំ-ស្លឹកម្រុម
១ដុំ-អង្ករលីង កន្លះចានចង្កឹះ-ប្រហុក
១ស្លាបព្រាបាយ-ទឹកត្រី ២ស្លាបព្រាបាយ-ស្ករត្នោត
១ស្លាបព្រាបាយ-ម្សៅស៊ុប
១ស្លាបព្រាបាយ-ខ្លាញ់
២ស្លាបព្រាបាយ-គ្រឿងបុករួច(គល់ស្លឹកគ្រៃ រមៀត រំដេង សំបកក្រូចសើច ខ្ទឹមស)។
វិធីធ្វើ:
១.ត្រីកាត់ជាកង់ៗ សាច់ជ្រូកហាន់ជាបន្ទះ ហើយអង្ករលីងត្រូវបុកឲ្យម៉ដ្ឋ។

២.ដាក់ខ្លាញ់ឲ្យក្តៅ ដាក់ប្រហុក និងគ្រឿង ឆាឲ្យឈ្ងុយ ទើបដាក់ត្រី និងសាច់ជ្រូក អង្ករលីងទឹកត្រី ស្ករត្នោត ម្សៅស៊ុប ឆាឲ្យអោយទន់បន្លែ សឹមដាក់ទឹកឲ្យល្មមទុកឲ្យពុះ ភ្លក់រសជាតិ ឲ្យល្មម ទើបដាក់ស្លឹកម្រុមជាការស្រេច ប្រភព៖មុខម្ហូបខ្មែរចំរុះ។

14/07/2025

#របៀបធ្វើនំប៉ាវ

គ្រឿងផ្សំសំបកនំ៖
មេដំបែ yeast ១ស្លាបព្រាកាហ្វេ
ម្សៅហើម baking soda ១ស្លាបព្រាកាហ្វេ
ម្សៅមី ៤កំប៉ុង
ស្ករ ២ស្លាបព្រាបាយ
អំបិល ១/២ ស្លាបព្រាកាហ្វេ
និងទឹកក្តៅ សម្រាប់ថែមថយ

របៀបធ្វើសំបកម្សៅ៖
១- យកម្សៅមី និងគ្រឿងគ្រៅខាងលើ លាយចូលគ្នាអោយសព្វ បើម្សៅនៅរឹង សូមច្រូចទឹកក្តៅឧណ្ហៗបន្ថែម។
២- យកម្សៅទុកចោល មួយអន្លើ ប្រហែលកន្លះម៉ោង។

សំរាប់ស្នូលនំ៖
ប៉ាតេបួស
ផ្សិតខ្មៅ ១ខាំ
ស្ពៃក្តោបចិញ្ច្រាំ កន្លះចានចង្កើស
ប៉ិគក់ហាន់ល្អិតៗ
ការុតហាន់ល្អិតៗ ពីរស្លាបព្រា

ទឹកស៊ីអីវ ១ស្លាបព្រា
ប្រេងខ្ចងបួស ១ស្លាបព្រា
អំបិល បន្តិច
ម្រេច ចុងស្លាបព្រាកាហ្វេ
ស្ករស ,ប៊ីចេងបួស
របៀបធ្វើស្នូល៖ លាយគ្រឿងទាំងអស់ ចូលគ្នា អោយសព្វ
រួចយកទៅឆាអោយឆ្អិនល្មម។

របៀបធ្វើនំ៖
១- លុយម្សៅមួយដុំ ហើយសង្កិនអោយសំប៉ែតប៉ុនបាតដៃ។
២- យកស្លាបព្រាចូលស្នូលដែលឆារួចដែលលាយហើយ មួយដុំ មកដាក់ចំកណ្តាល ហើយខ្ចប់មូរគួចមុខវា មួលអោយស្អាត។ បើចង់សំបូរបែប ថែមសាច់ក្រកបួស ប៉ាតេបួស មួយចំណិត នៅក្នុងស្នូល មុននឹងខ្ចប់ជានំ សម្រាប់ចំហុយ។
៣- កាត់ក្រដាសមួយបន្ទះ សម្រាប់ដាក់កល់ពីក្រោមនំ ពេលចំហុយ កុំអោយនំស្អិតជាប់បាតឆ្នាំង។
៤- ចំហុយប្រហែល១៥នាទី ទើបលើកចុះទុកអោយត្រជាក់បន្តិច សឹមទទួលទាន។
៥- នំប៉ាវឆ្អិន អាចទុកក្នុងទូត្រជាក់ បានយូរថ្ងៃ តែត្រូវស្រោបនំ ដោយថង់ប្លាស្ទិក ដើម្បីរក្សាគុណភាព មិនអោយហួតកក លែងឆ្ងាញ់។ ពេលកំដៅ គេអាចយកមកចំហុយសាថ្មី ប្រាំនាទី ឬ ដាក់កំដៅក្នុង microwave មួយនាទី។

14/07/2025

#របៀបធ្វើប័រពងមាន់ សាច់ប័រឈ្ងុយភ្លឺរលោង

គ្រឿងផ្សំ ៖
ពងមាន់ [ក្រហម] ៥គ្រាប់
ស្ករ ៥ស្លាបព្រាបាយ
អំបិល កន្លះស្លាព្រាកាហ្វេ
ម្សៅវ៉ានីឡា ១ស្លាបព្រាកាហ្វេ
ប្រេងឆា ៥០០មីលីលីត្រ [កន្លះលីត្រ]

រូបមន្ដបឋម ៖
ពងមាន់១ ស្ករ១ស្លាបព្រាបាយ ប្រេងឆា១០០មីលីលីត្រ

NOTE HD24

16/07/2025

16/07/2025

16/07/2025

15/07/2025

15/07/2025

15/07/2025

15/07/2025

14/07/2025

14/07/2025

14/07/2025

14/07/2025

14/07/2025

ที่อยู่

เบอร์โทรศัพท์

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท