16/09/2026
ສີລາລຶກທີ່ຂຸດພົບ ທີ່ວັດພູແສງອາລຸນ ສັກສິດ ແຂວງວຽງຈັນ ຫຼື ວັດແສງອາຣຸນ ປັພພະຕາຣາມ ບ້ານ ທ່າລາດ ເມືອງແກ້ວອຸດົມ ແຂວງວຽງຈັນ
ປີ ຄສ 1967 ໄດ້ມີການປັບໜ້າດີນ ພື້ນທີ່ຈອມພູແຫ່ງນີ້ ເພື່ອສ້າງເປັນຄ້າຍທະຫານ, ໄດ້ພົບພຣະພຸດທະຮູບປາງຫ້າມຍາດ ເຮັດດວ້ຍຫີນຊາຍ 1 ອົງ ແລະ ສີລາລຶກໜຶ່ງຫຼັກ ຈາຣຶກດ້ວຍອັກສອນມອນ ເປັນພາສາສັນສະກຣິຕ ໄດ້ຈາຣຶກໄວ້ໃນສັດຕະວັດທີ 6 ເຊິ່ງອ່ານ ແລະແປໂດຍສະຖາບັນພາສາສາດກຸງປາຮີ ປະເທດຝັ່ງເສດ ມີໃຈຄວາມດັ່ງນີ້ :
"ນີ້ແມ່ນກອງການກຸສົນຂອງເຈົ້າວັນນະ ໄດ້ຖວາຍທານວັດກືອາຣາມ ມີຄວາຍຄູ່ໜຶ່ງ ງົວແມ່ຄູ່ໜື່ງ ແລະ ຂ້ອຍວັດຜູ້ຊື່ວ່າ ມັນຊິຕັນຫາ ປະພາ ປັນຍາວິຕີ ແລະ ນາງສາວນາວ"
1. ເຈົ້າວັນນະ ອາດແມ່ນເຈົ້າຜູ້ປົກຄອງ ເມືອງແກ້ວກູ່ປະເຊໄຊ
2. ອາຍຸຂອງສີລາຈາຣຶກ ດົນນານຜ່ານມາແລ້ວ 1400 ກວ່າປີ ແຕ່ທີ່ແປກ ບໍ່ໄດ້ກ່າວເຖິງພຣະພຸດທະຮູບ ແລະ ວັດຖຸບູຮານທີ່ຄົ້ນພົບນັ້ນເລີຍ
3. ໄດ້ພົບລູກແກ້ວ ພ້ອມດວ້ຍວັດຖຸມຸງຄຸນຕ່າງໆ ແລະ ໃບເສມາ 13 ໃບ ໃນວັນທີ 08 ກຸມພາ 2004(ເປັນການພົບວັດຖຸບູຮານຄັ້ງທີ2)
4. ຂ້ອຍ ( ຂ້າທາດ) ທີ່ເຈົ້າວັນນະຖວາຍໄຫ້ວັດ ທັງ 4 ຄົນມີດັ່ງນີ້ : 1 ມັນຊີ ( ແດງ ) 2 .ຕັນຫາປະພາ (ຮູ້ແຈ້ງແຫ່ງຕັນຫາ)3.ປັນຍາວິຕີ(ມີປັນຍາດີ ຜູ້ນີ້ອາເປັນຜູ້ຍິງ) 4. ນາງສາວນາ (ຜູ້ນີ້ຍັງໜຸ່ມນ້ອຍກວ່າໜູ່)
ຈາຣຶກໝາຍເລກ I/33 ສະຕະວັດທີ 6 ຖືກຄົ້ນພົບທີ່ ບ້ານທ່າລາດ ແຂວງວຽງຈັນໃນປີ 1967 ມີຮອຍອັກສອນຖຶກຂຽນໄວ້ ຜ່ານທາງການພິສູດທາງວິຊາການແລ້ວ ສ້າງຂື້ນໃນສະຕະວັດທີ 6 ຂຽນດວ້ຍອັກສອນມອນເປັນພາສາສັນສະກຣິດ ອ່ານໂດຍສະຖາບັນພາສາສາດກຸງປາຮີ ປະເທດຝັ່ງເສດ ໄດ້ຄວາມວ່າ : ນີ້ແມ່ນກອງການກຸສົນຂອງເຈົ້າວັນນະ ໄດ້ຖວາຍທານວັດກືອາຣາມ ມີຄວາຍຄູ່ໜຶ່ງ ງົວແມ່ຄູ່ໜື່ງ ແລະ ຂ້ອຍວັດຜູ້ຊື່ວ່າ ມັນຊິຕັນຫາ ປະພາ ປັນຍາວິຕີ ແລະ ນາງສາວນາວ
ເຖິງວ່າສີລາຈາຣຶກຫຼັກນີ້ ຖືກຂຽນດວ້ຍອັກສອນມອນ ເປັນພາສາສັນສະກຣິດແລະ ຊື່ຂອງຜູ້ຖວາຍເປັນຂ້ອຍວັດ ແປເປັນພາສາສັນສະກຣິດ ມັນຊິ ຕັນຫາ ປະພາ ປັນຍາ ວິຕິ : ກໍ່ບໍ່ເປັນປະເດັນສໍາຄັນໃນເລື່ອງນີ້ ເພາະສິ່ງສໍາຄັນຈາຣຶກຫຼັກນີ້ໄດ້ບອກໃຫ້ຮູ້ແຈ້ງວ່າ : ໄດ້ມີການຖວາຍຄົນໄວ້ເປັນຂ້ອຍວັດສອງຄົນ ຊິ່ງນັ້ນສະແດງວ່າຄົນ (ລາວ )ໃນຂົງເຂດແມ່ນໍ້າຂອງຕອນນີ້ໄດ້ນັບຖືສາດສະໜາພຸດ ແລະ ມີການຖວາຍຄົນໃຫ້ເປັນຂ້ອຍວັດ(ຜູ້ຊ່ອຍດູແລຮັກສາວັດ) ຄົນທີ່ເປັນຂ້ອຍວັດນີ້ ກໍຄົງເປັນຄົນລາວ ນາງສາວນາວ ນັ້ນກໍ່ຄົງຈະແມ່ນຊື່ຂອງແມ່ຍິງລາວ ສວ່ນຊື່ ມັນຊິ ຕັນຫາ ປະພາ ປັນຍາ ວິຕິ ນັ້ນເປັນພາສາສັນສະກຣິດບໍ່ອາດຮູ້ໄດ້ວ່າເປັນເຜົ່າຊົນໃດແຕ່ຄົງເປັນເພດຊາຍ ແລະ ທັງສອງຄົງເປັນຜົວເມຍກັນ.
ເກັບກໍາຂໍ້ມູນ ແລະ ນໍາສະເໜີໂດຍ : ລາວ Temple
#ຝາກຕິດຕາມກະລຸນາກົດLIKE
#ກົດShare ເພື່ອເປັນກຳລັງໃຈຕໍ່ກັນ ແທນທີ່ຈະ copy ຂໍ້ມູນ ເເລະ ຮູບພາບ
#ກົດLIKE #ກົດSHARE
#ນີ້ເເຫຼະບ້ານຂ້ອຍ
#ນິທັດສະການຮູບພາບວັດລາວ
#ປະເທດລາວ
#ປີທ່ອງທ່ຽວລາວ
#ຝາກກົດຕິດຕາມ
#ລາວໂທລະຄົມໂທລະຄົມຂອງຄົນລາວເພື່ອສັງຄົມລາວ
**ຮ່ວມອະນຸລັກ ຮັກສາ ຮີດຄອງ ປະເພນີ ສີລະປະ ວັດທະນະທັມ ພຸດທະສະຖານ ແຫ່ງຄວາມເປັນລາວ ໂດຍ :ບໍລິສັດ ລາວ ໂທລະຄົມມະນາຄົມ ມະຫາຊົນ
