27/07/2025
တရုတ်အဖွားအိုတစ်ဦး သတိမထားမိဘဲ လက်ပစ်ဗုံးကို နှစ်၂၀ကြာ တူအဖြစ်အသုံးပြုခဲ့
ဒီသတင်းဟာ တရုတ်နိုင်ငံက အသက် ၉၀ အရွယ် အမျိုးသမီးကြီးတစ်ဦးအကြောင်းပါ။ သူမဟာ လက်ပစ်ဗုံးတစ်လုံးကို သတိမထားမိဘဲ နှစ်ပေါင်း ၂၀ ကျော်ကြာအောင် သစ်စေ့တွေခွဲဖို့နဲ့ သံမှိုရိုက်ဖို့အတွက် တူအဖြစ် အသုံးပြုခဲ့တယ်လို့ ဆိုပါတယ်။
တရုတ်နိုင်ငံအလယ်ပိုင်း Hubei ပြည်နယ်၊ Xiangyang က Qin အမည်ရှိ အဲဒီအမျိုးသမီးကြီးဟာ Huangbao ခရိုင်ရှိ သူ့ခြံမှာ အလုပ်လုပ်နေတုန်း ထူးခြားတဲ့ "သတ္တုလုံး" တစ်လုံးကို ရှာတွေ့ခဲ့တာပါ။
Qin က “ကျွန်မ အိမ်မှာ ငရုတ်သီးထောင်းတာ၊ သစ်စေ့ခွဲတာ၊ သံမှိုရိုက်တာတွေအတွက် ဒါကို သုံးနေခဲ့တာ” လို့ ပြောခဲ့ပါတယ်။
ဇွန်လ ၂၃ ရက်နေ့မှာ အလုပ်သမားတွေက သိရှိခဲ့ပြီး အာဏာပိုင်တွေကို အကြောင်းကြားခဲ့တဲ့အခါမှာမှ ဒီအဖြစ်အပျက် ပေါ်ပေါက်လာခဲ့တာပါ။
ရဲတပ်ဖွဲ့နဲ့ ဗုံးရှင်းလင်းရေးအဖွဲ့ကို အခင်းဖြစ်ပွားရာကို စေလွှတ်ခဲ့ပြီး လက်ပစ်ဗုံးကို ဘေးအန္တရာယ်ကင်းစွာ သိမ်းဆည်းကာ ဖျက်ဆီးခဲ့ပါတယ်။ အန္တရာယ်ရှိနိုင်ပေမဲ့ သူမနှစ်ပေါင်း နှစ်ဆယ်ကြာ အသုံးပြုခဲ့စဉ်အတွင်း လက်ပစ်ဗုံးဟာ တစ်ခါမှ မပေါက်ကွဲခဲ့တာကြောင့် အွန်လိုင်းအသုံးပြုသူများစွာ အံ့အားသင့်ခဲ့ကြပါတယ်။သူမဟာ နှစ်ပေါင်း ၂၀ ကြာအောင် သေမင်းနဲ့ ကစားနေခဲ့တာဘဲဖြစ်ပါတယ်။
